مساء الخير
بارت طويل لعيونكم
خيوط الزمن
بقلم رفل الكناني ✍✍✍
بارت١٥
،،،،،،،،،،،،،،،،
عيش
ولا تظل تمشي ورة جروحک
وإذا موجوع دبرها
ترة شما سولفت ع البيك
تبقى التوجعك روحک
،،،،،،،،،،،،،،،،،،،،
صفنت
عقلي الباطن صار ينبض
وكلبي حيل يدك سريع ونرسم كدامي بيت عم عم
الفرع
والدربونه
وايد جوقي
لازمتني من نروح الهم
وامي امي زكيه من تحط ماعون الكبه وتكعد تاكل
لا هاي اني ماجوز
ما انساهم وابقى هيج اتذكرهم وكلشي يمر عليه يذكرني بيهم
صبر شبيج وين صفنتي
شجن بيت عم عم وين صايرا
ههههههه ام بطن لازم جعتي
صكيت سنوني غضب
عاصره ايدي واكله شجن وين صايره الفضل لدكولين عنه
صفنت فاكه عينه مستغربه شكلي
مرتين رمشت واني انهارت اعصابي
لزمت راسي وابجي
اكله والله ذوله الناس اعرفهم
والله سامعه بيهم
وكومه رايحه عليهم اني واخويه
عندج اخ ؟
صبر
هزيت راسي
والله مو يتيمه اني
اني عندي اهل عندي اخوه وجنت مسجله بلمدرسه
بس ذبوني ذبوني
ولطمت على وجهي
حضنتني شجن ترجف اكثر مني
وارتعش بحضنه
احجيله
شصار بيا وبشنو مريت
واصوات بجينا علت
خوف
ورعب
وقهر
وكنو اليوم نذبيت
اليوم ضعت
واليوم تلطشت من مكان المكان
تعبت حيل تعبت حلكي يبس
والكلام بينا مناوش صار
تحجيلي على مرت عمه وخباثته
واخوهه من يجي خطار على اخته شلون يتحرش بيه واذكر مهدي نفس تصرفاته
وصم اذني
ماريد اسمع
يعني اخويه جان يتحرش
بيا
زين ليش ذبني
وشجن تردني
خاف لتفضحي
وارجع اسئل
واخواني
وامي
تسكت ماعده جواب وكلبي يموت اكثر
شجن تندلين بضبط المكانات
صبر شتردين تسوين عفيه شكلج يخوف صار
نصيت راسي اهدي روحي مسحت دموعي
شجن بس فهميني انتي تندلين زين
بعد شتندلين غير بيت عم عم هناك
صفنت وردت كالت
تكيه بيت شيخ كمر
سكتت مركزه بنصات
كملي شنو شنو هاي
شبيج تكيه مثل الجامع يسون بيه موالد وذكر
انتي متااكده
اي شبيج مو عمو عصام طهر ابنه الزغير وسوه بيه مولد يخبل وكته عزمونه ورحنا هناك وضليت اني والجهال رايحين جاين بليل ركض من بيت عمو للتكيه ونتفرج عليهم اجواء تجنن
وووووووووووو
تحجي شجن
واخزن بعقلي
مددت مغمصه
الدمعه بخدي يبست
واحسب صار كم سنه
من ذبوني
بعدهم اهلي
اذا اروح الكاهم
واسئلهم
لو شسوي
صبر نمتي؟
مارديت
غطتني وكامت السريره
ومن يومه مغمضت عيني
ولاكلبي رتاح
نحصر تفكيري
ب
شلون اطلع منا
شلون ارجع للفضل
وشلون راح اواجهم
قل اكلي
ماعاد شي يهمني
ولااركز بشي غير لدافكر له
وارجع بدون ملل اطلب من شجن تحجيلي على هاي المنطقه وبيت عمه
ويرجع تفكيري يتمشى بذاك الطرف وذيج الدرابين الضيكه
خلص خلص
وان يكن شجن
متوهمه
واني غلط تفكيري
لو اوهامي بعيدا بس هم لازم افكر شلون اطلع شلون اخلص
وارجع اكول
كعدي صبر وين تروحين
متخافين وهم تلطشج الدنيه
وشتشوفين بعد
فتره مرت
مشلت من راسي فكره الطلعه
كل فسحه اضل افتر مكان مكان
اباوع ركن ركن
واكطع الامل
صعبه الطلعه حيل صعبه
المكان مغلق
الحياطين عاليه حيل داير مدايره مسيم بسيم قوي
شجن مثل الي تندمت لان حجتلي
كل ضنه اني اخبط
لو متوهمه
وبقيت ما بررت
صبر تره انتي متغيره هواي
عفيه ارجعي مثل قبل
متوهمه شجن مبيه شي
بس انتي هواي مركزه
امشي ناكل يله
جنت احاول اخفي ومابين شي
لأن البيه شي ميتصدك وحقه شجن من ماخذتني على كد عقلي وتستمعلي بس ممصدكه
خنست
طميت الموضوع من الخارج
ومن الداخل يحفر بكلبي
حفضت كلش زين
كل كلمه كالته
وكل يوم قبل ماانام اعيد بلمكانات ويه روحي وازيد
اشهر مرت متشابه ومابيه غير مشاكل الاحداث وعفاف الي محد سلم منه
مره وكفنا سره دناخذ الاكل وحصه الغده
شجن جانت ورايه اخذت قبله وكعدت على صفحه انتضر بيه ومجتي
خلص الطابور كله وشجن ماكو
ختفت
عفت اكلي وكمت ادور بين البنات ملكيته
امشي واتلفت وعيوني هنا وهنا
ختفت شجن
الشرطيه ضاربه صفنه توني اتوجه داكول له ونجريت من عصابه عفاف
جريت نفس ونترت ايده
صيحت
خيررررر
بتسمت
على كيفج عيوني شنو مرايده صاحبتج
زنبرت كبل كمزت كمشته من ياخته واعت بيه
وووووينه
وين شجن وين احجي
هههههه دتتونس هاي شبيج قابل مثلج
تخبلت
كلامه طير عقلي ولزمته مرعدته
سحلت شعرهه نتفته جلاليق ورمته ودفر وعض واصيح وينه وين بيا مكان وهيه تعيط لحكولي فقدت
ونجريت من الشرطيات وشجن وياهم تجرجر بيا ودكلي كافي صبر كافي شبيج
فكيت عيني
شجن وين جنتي؟
مردت
وذيج سوت روحه تخربطت واني تسحسلت اكلت كتل اضعاف الكتلته اله
وعيون عفاف من بعيد بحقاره تبتسم
نترست قهر
ونحبست انفرادي لو نجنيت
بقيت اصيح واعيط طلعوني اني نضحك عليه
طلعوني خل افهمكم
واكمز واغلط وافشر
واضرب بلباب والحايط
سبوع محد رد
رجعت اتعاقب
رجع ينوخذ حقي مني كبال عيني
واني مابيدي شي
