ﻣﺴﺎﺀ ﺍﻟﺨﻴﺮ
ﺧﻴﻮﻁ ﺍﻟﺰﻣﻦ
ﺑﻘﻠﻢ ﺭﻓﻞ ﺍﻟﻜﻨﺎﻧﻲ ✍✍✍
،،،،،،،،،،،،،،،،،،،،،
ﻵﺑﺪ ﻳﺮﺩﻭﻥ ﺑﺂﭼﺮ
ﺳﻮﻱ ﻧﻔﺴﻚ ﻣﺂ ﺷﻔﺘﻬﻢ
ﺑﺂﻟﻚ ﻳﺤﺴﻮﻥ ﺁﻧﺖَ ﺗﺬﻛﺮﺗﻬﻢ
ﺁﺛﮕﻞ ﺷﻮﻳﻪ ﻳـ ﮔﻠﺒﻲ ..
ﻣﺮﻩ ﺧﻠﻴﻬﻢ ﻣﺤﻄﺔ ﻭﺁﻧﺖَ ﺳﺂﻓﺮ
ﺁﻧﺖَ ﻭﺍﻟﺪﺧﺂﻥ ﻭﺻﺒﺮﻙ ﻭﺍﻟﻤﻄﺮ
ﺁﺩﺭﻱ ﺑﻴﻚ ﺗﺮﻳﺪ ﺗﺒﺠﻲ
ﺁﺑﺠﻲ ﻭﺣﺪﻙ ﺁﻧﻪ ﺳﺂﻛﺖ
،،،،،،،،،،،،،،،،،،،،،،،،،
ﻭﻳﻦ ﺗﻮﺻﻞ ؟
ﻟﻠﻔﻀﻞ
ﻭﺍﻟﻬﺚ ﺍﺗﻠﻔﺖ ﺍﺑﺎﻭﻉ ﻣﻦ ﺍﻟﺠﺎﻣﻪ ﻭﺍﻓﺮﻙ ﺑﻴﺪﻱ ﻭﺍﺭﺩ ﺍﻛﻤﺶ ﺑﻨﻄﺮﻭﻧﻲ ﻟﻤﺒﻞ ﻭﺍﻧﺘﺒﻪ
ﺍﻟﺴﺎﻳﻖ ﻳﻌﺎﻳﻨﻠﻲ ﻣﺪﺭﻱ ﺷﻠﻮﻥ
ﺑﻠﻌﺖ ﺭﻳﻚ ﻭﺧﺰﺭﺗﻪ
ﺟﺮ ﻧﻔﺲ ﻭﺩﺍﺭ ﻋﻴﻨﻪ ﺑﺲ ﻣﺒﻄﻞ ﻛﻞ ﺷﻮﻳﻪ ﻭﺍﻟﻜﻪ ﻋﻴﻨﻲ ﺑﻌﻴﻨﻪ ﻛﻠﺒﻲ ﻟﻌﺐ
ﺍﻳﺪﻱ ﺻﺎﺭﺕ ﻋﻠﻰ ﻳﺪﻩ ﺍﻟﺒﺎﺏ ﻭﻛﻠﺒﻲ ﻳﻄﺐ ﺳﺮﻳﻊ ﻗﺮﺭﺕ ﺍﻓﺘﺤﻪ ﻭﺍﺟﻴﺖ
ﺣﺲ ﺑﻴﺎ ﻭﺣﺴﻴﺖ ﺑﻲ ﺍﺳﺮﻉ ﻛﺒﻞ ﻭﺑﺤﺮﻛﻪ ﺳﺮﻳﻌﻪ ﻓﻜﻴﺖ ﺍﻟﺒﺎﺏ ﻭﺫﺑﻴﺖ ﺯﺭﻭﻙ
ﺗﻜﺴﺮﺕ ﻭﺍﻟﻌﺼﻒ ﺫﺑﻨﻲ ﻋﻠﻰ ﺭﺻﻴﻒ ﻭﺍﺑﺎﻭﻋﻠﻪ ﺩﺍﻳﺮ ﺭﻭﺣﻪ ﻳﺒﺎﻭﻉ ﻟﻴﻮﺭﻩ ﺧﻔﻒ ﻗﺒﻞ ﻣﻴﻮﻣﻜﻒ ﻭﺻﻮﺍﺑﻲ ﺣﺎﺭ ﺑﻌﺪﻩ ﻣﺎﺣﺲ ﺑﻲ ﻛﻤﺖ ﻭﺭﻛﻀﺖ
ﺿﻠﻴﺖ ﺍﺭﻛﺾ ﺍﺭﻛﺾ ﺑﻼ ﻣﺎﺍﻟﺘﻔﺖ ﻭﺩﻣﻮﻋﻲ ﺗﺠﺮﻱ
ﺑﻼ ﻣﺎﺣﺲ
ﻫﻴﺞ ﺍﻧﻲ ﺍﻟﻤﺼﺎﻳﺐ ﺗﺮﻛﺾ ﻭﺭﺍﻳﻪ
ﻣﻦ ﺫﺑﻪ ﺍﻫﻠﻲ ﺇﻟﻰ ﺍﻟﻤﻴﺘﻢ ﻭﺍﻟﺴﺠﻦ ﻭﺍﻻﺣﺪﺍﺙ ﻭﺍﻟﺸﺎﺭﻉ ﻭﻫﺴﻪ ﻫﻢ ﻟﺒﺴﺖ ﺭﻭﺣﻲ ﺟﺮﻳﻤﻪ
ﺻﺒﺎﺭ ﻋﺎﺵ ﻣﺎﺕ ﻣﺎﺩﺭﻱ
ﺗﻌﺒﺖ ﻭﺣﻴﻠﻲ ﻧﻬﺪ
ﻛﻌﺪﺕ ﻭﺍﺑﺎﻭﻉ ﺍﻻﻳﺪﻱ ﻣﻜﺮﺩﺣﻪ ﺗﺠﺮﻱ ﺩﻡ ﻫﺪﻭﻣﻲ ﻣﻄﻴﻨﺎ ﻛﻤﺖ ﺍﻧﻔﺾ ﺑﻴﻪ ﺻﺤﺖ ﺍﺍﺍﺍﺍﺥ ﻣﻦ ﺍﻟﻮﺟﻊ
ﺑﻄﻠﺖ ﻭﻛﻌﺪﺕ ﺍﻳﺪﻱ ﻋﻠﻰ ﺭﺍﺳﻲ ﺍﻟﺒﻴﻪ ﻣﻨﻮ ﺳﺒﺒﻪ ﻣﻨﻮ ﺻﻮﺟﻪ
ﺯﻳﻦ ﺍﺫﺍ ﻣﻴﺮﺩﻭﻧﻲ ﻟﻴﺶ ﺧﻠﻔﻮﻧﻲ ﻟﻠﺸﺎﺭﻉ ﺣﺘﻰ ﻳﻨﻬﺶ ﺑﻠﺤﻤﻲ
ﺃﺭﺟﻌﻠﻬﻢ؟
ﻭﺍﺫﺍ ﻣﻌﺮﻓﻮﻧﻲ
ﻭﺍﺫﺍ ﺟﺬﺑﻮﻧﻲ
ﻭﺍﺫﺍ ﻣﻌﺘﺮﻓﻮ ﺑﻴﻪ
ﺷﺴﻮﻱ ﺍﻗﺘﻠﻬﻢ ؟
ﻭﻫﻢ ﺍﺭﺗﻜﺐ ﺟﺮﻳﻤﻪ
ﺯﻳﻦ ﻟﻴﻮﻳﻦ ﺍﺿﻞ ﻫﻴﺞ
ﻟﻠﺼﺒﺢ ﻋﻠﻰ ﻛﻌﺪﻩ ﻭﺣﺪﻩ ﺑﻤﻜﺎﻥ ﻣﺎﻋﺮﻓﻪ ﺍﺻﻼ
ﺑﺪﺍ ﻳﻜﺸﻒ ﺍﻟﺠﻮ ﺍﻟﻨﺎﺱ ﺻﺎﺭﺕ ﺗﻤﺸﻲ
ﻭﻛﻤﺖ ﺍﺷﻮﻑ ﺍﻟﻠﻪ ﻭﻳﻦ ﺫﺍﺑﻨﻲ ﺍﻧﻮﺏ
ﺍﻣﺸﻲ ﺍﻣﺸﻲ ﻣﺎﺍﺣﺲ ﺑﺮﻭﺣﻲ ﻻﺑﻠﺤﻮﺍﻟﻴﻪ ﺷﺒﻴﻪ ﺣﺘﻰ ﻣﺎﺧﺎﻑ ﺑﻠﻪ ﻟﺰﻣﻮﻧﻲ
ﻭﻛﻔﺖ
ﺻﺒﺮ ﻛﺎﻓﻲ ﺭﻋﻮﻧﻴﺎ ﻋﺎﺩ ﺍﻭﻋﻲ ﻭﺍﻛﻌﺪﻱ ﻓﻜﺮﻱ ﺷﺮﺍﺡ ﺗﺴﻮﻳﻦ ﻭﻳﻦ ﺗﺮﻭﺣﻴﻦ
ﺟﺎﻱ ﻳﺎﺑﻪ ﺟﺎﻱ
ﺷﻠﺖ ﺭﺍﺳﻲ ﻭﻟﺪ ﺑﻜﺪﻱ ﻳﺒﻴﻊ ﺟﺎﻱ ﻛﺘﻠﻪ ﻻ ﻭﺳﺌﻠﺘﻪ
