رحت احضر الاكل مع ماما
احط الشطة بقي
لا ايه الهبل ده ما كده الاكل كله هيشطشط
وانا بصراحة ماستحملش شطة خالص انا استنى لما ماما تغرفله واحطله في طبقه
- الله عليكى يا لولو بتفهمى والله
- روحى بقي يابنتى خديلك دش كده وغيري هدومك
- ماشي يا ماما بس بقولك ايه سيبيلى طبق محمد انا اللى هغرفه
- اشمعنى يعنى؟
- احم , عادى يعنى يا ماما
- ههههههههه ماشي ياختى ربنا يهنى سعيد بسعيدة ماهو الحب مولع اهو وعاملالى قال ايه مكسوفة
(هههههههههه مولع؟ ااااااه هو لسه شاف حاجة, غلبانة الست ماما دى والله)
خدت دش وغيرت في السريييييييع
اه طبعا عايزة الحق قبل ما ماما تغرف
خرجت لماما
- ايه اللى انتى لابساه ده؟!
- ايه يا ماما ؟ ماهو فستان ومحترم اهو
كنت ناوية البس اسدال البيت بس قولت مش من اول مرة استنى لما يقدم شوية
- يقدم؟
- محمد يا ماما مش الاسدال
- حسبي الله البت هتجننى وهتطفش جوزها بدرى بدرى
- مالك يا ماما ؟ (هو انا جيت جمبها الست دى؟ دى تلاكيك بقي )
- فيه ايه يا جماعة
- مش عارفة يا بابا وربنا ماعملت حاجة
- الحق بنتك شوف هتقابل جوزها ازاى
- ايه اللى انتى لابساه ده يا علياء؟
- ماله الفستان هو وحش؟ مانتوا على طول بتقولوا انه حلو عليا
- لا وكمان لابسة الطرحة الطويلة عليه ما شاء الله بنتك هتجيبلي الضغط والسكر
- هيا الطرحة الطويلة اللى مضايقاكى؟
- اااااه يانى ياماااااا
- اهدى بس يا ام علياء , وانتى يابنتى طالعة لجوزك بالشكل ده؟
- ماله علشان الطرحة يعنى؟ بصوا انا اتحرج اطلع قدامه بشعرى مش كفاية امبارح و ان كان عاجبه بقي
(مش كفاية لابساله فستان كان ماله اسدال البيت واقلب يا معلم خليهم يتأمروا )
سمعنا الجرس بيضرب
- شكله جه معلش يا ام علياء هبقي اقوله ان بنتى هبلة وهو اللى مختار مالناش دعوة اغرفي بس الاكل وابقي دخليهولهم الاوضة علشان مايتحرجش مننا
- اوضة؟ يا ضنايا يا ابنى ياللى وقعت في جوازة منيلة الحمد لله انه يتيم ولا كانت امه جابتك من طرحتك دى
سيبكم من ماما قعدت طبعا طول ماهيا بتغرف مقضياها موشحات اموووووت واعرف عملتلها ايه لكل ده!! عالم غريبة اجدع
- تعالى يابنتى سلمى على جوزك عما ماما تجهزلكم الاكل
- لا يا بابا استنى هغرف معاها
- مايصحش يابنتى عيب جوزك بره لواحده
- طب ماتروح تقعد معاه
- علياااااء هيا كلمة واحدة
- حاضر حاضر روح وانا جاية وراك
هعمل ايه ياربي؟ مانا معرفش انهى طبقه ,
ايوووووووووة انا اخد الشطة وابقي اشغله في اى حاجة واحط في طبقه
وجريييييت عالشطة خدتها وجريت عالاوضة خبيتها تحت المخدة ربنا يستر وماتقعش
احسن ابقي وقعت في شر اعمالى وانا عندى حساسية وهتبهدل
وطلعت بره لقيته اول ماشافنى وقف وتنح شوية
شوفوا يا ولاد الراجل وقلة ادبه طب راعى ان بابا موجود في الاوضة
سمعت بابا بيقوله
- معلش يابنى اصلها لسه مش متعودة عليك وكده فلبست زى ماهى متعودة
(والله ما فاهمة بيعتذر على ايه ده؟ هو علشان مضيلهم على حتة ورقة يبقي خلاص اطلعله بشعرى ؟ دا ايه العالم الايزى دول)
- لا عادى ياعمى براحتها
(لا والله كتر خيرك بصراحة)
- هروح اشوف ام علياء وصلت لفين في الاكل عن اذنك يا ابنى انت في بيتك خد راحتك
- احم , اتفضلى يا عليا
- ايه دى؟
- افتحى شوفيها
- الله , عروسة وشيكولاتات ربنا يخليك يارب تعبت نفسك ليه
- وجبتلك قصب كمان بس بره عند الباب
- ههههههههههه على فكرة كنت بهزر
- ماشي المهم ايه رايك في العروسة
- كميلة خااااااااالص
- الحمد لله انها عجبتك
