اولا
حابة اقول ان القصة اساسها خياااااالى تمااااما
بس ممكن تلاقوا فيها مواقف من الواقع
ثانيا انا غايبه الفتره دي لأني تعبانه جدا وعيني وجعاني ومش بقدر اكتب علي التليفون لوقت طويل انا كنت بكتب في كراسه بس ماكنتش قادره انقله علي الواتباد بشكر صاحبتي سماح لأن هي اللي نقلته وبشكر كل اللي سأل عليا وزي ماوعدتكوا هعوضكوا
اسفه طولت في الكلام
.
.
نكمل بقي
روحت السيكشن وخلصت واستاذنت ماما اروح لمنة المستشفي علشان ازور باباها
وطبعا منة خدتنى على جمب وعملتلى استجواب
وقالتلى
- الله
ده شكله بيموت فيكى غيران عليكى حتى من جوزى
- والله؟ مبسوطة حضرتك ده بدا تحكمات من قبل مانتخطب امال لما نكتب الكتاب على طول هيعمل ايه؟يخلينى اقطع علاقتى بيكى؟
- ايه يابنتى الهبل ده؟ الراجل عنده حق ماتنكريش دانا لما اشوفه مصطفي بس هطين عيشته
- بت انا بحكيلك علشان تقلبي عليه؟ انا غلطانة انى بحكيلك ده حتى كان بيوصينى على محمد مايعرفش انه خسارة فيه
- اتهدى بقي انا احب الراجل الحمش وبعدين مش فاكرة قبل كتب كتابى كنتى تقوليله حرام وخافي ربنا ومايحللكيش صح ولا لا؟
- يوووووووه وهو حلال يتسرمح مع البت اللى شبه المقشة دى؟
- ههههههههه حرام عليكى دى طالبة وتلاقيها كانت بتساله في حاجة مش فاهماها ولا حاجة؟
- بجد؟ طيب يا سعادة البيه المحامى انا وربنا ما عارفة انتى صاحبة مين
- صاحبته هو طبعا
- نعم؟ اتعدلى
- ههههههههههههه بتغيري يا لولو؟ طيب اهو انتى بتغيري منى انا صاحبتك واختك وهو كمان بيغير من مصطفي
- يا باااااااى خلاص خلاص فهمت ومش هكلم مصطفي تانى ولو شوفته همشي من الشارع التانى حلو كده؟ اقولك انا اصلا هقطع علاقتى بيكى من اساسه انا ماشية سلام
- استنى بس يا لولو خلاص مش هتكلم ماتبقيش قماصة بقي
- لا انا كده كده همشي علشان ما اتاخرش
- ههههههههههههه ليه عندك اوامر؟
- لا ياختى علشان ااتغدى مع بابا وماما اى استفسارات اخرى؟
- هههههههههه لا شكرا سلااااام وسلميلي على ...
- يا نعم؟
- على بابا وماما , احسنى الظن بقي
- ماااااااشي سلام
بقت غلسة اوى منة دى
احسنى الظن احسنى الظن
روحت البيت واتغديت ونمت شوية
صحيت لقيت ماما بتقوللى
- مال وشك اصفر ليه؟
- مش عارفة يمكن علشان مرهقة شوية
- طيب يا لولو انا عايزاكى تاخدى اجازة بقي من الكلية لحد كتب الكتاب علشان نشترى اللى هتحتاجيه وماتبقيش تعبانة كده
- اجازة ايه يا ماما محسسانى انى موظفة يا حبيبتى انا طالبة يعنى ده اسمه غياب وده هياثر عليا طبعا وانا مش هاجى على اخر السنة اهبب الدنيا واضيع نفسي ويروح منى التعيين
- يادى التعيين يابنتى البنت مالهاش في الاخر الا جوزها وبيتها
- بس يا ماما بلاش كلام الست امينة دى وافرض لا قدر الله انى اتطلقتت بعد الجواز؟
- بعد الشر تفي من بؤك
- يا امى قولت افرض فرضا يعنى اقعد بقي اعيط واندب حظى وما الاقيش اللى يصرف عليا؟
- واحنا روحنا فين ان شاء الله؟
- ربنا يديلكم طولة العمر يا امى بس اكيد مش المفروض تقعدوا تصرفوا عليا مدى الحياة يعنى
- بصي انا عارفة انى مش هرسي معاكى على بر اعملى اللى انتى عايزاه