ﺭﺣﻤﻪ ﻟﻮﺍﺩﻳﻚ ﺟﺎﻱ ﺑﺸﻐﻠﻪ ﻭﺗﻴﻬﺖ ﻭﻳﻦ ﺍﻧﻲ ﻫﺴﻪ ﻫﺎﻱ ﻳﺎ ﻣﻨﻄﻘﻪ
ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﻛﺎﻝ
ﺑﻠﺸﻌﻠﻪ
ﻳﻌﻨﻲ ﻗﺮﻳﺒﻪ ﻋﻠﻰ ﻛﺎﺿﻤﻴﻪ
ﺍﻧﺖ ﻣﻨﻴﻦ ﻣﺤﺎﻓﻀﺎﺕ ﻣﻮ
ﻫﺰﻳﺖ ﺭﺍﺳﻲ ﻭﻛﺎﻝ ﺍﻱ ﺣﻴﻞ ﻗﺮﻳﺒﻪ ﺣﺴﺒﻪ ﻋﺸﺮ ﺩﻗﺎﻳﻖ
ﺗﺸﻜﺮﺗﻪ ﻭﻛﻠﺖ ﻫﺎﻱ ﺣﻴﻞ ﻗﺮﻳﺒﻪ ﻻﺯﻡ ﻣﺎﺍﺑﻘﻰ ﻫﻨﺎ ﺧﺎﻑ ﻳﻠﺰﻣﻮﻧﻲ
ﺩﺭﺕ ﻭﺟﻬﻲ ﻓﺮﻳﺖ ﺍﻟﻤﻜﺎﻥ ﺻﺎﺭﺕ ﻛﻬﻮﻩ ﻛﺒﺎﻟﻲ ﻣﺸﻴﺖ ﻓﺘﺖ ﺑﻴﻪ ﻏﺴﻠﺖ ﺑﻴﻪ ﻣﺮﺍﻳﻪ ﻭﺃﺑﺎﻭﻉ ﺍﻟﺮﻭﺣﻲ
ﻗﻄﺮﻩ ﺩﻡ ﻣﺎﻛﻮ ﺑﻮﺟﻬﻲ ﻣﺼﻮﻓﺮ
ﻧﻔﻀﺖ ﻣﻼﺑﺴﻲ ﺍﻟﺪﻡ ﺍﻟﻴﺎﺑﺲ ﻣﺴﺤﺘﻪ ﻣﺎﺣﺲ ﺑﻮﺟﻌﻪ ﻭﺟﻊ ﻛﻠﺒﻲ ﺍﻛﺜﺮ
ﺧﻠﻴﺖ ﻭﻃﻠﻌﺖ
ﻓﻮﺭﺗﺎﺕ ﺻﻌﺪﺕ ﻟﻠﻤﻘﺎﻟﻊ ﻣﺎﺍﺟﻪ ﺍﺣﺪ ﺑﺎﻟﻲ ﻏﻴﺮ ﺑﻴﺖ ﻋﻤﻮ ﻋﺎﺭﻑ
ﻭﺻﻠﺘﻬﻢ ﻣﻨﻄﻘﻪ ﻻﺩﺍﻥ ﻭﻻﻭﺩﺍﻥ ﺍﺍﻣﻦ ﻣﻜﺎﻥ ﺍﺑﻘﻰ ﺑﻲ ﻟﺤﺪ ﻣﺘﻤﻮﺕ ﺍﻟﺴﺎﻟﻔﻪ
ﺧﺎﻟﻪ ﺭﺑﺎﺡ ﻛﻴﻔﺖ ﻭﻃﺎﺭﺕ ﺑﻴﺎ ﺑﺲ ﻋﻤﻮ ﻋﺎﺭﻑ ﻛﻠﺐ ﻭﺟﻪ ﻭﻳﺮﺟﻊ ﻣﺪﺭﻱ ﺷﻠﻮﻥ ﻳﺒﺎﻭﻋﻠﻲ ﻛﻠﺖ ﺍﺗﺤﻤﻠﻪ ﺍﻫﻮﻥ ﻣﻦ ﺿﻴﻢ ﺍﻟﺸﺎﺭﻉ
ﻭﺍﺳﻤﻌﻪ ﻳﺪﺭﺩﻡ ﻳﻜﻮﻝ ﺍﻟﻤﺮﺗﻪ
ﻫﺎﻱ ﻣﺴﺘﺮﺟﻠﻪ ﺑﺎﻋﻲ ﺷﻜﻠﻪ
ﻭﺗﺮﺩﻩ ﺍﻟﻠﻪ ﻳﺨﻠﻴﻚ ﺍﺭﺣﻢ ﻣﻦ ﻓﻲ ﺍﻻﺭﺽ ﻳﺮﺣﻤﻚ ﻣﻦ ﻓﻲ ﺍﻟﺴﻤﺎﺀ ﻋﺎﺭﻑ
ﻭﻳﺴﻜﺖ
ﻣﺤﺠﻴﺖ
ﺗﺴﺌﻞ ﺧﺎﻟﻪ ﻟﻴﺶ ﻫﻴﺞ ﻻﺑﺴﻪ ﻟﻴﺶ ﻫﻴﺞ ﻣﺰﻳﻨﻪ ﻭﺍﻧﺼﻲ ﺭﺍﺳﻲ
ﻭﺗﺮﺩ ﺩﻛﻮﻝ ﻭﻳﻦ ﻛﺎﻋﺪﻩ ﻟﻌﺪ
ﺍﻛﻠﻪ ﺑﻠﺸﺎﺭﻉ ﺗﺼﻔﻦ
ﻭﺍﻻﻣﺎﻡ
ﻋﻔﺘﻪ
ﺑﻤﻠﻞ ﺍﺟﺎﻭﺏ ﺣﺪﻣﺎ ﺣﺴﺖ ﺑﻴﺎ ﻣﺘﺮﺭﺩﻩ ﺍﺣﺠﻲ ﻋﺎﻓﺘﻨﻲ
ﺷﻜﻮﻝ ﻭﺷﺤﺠﻲ ﺍﻟﺒﻴﻪ ﻣﻴﺘﺴﻮﻟﻒ
ﺷﺎﺭﻉ
ﻭﺗﺸﺮﺩ
ﻭﻧﺎﺱ ﺑﺲ ﻋﺮﻓﻮ ﺑﻴﺎ ﺑﻨﻴﻪ ﺳﺘﻐﻠﻮﻧﻲ ﻭﺟﺮﻳﻤﻪ ﻣﺴﻮﻳﻪ ﺷﺴﻮﻟﻒ ﻋﻠﻰ ﺭﻭﺣﻲ ﻭﺍﺧﻮﻑ ﺍﻟﻌﺎﻟﻢ
ﻳﻮﻣﻴﻦ ﺑﻴﺖ ﻋﻤﻮ ﻋﺎﺭﻑ ﺭﻏﻢ ﺑﺴﺎﻃﻪ ﺍﻟﻤﻜﺎﻥ ﻣﺮﺗﺎﺣﻪ
ﺩﻓﻮ
ﻭﻣﺎﻛﻮ ﻫﻮﺳﻪ
ﺻﺒﺢ ﻣﻦ ﻃﻠﻌﻮ ﻛﻤﺖ ﻏﺴﻠﺖ ﻣﻼﺑﺴﻲ ﻭﺷﻔﺖ ﺩﺷﺎﺷﻪ ﺧﺎﻟﻪ ﺭﺑﺎﺡ ﻣﻜﺘﺮﻩ ﺟﺮﻳﺘﻪ ﻭﻟﺒﺴﺘﻪ ﻣﻤﺘﻌﻠﻤﻪ ﺍﺣﺲ ﺭﻭﺣﻲ ﺑﻴﻪ ﺧﺒﻠﻪ
ﻋﺮﻳﻀﻪ ﻭﺍﺗﻠﻤﺲ ﺑﻮﺟﻬﻲ
ﻳﺎﺭﺑﻲ ﺍﻧﻲ ﻫﻢ ﺑﻨﻴﻪ ﺣﺎﻟﻲ ﺣﺎﻝ ﺍﻟﺒﻨﺎﺕ
ﺷﺘﺎ ﺍﻟﺠﻮ ﺭﻃﺐ ﻭﻫﺪﻭﻣﻲ ﻣﺎﻧﺸﻔﻦ ﻭﻻﺑﻴﻪ ﺍﻛﻮﻡ ﺍﺳﺘﺤﻲ ﻣﻦ ﺷﻜﻠﻲ ﻭﻣﻦ ﻏﻴﺮ ﺷﻲ ﻧﻀﺮﺍﺕ ﻋﻤﻮ ﻋﺎﺭﻑ ﺗﺬﺑﺢ
ﺫﻝ
ﺑﻘﻴﺖ ﺑﻤﻜﺎﻧﻲ ﻣﺘﻠﻔﻠﻔﻪ ﻭﻛﺎﻋﺪﻩ
ﻟﺜﺎﻧﻲ ﻳﻮﻡ ﺍﻟﻮﺟﻮﻩ ﺛﻜﻠﺖ ﺣﻴﻞ ﻭﻣﻨﺪﺍﺳﻬﻢ ﺗﺮﺱ ﺍﺫﻧﻲ ﻭﺗﻼﻏﻮ ﺧﺎﻟﻪ ﻣﺘﺮﺿﻪ ﻋﻠﻴﻪ ﻭﻫﻮﻩ ﻳﺪﺭﻭﻡ
