مساء الخير
#خيوط_الزمن
بقلم رفل الكناني ✍✍✍
#بارت٢٨
،،،،،،،،،،،،،،،،،
شمسويلك اتغثنـّي و تحـُب همي
و تلاگيني ابوجـَه يشبه نعـاوي امي
،،،،،،،،،،،،،،،،،،
من شفت جوقي حيل مضل بيا دفعت الجينكو وصرت كباله فك عينه ويباوعلي مركز ديتااكد مني
ومن ركز ضحك واني دمعت شكد مشتاقتله
حضنتا وكمت ابجي وهوه يمسد على راسي
خاله رباح صاحت مني هذا بتعدت وعكس ضوه الغرفه عليا شافته سكتت
جريت ايده اكله فوت جوه يشرلي لا اني جيت اشوفج ويمد ايده على قلبه يدك عليه ويشر عليه عود قلبي عليج ويرفع ايده لعقله يسوي حركه تفكير عود افكر وينج
بتسمت امسح بدموعي وغضب وجه
ابااا دشش دشش ماليده
هههه ليش تتعارك ويه عماد ومتريده
نتر ايده بغضب
نصيت راسي اعرفه علمودي
اساسا كل مشاكلهم من ورايه
رفع جسمه يباوع لداخل لبيت ورجع يباوع للمقالع اشرلي وسد خشمه
يكلي امشي وياي
رفعت جتفي
لا ماروح
ااااابا وووياج
لاعع مو عماد
اني ماريد اروح
تنهد بقهر ومد ايده بجيبه طلع فلوس جر ايدي خلاهم مقبلت بس هوه خنزر سكتت ويكلي انوب انوب اجي
رفع ايده سلم على خاله وعليه ومشى
مديت راسي وراه شفته صعد بلدراجه وراح
رجعت كعدت
جسمي ينفض وباوع للفلوس بيدي
مدري احساسي شنو
بس حساس حلو
انسان يحبك
يخاف عليك
يسئل عنك
ويتعنى لاي مكان حتى يشوفك
الفرحه بجيه جوقي بينت على وجهي
وخاله رباح تباوعلي وتنصي
تذكرت حاله اليوم من رجعت
مسحت وجهي وخليت لفلوس جوه مخدتي وتقربت منه
خاله شبيج وياي
دارت وجه وجرت لحاف مددت وتغطت
تركتني
ياربي شمسويتله اني خاف ملت من كعدتي يمها
خاله مسويتلج شي اني
مجاويت
خاله خاف مثكله عليج بكعدتي يمج
فزت بهمه ندارت
وجه يريد يطك
نترت بيا
بيش مثكله عليا شنو كاعده على راسي لو شايلتج بحضني
شو مزبله وكاع الدوله وكاعدين بيه قابل كاعدين بقصر
بس الموراضيه عليا تصرفاتج يا صبر
تصرفاتي
زين شبيه
والله كولي لروحج سنين اتوسل بيج واعلم وافهم واكلج انتي بنيه
ماترضين ودكولين اني هيج مرتاحه ومتعلمه اني ولد
حتى اخوتج من رحتي عدهم رادو منج تصيرن مره والدليل ناكليلج كومه هدوم وانتي مالامستهم
شجاج هسه من تالي وكت احوالج تخربطت
تتصفنين
وتتكشخين
لاودور تتكحلين
شكو بعبجج مادكوليلي
سكتت الجنت خايفه منه صار
خاله بدت تشك بيا واني ماكدر احجي شي من لبالي
مارديت وهيه ضلت
تحجي
عيب وانتي بنيه والبنيه مرايه ومن تنكسر ماتصلح
وتحجي بلحلال والحرام وكلام الناس
واني منصيه راسي حرف منطقت
بعصبيا تلفلفت ونامت مقهوره مني مابادرت ولابرررت
اذا احجي هسه يخرب كلشي
لتزمت الصمت
ومرت الأيام
سرمد من ثاني يوم كام يتصل بيه
دوخني
كلامه الغاز ومافهم عليه احجي بلشغل يحجي بنفسه
بفلوسه
بمنصبه
واتصنت
إلى أن بديت افهم الي يريدا
وتوسع فكري
اخذه من تماره؟
اي اخذه وبدال مااني اتوسل بيه هيه دكوم تتوسل بيا
هديت تماما واسمعله بكل تركيز شيكول اكوله اي
جان نتفق نتشاوف
كد مخايفه
كد ما أريد اوصل للي دافكرله
خاله رباح قل كلامه وياي
تصرفاته
واني ممهتمه بعدين ارجعله
كتله اني راح ابدي اشتغل دارت وجه مني ممقتنعه ولامصدكه
تركته
للموعد تحضرت
مقويه روحي طلعت واقنعها ميكدرلي اني الراح افر راسه مو هوه
جان الاتفاق اوكف على شارع ويجي بسيارته
وكفت وانتضر إلى أن اجه صعدت والخوف تارسني
لحضه ردت انزل وافلش كل الخططت اله
السياره تمشي والوم بنفسي اني شداسوي بروحي
صبر عزه بعينج قبل باكو كليتج هسه شياخذ هذا منج وج يمعزايه وكفي انزلي
تحمحم يعدل برباطه
اي سهام شلونج
بخوف اباوعله لازمه الباب
زينه زينه بس وين موديني
بتسم
لاتخافين لمكان يفتح نفسج ويغير كل حياتج
سكتت وكمل
معندج احد مو
هزيت راسي
اي
جيد
حبيت حياتج واحسج طفله بشكل انثى لهذا مكدرت اتركج حتى بلاتصال ماودي اسده وياج
بقيت بس اباوعله ساكته
وصلنه عماره صف اليساره ونزل
نزلت وبالي ارجع منين ماجيت
لتاف من وره السياره اجه بصفي اشرلي تجاه العماره
هزيت راسي لا
بتسم
لاتخافين الي كدامج انسان مثقف متعلم دارس واعي مستحيل ااذيج عيونج هاي الخايفه البريى هيه الي خلتني اتمسك بيج
اني تقريبا مثلج ماعندي احد امشي ندخل الشقه ونحجي
كلامه هدائني ومشيت وياه منصيه راسي
دخلنه شقه مرتبه حيل
ضلت عيوني بس تفتر على سكف الارضيه الغراض
الاثاث
نشدهت وهوه ايده بجيبه يباوعلي مبتسم
عجبتج ؟
ماريديت
جر ايدي
تليته حيل منه تراجع خطوه رافع ايده علامه لستسلام كال مبتسم
اسف اني اسف
نصيت رأسي
مشى كعد واني على وكفتي
همس
اكعدي شبيج
على طارف القنفه كعدت واصابعي كد العصر تكسرو
كال
