عدى اسبوع على نفس المنوال
طبعا مع المناغشات اللى بينا
وبدا الاسبوع الجديد
- ييييه هما مش ناويين يخلصوا المناهج بقي دى حاجة ملل
- بلاش انتى يا موس خلى حد غيرك يقول
- اهو قرك ده اللى هيجيب الواحد لوره
- هههههههههه ماشي الله يسامحك المهم سمعتى عن رحلة الغردقة؟
- اه سمعت
- طب ماتيجى نطلع
- لا ياختى بابا مش هيرضي
- وانتى عرفتى منين ماتساليه يمكن يوافق
- هو مابيوافقش انى اسافر يابنتى لوحدى بيخاف عليا
- ممممم اصلا كده كده مصطفي جاى هاتى محمد واظن باباكى مش هيقدر يعترض انتى جاية مع جوزك
- مش عارفة تفتكرى محمد هيوافق؟
- ومايوافقش ليه زنى عليه وهو يوافق اهو نغير جو قبل الامتحانات والخنقة يالهووووى ده هيبقي اسبوع جاااامد
- خلاص هقوله واشوف رايه
- اشطة يارب يوافق
- يارب
روحنا المحاضرة والسيكشن وخلصت ورايحة لمحمد المكتب بس قعدت افكر اقوله ازاى
واحنا في العربية قولت افاتحه بقي ولو وافق اخليه يقنع بابا
- احم محمد يمعت عن رحلة الغردقة؟
- لا مالها
- مالهاش بتسلم عليك كتير
- هههههههههه
- اصل يعنى منة ومصطفي هيطلعوا
- ايوة وبعدين
(يابااااااى دا انت غلس )
- ولا قبلين كانت بتقولى يعنى علشان اطلع معاها علشان ماتبقاش لوحدها
- مش قولتى انها معاها مصطفي
- اه اقصد يعنى عايزة بنت معاها علشان يعنى نقعد سوى وكده
- مممممم
(اه يانى يا قلبي انا عملت ايه بس في نفسي )
- طب وبعدين؟
- ههههههههه ولا قبلين
- بتكلم جد يا محمد
- وانا يعنى اللى بهزر انا مش فاهم انتى عايزة ايه دلوقتى؟
- عايزة اروح معاها ارتحت كده؟
- ههههههههه لا لسه ماعنديش انا ستات تبات بره البيت لوحدها
- والله؟ مانا هبقي مع منة
- هنهزر بقي
- دلوقتى انا اللى بهزر؟
- ايوة زى ماقولتلك مافيش سفر لوحدك
- مانت هتيجى معايا
- ايه ده بجد؟ ماحدش قاللى
- على فكرة انت غلس بقي
- عييييييب حد يشتم جوزه ؟ ينفع؟
- تؤتؤ يعنى هنسافر؟
- لا بصراحة انا مش فاضي
- والله؟ خلاص هسافر لوحدى
- طب اعمليها كده
- هتعمل ايه يعنى؟
- هههههههههه لا ياختى مش هقولك اعمل ايه علشان ماترجعيش تقوليلي احم
- انت قليل الادب على فكرة
- هههههههههههههه هو انا قولت حاجة؟ انتى بقي اللى دماغك راحت بعيد
(يووووووه بايخ وبارد ورزل وثقيل كمان )
- طيب انا هوافق بس بشرط؟
- ايه؟
- هتنفذى اللى اقولك عليه؟
- اه بس قول
- طيب قوليلي بتحبينى ولا لا؟
- لا بكرهك بقي انت رخم اصلا
- بقي كده؟
- اه
- خلاص مافيش سفر
- احسن اصلا انا ماكنتش هستحمل نسافر اسبوع سوى
- والله؟
- اه
- طب احلفى كده
- وحياة زحلف
- زحلف مين؟
- هههههههههه وحياة زحلف اللى عمره ما يحلف
- ههههههههههههههه مجنونة وربنا
- اه فيه اعتراض؟