ﻃﻠﻌﻮ ﻭﻃﻠﻌﺖ ﻭﺭﺍﻫﻢ ﻟﺒﺴﺖ ﻫﺪﻣﻲ ﺭﻃﺒﻪ ﻭﻣﺸﻴﺖ
ﻟﻨﺺ ﺍﻟﻤﻘﻠﻊ ﻭﻛﻔﺖ ﺍﻳﺪﻱ ﺑﺠﻴﻮﺑﻲ ﺍﻟﻤﻜﺎﻥ ﻳﺨﻨﻚ
ﺷﺸﻮﻑ ﺍﻧﻲ ﺑﻌﺪ ﺷﺸﻮﻑ
ﺭﻓﻌﺖ ﺭﺍﺳﻲ ﺑﻬﺎﻱ ﺍﻟﻬﻴﻤﻪ ﺻﺤﺖ ﻳﺎﺍﻟﻠﻪ ﻛﻞ ﻗﻮﺗﻲ ﺍﺣﺲ ﺻﻮﺗﻲ ﻧﺒﺢ ﻭﻛﻌﺪﺕ ﻋﺎﺟﺰﻩ
ﻭﻳﻦ ﺍﺭﻭﺡ ﻭﻳﻦ ﺍﻭﻟﻲ ﻭﻳﻦ ﺍﻧﻄﻲ ﻭﺟﻬﻲ ﻭﺭﻓﻌﺖ ﺭﺍﺳﻲ ﺍﺭﺗﻌﺶ ﻭﺍﺳﺐ ﺑﻴﻬﻢ
ﺍﺭﻭﺣﻠﻬﻢ ﻭﺍﻧﻌﻞ ﻭﺍﻟﺪﻳﻬﻢ ﺍﻓﻀﺤﻬﻢ ﻭﺍﻓﻮﺕ ﺑﻌﻴﻨﻬﻢ
ﺑﻨﺘﻬﻢ ﺍﻧﻲ ﺑﻨﺘﻬﻢ ﻭﻏﺼﺒﺎ ﻋﻨﻬﻢ
ﺗﻠﻤﺴﺖ ﺟﻴﺒﻮﺑﻲ ﻓﻠﻮﺱ ﺍﻟﻌﻼﻟﻴﻚ ﺗﻼﻓﻴﺲ ﺿﻠﺖ ﻣﻴﻮﺻﻠﻨﻲ ﻳﻤﻜﻦ ﻭﺭﺟﻌﺖ ﺍﺗﻮﺳﻞ ﺑﻠﺴﻴﺎﺭﺍﺕ ﻳﺎﺍﻣﻦ ﻳﻮﺻﻠﻨﻲ ﺑﺎﻟﻒ ﻳﺎﻟﻠﻪ ﻭﺻﻠﺖ ﻭﻓﺘﺖ ﺷﻌﻮﺭﻱ ﻏﻴﺮ ﻋﻦ ﺩﺧﻮﻟﻲ ﺍﻭﻝ ﻣﺮﻩ
ﻛﺒﻞ ﺟﺎﻥ ﺧﻮﻑ ﻭﻗﻠﻖ ﻭﺭﻋﺐ ﻫﺴﻪ ﺣﻘﺪ ﻭﻛﺮﻩ
ﻟﺤﺪ ﺑﺎﺑﻬﻢ ﻭﺻﻠﺖ ﺑﻼﺣﺴﺎﺱ ﺩﻛﻴﺘﻪ ﻭﻻﺍﺭﺍﺩﻳﺎ ﺻﺮﺕ ﺍﺭﺗﻌﺶ
ﺟﻦ ﺣﻴﺖ ﻭﺟﻦ ﺣﻴﺎ ﺣﺴﺎﺳﻲ ﻭﺍﺩﻙ ﺑﻠﺒﺎﺏ ﻭﺍﻗﻮﻱ ﺑﺮﻭﺣﻲ
ﻻﺗﺒﺠﻴﻦ ﻭﻻﺗﺘﻮﺳﻠﻴﻦ ﻏﺮﺑﻪ ﻏﺮﺑﻪ ﺗﻼﻛﻮ ﻭﺷﻮﻓﻲ ﺭﺩﺕ ﻓﻌﻠﻬﻢ
ﻭﻛﻌﺖ ﺍﻳﺪﻱ ﻭﻣﺤﺪ ﻓﺘﺢ ﺍﻟﺮﺍﻳﺢ ﻭﺍﻟﺠﺎﻱ ﻳﺒﺎﻭﻋﻠﻲ ﺗﺎﻟﻲ ﺟﻬﺎﻝ ﻟﻴﻐﺎﺩ ﻳﻠﻌﺒﻮﻥ
ﻛﺎﻟﻮ ﻣﻤﻮﺟﻮﺩﻳﻦ
ﻛﻌﺪﺕ ﺣﻴﻠﻲ ﻣﻬﺪﺩﻭ ﻫﺬﺍ ﻫﻢ ﺣﻀﻲ
ﺳﺌﻠﺖ ﻭﻳﻦ ﻣﺘﻌﺮﻓﻮﻥ ﻛﺎﻟﻮ ﺳﺌﻠﻲ ﻋﻠﻴﻬﻢ ﺑﻠﻜﻬﻮﻩ
ﺭﺣﺖ ﻛﻌﺪﺕ ﻭﺟﻪ ﻏﺮﻳﺐ ﺍﻟﻜﻞ ﻳﺒﺎﻭﻋﻠﻲ ﺑﺴﺘﻐﺮﺍﺏ
ﺗﻘﺮﺏ ﻳﻤﻲ ﺍﺑﻮ ﺍﻟﻜﻬﻮﻩ ﻛﺎﻝ
ﺧﻄﺎﺭ
ﺍﻱ ﻋﻤﻲ
ﺍﻟﻤﻦ ﺟﺎﻱ
ﺳﻜﺘﺖ ﺻﺎﻓﻨﻪ ﺑﻮﺟﻪ
ﻫﺰ ﺭﺍﺳﻪ
ﺷﻨﻮ؟
ﺭﺗﺒﻜﺖ ﺍﺑﻠﻊ ﺑﺮﻳﻜﻲ ﺑﺮﺗﺒﺎﻙ ﺭﺩﻳﺖ ﻣﺌﺸﺮﻩ ﻧﺎﺣﻴﻪ ﺍﻟﺪﺭﺑﻮﻧﻪ
ﻟﺒﻴﺖ ﻋﻤﺎﺩ ﻭﻣﻬﺪﻱ
ﺻﻔﻦ ﺑﺎﻭﻋﻠﻲ ﻭﻳﻔﺮﻙ ﺑﻮﺟﻪ
ﺟﺮ ﻋﻴﻨﻪ ﻳﻜﻠﻲ ﺟﺎﻱ ﻟﻮ ﺣﺎﻣﺾ
ﻛﻮﻩ ﻃﻠﻌﺖ ﻣﻨﻲ ﻛﻠﻤﻪ ﺟﺎﻱ
ﻭﺻﺎﺡ ﺟﺎﺍﺍﺍﺍﺍﻱ ﻛﻞ ﺣﺴﻪ ﻓﺰﺯﻧﻲ ﻭﻧﺼﻴﺖ ﺭﺍﺳﻲ
ﻣﺮﺗﺎﺣﻠﻲ ﻳﺒﻴﻦ
ﻃﻮﻝ ﺍﻟﻨﻬﺎﺭ ﺿﻠﻴﺖ ﺭﺍﻳﺢ ﺟﺎﻱ ﺍﻟﺒﺎﺑﻬﻢ ﺍﺩﻛﻪ ﻭﻣﺎﻛﻮﻭ ﺍﺣﺪ ﻭﺍﺭﺟﻊ ﺍﻛﻌﺪ ﺑﻠﻜﻬﻮﻩ
ﻭﺻﺤﺎﺏ ﺍﻟﻜﻬﻮﻩ ﻣﻨﺰﻟﺖ ﻋﻴﻨﻪ ﻣﻨﻲ
ﻟﻠﻴﻞ ﻭﺣﺘﺮﺕ ﻭﻳﻦ ﺭﺍﺡ ﺍﺭﻭﺡ ﺍﻟﻜﻬﻮﻩ ﺩﺗﻌﺰﻝ ﻭﺍﻟﺮﺟﺎﻝ ﺑﻌﻴﻮﻧﻪ ﻳﻜﻠﻲ ﺷﺴﺎﻟﻔﺘﺞ
ﻭﻛﻔﺖ ﺗﻘﺮﺑﺖ ﻣﻨﻪ ﻧﺼﻰ ﻳﻔﺮ ﺑﺴﺒﺤﻪ ﺗﺤﻤﺤﻤﺖ ﻭﻛﺘﻠﻪ
ﻋﻤﻲ ﺛﻜﻠﺖ ﻋﻠﻴﻜﻢ ﻭﺍﺑﺎﻭﻋﻠﻚ ﻋﻴﻨﻚ ﻣﻨﻲ ﺑﺲ ﻭﺍﻟﻠﻪ ﻣﺎﻋﻨﺪﻱ ﺷﻲ ﺍﻧﻲ ﺟﺎﻱ ﻟﺒﻴﺖ ﺍﻟﻮﻟﺪ ﻣﻬﺪﻱ ﻭﻋﻤﺎﺩ ﺷﻐﻠﻪ ﻭﻳﺎﻫﻢ ﻋﻨﺪﻱ ﻭﻣﺎﻟﻜﻴﺘﻬﻢ ﻭﺍﻧﻲ ﻣﺤﺎﻓﻀﺎﺕ ﻣﺎﺑﻴﻪ ﺍﺭﺟﻊ ﻫﻞ ﺿﻠﻴﺖ ﺍﻧﺘﻀﺮﻫﻢ ﻻﺍﻛﺜﺮ ﻭﻻﺍﻗﻞ
ﻭﻛﻒ ﺟﺮ ﻧﻔﺲ ﺑﺮﺍﺣﻪ ﻣﻼﻣﺤﻪ ﺭﺧﺖ
