مساء الخير
#خيوط_الزمن
بقلم رفل الكناني ✍✍✍
#بارت٣٨
،،،،،،،،،،،،،،،،،،
بلا دليل .. بلا دليل
طرني فجريه عشگ مامرهه ليل
مرني ترچيه سوالف حتى امشط زلفي هيل
فلني چرچف عافيه بگمرة برد
ولمني بچفوفك گلايد تختل بفي الورد
،،،،،،،،،،،،،،،،،،،،،،،،
عماد ... ممنون منكم خالي والنعم منكم ومن المره الجايبه بس اني اعتذر والله هسه مامفكر بلزواج ومن افكر وانوي انتو اول الناس راح تعرفون وبيدكم تخطبولي اني شعندي غيركم
يله من رخصتكم تليفوني يتصل الامر عليه
وكمت
تركتهم ودخلت غرفتي بس حسيتهم ضاجو
كعدت على سرير ايدي على راسي
البيه محد يحس بي ولا يعرفه
بشرى يمكن شاكه ومغلسه
تخجل
واني ساكت
مددت متعوب من افكاري
غمضت ونرسم خياليه كبالي
صبر
وشسوت بحالي
قويه
عنيده
مره صلبه مره لينه حيرتني
مو جمال
ولارغبه
لكن احتواء
مرات الاحتواء والمسؤوليه بشخص مقابيلك شي فا شي يتحول اهتمام
واني كد مهتميت
كد مراقبت
كد ما فصلت يمكن تورطت
غمضت واتذكر اول لقاء الي بيه
مجنت مصددك
وحقي
انسان كطعت الامل برجوعه ونسيته فجاه يطلع بهيئه وشكل ميخطر على بالك
بنت منتحله شخصيه ولد
هل شي صفني
والكم هاي ججه
هاي نفسه الي جانت تلعب بحوشنا وهارجه بيتا هيه وجوقي
صعب صعب تثق بسرعه
صعب تصدك شي عقلك رافض يصدكه
وبضروف محد ميثق بااحد كد القطره
تعبتني
حيل تعبتني
لسانه اسلوبه
شكله
وكل تفاصيله خلت تفكيري مغلق بيه
اول جان خوف
بعدين تحول اهتمام
وفيما بعد اصبح حب
شلون وليش مادري
يمكن فطره
يمكن معجزه
مادري المهم اني كباله افصل
سنين واني متقوقع ب فاتن الله يرحمه
شتغلت
وتوفقت إلله فتحه عليه بعد مسيره التعب الراح بس بعدين تعوضت
دوامي مرتاح بي وراتب آخر الشهر
اشكال النساء اصادف بليوم
بلشارع
والسوك
بس صبر نعجنت بروحي
تصرفاته
جفصاته
وهواي مواقف جمعتي بيه خلته تسيصر على تفكيري
عنادهه يخليني كل الوكت افكر بيه
ليش سوت هيج
ليش مسعت
ليش اني مو بعينها
ويزيد اصراري اكثر
اتقرب يجمعنا كلام لو موقف اقفل عليه حدما ليوين واكول عماد اترك هاي انت كل عقلك
الفتره الضلت بيه يمنه جانت ماخذه دور الرجال
كل حركه
كل موقف هيه متحسب حسابه بس المقابل يبقى بذهنا ويحورله الف موضوع منه
رجع كلبي دك وره سنين عجاف من بعد موت فاتن
ذيج الدكه التقوه وتخف بنفس الحضه
ذيج الدكه لاسمع صداهه وحيلي يرخه
رجعت عيني متغمض
ولو غمضت تفاصيله وتفاصيل يومنه شلون مر متفارك خيالي
وتوعيني كلمه انت اخويه
نضره عينه لمليانه امان تجاهي
وحاسبه حساب اني اخوهه حالي حال جوقي تدمرني
ركضت ركض بس حتى ابينله اني مو اخوج
واخلي مستمسك بين اديه يفصل اسم الاب الي يجمعنا
شي اقنع بي روحي
واقنعه
اني مو اخوج
اني حتى بزغري معشت وياج هذا الدور
جوقي اي اخ الج بلحب بلعشره
بس اني لا
واجمع بلكلام شلون راح اكوله من تكمل جنسيته
غلطت وقسيت عليها من لجئت للدكتور زوج تماره
وهل شي لصالحه جان ولو ما السوته جان للان مخذنه لاحق لاباطل من تماره بس مابينتله
انتي سويتي شي فادنه حتى متعيد الغلط وتكرره
الدكتور سرمر سيفي اسود مليان عيوب
بس بلخفاء
ضاهره دكتور محترم
داخله انسان حيوان
يموت على غريزه ويستغل البنات بس بسلوب خاص
ضل يتمسكن حتى يتمكن من صبر بس هيه سبعه
ضربته وفلتت
طم السالفه
ضبر راسه
وراد يجيب راسه كونا يدري ماعدهه احد وبعد هاي موامراته راح تكون تحت طوعه
جاب الشرطه لبيت خاله رباح وتورط
مالكاهه جنت ماخذه خاله رباح من خوفه جابتهم للبيت علينا
هنا نحط كدام الامر الواقع ونوخذت صبر مابي بعد يتراجع
شرطه وضباط ودنيا شيكول الهم
منضر صبر بين الجنود
وبمكان مثل المركز والرايح والجاي يعاينله
حرك روحي
حرك شكو شي نايم بيه
روحي لهادى تشعوط
و اذب حركتي بيه تخنس
تالي شفت الدكتور
وننضرته وبعد مسويت اتصال جابلي السفي ماله
وكعت على علته
لحكته وطلبت منه يتنازل رفض
بهدوء بتسمت
كتله
لعد انت البديت واتحمل الراح يجيك
صفن
شقصدك
ههههه دكتورنا تره موكل مراجعيك والناس الضعفاء الي تستغلهم
صبر مثلهم
لا حبيبي انت غلطان
انت وكعت ومحد سمه عليك
انت شي ضايع ومن سنين ندور عليه
انت دفتر عتيك وراح نرجع نكلب بوراقه
انت انتيكا انتهى وكته وهسه حتاجيناهه
سياده الدكتور
انت متدكر بااخت مرتك الي ضامته وناكرته من اسنين
اني راح افضحك اولا من اطلب تصوير الكامره كامل بدون قص حتى اعرف الاحداث القبله بلشقه
بعدهه اروح لزوجتك الدكتوره تماره الي اكثر من مره رحتله حتى تعترف بااخته ومعترفت تالي تركناهه
اكول اله
احنا تركناج بس رجلج ماتركنا تعاي شوفي احنا ويا بلمراكز ملاحك اختج
بهاي الحاله شراح يصير ؟
تماره راح تخلعك
وبعدهه تاخذ منك مفتاح العياده الي فاتحه براسها. وتطردك من البيت الي بااسمه
وتفصلك من المستشفى كونه دكتوره مقيمه اقدم يعني تكدر بكم فلس تزحلكك وكته
تصفه بلشارع يا استاذ سرمرد وعاد انت
بكيفك
هذا من غير الفضيحه الراح تلوحك
