ليه مش كل اللي بيقروا الحلقات بيعملوا فوت
اعملولي فوت وفرحوني مش هتخسروا حاجه يعني
.
.
.
عدت الايام وجه يوم الجمعة
طبعا عايزين تعرفوا لبست ايه
واضح ان موضووع اللبس ده شاغل كل اللى يعرفونى
عامة لبست تيشيرت كوم بيج عليه اسمايل
وتحت كارينا بنى مخطط من عند الرجل خطوط سودة
ورفعت شعرى لفوق ولفيته ونزلت خصلة بس على وشي
وايه كمان وايه كمان؟
اه ودهنت كحل وليب جلوس خفيف
وبعد كل ده كنت جديا بفكر ماطلعش
يالهوتىىىى اطلعله ازاى انا كده ؟
اللهم استرنى فوق الارض وتحت الارض ويوم العرض عليك
بابا جه يندهلى قولتله طيب روح وانا هحصلك
والظاهر اتاخرت عليه ماما جت تندهلى
- يالا يا علياء محمد بره بقاله كتير
- يييييه اخرج ازاى انا كده بس يا ماما طب احط عليا الاسدال طيب
- اسدال ايه ؟ ماتجننيش يابنتى ده جوزك يالا اخلصى وكنتى سيبيى شعرك
- لا اسيبه ايه هو كده حلو وبعدين واحدة واحدة الله يخليكم
- طب يالا
- طب استنى خدينى في ايدك
- هههههههههه ينيلك يا علياء هو لسه جاى يتعرف دانتى بقيتى مراته خلاص
- معلش يا ماما خدينى بس
- طب يالا يا اخرة صبرى
كلبشت في ايد ماما وخرجت الصالون
وانا عينى ماترفعتش من الارض وسامعة بابا عمال يكلم محمد
وبعدين سمعت ماما بتكلم محمد وبتقوله
- عاملالك بقي طاجن يارب يعجبك
- اى حاجة من ايدك حلوة يا امى بس شكللكم بتحبوا الاكل مشطشط
(يامصيبتى هتفضح)
- لا والله انا بس اللى بحبه لكن علشان بيتعب ابو علياء فبطلت احط في الاكل شطة خالص
- لو بتحبوا حراق قوللى وانا احطلك
انا طبعا وشي ازداد احمرار وعينى برده مارفعتهاش من الارض
بس حسيت بوش محمد بيتجه ناحيتى وهو بيتكلم
- لا انا برده مابحبش الشطة خالص
- طيب اقوم اغرفلكم بقي
- وانا هقوم اعمل مكالمة يا ولاد عن اذنك يا محمد
- اتفضل يا بابا
- بقي كده؟
- ايه؟
- بتحطيلي الشطة في الاكل يا عليا؟
- انا؟
- ايوة انتى
- وانا هحطلك شطة ليه؟
- طب ارفعى راسك كده وبصيلي وانتى بتتكلمى
- اهو
- ماما كانت جت وقالت اغرفلكم هنا ولا في الوضة
- ماما ينفع ناكل في البلكونة؟
- اسالى جوزك يابنتى اللى يريحه
- احم ممكن ناكل في البلكونة ؟
- ازاى بهدومك دى؟
- لا مانا هلبس الاسدال عليا
- ووشك يا هانم؟
- ماله وشي؟
- الاحمر واللالوانات
- مافيش غير ليب جلوس وكحل بس
- ليب ايه؟
- ملمع شفايف وخفيف اصلا
- لا ماعنديش الكلام ده
- خلاص همسحه بس نطلع البلكونة
- اد كده بتحبي البلكونة ؟
- جدااااا
- يابختها
- احم طيب هروح اغسل وشي و البس الاسدال
- ماشي
وروحت لقيته في البلكونة وماما ودت الاكل وقعدنا ناكل
- مالك؟
- مالى؟
- ههههههه وشك قالب طماطماية خالص انا فكرتك داهنة حاجة
- لا والله انا غسلت وشي اصلا
- طيب مكسوفة من ايه ؟ دانا حتى والله مؤدب ومارضتش اتكلم حتى
(مؤدب؟ ليه كنت ناوى تعمل ايه ان شاء الله؟ شكله فاكرنى من البنات الكوتى كوتى لاا مش انا يا حبيبي)
ساكتة ليه؟
- هقول ايه؟
- ههههههههه مش كنتى عايزة نتكلم من كام يوم
- مابحبش اتكلم وانا عالاكل
- مممممممم بتحبي تركزى يعنى
- حاجة زى كده
خلصنا الاكل وبعدها ماما جابت عصير وجيلي ومهلبية وكيك وحلويات شرقية حسيت انها بتأكلنا علشان هتدبحنا عالعيد