ﻛﺎﻝ
ﺷﺴﻤﻚ ﻳﺎﺑﻪ
ﺑﺮﺗﺒﺎﻙ ﺭﺩﻳﺖ ﺍﻣﺘﻤﺖ
ﺹ ﺻﺒﺮﻱ ﺍﺳﻤﻲ
ﺑﺘﺴﻢ
ﻟﻴﺶ ﻣﺎﻛﻠﺖ ﻟﻌﺪ ﻟﻮﻛﺎﻳﻞ ﺿﻴﻒ ﻋﻠﻰ ﺭﺍﺳﻨﻪ ﻧﺨﻠﻴﻚ ﺑﺲ ﺍﻧﺖ ﺳﺎﻛﺖ ﻭﺍﻟﻮﺿﻌﻴﻪ ﺗﺨﻮﻑ ﻟﻬﺬﺍ ﻣﺮﺗﺎﺣﻴﺘﻠﻚ ﻭﻛﻠﺒﻲ ﻟﻌﺐ ﻣﻨﻚ ﺑﺲ ﻭﺍﻟﻠﻪ ﻫﺴﻰ ﺧﺠﻠﺘﻨﻲ ﻳﻌﻨﻲ ﻻﺿﻴﻔﻨﺎﻙ ﻻﺭﺗﺎﺣﻴﺖ ﻫﺎﻱ ﻣﺤﺴﻮﺑﻪ ﻭﺣﺪﻩ ﻭﻳﻪ ﺍﻫﻞ ﺑﻐﺪﺍﺩ ﺍﻱ ﻳﺎ ﻋﻤﻲ ﻏﻴﺮ ﺩﻛﻮﻝ
ﺣﻘﻚ ﻭﺍﻟﻠﻪ ﺍﻧﻲ ﺍﻋﺘﺬﺭ ﺍﻣﺴﺤﻪ ﺑﻮﺟﻬﻲ ﻭﻫﺴﻪ ﻣﻦ ﺭﺧﺼﺘﻚ ﺍﻧﻲ ﺑﺲ ﺭﺩﺕ ﺍﻃﻤﻨﻚ
ﻭﻳﻦ ﻭﻳﻦ ﺗﺮﻭﺡ ﻋﻨﺪﻙ ﺍﺣﺪ
ﺳﻜﺘﺖ
ﻭﺟﺮ ﺍﻳﺪﻱ ﻛﺒﻞ ﺟﺮﻳﺘﻪ ﻭﻳﺒﺎﻭﻋﻠﻲ ﻣﺴﺘﻐﺮﺏ ﺭﻓﻌﺘﻪ ﺍﺣﻚ ﻃﺮﻑ ﺍﺫﻧﻲ ﻭﺍﻛﻠﻪ ﺍﺗﺮﺧﺺ ﻋﻤﻲ ﻭﻳﺤﻠﻒ ﺑﻴﺎ ﻭﻳﻦ ﺗﺮﻭﺡ ﻭﻳﻦ ﺗﻨﺎﻡ
ﻛﺘﻠﻪ ﺍﺩﺑﺮ ﺭﻭﺣﻲ ﻭﺗﻮﺳﻞ ﺍﻣﺸﻲ ﻭﻳﺎﻱ ﻟﻠﺒﻴﺖ ﺭﻓﻀﺖ ﺗﺨﺒﻞ
ﻫﻴﺞ ﻧﺨﻮﻩ ﻭﻫﻴﺞ ﺷﻬﺎﻣﻪ ﻭﻛﺮﻡ ﻋﻨﺪﻩ
ﺳﺎﻋﻪ ﻭﻫﻮﻩ ﻳﺘﻮﺳﻞ ﺑﻴﻪ ﺍﺑﺪ ﻣﻘﺒﻠﺖ ﺗﺎﻟﻲ ﻛﺎﻝ ﺗﺒﺎﺕ ﻟﻌﺪ ﺑﻠﺘﻜﻴﻪ ﻫﻴﻪ ﺗﻀﻴﻒ ﻛﻞ ﺍﻟﻌﺎﻟﻢ
ﺑﻠﻬﻔﻪ ﻛﺘﻠﻪ ﺍﻳﻦ ﻭﻳﻦ ﺻﺎﻳﺮﻩ ﻛﺎﻝ ﺍﻣﺸﻲ ﺍﺩﻟﻴﻚ ﻗﻔﻞ ﻭﻃﻠﻌﻨﺎ
ﻟﻠﺘﻜﻴﻪ ﻭﺻﻠﻨﻲ ﻭﺳﻠﻢ ﻭﺭﺍﺡ ﻓﺘﺖ ﻛﻌﺪﺕ
ﻭﺍﺗﺬﻛﺮ ﺷﺠﻦ ﻭﺳﻮﺍﻟﻔﻪ ﻋﻠﻴﻪ ﻭﺍﺣﻦ ﻭﺍﺷﺘﺎﻕ ﺍﻟﻪ ﺷﺤﺎﻟﻪ ﻫﺴﻪ ﺷﻠﻮﻥ ﻋﺎﻳﺸﻪ ﻭﺍﻋﻴﻦ ﺍﻟﺮﻭﺣﻲ ﻭﺍﻧﻲ ﺷﻠﻮﻥ
ﺍﻧﻲ ﺍﻟﻲ ﺍﺻﺒﺢ ﺑﻤﻜﺎﻥ ﻭﻣﺎﺩﺭﻱ ﻭﻳﻦ ﺍﻣﺴﻲ
ﺍﻧﻲ ﺍﻟﻲ ﻭﻋﺪﺕ ﺭﻭﺣﻲ ﺍﺳﻮﻱ ﻭﺍﺳﻮﻱ ﻭﻛﻠﺸﻲ ﻣﺴﻮﻳﺖ
ﻧﺎﺱ ﻫﻮﺍﻱ ﻣﺒﻄﺤﻪ ﺑﻠﺘﻜﻴﻪ
ﺣﺘﻰ ﺑﻴﻬﻢ ﻣﻮ ﻋﺮﺍﻗﻴﻦ ﻣﻦ ﺷﻜﻮﻟﻬﻢ ﻣﺒﻴﻨﻪ
ﺳﺘﺴﻠﻤﺖ ﻣﻦ ﺍﻟﺘﻌﺐ ﻟﻠﻨﻮﻡ ﻭﻓﺰﺯﻧﻲ ﺻﻮﺕ ﺍﻷﺫﺍﻥ ﻛﻌﺪﺕ ﻣﻬﺒﻮﻃﻪ ﻛﻠﺒﻲ ﻳﻄﺐ ﺻﻮﺕ ﺍﻟﺴﻤﺎﻋﻪ ﻋﺎﻟﻲ ﻭﺟﻬﻲ ﻋﺮﻛﺎﻥ ﺣﻠﻤﺎﻧﻪ ﺟﻨﺖ ﺍﺭﻛﺾ ﻣﻬﺰﻭﻣﻪ
ﺍﻭﻭﻭﻳﻠﻲ ﻋﻠﻴﻪ ﺣﺘﻰ ﺑﻨﻮﻣﻲ ﺍﺭﻛﺾ ﺑﻠﻪ ﻟﺸﻮﻛﺖ
ﻭﺭﻩ ﺍﻻﺫﺍﻥ ﻣﺎﻛﻮ ﻧﻮﻡ ﺍﻟﻲ ﺻﻠﻪ ﻭﺍﻟﻲ ﻃﻠﻊ ﻭﺍﻧﻲ ﻛﺎﻋﺪ
ﺍﻟﺼﺒﺢ ﻭﺯﻋﻮ ﺻﻤﻮﻧﻪ ﺑﻨﺼﻪ ﺑﻴﻀﻪ ﺳﻠﻚ ﺍﻛﻠﺖ ﻭﻃﻠﻌﺖ
ﻫﻢ ﺭﺟﻌﺖ ﻟﻠﺒﻴﺖ ﻭﻛﻮﻣﻪ ﺩﻛﻴﺖ ﺍﻟﺒﺎﺏ ﻣﺎﻛﻮ ﺍﺣﺪ ﺭﺣﺖ ﻟﻠﻜﻬﻮﻩ ﺑﺲ ﺷﺎﻓﻨﻲ ﺻﺎﺣﺒﻪ ﻭﻛﻒ ﻣﻦ ﺑﻌﻴﺪ ﻳﻬﻠﻲ ﺑﻴﻪ ﻭﺭﻛﺾ ﺟﺎﺑﻠﻲ ﺟﺎﻱ ﻛﻌﺪﺕ ﻣﺮﺗﺎﺣﻪ ﺷﻮﻳﻪ ﺍﻫﻮﻥ ﻣﻦ ﺍﻟﺒﺎﺭﺣﻪ
ﻳﻮﻣﻴﻦ ﻋﻠﻰ ﻫﺬﺍ ﺍﻟﺤﺎﻝ
ﺑﻠﻴﻞ ﺑﻠﺘﻜﻴﻪ ﺍﻧﺎﻡ ﻭﺍﻟﻨﻬﺎﺭ ﺍﻛﻀﻲ ﺑﻠﻜﻬﻮﻩ ﺑﻴﺖ ﺑﻴﺖ ﻋﺮﻓﺖ ﺑﻠﺪﺭﺑﻮﻧﻪ ﻭﻣﺮﻛﺰﻩ ﺃﺭﻳﺪ ﺍﻋﺮﻑ ﺑﻴﺖ ﻋﻢ ﺷﺠﻦ ﻭﻣﻦ ﻳﻮﺻﻠﻮﻥ ﻳﻢ ﺍﻫﻠﻲ ﻋﺒﺎﻟﻚ ﻳﺨﻠﺺ ﺍﻟﺤﺪﻳﺚ .
