مساء الخير
خيوط الزمن
بقلم رفل الكناني ✍✍✍
بارت١٤
،،،،،،،،،،،،،،،
ثگيله الذكريات
تريد حيل وليل
من حلم لحلم ضليت افر بيها
،،،،،،،،،،،،،،،
وكفت على حيلي اباوع لروحي جسمي دينفض
وارجع اباوع عليهم
دفنو
طمو
وكن شياء لم يكن
جوقي كام لحيله كصته عركانه بوكت الجو بارد ثلج
صافن بوجهي واني صافن بوجه
ذوله شسوو ؟
جريته ونزلنا جوه
احس روحي مبنج
عقلي واكف
لتفتت لجوقي اسئله
صار ؟
ويئشرلي
جانو هنا مهدي وحوريه واني اباوع عليهم بعدين راحو لبيتهم واني صعدت السطح اباوع وفات شاكر كمت اكمز بمكاني راح يشوفهم بس شاكر بعد ماطلع واني بقيت أريد اشوف مهدي جوه لو طلع لو وينه
تالي وره وين جان يطلعون ثنينهم يسحلون بشاكر ومهدي كام يحفر وهيه تساعده وانت جيت وشفت الباقي
صافن ويه اشارات جوقي
شكد سبع
شكد قوي جوقي بنضري اليوم شفته منهار مصدوم ممصدك الشافه حتى طريقه كلامه لديفهمني بيه ممضبوطه وكله على بعضه يرجف
سمعنا صوت الباب الخارجي نفك
اشرتله جوقي سوي روحك نايم
هذا مهدي ولاتبين شي
سكت
مدد واني مددت وتغطيت
اواجه راح ينكر وراهه يختفي اعرفه كلش زين
ابلغ؟
اروح بيها اني هم
شسوي ياربي ارشدني
للصبح فكره تاخذني ولخ تجيبني تالي قررت بغير طريقه اجرجرهم وطلع الحقيقه
كمت بدلت ورحت لدوامي
كم ساعه ورجعت بوجهي لبيت شاكر
دكيت الباب طلعت حوريه وجه ملبوك
تحمحمت وصبحت عليها
صباح الخير خويه شلونج
هلا هلا خويه هلا بيك
اكول شاكر موجود محتاجه بشغله
هاا والله مادري
شنو متدرين يعني هوه موجود طالع لو وين
هاا والله هوه من البارحه بليل طلع وليهسه مارجع
شلون انتي شتحجين خويه يعني من البارحه واليوم مموجود وساكته غير تحجين غير دكولين
رفعت ايده غطت وجه بطرف شاله وكامت تبجي دكلي
المن اسئل المن اكول هوه احنا منو عدنه بعدين وين يروح تلكاه سكران يم ربعه وهسه لليل يبين قابل وين يولي
هم صدك كلامج بس ليش دتبجين
ابجي على حضي لمصخم لااهل لاعزوه وهوه لمصخم هم بطرك روحه همزين امه ماتت وعافتلنه جم فلس شترينا بيهم هذا البيت جان صفينا بلشارع من وره الإيجارات
دكولي يالله ويله اني اترخص عود امر عليه غير وكت لأن كلش محتاجه
تركته بدموعه الجذابه وفتت لبيتنا لكيت جوقي يلوب يفتر ويسولف ويه روحه
لزمته دافتهم شبي ولنه يكلي خل نبلغ عليهم
فهمته احنا هم نروح بيها وساعه اعلم واشرح اله سكت كتله عوفهم عليه
وطول اليوم ضليت رايح جاي لبيت شاكر اسئل عليه بحجه لكيتله شغله
احاجيها وكلبي معصور
شاكر رغم عركجتي بس ممئذي غير روحه
مله شغله بلعالم ويركض من واحد ينخاه
اتذكر منضر دمه ودفنا وانطحن
حوريه ودموعه لجذابه مستمره
ساعات توصل بيه مرحله اجيت اخنكها وادكه دكه زينه تالي اسحلها للمركز وارجع اسحل اخويه لعار وارد الزم اعصابي اكول بلعجله الندامه خل اصبر