- اتفضلوا يا محمد الاكل جوه قومى يا علياء خدى جوزك الاوضة
- ماتخلينا ناكل معاكم يا بابا
(اه بقي مافيش داعى للشطة , حرام جايبيلى حاجة حلوة وعروسة )
لقيت بابا بيزغرلى
ومحمد بيتنحنح
- خلينا ناكل مع بعض احسن يا عمى نفتح نفس بعض
- لا يابنى كلوا انتوا بالهنا انا عايز اكل مع ام علياء لوحدنا بقي وماصدقنا نرتاح من علياء ودوشتها
يالا يا علياء
- اتفضل
وروحنا الاوضة لقيت ماما عاملالنا وليمة جوه
ولسه هنبتدى ناكل لقيت تليفونه رن
- مين؟
- رقم غريب مش مشكلة
- لا رد احسن يكون حد عايزك ضرورى حرام
- ماشي
ورد عالتليفون
- السلام عليكم
- ايوة مين معايا؟
- باشمهندسة جميلة؟
- (نعم نعم؟ مين ياخويا؟ ودى جابت رقمك منين ان شاء الله؟ اكيد هو اللى مديهولها لاااااا يبقي نرجع للشطة )
قمت جيبت الشطة وهو مش اخد باله
طبعااااااا مركز مع ست جميلة وحطيتله على اطباقه كللللها شطة بالهبببببل
اه علشان لو بيحبها بقي لازم اولع فيه مااااااااشي يا بتاع جميلة
- تمام الحمد لله , وانتوا عاملين ايه واخبار المصنع ايه؟
- معلش كنت مشغول الفترة اللى فاتت
(والله؟ مشغول؟ مكسوف تقولها بتكتب كتابك؟ ولا خايف على مشاعرها)
- ان شاء الله
- ربنا ييسر ان شاء الله
- حضرتك كنتى عايزة حاجة؟
- ماشيسلام عليكم
- محمد رسول الله
(بنت القرررررررررعة بيحبوا في بعض قدامى ,ااه يا قلبي يانى )
- مالك يا علياء؟
- ماليش اتفضل كل
- احححححححح
- ايه مالك سلامتك؟ الاكل مش عاجبك ولا ايه؟
- لا ابدا هو مين اللى طابخ انتى ولا ماما؟
- ماما بس انا كنت بساعدها؟
- ممممممممم تسلم ايدها يارب
- تسلم
(ووشه احمرررررررررر)
- انتى مابتاكليش ليه؟
- باكل اهو
وقعدت اكل وانا طبعا مافيش في طبقي شطة وهو ياكل ويشرب مية رغم انه اكيد عارف ان المية بتزود بس احسن يستاهل يبقي يروح لست جميلة ياكل عندها الحلو كله
صدقونى هيا الرجالة كده مايملاش عينها غير التراب
وخلصنا اكل وماما كانت عاملة اصناف كتير حلو ومنها جيلي قعد ياعينى ياكل فيه
هو صعب عليا اه بس يستاهل برده الخاين بتاع جميلة
- مالك يا حبيبتي ساكتة ليه؟
(حبيبتك؟ حبتك عقربة )
- ماليش سلامتك
- لا بجد مالك ؟ حسيتك اتغيرتى مرة واحدة
- عادى انت اللى بيتهيالك
- علياء؟ انتى هتعيطى؟
- لا وهعيط ليه بس فيه حاجة دخلت في عينى
- طب عينى في عينك كده
- هقوم اغسل عينى عن اذنك
ودخلت الحمام وقعدت اعييييييييييط , لما هو بيحبها اتجوزنى انا ليه؟
بس والله لاوريه
ماشي يا محمد يا انا يا انت
وقال ايه؟ مصطفي مش محرم
انا هوريك الشطة والغيرة على اصولها
عامللى فيها البرئ وعمال يسالنى مالك
خلصت عياط وغسلت وشي كويس وطلعت
- علياء وحياتى عندك تقولى مالك انتى شكلك معيطة في ايه؟
- مافيش صدقنى بس عندى حساسية بس في عنيا
- ماشي يا علياء براحتك
- انت هتنزل بكرة الكلية؟
- اه ان شاء الله
- والمصنع؟
- لا المصنع هنزله من اول الاتنين ان شاء الله
- ان شاء الله
- طب مش عايزة تقولى حاجة؟
- حاجة ايه؟
- اى حاجة
- لا شكرا
- طب وحشتينى
- شكرا
- ايوة وبعدين؟
- ولا قبلين
- بس حلوة اوى اوضتك
- شكرا
- طيب انا هقوم بقي مش عايزة حاجة؟
- لا شكرا
- طيب مش هتوصلينى حتى؟
- اه حاضر اتفضل
- رايح فين يا ابنى ؟
- هروح بقي يا عمى عن اذنك
- مروح ايه لسه بدرى
- معلش يا عمى علشان ورايا حاجات هحضرها لشغل بكرة
- ماشي يا ابنى الله يعينك
- الله يخليك
- سلام عليكم
- وعليكم السلام
ونشوف بقي حصل ايه في المقابلة البارت اللى جاى هينزل حالا
