مساء الخير
#خيوط_الزمن
بقلم رفل الكناني ✍✍✍
#بارت٢٦
،،،،،،،،،،،،،،،،،،،
حَنيت إلك
وألتم على شفافي الحجي
وآتذكرت
وألتم على عّيوني البچي
،،،،،،،،،،،،،،،،،،
الله اكبر
الله اكبر
صوت الأذان وكفني واني نيتي غير نيه
مباشرة ذبيت الطفل من ايدي وهوه ركض فات البيتهم
كعدت على رصيف لازمه راسي
ونار تسعر بداخلي
واردد الطفل ماله ذنب
واذا أخذته وين اودي
وشسوي بي
يحترك قلب تماره اي وقلبه هوه شنو ذنبه
الهواء عالي والسيارات تكفخ
الاذان كمل
والصلاه قامت
الايات تتردد والصوت يذبح بيه
العبره خنكتني
وكفت امشي ومادري وين اروح
مستحيل ارجع للبيت هسه جوقي رجع واكيد لاحض غيابي وبلغ عماد
ضليت امشي وامشي وبداخلي اعرف اني حتى جوقي وعماد راح اخسرهم
رجليه اخذتي لبيت خاله رباح وفتت عليها جانت كاعده بلكاع بصفه السجاده مصفطه وعليه التربه والسبحه
كدامه الجوله وعليه طاوه تحمس بيه طماطه
تفاجأت بدخولي بس بعدين سوت روحه عادي
بوستني وكعدتني بصفه
تسئل شلونج وشحوالج
واهز راسي بلا كلام
بتسمت برتباك وخلت الصينه ونزلت الطاوه خلته كبالي دكلي يله وياي على واهس
هزيت راسي بلرفض
ومددت على فراش مكنفه لامه نفسي
خطيه غطتني وكلعاده هدوء خاله رباح هوه الي يجيبني يمه
لاسئلت
لاناقشت
واني هذا الاريده بهذا الوقت
واتذكر تصرفاته بكل جيه عليها نفس بروده واني نار حدما اهدى اله تسئلني شنو البيه
جنت مغمضه واتخيل لو راجعه والولد دارين بطلعتي
وعماد يعيط ويسب ويلغلط
واني ارد
وجوقي يفازع
وكل مره على نفس القوانه وبدون فايده
ليش اكرهم بيا وليش اكرهم
أبعد احسن
واخذ حقي بيدي
اسئل وجاوب نفسي
واحس روحي بدوامه
واغالطه
لاهسه ديدورن عليه
لاهسه مخبوصين
وكمزت وكفت
رايحه جايه
شون اروح ؟
وفكيت الباب الدنيه هندس
رجعت
لالا متسوه خو جان رحت من االبدايه هيه بلحالتين عركه
رجعت كعدت
وخاله رباح وكفت تصلي
ضميت راسي بين رجليه
واعصابي فرطت
اتخيل جوقي هسه كالب الدنيا يدورلي
وعماد الف وعد بوعد ديتوعدلي
ايد خاله نحطت على جتفي رفعت راسي
كالت
هااا يمه خيرج
برطمت
نصت راسه لمت سجادته وندارت كبالي تربعت
شيوجعج بنيني
شنو علتج
بجيت وااشر على
عقلي
هذا
بتسمت
هه وج الناس كلبه يوجعه شو انتي بلعكس
هوه اني من الله خلقني بلعكس
كلشي بيا عكس العالم
وليش عقلج يوجعج؟
مادري
لان ماعرف اتصرف
لو لأن ماكدر افكر واتصرف بلا تفكير
مادري خاله والله مادري
وهسه شمسويه
زدت بلبجي
هم رجعت انتقم من اختي وهم وهم ضربت كلام عماد عرض الحايط
وطلعت
وبعد مالي عين ارجع
جرت نفس تهز براسه وجرت ايدي خلته بيده تمسد بيه على كيف
دكلي
عيونج حمر
وبلعموج نشطح
بطلي بجي التردي شنو
مادري
أريد حقي
أريد اثبت وجودي
نسبي
أريد اصير بشر حالي حال العالم
والمايردنه يمه نريدهم ليش
زنبرت
اني ماريدهه ولاميته عليها
اني اريد حقي وبس
تدورين
فلوس ورث؟
فكيت عيني
فرت ايده
شبيج لعد شتدورين
سكتت
وطبطت على ايدي
نامي نامي ورتاحي
لمن تعرفين التردي شنو عود ذاك الوكت قرري
صفنت بوجه
تخربطت احوالي
صدك اني شنو الي اريده
أريد اهل
لو مال
نفخت على فانوس
طفى
ضلمت الغرفه
وصوت تشاهده ترس اذني
بين حيرتي بلي بداخلي وماعرفه
وبين قلقي من باجر والي راح يصير
مثل الغفيت
وكوابيسي كله بعماد وشلون ضايج من تصرفاتي وكاعد يعاقبني على طلعتي وتركي للبيت
الفجر
ويه دخول الوريات وصوت المكلاب فزيت وكعدت متربعه
عركانه
حلكي يابس
باوعت بفراش خاله رباح ملكيته درت وجهي داكوم جان تفوت متوضيه
صبحت عليه وبدأت تصلي
احس مثل الحبل ملفوف على ركبتي مدري ليش
بقيت افرك بركبتي واتنفس سريع وهيه عليه نتبهت كملت صلاه بسرعه وتقربت تسمي وتفرك بدالي
دكلي شبيج
رفعت جتفي
مادري بس مختنكه
تحلمتي؟
صفنت
بعدين تذكرت كتله اي
شحلمتي
بعدت ايدي من ركبتي رفعته لراسي لزمته واحجيله
شفت عماد عيونه دم وكصته عركانه دكم قميصه مفتحه وهاد عليه متعاركين يحاسبني ليش طلعت وجوقي بينا يفازع واني ارادد مثل كل مره
احجي وارتعش
حيل لزمتي قوه قبضه ايده على ايدي
رفعت عيني بعينه
همست
اخوتج مانامو اليل يمه
بلعت ريك
شون يعني
لاتسئلين شلون
بنيه حمره صفره بينهم عايشه عاديه اخت الهم بليله ضلمه تعوفهم شلون تنام عيونهم بعد
نصيت وداخلي نعصر من كلامه
وكفت دكلي لاتهتمين بس دليني بيهم اني اتصرف
فزيت اكله
لالا ابد عوفيهم
ندارت فاتحه عينه
شلون يصير بنيتي لاتحركين كلبهم اكثر
مرديت
واباوعله
تكشخت
الجواريب والعباه وتمشت بطرف الغرفه اكو كارتونه صغيره فتحته طلعت منه جيس خبز مطبوك وياه بيض خلتهم على صفحه وندارت دكلي عود تريكي موتبقين بدون اكل