- لا اطلاااااااااقا وعالعموم ياستى انتى تؤمرى اصلا مصطفي كلمنى وقولتله هكلم باباكى ولو كده هقوله يحجز وكنت عايز اعملهالك مفاجأة بس الله يسامحها منة بقي حرقت المفاجاة
- بجد يا محمد؟
- بجد يا قلب محمد
- الله الله الله تسلملى يارب
- تصدقي حلوة الدعوة دى
- دعوة ايه؟
- اسلملك دى
- احم
- هههههههههه ونرجع من تانى لاحم هاااااااااه مدوخانى معاكى
(بحبه بحبه يا نااااااااااس قال غلس قال دانا اللى غلسة )
- هههههههههههه طب انتى وشك احمر ليه؟ انا ماقولتش حاجة
- ها؟ لا بس علشان الجو حر شوية
- يمكن
- هو انت هتكلم بابا امتى ؟
- على اخر النهارد كده ان شاء الله
- ماشي ماتنساش بقي
- هيا صحيح الرحلة بكام؟
- ليه؟
- علشان اخد من بابا الفلوس
- والله؟ ليه خير متجوزة طرطور
- لا يعنى مش قصدى بس علشان
- هسسسسس يالا وصلنا اطلعى
- طب ماتطلع تتغدى معانا وبالمرة تقوله
- لا انا راجع الكلية عندى اجتماع
- ممممممم طيب خلى بالك من نفسك
- وانتى كمان يالا مع السلامة
- سلاااااااااام
وطلعت واتغدينا ومحمد كلم بابا وبعدين كلمنى قاللى انه موافق وبابا جه بعدها بحبة الاوضة
- لولو بتعملى ايه؟
- بذاكر يا بابتى
- ربنا يوفقك يابنتى , محمد كلمنى من شوية
- ها؟ وعايز ايه؟(بستعبط بقي وكده)
- والله يعنى ماقالكيش؟
- على ايه؟
- ههههههههه عامة هو قاللى استنى لما يبلغك الاول
- (ابن اللذيناااااا بيوقع بينى وبين ابويا )
- على ايه برده مش فاهمة
- هههههههههه على بابا برده؟ على رحلة الغردقة
- اااااااه مش تقول كده من الاول
- ههههههههههه ماشي يا سوسة المهم تخلى بالك من نفسك وشوفي الرحلة بكام وقوليلي
- احم ماهو محمد قال هيدفع هو
- هههههههههه جدع اوى محمد ده ربنا يباركلك فيه
- يارب
- ههههههه دعوة طالعة من القلب
- احم
- طيب هسيبك بقي تذاكرى بس مش عايزك تقصرى يا لولو ده اخر ترم عايزك تحافظى على مستواكى انا عمرى ماقولتلك ذاكرى علشان عارف انك عارفة مصلحتك
- ان شاء الله يا بابا ربنا يخليك ليا يارب انا بحبك اوى والله يا بابا
- انا برده يا بكاشة؟
- اه والله ايه عندك شك؟
- ههههههههه لا ياحبيبتي ربنا يحفظك ويخليكى ليا
- يااااااااااااااارب
- هههههههههههه انا خارج من اوضتك مش ناقص مناخوليا
- سلام يا بابتى ماتقطعش الجوابات
احم حيث ان محمد طلع جدع بقي ابعتله رسالة
بس اكتب فيها ايه؟
وقعدت اكتب وامسح واكتب وامسح
في الاخر بعتله
شكرا جدا اوى خالص ربنا يخليك ليا دايما يارب
يييييه بيتصل هيقوللى ايه؟ ماكان يبعت رسالة وخلاص
- السلام عليكم
- وعليكم السلام بحبك
- احم
- برده بحبك
- طب انا هقفل بقي علشان بذاكر
- بتهربي يعنى بس انا اعتقد انك بتحبينى مش كده ولا ايه؟
- ايه
- يعنى ايه؟
- _______
(ييييييه افهم بقي مش بيقولوا السكوت علامة الرضا )
- بقي كده؟ طب مافيش رحلة
