مساء الخير
اخجل اعتذر وابرر تقصيري راح اكتفي بممنونيه لصبركم وياي وادعولي بلتساهيل حتى نرجع نلتزم
خيوط الزمن
البارت التاسع
بقلم رفل الكناني ✍✍✍
،،،،،،،،،،،،،،،،،،
"مـا نـدري الـنـحبـهم لـيـش يرحـون...
"بـيـنه الـصـوج ؟ بـيـهـم ؟ بالـيـحسـدون؟..
،،،،،،،،،،،،،،،،،،،،
ندى دموعه وعاني
بتعدت عيني بعينها
عقل مضل براسي
شسويت اني شسويت
نصت راسه نزلت دمعته صميت حلكي مقفل نص وجهي
مشت وعافتني
توني اصيح
وتذكرت ليل
ومكاني بيتهم وسوايتي لطايح حضها ضربت كصتي حيل واغم بروحي
اغبر والله اغبر
الله ينعل الشيطان النام براسي
مكدرت ابقى بعد كبل بوجهي طلعت لبيت خالي وعيني مغمضت
شطوله اليل صار
وابرر لروحي
لصبح احاجي خالتي
اي احاجيها واخطب فاتن شبيه شناقصني وهمه يحبوني ميردوني
حتى صدقه ادفع كفاره عن لسويته ولواموت ماعيده اذا مو بلحلال
للصبح غفيت كاعده
اسمع الاذان يااذن واخجل افرش لسجاده واصلي
اخجل استغفر
واخجل ابري لروحي
حتى للزرع مطلعت
جسمي تعب ونهد ومال على صفحه كبل فزيت
صار كبالي جوقي بتسمتله دار وجه ضايج
تقربت منه
شبيك حبيبي
هز راسه بنتر وخر
كوه لزمت روحي قبضت على ايدي صاك سنوني صحت بي
بسسسس جوقي بسسسس ممليت متعبت تره تعبتني حرام عليك رجال انت رجال مو جهال بطل هاي لتصرفات
حتى سويت روحك مخبل مره مريض مره مدري شنو انت شششششوكت توعى
احجي كل عقلي دمي عليه حيل فار حيموت نفسا بنفسا
هدت ملامحه برود دار وجه تجاه الشباك اشر بصبعه
ااااابا ااااا بع
بردت حسيت كلامي ولحجيته مويما
حتى لشغله لمضوجته مو يم كلامي
ندارت عيني تجاه اصبعه شفت بشرى تصفط صناديك فارغه بلبيكم
صديت عليه .. شبيها؟
بغضب ااشر بيده على اذنه يفر بيها
مخبله
بتسمت
لك عيب
لاعععععععععع
ويمثل تصرفاته شلون تبتسمله وكف لحيله معصب غمها وطلع
همزين مجانت عينه على شباكنا
طلعت وراه راح يمشي للبستان يحب يكعد هناك وحده تركته
ورحت غلست وجهي مشطت شعري واحضر بلكلام مال لليل مقوي روحي واثق من نفسي
وطلعت لبيت خالتي
مريت من يم بشرى صبحت عليها كالت جيت بوكتك فوت لريوك صاير
فتت متترد لكيتهم ملتمين بلمطبخ وعارف تولاني وينك وليش طفرت كعدت ملكيتك
معرفت شرد هم اجذب يارب صبرك
خالتي تخلي بلبيض والخبز لحار كدامي وماكدر امد ايدي
خاينهم اني خاينهم شون اكل من زادهم
صباح الخير
اجاني صوته ومرفعت راسي ولاهيه البقت خلت وطلعت
خالتي سفطت لكرصه خلته كبالي دكت على رجلي بخفه
دكل يمه شبيك
