ازيكوا ياحلوين وحشتكوا صح وانتوا كمان وحشتوني خالص خالص
يلا بقي نكمل عشان مانعطلش علياء عن مذاكرتها
.
.
.
ماقولكوش بقي عمالة اذاكر واشد في شعرى
ماما دخلت عليا
مالك يابنتى في ايه؟
مافيش يا ماما بذاكر ادعيلي
بتذاكرى؟ هيا الامتحانات امتى
لسه اخر الشهر اللى جاى
طب ما لسه بدرى اهو بتذاكرى ليه؟
اول مرة اشوف ام تقول لبنتها كده
هههههههه لا يا حبيبتي ذاكرى الله يعينك
ومشت وسابتنى قولت اكمل انا مذاكرة
واغنى طبعا بصوتى المتميز
اصلها كلية منحوسة ومالهاش مستقبل
والتليفون بيرن ... قلم يعنى بين
يا خبر ده الموبايل بيرن فعلا
دى منة تصدقوا قربت انساها
السلام عليكم
وعليكم السلام عاملة ايه يا وزتى
تماموز الحمد لله وانتى اخبارك ايه؟
تمام الحمد لله
هههههههههههه وحشتينى
يا راجل ماحنا كنا لسه مع بعض الصبح
هههههههه يعنى ماوحشتكيش قصدك بس وربنا وحشتينى مابقيناش نتكلم مع بعض زى زمان
اه والله يا اوختى من لقى احبابه
هههههههههه المهم عايزة ايه انجزى
انجزى؟ هيا حصلت؟ قلبي قلبي لااااااا وماتدمعيش ياعين
هههههههههه يابنتى اتقى الله بذاكر عايزة ايه
كمان بتذاكرى؟ انتى كويسة يا علياء؟
اه ليه؟
ليه؟ بتذاكرى وكمان مش عارفة ليه لالالا اتغيرتى يا لولو الشطارة الفجائية دى نزلت عليكى من امتى؟
هههههههههههه من زمان يا حبيبتى عقبالك
ياااااااارب عالعموم كنت بس بتطمن عليكى عاملة ايه مع محمد
تمام الحمد لله
اووك وابقي اتصلى ابت عبرينى مش كل مرة انا اللى اتصل
ههههههههه ماتكمليش حاجة عدلة للاخر ابدا ماشي ياختى شاكرين لافضال سعادتك
ههههههههه اهو ربنا يخلينى ليكى
هههههههه يارب يا حبي
ماشي شجعتينى اذاكر انا كمان يالا سلام
سلاااااااام
ورجعت تانى لمذاكرتى الحبيبة
لا حبيبة ايه؟ بلا نيلة
اما اكمل بقي
ييييييه التليفون بيرن تانى
هيا مذاكرة منحوسة مافيش فايدة على راي سعد زغلول
ومانيش رادد اهوووو
طب اشوف مين بس يمكن حد مهم
ده محمد ارد ولا ؟
دا مودى بقي اما ارد وامرى لله
السلام عليكم
وعليكم السلام مافيش مرة تغلطى وتتصلى انتى
ههههههههه هو انا بلحق؟!