- ماتقدرش
- فعلا ماقدرش علشان مش هيهون عليا ازعلك بس انا مش فارق معاكى زعلى
- لا طبعا ماتقولش كده
- طيب اقول ايه مانتى مش راضية تبلى ريقي بكلمة حلوة
- ماينفعش
- ماينفعش ليه يا بنت الحلال دانا زى جوزك برضه
- ههههههههههههه
- ابوس ايدك بلاش الضحكة دى
- طب اعيط طيب؟
- لا طبعا ماقدرش على دموعك
- طب اعمل ايه؟
- ماتعمليش هعمل انا
- هتعمل ايه؟
- هفضل مستنى لحد ماتحنى عليا وتحبينى زى مانا بحبك وساعتها مش هتقدرى تقولى ماينفعش
- طب ما افرض انا بحبك اكتر اصلا
- بجد والله يعنى بتحبينى؟
- انا بقول افرض
سمعته بياخد نفس طويل
- هتجننينى يا عليا
- بعد الشر عليك من الجنوون
- ما خلاص بقي الفاس وقع في الراس خلاص وبقيت مجنون عليا
- ههههههههههههههه
- لا انا بقول تروحى تكملى مذاكرة بقي
- ماشي
- عليا؟
- نعم
- انا نفسي فيها اوى
- هيا ايه دى؟
- هتستعبطى بقي؟ البسبوسة يا عليا تصبحى على خير
- وانت من اهل الجنة يارب
قفلت معاه قولت اكلم منة افرحها
- السلام عليكم
- وعليكم السلام
- ها؟
- للاسف رفض
- يابااااى خلاص انا كمان مش هطلع اصلا الرحلة هتبقي وحشة من غيرك ومالهاش طعم
- يا بكاشة مانتى هتبقي مع مصطفي
- بتكلم جد والله خلاص مش هطلع
- هههههههههههه خلاص خلاص ماتهونيش عليا اطلع بقي معاكى وامرى لله
- ازاى يا فالحة مش قولتى محمد مش موافق
- ماهو وافق بقي بعدها
- اه يا بنت التييييييييت
- عيييييييب لمى لسانك لارجع في كلامى
- ههههههههههه لالالا ابوس ايدك يا بنت الناس الطيبين
- ايوة كده يالا بقي انا قولت افرحك
- تسلميلي يارب امواااااااااه
- امواهاااااااااااات كتييييييير
- ايوة بقي وهنخربها
- ههههههههه ماشي يالا بقي سلام
- سلاااااااام
وعدى الكام يوم وجينا ليلة الرحلة ومحمدد بيكلمنى
- بقولك ايه؟ومش عايز لبس ضيق خالص
- حاضر
- ومالكيش دعوة بحد هناك غير منة وبس
- حاضر
- واى حاجة تحتاجيها تطلبيها منى انا وبس
- حاضر
- و000
- محمد والله انا قلقانة اصلا ماتقلقنيش زيادة وبابا وماما عملوا الواجب وزيادة وبعدين انا اصلا من امتى بلبس ضيق ولا بعمل حاجة من دى؟
- لا انا بأكد عليكى بس احسن فيه ناس عايشة على حوار البلد اللى مايعرفكش حد فيها
- لا ماتخافش اصلا جوزى هيبقي هناك وخنقى بقي
- بجد؟ ده ايه الخنقة دى ؟ ح ياخد جوزه وهو مسافر
- لو سمحت ماسمحلكش
- والله ؟
- اه والله انا بس اللى اغلط في جوزى
- انتى بتحبيه بقي على كده
- اظن حاجة ماتخصكش
- ههههههههههه ماشي يا عليا لما نشوف اخرتها ومش عايزك تقلقي وانا معاكى
- ماشي
- نامى بقي علشان تلحقي تصحى برى
- حاضر تصبح على خير
- وانتى من اهلى يارب يا احلى عليا في الدنيا
اشوفكم بقي البارت اللى جاى
ماتنسوش الفوت والكومنتات سلااااام