ﺍﻓﻠﻮﺱ ﻭﺷﻠﺖ
ﺭﺑﻊ ﻣﻀﻞ ﻋﻨﺪﻱ ﻭﺍﺧﺠﻞ ﻓﻠﻮﺱ ﺍﻟﺠﺎﻳﺎﺕ ﻣﺪﺍﻓﻌﻪ ﺗﺎﻟﻲ ﺗﺸﺠﻌﺖ ﻭﺣﺎﺟﻴﺖ ﺣﺠﻲ ﺳﻠﻄﺎﻥ ﺍﺑﻮ ﺍﻟﻜﻬﻮﻩ
ﻋﻤﻲ ﻣﺎﻛﻮ ﺷﻐﻞ ﻫﻨﺎ ﺍﻟﻮﺍﺣﺪ ﻳﺸﺘﻐﻞ
ﻻﻋﻤﻲ ﺍﻟﺮﺯﻕ ﻫﻮﺍﻱ ﻟﻴﺶ ﺍﻧﺖ ﻧﺎﻭﻱ ﺗﺒﻘﻰ
ﻭﺍﻟﻠﻪ ﻋﻤﻲ ﻣﺎﻋﻨﺪﻱ ﺍﺣﺪ ﺟﺎﻱ ﻋﻠﻰ ﺍﻟﻠﻪ ﻭﻋﻠﻰ ﺑﻴﺖ ﺫﻭﻟﻪ ﺍﻟﻮﻟﺪ ﻭﺷﻮﻓﺖ ﻋﻴﻨﻚ ﻣﻠﻜﻴﺘﻬﻢ ﺑﻌﺪ ﻻﺑﻴﻪ ﺍﺑﻘﻰ ﻓﻠﺴﺖ ﻣﺎﻋﻨﺪﻱ ﻭﻻﺑﻴﻪ ﺍﺭﺟﻊ ﺷﻴﺠﻴﻨﻲ ﺍﻧﻮﺏ
ﺻﻔﻦ ﺻﻔﻨﻪ ﻃﻮﻳﻠﻪ ﻭﺑﺴﺘﻔﻬﺎﻡ ﻛﺎﻝ ﺗﺸﺘﻐﻞ ﻋﻨﺪﻱ
ﻓﻜﻴﺖ ﻋﻴﻨﻲ ﻣﻤﺼﺪﻛﻪ ﻭﺭﺩﻳﺖ ﺑﺪﻭﻥ ﺗﺮﺩﺩ ﺍﻟﻠﻪ ﻭﻳﺪﻙ ﻭﺍﻟﻠﻪ
ﻫﺰ ﺭﺍﺳﻪ
ﻳﺠﺮﺍﻟﻚ ﺻﺮﺍﺣﻪ ﻛﻠﺒﻲ ﻻﻋﺐ ﻣﻨﻚ ﺍﻭﻝ ﻣﺠﻴﺖ ﺑﺲ ﺻﺎﺭ ﺟﻢ ﻳﻮﻡ ﺳﺘﻐﻔﺮﺕ ﺭﺑﻲ ﻷﻥ ﻣﺎﺷﻔﺖ ﻣﻨﻚ ﺷﻲ ﺣﺘﻰ ﻛﻼﻣﻚ ﻗﻠﻴﻞ ﻟﻬﺬﺍ ﺍﻧﺖ ﺗﻔﻴﺪﻧﻲ
ﺍﺩﻟﻠﻚ ﻭﺍﻟﻠﻪ ﺍﻧﺖ ﻭﺍﻟﻜﻬﻮﻩ ﺑﺲ ﻛﻮﻝ
ﻋﻔﻴﻪ ﻋﻠﻴﻚ ﺳﺒﻊ ﺗﺒﻴﻦ
ﺑﺎﻉ ﺭﺍﺡ ﺍﺟﺮﺑﻚ ﻭﺍﻥ ﺷﺎﻟﻠﻪ ﻣﺘﺨﻴﺐ ﺿﻨﻲ ﻳﻠﻪ ﻫﺎﻙ ﺍﻟﺰﻡ ﺍﻟﺼﻴﻨﻪ ﻭﻣﻦ ﻫﺴﻪ ﺑﻠﺶ
ﻳﺎﺑﻪ ﺷﺼﺎﺭ ﺑﻴﻪ ﻟﺤﻀﺘﻪ ﻋﻴﻨﻲ ﺩﻣﻌﺖ ﻣﻦ ﺍﻟﻔﺮﺣﻪ
ﺷﻐﻠﻪ ﺷﺮﻳﻔﻪ ﻧﻀﻴﻔﻪ ﻭﻛﺒﺎﻝ ﺩﺭﻭﺑﻨﺘﻬﻢ ﻳﻤﻜﻦ ﻫﺬﺍ ﺷﻲ ﺟﺎﻥ ﺑﺤﻼﻣﻲ
ﺑﻜﻞ ﻣﻤﻨﻮﻧﻴﻪ ﺷﺘﻐﻠﺖ ﺍﻛﺜﺮ ﺷﻲ ﺣﺒﻮ ﺑﻴﺎ ﺳﺎﻛﺖ ﻭﺍﺷﺘﻐﻞ
ﺍﻗﺪﻡ ﺟﺎﻱ ﻣﺎﻱ ﻛﻬﻮﻩ ﺍﻣﺴﺢ ﺍﻟﻤﻴﻮﺯ ﻭﺣﺠﻲ ﺳﻠﻄﺎﻥ ﻳﺮﺍﻗﺐ
ﺑﻴﺪﻩ ﻳﺴﻮﻱ ﺍﻟﺠﺎﻱ ﻭﺍﻟﻜﻬﻮﻩ ﻭﺍﻧﻲ ﺍﺭﻛﺾ ﺟﻮﻩ ﺍﻳﺪﻩ ﻭﻛﻠﻤﻪ ﻋﻔﻴﻪ ﻭﻳﻦ ﺗﺮﻓﻌﻨﻲ ﻭﻳﻦ ﺗﺤﻄﻨﻲ
ﺭﺗﺎﺣﻠﻲ ﺣﻴﻞ ﺭﺗﺎﺣﻠﻲ
ﺍﻟﻜﻬﻮﻩ ﺗﻠﻤﻊ
ﻭﻫﻮﻩ ﻋﻠﻰ ﻛﺮﺳﻲ ﻛﺎﻋﺪ ﺍﺳﻄﻰ ﺍﺣﺴﻪ ﻣﺘﻌﺠﺐ ﺣﺪﻣﺎ ﻛﻠﻲ
ﺗﺪﺭﻱ ﺻﺒﺮﻱ ﺷﻜﺪ ﺍﻧﻲ ﺟﺎﻳﺐ ﻋﻤﺎﻝ ﻟﻠﻜﻬﻮﻩ ﺑﺲ ﻣﺜﻠﻚ ﻣﺠﺎﻳﺐ ﺗﺪﺭﻱ ﺷﻜﺪ ﻃﺎﺭﺩ ﻛﻠﻪ ﻣﻦ ﻭﺭﻩ ﺛﺮﺛﺮﺗﻬﻢ ﻭﻟﺴﺎﻧﺎﺗﻬﻢ
ﻭﺍﺑﺴﺘﻢ ﻛﻼﻣﻪ ﻳﺰﻳﺪﻧﻲ ﺭﻏﺒﻪ ﺑﻠﺪﺍﺳﻮﻱ
ﺳﺒﻮﻉ ﻭﻋﻴﻨﻲ ﺑﺮﺍﺱ ﺍﻟﺪﺭﺑﻮﻧﻪ ﻣﺸﻠﺘﻪ .
ﻋﻠﻰ ﻓﺮﺍﻏﻲ ﺍﺯﺭﻙ ﺍﺩﻙ ﺍﻟﺒﺎﺏ ﻭﺑﻼ ﻓﺎﻳﺪﻩ
ﺑﻠﻴﻞ ﺍﺭﺟﻊ ﺍﻧﺎﻡ ﺑﻠﺘﻜﻴﻪ ﻭﻳﻪ ﺍﻻﺫﺍﻥ ﺍﺭﺟﻊ ﺑﺎﺏ ﺍﻟﻜﻬﻮﻩ ﻟﺤﺪ ﻣﻴﺠﻲ ﺣﺠﻲ ﺳﻠﻄﺎﻥ ﻭﻧﻔﺘﺢ .
ﺇﻟﻰ ﺃﻥ ﺭﺗﺎﺣﻠﻲ ﺗﻤﺎﻣﺎ ﻭﺍﺍﻣﻦ ﻋﺎﺩ ﻛﺎﻝ ﻋﻤﻲ ﻣﻨﺎ ﻭﻫﻴﺞ ﻧﺎﻡ ﺑﻴﻪ
ﻫﻴﺞ ﺭﺗﺤﺖ
ﻭﻟﻴﻠﻲ ﺍﻧﺎﻣﻪ ﻣﻴﺘﻪ ﺗﻌﺐ ﻣﻦ ﻓﺮﻩ ﺍﻟﻨﻬﺎﺭ ﻭﺍﻓﻜﺮ ﻫﻨﺎﻙ ﻭﻳﺤﻮﻥ ﻋﻠﻰ ﺑﺎﻟﻲ
ﻭﻳﻦ ﺭﺍﺣﻮ
ﺣﻀﻲ ﻣﺼﺨﻢ ﻭﺍﻋﺮﻓﻪ ﺑﺲ ﻻ ﻣﻴﺠﻮﻥ ﻟﻮ ﺷﻮﻑ ﺷﺼﺎﺭ ﻋﺪﻫﻢ . ﻭﺍﺗﺸﺠﻊ ﺣﺘﻰ ﺍﺳﺌﻞ ﺍﻟﺤﺠﻲ ﻭﺗﺮﺍﺟﻊ ﺧﺎﻑ ﺍﻓﻠﺖ ﻛﻠﻤﻪ ﻟﻮ ﺍﺟﺼﻔﺺ ﺟﻔﺼﻪ ﻭﺍﺭﺩ ﺍﻗﻮﻱ ﺭﻭﺣﻲ
ﻋﻤﻲ ﺟﻨﻬﻢ ﻃﻮﻟﻮ ﺍﻟﺠﻤﺎﻋﻪ
ﺍﻱ ﻳﺎﺑﻪ ﺫﻭﻟﻪ ﺧﻄﻴﻪ ﺑﻠﺴﻨﻪ ﻣﺮﻩ ﻳﺮﺣﻮﻥ ﻟﺨﻮﺍﻟﻬﻢ
ﺍﻫﺎ ﺍﻱ ﺧﻄﻴﻪ
ﻭﺍﺳﻜﺖ
ﻓﺘﺮﻩ ﻭﺍﺭﺟﻊ ﺍﺳﺌﻞ
ﻭﻳﻦ ﺻﺎﻳﺮﻳﻦ ﺧﻮﺍﻟﻬﻢ ﺫﻭﻟﻪ ﻭﺍﻟﻠﻪ ﻃﻮﻟﻮ
ﻭﺍﻟﺤﺠﻲ ﺑﺸﻚ ﻳﻜﻠﻲ .