بس احسن حاجة انى قعدت في البلكونة بالاسدال بكامل احترامى واحتشامى
- طيب مش هتتكلمى بقي
- اقول ايه؟
- ههههههههه هو مش انتى اللى كنتى عايزة نتعرف على بعض ولا انا بخرف ولا ايه
- اه صح طيب ماتكلمنى عن نفسك بتحب ايه وتكره ايه وكده
- بحبك انتى
- احم بتكلم جد على فكرة لاننا لازم نفهم بعض
- طيب يا ستى انا اسمى محمد دكتور كيمياء عضوية وكنت شغال في مصنع بس قدمت استقالتى
(هيستظرف بقي ويقوللى كل اللى انا عارفاه)
والدى ووالدتى متوفيين وماليش غير اختى اللى هيا جارتكم بس كده عايزة تعرفي ايه تانى؟
- وهو انا عرفت ايه اولانى؟ ما كل ده انا عارفاه اصلا
- مانا مش عارف والله اقول ايه تانى اسالى طيب وانا اجاوب
- طيب انت عصبي صح؟
- ههههههههه بصي انا غالبا بالى طويل بس لما اتعصب بقي ببقي اجارك الله
- اه خدت بالى
وفضلنا نرغى وخدنا الكلام وحسيت براحة رهييييييبة واتفقنا على حاجات كتير
- يا خبر اتاخرنا الساعة بقت 11
- هيا لحقت؟
- اااااه دلوققتى اهلك يقولوا ايه عنى
- مش هيقولوا حاجة ماتخافش هما اصلا بيحبوك
- طب وبنتهم؟
- احم
- احم؟ طيب ما علينا بس بما اننا اتعرفنا بقي هطلب منك طلب ممكن؟
- اتفضل
- تتجوزينى؟
- ههههههههه ماحنا متجوزين فعلا
- لا انسي كل حاجة وكأننا كنا فعلا بنتعرف على بعض موافقة تتجوزينى؟
هزيت راسي باه
- ربنا يخليكى ليا يارب
- ويخليك ليا
- طيب انا همشي بقي
- ماشي اتفضل اوصلك
- هههههههههه طب امسكى فيا شوية
- الله ! مش انت اللى قولت عايز تمشي
- هههههههههههه انا قولت؟ طب اعزمى حتى عزومة مراكبية
- خلاص خليك قاعد
- هههههههههه لا يالا
وخرج سلم على بابا وماما واعتذرلهم ان الوقت اتأخر
ومشي
وهييييييييييييييح
بحبه بحبه يا ناااااااااااااس
اه بحبه جوزى وماحدش ليه عندى حاجة
روحت بقي انام عالسرير لقيته بيكلمنى عالموبايل
- سلام عليكم
- وعليكم السلام , وحشتينى
- لحقت اوحشك؟
- اااااه جداااااا من اول ماخرجت من باب بيتكم اصلا مش ناوية بقي تغيريى رايك ونتجوز بقي ونبقي في بيت واحد
- اه وساعتها بقي تزهق منى وماتصدق تخرج من البيت لاصحابك
- طيب وافقى كده بس وانا هلزقلك في البيت
- لا انا اصلا مابحبش قعدة البيت
- خلاص ياستى هاخدك ونخرج بس على فكرة انا مابرتاحش غير في البيت
- مممم طيب ادينى عرفت معلومة جديدة
- هههههههههههه اه بس عادى احب الخروج علشان خاطرك
- بس يا عم كلهم بيقولوا كده ويرسموا الحياة الوردية لزوجاتهم وياعينى احنا الغلابة لما نتجوز نتصدم بالواقع
- عم؟ نتصدم؟ النمرة غلط على فكرة
- بقي كده؟ طب اقفل بقي يا استاذ
- هههههههههههه لا ياستى بهزر , هتنامى؟
- اها
- ضرورى يعنى؟
- ههههههههههه ايوة
- دلوقتى؟
- ايوة ويالا بقي تصبح على خير
- وانتى من اهل بيتى يااااااارب
- هههههههههه يارب
- ايوة بقي كده
- سلام يا محمد
- مع السلامة يا احلى حاجة في حياة محمد
- سلام
وقفلت بقي قبل مايقول حاجة تانية احسن انا كده ممكن اضعف
تانى يوم روحنا الكلية وصلنى لحد المدرج وقابلت منة علي باب المدرج وقعدنا نرغى عما جه الدكتور