الله الله قصدك انى مزهقك بقي
هههههههه لا والله
طيب بتعملى ايه؟
ابدا كنت بذاكر
بتذاكرى؟ غريبة
يا سلام!! هو فيه ايه ؟ كله مستغرب انى بذاكر انتم فاقدين الامل فيا اوى كده؟
هههههههههههه لا مش قصدى بس انتى قولتى قبل كده مابتذاكريش غير ايام الامتحانات وبعدين مين انتم؟
انت وماما ومنة
ههههههههههههه ماهو مش عوايدك
هههههههه ماشي شكرا
مممممممم يعنى انا معطلك؟
ههههههههه لا ماتقولش كده
اااااه طويب انا بالذوق كده اقفل من نفسي
ههههههههه ماشي مع السلامة
كمان ماصدقتى؟ ماشي سلام ومش هتصل بقي غير لما تتصلى
تؤتؤ ماتقدرش
والله؟ ليه بقي؟
علشان اكيد هوحشك ومش ههون عليك
الله الله في دى عندك حق بس ده معناه انى مابوحشكيش؟
احم
هيا حصلت احم؟ طيب سلاام
سلام
ييييييه هو زعل ولا ايه؟
غامض اوى محم ده الواحد مش عارفله حل
يرخم عليا يطلع بيحبنى امال لو بيكرهنى كان عمل ايه؟
شكلى مش مكتوبلى اذاكر
بس لاا انا هتحدى العالم كله واذااااااكر
المهم صحيت من النوم على موبايلي بيرن
مممممم سلام عليكم
وعليكم السلام انتى كنتى نايمة ولا ايه؟
مممممم
هههههههه والمذاكرة؟
يا خبر! دانا راحت عليا نومة
ههههههههه طيب الحمد لله اننا مش ايام الامتحانات
طيب سيبنى انام بقي
هههههههههه اسيبك تنامى ايه يالا فوقي عندك محاضرة
محاضرة؟ هيا الساعة كام؟
8 و10 دقايق
يالهوووووى احنا بقينا بكرة
هههههههههههههه بكرة ازاى
يعنى انا نايمة من امبارح طيب اقفل بسرعة هلبس
ماشي وانا هجيلك لما ارنلك تنزلى
اوك سلام
ومش عارفة انا غسلت وشي ولبست امتى ولقيت محمد بيرنللى ونزلت وكله بسرعة بسرعة
هما الناس اللى في البيت دول ماحسوش ان فيه حاجة ناقصة
بنتهم مثلا !
ايش حال ان انا الوحيدة كانوا عملوا فيا ايه ؟
مالك يا عليا؟
ها؟ لا مافيش
طب اتفضلى
اتفضل ايه؟
انتى لسه نايمة ولا ايه؟ اركبي
ااااااه صح
وركبنا العربية وووصلنى ورحت المحاضرة وخلصت قولت ارغى مع البت منة شوية وحشتنى المزغودة
مونى خلينا شوية
اوك ها عملتى ايه في المذاكرة
هو انتى ياختى تبصيلي في حاجة وتكمل ؟ راحت عليا نومة
هههههههههه وانا مالى يابنتى دى حاجة زى قوانين الفيزيا معروفة حتى علماء الفلسفة يقولولك لو عندك ارق جربي تذاكرى شوية وانتى تنامى زى الفسيخة
ههههههههه بذمتك علماء الفلسفة بيقولولى انام زى الفسيخة؟
اه ولو مش مصدقانى روحى اسالى ارشميدس
هههههههه هو ارشميدس كان عالم فلسفة؟
ايوة ياختى مش هو اللى اتفلسف وعرف ان التاج مش دهب وهو بيستحمى
هههههههههههه فبقي كده فيلسوف
طبعا طبعا
خدى الحكمة من افواه المجانين
بقي انا مجانين؟ ييييييييه مصطفي بيرن
مصطفي وييييييه؟ والله افتن عليكى
افتنى ولا هيصدقك؟انا رايحاله تيجى؟
لا ياختى هروح انا لمودى حبيبي
ولقيت منة احمرت واخضرت
ازى حضرتك يا دكتور
ببص ورايا لقيته محمد
الله يسلمك يا منة عاملة ايه؟
تمام الحمد لله عن اذنكم
ومشت وسابتنى بنت الناس الطيبين
يالهوى ياه ياه ياااااه
ده ايه ده ده ده داااااااا
يالهوتى يا خرااابي
حطيت وشي في الارض
اتاخرتى فجيت اتطمن عليكى
ـــــــــ
طب نمشى يالا؟
هزيت راسي باه
انتى كنتى بتقولى ايه لمنة ؟
جرييييت سبقته عالعربية
وفضلت ساكتة لحد ما ركب لقيته بيقوللى