ﻟﻴﺶ ﺍﻧﺖ ﻣﻮ ﻛﺮﺍﺑﺘﻬﻢ
ﻭﺍﺭﺗﺒﻚ .
ﻻﻻ ﺻﺪﻳﻖ
ﻳﻬﺰ ﺭﺍﺳﻪ ﻫﺎ ﻛﺘﻠﻲ .
ﻛﺮﺍﺑﺘﻬﻢ ﺑﺪﻳﺎﻟﻰ ﻳﺎﺑﻪ ﺍﺫﺍ ﺳﺎﻣﻊ ﺑﻴﻪ
ﺍﻱ ﺍﻱ ﻋﻤﻲ ﺳﺎﻣﻊ ﺷﻮﻥ ﻣﺴﺎﻣﻊ ..
ﻭﺍﺧﻨﺲ ﺍﻧﻲ ﺭﺃﺱ ﺍﻟﺸﺎﺭﻉ ﻣﺎﺩﻧﻠﻪ
ﺑﻠﺴﺒﻮﻉ ﺍﻟﺜﺎﻟﺚ
ﻭﺍﻧﻲ ﺩﺍﺻﺐ ﺟﺎﻱ ﺍﻟﺼﻴﻨﻴﻪ ﺑﻴﺪﻱ
ﺻﺎﺭﺕ ﻫﺮﺟﻪ
ﻟﺘﻔﺘﺖ ﺳﻴﺎﺭﺍﺕ ﻭﻣﺴﻠﺤﻴﻦ ﺍﻟﻜﻬﻮﻩ ﻭﻛﻔﺖ ﺗﻚ ﺭﺟﻞ ﻭﺍﻧﻲ ﺣﻴﻠﻲ ﻣﺎﺕ
ﺣﺠﻲ ﺳﻠﻄﺎﻥ ﺩﻗﻨﻲ ﻳﻀﺤﻚ
ﺍﺳﺘﻠﻢ ﺟﻮﻱ ﻛﺮﺍﺑﺘﻚ
ﻭﺟﻬﻲ ﻧﻠﺒﻚ ﻭﻓﺎﺕ ﺭﺟﺎﻝ ﺁﺧﺮ ﻛﺸﺨﻪ ﺳﻼﻡ ﻋﻠﻴﻜﻢ ﺻﺎﺡ
ﻭﺭﺩﻭ
ﻫﻼﻭﻭﻭﻭ ﺍﺳﺘﺎﺫ ﻣﻬﺪﻱ
ﻭﻛﻌﺖ ﻣﻦ ﺍﻳﺪﻱ ﺍﻟﺼﻴﻨﻪ ﻫﻴﻪ ﻭﺍﻟﺒﻴﻪ ﻭﺗﻄﺸﺮﺕ
ﺍﻟﻠﻪ ﺍﻟﻠﻪ ﺷﺒﻴﻚ ﻳﺎﺏ ﺷﺒﻴﻚ
ﺻﺎﺡ ﺣﺠﻲ ﺻﺒﺮﻱ
ﻭﺍﻧﻲ ﺍﺧﺘﺾ
ﻭﺩﻧﻚ ﻳﻠﻢ ﻭﺍﻧﻲ ﺻﺎﻓﻨﻪ
ﺑﻮﺟﻪ
ﻣﻼﻣﺤﻪ
ﻣﻼﺑﺴﻪ
ﻻ ﻫﺬﺍ ﻣﻮ ﻟﺒﺎﻟﻲ ﻏﻴﺮ ﻭﺍﺣﺪ
ﺻﺒﺮﻱ ﺻﺒﺮﻱ
ﻓﺰﻳﺖ
ﻫﺎ ﺣﺠﻲ ﻫﺎ
ﻫﺎﻱ ﺷﺒﻴﻚ ﻳﺎﺑﻪ ﺷﺠﺎﻙ
ﺣﺠﻲ ﺍﻟﺼﻴﻨﻪ ﺯﻟﻜﺖ ﻭﺍﻟﻠﻪ ﻣﺎﺩﺭﻱ
ﻳﻠﻪ ﻓﺪﻭﻩ ﻓﺪﻭﻩ ﺭﻭﺡ ﺷﻮﻑ ﻛﺮﺍﺑﺘﻚ ﺍﺫﺍ ﺗﺮﻳﺪ
ﻣﻨﻮ؟
ﻫﺎﻱ ﺷﺒﻴﻚ ﻣﻬﺪﻱ ﻫﺬﺍ ﻣﻮ ﻛﺮﺍﺑﺘﻚ .
ﻫﺰﻳﺖ ﺭﺍﺳﻲ
ﻣﺮﺗﺒﻜﻪ ﺍﺣﺠﻲ ﻛﻼﻣﻲ ﻣﻜﻄﻊ
ﻭﺗﻘﺪﻣﺖ
ﺧﻄﻮﻩ ﺗﺠﺮ ﺧﻄﻮﻩ
ﻟﻴﻤﺎ ﻭﻓﺼﻠﺖ
ﺭﺟﻌﺖ ﻟﺬﺍﻙ ﺍﻟﻮﺟﻊ ﺍﻟﺸﻔﺘﻪ ﻣﻨﺎ
ﻟﺬﻳﺞ ﺍﻟﻴﻠﻪ ﺍﻟﺬﺑﻨﻲ ﺑﻴﻪ
ﻣﻦ ﻋﻴﻨﻲ ﺻﺎﺭﺕ ﺑﻌﻴﻨﻪ ﺍﻭﻝ ﺷﻲ ﺍﺟﻪ ﺑﺎﻟﻲ ﺍﻟﻌﺴﻠﻴﻪ
ﺫﻳﺞ ﺍﻟﻨﻀﺮﻩ ﺍﻟﺨﺒﻴﺜﻪ ﺍﻟﺒﻴﻪ ﺑﺘﺴﺎﻣﻪ ﺟﺬﺍﺑﻴﻪ ﻧﻔﺴﻪ ﺷﻔﺘﻪ ﻫﺴﻪ ﻭﻳﻪ ﺍﻟﻨﺎﺱ
ﺍﺳﺘﺎﺫ ﻳﺮﺣﻢ ﺍﻫﻠﻚ ﺳﻨﻪ ﺻﺎﺭ ﻣﻦ ﻣﺘﺨﺮﺝ ﻓﺪﻭﻩ ﻟﻌﻤﺮﻙ ﺍﻟﺠﻮﻉ ﻛﺘﻠﻨﻪ ﺗﻜﺪﺭ ﺗﺤﺎﺟﻲ،ﺟﻤﺎﻋﺘﻚ
ﻫﻬﻪ ﺳﻬﻠﻪ ﺳﻬﻠﻪ ﻋﻮﺩ ﻣﺮﻟﻲ ﻟﻠﻤﻜﺘﺐ
ﺍﺳﺘﺎﺫ ﺍﻟﻠﻪ ﻳﺨﻠﻴﻚ ﺍﺑﻨﻲ ﺩﻳﻤﻮﺕ ﺑﺲ ﻛﻠﻤﻪ ﻣﻨﻚ ﻟﻠﻤﺴﺘﺸﻔﻰ ﻭﺍﻟﻠﻪ ﻳﺮﻳﺪﻭﻥ ﺧﺎﻃﺮﻙ
ﺍﻭﻙ ﺍﻭﻙ
ﻭﻃﻠﻊ ﻭﺭﻗﻪ ﻭﻗﻠﻢ ﻣﻦ ﺟﻴﺒﻪ ﻣﺪﺭﻱ ﺷﻜﺘﺐ ﻭﺍﻟﺮﺟﺎﻝ ﺍﻟﻪ ﺷﻮﻳﻪ ﻳﺒﻮﺱ ﺍﻳﺪﻩ
ﺷﻌﺮﻩ ﻟﻔﺎﺣﻢ
ﻭﻗﻠﻤﻪ ﻟﻤﺬﻫﺐ
ﻭﻳﻪ ﺳﺎﻋﺘﻪ ﻭﻣﺤﺒﺴﻪ ﻭﺫﺍﻙ ﺍﻟﺮﺑﺎﻁ ﻭﺍﻟﻘﺎﻁ ﺍﻟﻴﻠﻬﺚ ﺷﻜﻠﻪ ﺧﻼﻧﻲ ﺃﺗﺮﺍﺟﻊ
ﺍﺧﺎﻑ ﺍﻧﻲ ﻣﺘﻮﻫﻤﻪ؟
ﻭﺩﻙ ﺣﺠﻲ ﺳﻠﻄﺎﻥ ﻋﻠﻰ ﺟﺘﻔﻲ
ﻟﺘﻔﺘﺖ ﺣﻠﻜﻲ ﻳﺎﺑﺲ ﻛﺪ ﻣﻔﺎﻛﺘﻪ ﺑﻀﺤﻚ ﻛﺎﻝ
ﻫﺎﺍ ﻳﺎﺑﻪ ﻣﻮﺻﻠﻚ ﺍﻟﺴﺮﻩ
ﺳﻤﻊ ﻣﻬﺪﻱ
ﻧﺪﺍﺭ
ﻭﺍﻟﺤﺠﻲ ﻳﻜﻠﻪ
ﺍﻻﺥ ﺟﺎﻱ ﻋﻠﻴﻜﻢ ﻳﻌﺮﻓﻜﻢ ﻳﻜﻮﻝ ﻣﻦ ﻛﺮﺍﺑﺘﻬﻢ ﻭﺭﺍﻳﺪﻛﻢ ﺑﺸﻐﻠﻪ ﻋﺎﺩ ﺍﻧﻲ ﺳﻤﻌﺖ ﻣﻦ ﻃﺮﻓﻜﻢ ﺑﻌﻴﻮﻧﻲ ﺧﻠﻴﺘﻪ ﺣﺘﻰ ﺷﻐﻞ ﺷﻐﻠﺘﻪ
ﻋﻔﻴﻪ ﺳﻠﻄﺎﻥ ﻋﻔﻴﻪ ﻣﺎﻧﺎﺳﻴﻚ ﺍﻧﻲ
ﻛﻮﻝ ﺍﺑﻨﻲ ﺷﺮﺍﻳﺪ ﻣﻨﻴﻦ ﺍﻧﺖ ﻣﻦ ﻳﺎ ﻛﺮﺍﺑﻪ
ﺧﺘﻔﻰ ﺻﻮﺗﻲ
ﺍﻟﻜﻼﻡ ﺑﻠﻌﻮﻣﻲ ﺗﺤﻨﺠﺮ
ﻋﺒﺎﻟﻚ ﺍﺧﺘﻔﻰ
ﺩﻙ ﺗﻠﻴﻔﻮﻧﻪ ﻧﻘﺬﻧﻲ
ﺟﺎﻭﺏ ﻭﻣﺪ ﺟﺴﻤﻪ ﻟﻴﻮﺭﻩ ﻳﺴﻮﻟﻒ ﻣﻨﻄﻠﻖ
ﻭﺍﻟﺴﺒﺤﻪ ﻳﻔﺮ ﺑﻴﻪ ﺑﻴﺪﻩ ﺍﻟﺦ
ﺍﻟﺤﺠﻲ ﻋﺎﻓﻨﻪ
ﻭﺍﻟﻨﺎﺭ ﺷﺘﻌﻠﺖ ﺑﻴﺎ
ﻫﺎﺫﺍ ﺷﺼﺎﻳﺮ
ﻭﺍﻧﻲ ﺷﺤﺎﻟﻲ
ﻭﺍﺟﻤﻊ ﺍﺭﺗﺐ ﺑﻠﻜﻼﻡ ﺷﺮﺍﺡ ﺍﻛﻠﻪ ﻟﻜﻴﺖ ﻛﻠﺸﻲ ﺿﺎﻳﻊ ﻭﻣﻦ ﺧﻠﺺ ﻣﻜﺎﻟﻤﻪ ﺭﻓﻊ ﺗﻚ ﺣﺎﺟﺐ ﻳﻜﻠﻲ ﻛﻤﻞ ﻳﺎﺏ ﻭﺍﻧﻲ ﺍﻣﺘﻤﺖ
ﺍﺍﺍﺍﺍ
ﺍﺍﺍﺍﺍﺍ ﺃﺭﻳﺪ ﺷﻐﻞ .