وخلصت ورايحة لمحمد المكتب لقيته مش موجودففضلت مستنياه في المكتب
جه محمد وعمال يبتسم
- خير مالك؟
- انتى هنا؟
- ايوة كنت فين؟
- كنت عند رئيسة القسم
- ليه؟
- هههههههههه جايبالى عروسة
- نعم؟ مين دى؟
- مش عارف هيا لسه بتفاتحنى في الحوار قولتلها انى كاتب كتابي
- والله؟ ورينى كده
ومسكت ايده
- في ايه؟
- هيا البعيدة عامية مابتشوفش؟ ما الدبلة في ايدك اهى
- ههههههههه عادى فيه رجالة بتلبس دبل منظر بس وسيبي ايدى بقي احسن حد يشوفنى يقول عليا ايه بتتحمرشي بيا
انا ماخدتش بالى خالص ان ايده في ايدى ووشي طبعا جاب الوان الطيف وسبت ايده بسرعة
- احم
- احم ايه بقي ما خلاص
- ماخدتش بالى على فكرة ماكنتش مركزة بس يعنى مش اكتر
- ههههههههههههه انتى بتبررى ايه ولمين يابنتى انا جوووووزك
- طب ماتقولش يابنتى دى بس
- حاضر يا حبيبتى
- احم يالا بقي نروح
- ياااادى احم دى
- الله ! مش كنت بتحبها
- اه بس كده كتير بقي مافيش اى حاجة غير احم دى؟
- حاجة زى ايه؟
- مافيش يالا قدامى
- يالا
لقينا موبايله رن رقم غريب
- افتح من غير ماترد ولو واحدة اديهانى
- ههههههههههه حاضر انتى تؤمرى وحرام فتح السبيكر
ولقيت صوت انثوى مايص صايص بيرد بيقول
- الو
- قمت انا رديت
- ايوة السلام عليكم
- وعليكم السلام هو مش ده رقم د\محمد رفعت؟
- ايوة يا حبيبتي انا مراته
واتكيت اوى على كلمة مراته
- مين حضرتك؟
- انا طالبة عنده في الكلية تالتة قسم كيميا صناعى كنت بس عايزة اساله هو فيه محاضرة انهاردة ولا لا لانى روحتله المكتب لقيته مش موجود
- ايوة فيه محاضرة وهو هيجى عالميعاد
- ماشي شكرا يا مدام مع السلامة
- سلام
ولفيت لمحمد وضيقت عنيا واتكلمت بمياصة شبه البت
- والطالبات بتتصل بحضرتك على طول يا دكتور؟
- ههههههههههههههه لا والله اول مرة من حسن حظى
- حسن حظك؟
- ايوة علشان اشوف الغيرة في عنيكى
- والله؟
- اه والله
- ماشي يا سعادة البيه الددكتور قال ايه بتسال المحاضرة في ميعادها ولا لا حجج فارغة
وهو طبعا قعد يضحك عليا طبعا مبسوط مفكر نفسه بقي جون ترافولتا والبنات بتترمى عليه من كل جنب على ايه بلا نيييييييلة بصوت مارى منيب
وروحنا وخليت بابا يشتريلي علبة شيكولاتة وخدته تانى يوم وروحنا وزعنا عالدكاترة وخصوووووصا الستات
مش خسارة الشيكولاتة اهو الناس تعرف انه بقي بتاعى انا وبس خيبة ايه دى لما رئيسة القسم تجيبله عروسة, شغالة خاطبة بعد الضهر؟
وطبعا الكل قعد يبارك ويهنى
وجينا لدكتور قسم الفيزيا لقيته بيمد ايده يسلم عليا علشان يباركلى قام محمد اداله شيكولاتاية تانية في ايده ومسكنى انجش فيا وخدنى وخرجنا
- الراجل اللى ماعندوش دم عايز يلمسك وانا واقف للدرجة دى البجاحة؟
- هما عندهم عادى كده يا محمد اكيد مش قصده
- والله؟ وانتى بقي كنتى هتسلمى عادى؟
- لا طبعا انا اصلا مابسلمش على رجالة والله
- اااه بحسب
تؤتؤ ماتحسبش
امال اعمل ايه؟
بص قدامك
وكملنا توزيع الشيكولاتة وروحت على محاضراتى وبعدين خلصت وعديت عليه وخدنى وروحنا
وهنا بقي قولت مابدهاش انا كده مستقبلى هيضيع اما اذاكرلى كلمتين
وبسسسسسسس
الفوت والكومنتات ياحلوين
اشوفكم بقي البارت اللى جاى