على فكرة انا عازمك بره عالغدا
طيب هستاذن من بابا
ههههههههه انا كلمته استاذنته
ووافق؟
لا قاللى ازاى بنتى تخرج مع جوزها لوحدها
بتتريق عليا ؟ الله يسامحك
ههههههههه خلاص تحبي تتغدى فين؟
اقولك وتودينى بجد؟
ايوة
طب احلف
ههههههههه هو الموضوع صعب ولا ايه؟
لا مش صعب ولا حاجة عايزة اكل على عربية فول
ايه؟ههههههههه ده اقصى طموحك؟ اقولك اختارى تقوليلي عربية فول؟
اه والله نفسي فيها اوى
ماينفعش هتقفي ازاى عالعربية ووسط الزحمة
بالله عليك علشان خاطرى نفسي نفسى اوووى وحياتى عندك
حاضر بس والله انتى عروسة موفرة خالص
وفعلا ودانى على عربية فول والحمد لله ماكنتش زحمة وكلنا واتبسطنا
ها؟ مبسوطة؟
مممممم جداااااا
طيب تحبي تروحى فين تانى ؟
هو احنا لسه هنكمل خروج؟
هو احنا خرجنا اساسا؟
طيب حيث كده نحلى باه انا عايزة تين شوكى
انتى فاكرانى مصباح علاء الدين ؟ جاية تحققي احلامك؟
بقي كده؟
هههههههههه بهزر والله بس اجيبلك تين شوكى منين دلوقتى ؟
من عالكورنيش
هنروح الكورنيش دلوقتى؟
وفيها ايه؟
فيها اننا في الشتا
بس انا مش سقعانة انتى سقعان؟
لا
طيب يالا بقي
يالا هو موت وخراب ديار
وروحنا الكورنيش وكلت تين شوكى وحرنكش كمان
مش هتقوليلي كنتى بتقولى ايه لمنة ؟
ماقولتش حاجة
ههههههههههه برده؟ الانكار لن يفيد
_________
طب يالا بقي
هنمشي خلاص؟
اه علشان ماتتاخريش
ليه مش انا مع جوزى
ههههههههه حاسس انى جوزك تحت الطلب لما تحتاجينى بس
لا مش قصدى بس كنت مبسوطة مش اكتر
ماشي وعد يا ستى هخرجك مرة كل اسبوع او كل ماتحبي ايه رايك؟
ماشي
طب يالا بينا
يالا
ووصلنى
سلميلي علي بابا وماما
لا طبعا اطلع سلم عليهم بنفسك
لا معلش وقت تانى ان شاء الله
لا والله انت عايز الحاج والحاجة يبستفونى ؟ يالا بقي
معلش قوليلهم عنده شغل
شغل ايه؟يالا الشغل يتاجل
ماشي
ونزلنا طلعنا البيت وبعد السلامات والترحيبات
انا هنزل بقي بعد اذنكم
لا والله مانت نازل الا لما تتغدى
اتغدينا يا عمى والله بره شكرا
عمى تانى ؟
يا بابا يا اغلى بابا
طب يالا بقي كده هنتعشى سوى ها بقي قولت ايه؟
ماشي يا بابا
يالا يا ام علياء حضريلنا العشا
تعالى بقي نقعد احنا في البلكونة (دى عرفتوا اكيد انها انا الصايعة دى )
ماشي يالا
طيبين اوى باباكى ومامتك ربنا يخليهوملك
ربنا يخليهوملنا هما بيحبوك اوى والله
وانا كمان بحبهم اوى , وبحب بنتهم كمان
احم
يادى احم
دلوقتى مش عاجباك؟
هههههههههه لا طبعا انتى اى حاجة منك حلوة
ــــــــــــــــ
هههههههههه حتى احم خلصت
وروحنا واتعشينا وروح محمد
استنيت يكلمنى ماتصلش
يا ترى روح نام على طول ولا ايه؟
طب اكلمه؟ لا افرض صحيته
طب افرض زعل انى ماتصلتش
انا هتصل مش للاخر كمان رد ماشي ماردش هقفل
واتصلت
لقيته رد من اول رنة ده قاعد عالموبايل ده ولا ايه؟
السلام عليكم
وعليكم السلام. كنت خايفة تكون نايم
لا طبعا وانا اقدر انام قبل ما اسمع صوتك
احم
بس اتبسطت انك اتصلتى
مانا قلقت يعنى فقولت اشوف ماتصلتش ليه
ابدا قولت اعدى على اختى علشان ماتزعلش ولسه داخل البيت
طيب نام بقي علشان زمانك مرهق
اه والله
ماشي تصبح على خير
وانتى من اهلى
اشوفكم بقي البارت اللى جاى
ماتنسوش الفوت والكومنتات