ﻫﺬﺍ ﻛﻞ ﺍﻟﻜﺪﺭﺕ ﺍﻛﻮﻟﻪ .
ﻭﻛﻒ ﺷﺎﻝ ﺳﻮﻳﺠﻪ
ﻭﻣﻮﺑﺎﻳﻠﻪ
ﻧﺼﻰ ﺭﺍﺳﻪ ﺫﺏ ﺟﻜﺎﺭﺗﻪ ﺟﻌﺼﻪ ﻭﻛﻒ ﻋﺪﻝ ﺳﺘﺮﺗﻪ ﻟﻒ ﺳﺒﺤﺘﻪ ﺑﻤﺤﻮﺭ ﺍﻳﺪﻩ ﻭﻧﺪﺍﺭ ﻳﻜﻠﻲ
ﺍﺧﺬ ﻋﻨﻮﺍﻥ ﺍﻟﻤﻜﺘﺐ ﻣﻦ ﺣﺠﻲ ﺳﻠﻄﺎﻥ ﻭﻋﻮﺩ ﻣﺮ ﺑﻠﻜﻲ ﻧﺸﻐﻠﻚ
ﻭﻃﻠﻊ
ﻧﺘﺮ ﺑﻴﺎ ﺍﻟﺤﺠﻲ
ﺻﺒﺮﺭﺭﺭﺭﻱ ﻭﻳﻦ ﺻﺮﺕ
ﺑﺎﻟﻲ ﻣﻴﻤﻪ
ﻛﻌﺪﺕ
ﻋﻴﻨﻲ ﻣﻔﺎﺭﻛﺖ ﻣﻬﺪﻱ
ﺳﻴﺎﺭﺗﻪ ﺳﻮﺩﻩ ﻣﻀﻠﻠﻪ ﺷﺨﻂ ﻣﺒﻴﻬﺎ ﻭﺍﻟﺤﻤﺎﻳﺎﺕ ﻭﺭﺍﻩ
ﺷﻜﻠﻪ ﻓﺮ ﺭﺍﺳﻲ ﻓﺮ
ﺻﺒﺮﻱ ﺍﺑﻨﻲ ﺍﻧﺖ ﺷﺒﻴﻚ
ﻓﺰﻳﺖ ﻭﺍﻛﻔﻪ ﻛﺒﺎﻝ ﺍﻟﺤﺠﻲ ﻣﺮﻛﺰﻩ ﻷﻥ ﺭﺍﺡ ﺍﻋﻢ ﻋﻠﻰ ﺭﻭﺣﻲ ﻛﺘﻠﻪ ﺷﻨﻮ ﺣﺠﻲ
ﺷﺒﻴﻚ ﺍﻛﻠﻚ ﺷﺒﻴﻚ ﺷﻮ ﻧﻜﻠﺒﺖ ﺍﺣﻮﺍﻟﻚ
ﻻﻋﻤﻲ ﻣﺒﻴﻪ ﺷﻲ ﺑﺲ ﺟﻨﺖ ﺍﺳﻮﻟﻒ ﻭﻳﻪ ﻣﻬﺪﻱ ﻭﻛﺎﻝ ﺍﻟﺤﺠﻲ ﺧﻞ ﻳﺪﻟﻴﻚ ﻋﻨﻮﺍﻥ ﺍﻟﻤﻜﺘﺐ
ﻫﻬﻬﻬﻬﻬﻬﻪ ﻟﻌﺪ ﺍﻗﺒﺾ ﺍﻟﺠﺎﻱ ﻋﻠﻴﻪ ﻣﻦ ﺩﺑﺶ
ﻟﻴﺶ ﻋﻤﻲ
ﺗﻘﺮﺏ ﻳﺘﻠﻔﺖ ﺷﺎﻭﺭﻧﻲ
ﺟﺬﺍﺏ ﻫﺬﺍ ﺑﺲ ﻻ ﺟﻴﺘﻚ ﻋﻠﻴﺎ
ﻫﺰﻳﺖ ﺭﺍﺳﻲ ﺍﻱ
ﻓﺮ ﺍﻳﺪﻩ .
ﻫﺬﺍ ﺑﺲ ﺣﺠﻲ ﻣﺴﺎﻣﻊ ﺍﻭﻋﺪﻙ ﺑﻠﻮﻋﺪ ﻭﺍﺳﻜﻴﻚ ﻳﺎﻛﻤﻮﻥ
ﻳﻤﻌﻮﺩ ﻳﺪﺍﻭﻡ ﻭﻳﻪ ﻣﺴﻮﻝ ﺑﺮﻟﻤﺎﻧﻲ ﻣﺪﺭﻱ ﺷﻨﻮ ﻭﻳﻮﻋﺪ ﺑﻠﻌﺎﻟﻢ ﻭﻛﻠﻪ ﺟﺬﺏ
ﺍﻟﺤﺠﻲ ﻳﺤﺠﻲ ﻭﺍﻧﻲ ﺻﺎﻓﻨﻪ
ﻣﻦ ﺳﺎﻋﻪ ﺍﻟﺴﻮﺩﻩ ﺍﺫﺍ ﺻﺪﻙ
ﻣﻬﺪﻱ ﻭﺍﺻﻞ ﻭﻋﻨﺪﻩ ﺟﻤﺎﻋﻪ ﺑﻬﻞ ﺣﻜﻮﻣﻪ
ﻟﻴﻠﺘﻪ ﻣﺜﻞ ﻭﺍﺣﺪ ﻭﻧﻀﺮﺏ ﺑﺮﺍﺳﻪ
ﺿﻠﻴﺖ ﻓﻜﺮﻩ ﺗﺎﺧﺬﻧﻲ ﻭﻓﻜﺮﻩ ﺗﺠﻴﺒﻲ
ﻭﺗﺮﺟﻊ ﻧﻀﺮﻩ ﻋﻴﻮﻧﻪ ﺗﺮﻋﺒﻨﻲ
ﻭﺍﺣﻘﺪ ﺍﻛﺜﺮ
ﻫﺬﺍ ﺍﺫﺍ ﺍﺷﺮﺏ ﻣﻦ ﺩﻣﻪ ﻛﻠﺒﻲ ﻣﻴﺒﺮﺩ
ﺃﻳﺎﻡ ﻭﺍﻳﺎﻡ
ﻭﺍﻧﻲ ﺍﺧﻄﻂ
ﻣﻨﻴﻦ ﺍﺑﺪﻱ
ﺷﺴﻮﻱ
ﺃﻛﺪﺭ ﻟﻮ ﻻ
ﺍﺣﺠﻲ ﻟﻮ ﺍﺳﻜﺖ
٨ ﺳﻨﻴﻦ ﻋﻤﺮﻱ ﻻﺣﻮﻝ ﻭﻻ ﻗﻮﻩ ﻭﺫﺑﻨﻲ
ﻫﺴﻰ ﺑﻌﺰ ﻧﻔﻮﺫﻩ ﻭﺟﺎﻫﻪ ﺭﺍﺡ ﻳﺘﻘﺒﻠﻨﻲ؟ .
ﺍﺫﺍ ﻗﺒﻞ ﺫﺑﻨﻲ
ﻫﺴﻰ ﺭﺍﺡ ﻳﻤﻮﺗﻨﻲ ﺑﺪﻭﻥ ﻣﻘﺪﻣﺎﺕ ﻛﻮﻧﻲ ﺍﻋﺘﺒﺮ ﻓﺎﺿﺤﺘﻪ
ﻛﺎﺷﻔﺘﻪ
ﻭﺗﺨﺮﺑﻄﺖ ﺍﺣﻮﺍﻟﻲ
ﺍﻳﺪﻱ ﻣﺘﺎﺧﺬ ﺷﻐﻞ
ﺭﻭﺣﻲ ﺑﺨﺸﻤﻲ
ﻣﻦ ﻳﻮﻡ ﻣﺸﻔﺘﻪ ﻋﺒﺎﻟﻚ ﻣﺘﺒﻨﺠﻪ
ﻭﺍﻟﺤﺠﻲ ﻳﺼﻴﺢ
ﺻﺒﺮﻱ ﺑﺎﻟﻚ ﻳﻢ ﺷﻐﻠﻚ
ﺍﺑﻨﻲ ﺑﺎﻟﻚ ﻳﻢ ﺍﻟﻌﺎﻟﻢ ﺧﻠﻲ
ﻭﺍﺭﺩ
ﺻﺎﺭ ﺣﺠﻲ
ﺍﻟﻴﻮﻡ ﺗﻼﺛﻪ ﺟﻮﻱ ﻛﻌﺪﻭ ﺻﺎﺣﻮ ﺟﺎﻱ
ﻭﺍﻟﺤﺠﻲ ﻭﻛﻒ ﻳﻬﻠﻲ ﻭﻳﻜﻠﻲ ﺟﺎﻳﺎﺕ ﻟﻌﻤﺎﻣﻚ ﺻﺒﺮﻱ
ﻧﺪﺭﺕ ﺍﺑﺎﻭﻋﻠﻬﻢ
ﺗﻼﺛﻪ ﺷﻘﺎﻭﺍﺕ
ﺷﻮﺭﺍﺏ ﻭﻟﺒﺲ ﺑﻐﺪﺍﺩﻱ ﻣﻌﺪﻝ
ﺭﺗﺒﺖ ﺍﻟﺼﻴﻨﻴﻪ ﻭﺍﻣﺴﺢ ﻭﺍﻫﻮﻱ ﺑﻠﺴﺘﻜﺎﻳﻦ ﺧﻠﻴﺖ ﻛﻼﺹ ﺍﻟﻤﺎﻱ ﻭﺍﻟﺠﺎﻱ ﻣﻬﻴﻞ
ﻭﺻﻠﺖ ﻳﻤﻬﻢ ﺗﻮﻧﻲ ﺍﺧﻠﻲ ﺍﻟﺼﻴﻨﻪ ﻭﻓﺎﺕ ﻋﻤﺎﺩ ﺻﺎﺡ
ﺳﻼﻡ ﻋﻠﻴﻜﻢ ﻭﻛﻠﻪ ﺗﺮﺩ
ﻫﻼ ﻋﻤﺪﻩ ﻫﻼ ﺑﻴﻚ
ﻭﻋﻴﻮﻧﻲ ﻓﺮﺕ ﻭﺭﺍﻩ
ﻭﺭﻩ ﺭﻓﻌﺖ ﺍﻳﺪﻩ .
ﻛﻌﺪﺗﻪ .
ﻳﺤﺎﺟﻮﻧﻲ ﻓﺎﺻﻠﻪ
ﻭﻧﺠﺮﻳﺖ ﻣﻦ ﻳﺎﺧﺘﻲ
ﻻﻟﻠﻠﻠﻠﻠﻠﻠﻠﻚ ﺍﻧﻲ ﻣﻮ ﻭﻳﺎﻙ
ﺍﺣﻨﺎ ﻣﻮ ﺑﻌﻴﻨﻚ
ﻭﻋﻴﺖ ﻭﻋﺎﻳﻨﺖ
ﻟﺸﻘﺎﻭﻩ ﻳﻌﺘﻌﺖ ﺑﻴﻪ . ﻭﻋﻴﻨﻲ ﺑﻴﻨﻪ ﻭﺑﻴﻦ ﻋﻤﺎﺩ ﺗﻠﻮﻑ
ﻧﺘﺮﺕ ﺍﻳﺪﻩ ﺍﻧﺰﻟﻪ
ﺿﻞ ﻳﻌﺘﻌﺖ ﺑﻴﺎ
ﻭﻧﻔﺘﺤﺖ
ﻭﻭﻭﻭﻭﺧﺮ ﻟﻚ ﻫﺪﻧﻲ ﺍﺑﻦ ﺍﻟﻜﺢ .......... ﺍﻧﻌﻞ ﻭﺍﻟﺪﻳﻚ ﻭﺍﻟﻠﻪ
ﺗﺨﺒﻞ ﻟﺰﻣﻨﻲ ﺩﻙ ﻛﻔﺦ
ﻭﺍﺭﺩﻩ ﺑﺲ ﻣﺎﻛﺪﺭﻟﻪ ﺟﻨﻲ ﻧﻤﻠﻪ ﺟﻮﺍﻩ
ﻭﺍﻏﻠﻂ ﻭﺍﻓﺸﺮ ﺍﻟﻜﻞ ﺻﺎﻓﻦ ﻭﻧﺎﺱ ﻛﺎﻣﺖ ﺗﻔﺎﺯﻉ ﻭﺗﺠﺮ ﺑﻴﻪ
ﻓﺼﻠﺖ
ﻭﻋﻤﺎﺩ ﻛﺎﻣﺶ ﺍﻳﺪﻱ ﻋﻴﺐ ﻳﺎﺏ ﻋﻴﺐ ﺗﻌﺎﻝ ﺗﻌﺎﻝ ﻭﻳﺎﻱ
ﻫﺪﻳﺖ
ﻭﻛﻔﺖ ﺍﻟﻠﺤﻀﻪ ﻫﻨﺎ
ﻳﺠﺮ ﺑﻴﻪ ﺟﺴﻤﻲ ﻭﺍﻛﻒ ﺑﺲ ﺍﻗﺪﺍﻣﻲ ﺗﻤﺸﻲ ﻭﻳﺘﺮﻧﺠﺢ ﻃﻮﻟﻲ ﻋﻴﻨﻲ ﺑﻌﻴﻨﺎ ﺭﻣﺸﻪ ﻣﺮﻣﺸﺖ
ﻟﻤﻜﺎﻥ ﺻﺐ ﺍﻟﺠﺎﻳﺎﺕ ﻭﺻﻠﻨﻲ ﻭﺍﻟﺤﺠﻲ ﺳﺘﻠﻤﻨﻲ
ﺍﻧﺖ ﻣﻮﺍﺩﻣﻲ
ﻃﺎﺡ ﺣﻀﻚ
ﺑﻌﺪ ﻣﺘﺒﻘﻰ
ﺍﻣﺸﻲ ﺍﻃﻠﻊ ﺑﺮﻩ
ﺍﻟﺴﺎﻧﻚ ﺯﻓﺮ ﻓﺸﻠﺘﻨﻲ ﺧﺠﻠﺘﻨﻲ ﻣﺎﻋﻨﺪﻙ ﺷﻐﻞ ﻳﻤﻲ ﻭﻭﻭﻭﻭﻟﻲ ﻳﻠﻪ ﻭﻭﻭﻭﻟﻲ
ﻣﻨﻄﻘﺖ
ﺑﻌﺪﻧﻲ ﻭﻻﻳﻤﻪ
ﻋﻤﺎﺩ ﺭﺟﻊ ﻛﻌﺪ ﻭﺑﻌﺪﻧﻲ ﻋﻴﻨﻲ ﻭﺭﺍﻩ ﻟﻤﺎ ﺩﻓﻌﻨﻲ ﺍﻟﺤﺠﻲ
ﻭﻳﻦ ﺑﺎﺍﺍﺍﺍﺍﺍﻟﻚ
ﺍﻟﻪ ﻧﺼﻴﺖ ﺭﺃﺳﻲ
ﻭﺳﻜﺖ
ﻭﺍﻧﻲ ﺳﺎﻛﺘﻪ
ﺗﻮﺟﻪ ﻟﻠﺠﻤﺎﻋﻪ ﻳﺘﻌﺬﺭ ﻳﻜﻠﻬﻢ ﻫﺴﻪ ﺍﺟﻴﺒﻪ ﻳﻌﺘﺬﺭ
ﻭﻓﺎﺕ ﻭﻟﺪ ﺿﺨﻢ ﻣﻦ ﺫﻭﻟﻪ ﻟﻴﻠﻌﺒﻮﻥ ﺍﺛﻘﺎﻝ ﺭﻓﻊ ﺍﻳﺪﻩ ﺻﻮﺗﻪ ﻋﺎﻟﻲ ﻣﻔﻬﻤﺖ ﺷﻜﺎﻝ ﺑﻬﻞ ﻋﺒﺎﺭﻩ ﻧﻄﻖ
ﺍﺍﺍﺍﺍﺍﺍﺍﺍﺍﺍﺍﺑﺎﻩ
ﻭﻳﻀﺤﻚ
ﻟﺰﻣﺖ ﺍﻟﻤﻴﺰ ﻭﺭﺍﻳﻪ
ﻭﺍﻟﺪﺍﻳﺮ ﻣﺪﺍﻳﺮﻩ ﺗﻘﺮﺑﻮ ﻋﻠﻴﺎ ﻳﻜﻠﻮﻟﻪ
ﻣﺒﺮﻭﻙ ﺍﻟﺨﻄﻮﺑﻪ ﺟﻮﻗﻲ ﻣﺒﺮﺭﺭﻭﻙ
ﻭﻳﺪﻙ ﻋﻠﻰ ﺻﺪﺭﻩ ﻳﺘﺸﻜﺮﻫﻢ ﻳﻨﺼﻲ ﺭﺍﺳﻪ ﻭﺭﻳﺮﺩ ﻳﺮﻓﻊ ﺍﻳﺪﻩ ﻳﺮﺍﻭﻳﻬﻢ ﺍﻟﺤﻠﻘﻪ ﻭﻳﺼﻔﻚ ﻳﺌﺸﺮﻟﻬﻢ
ﻛﻠﻠﻠﻠﻠﻠﻠﻠﻠﻮﺵ
ﻋﺮﺱ
.
.
.
.
.
.
.
.
.
ﻳﺘﺒﺒﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ ❤❤❤