وتركا للتفاصيل روحت تانى يوم الكلية انا ومنة مالقتهوش
خليت منة تسال مصطفي طلع اخد اجازة اسبوعين
حال الدنيا اتشقلب يا جدعااااان
هو اللى اخد اجازة وانا اللى بروح الكلية
مع محمد مافيش مستحيل
وهعفيكم بقي من باقي التفاصيل بس الملخص انى اتطححححححنت الاسبوعين دول ما بين كلية ومشاوير
وسعادة البيه الدكتور مختفي تماما عن الشاشة
وتقريبا يوميا بحلم بكوابيس
اخرهم حلمت بواحدة داخلة عليا يوم كتب الكتاب بطفلين وبتقول انها مراته
شكلى فعلا بقيت معقدة يا ولاد
جه يوم كتب الكتاب
صحيت بعد الجرعة اليومية المعتادة من الكوابيس
صليت الفجر وقولت الاذكار وحاولت انام تانى مافيش فايدة
قعدت اقرا قران يمكن ارتاح شوية
ماما جت عليا
- ايه يا لولو اللى مصحيكى بدرى؟
- مافيش يا ماما مش جايلي نوم قولت اقرا قران شوية
- ماشي يا حبيبتى قومى افطرى يالا
ونجرى شوية بالاحداث
منة جت والكوافيرة جت ولبست واتمكيجت
لقيت ماما بتقوللى البسي الكاب يا لولو بابا هيدخل مع المأذون
نعم ؟ مأذون ايه؟
الماذون يا حبيبتى اللى هيكتب الكتاب
هو احنا لسه روحنا القاعة؟
ماهو محمد متفق مع بابا يكتب الكتاب هنا قبل ماتروحوا القاعة
والله؟ ولسه فاكرين تقولولى ؟ اظن لولا محتاجين امضي ماكنتوش تقولوا
- منة : اهدى بس يا لولو
- اهدى ايه يا منة مش شايفة بيعملوا ايه؟
- معلش يا طنط ثوانى بس
- حاضر بس ماتطوليش علشان الماذون بره
- مالك يا لولو
- انا خايفة اوى يا منة انتى فاهمة يعنى ايه كتب كتاب؟ يعنى لو ماحصلش نصيب هبققي مطلقة
- اهدى بس وماتعيطيش علشان المكياج يابنتى مانا كتبت الكتاب وزى الفل اهو الحمد لله
- يا منة انا معرفش عنه حاجة افرض طلع زى هشام؟
- يا حبيبتى انتى صليتى استخارة يعنى اللى هيحصل مهما كان فهو الخير مش انت مؤمنة بالله والقضاء والقدر؟
- اه طبعا ونعم بالله بس اعمل ايه خايفة اوى اوى
- ماتخافيش فوضى امرك لربنا وثقى بقي في تدبيره
- يارب يااارب
لقيت صوت تخبيط وماما بتستاذن تدخل
- ادخلى يا ماما تعالى
- محمد عايز يتكلم معاكى كلمتين يا حبيبتى قبل كتب الكتاب
- ها؟ عايز ايه؟
- مش عارفة
- الحقى يا منة تفتكرى عايز ايه؟
- مش عارفة يابنتى ماتدخليه وانتى تعرفي
- وهيدخل ازاى انتى مش شايفة انا شكلى ايه؟
- (اوعوااااااااا تفهموا غلط اقصد بس كنت بشعرى والمكياج لكن وربنا كنت لابسة كل خلجاتى شوفتوا خلجاتى دى؟ حتى الكارينا لابساه تحت الفستان)
- يابنتى البسي الكاب
- طيب لبسينى بسرعة
وبعد ما لبسته قولت لماما
- طيب يا ماما دخليه
ولفيت لمنة
- منة بالله عليكى ماتسيبينى حتى لو قالك
- حاضر يا حبيبتى ماتخافيش
ولقيت حد بيخبط
- ادخل
- احم السلام عليكم
- وعليكم السلام
- ازيك يا علياء
- الله يسلمك
- ماما قالت انك ماكنتيش تعرفي اننا هنكتب الكتاب هنا
- اها
- طيب انا كنت حابب نخرج من البيت سوى علشان اخدك بالعربية علشان بس مستحرم مش اكتر لكن لو تحبي نكتبه هناك براحتك ولو تحبي ماكنتبوش انهاردة اصلا برده براحتك اللى انتى عايزاه هيكون
ساكتة ليه؟
طيب ولو تحبي برده نسيب بعض مافيش مشكلة قولى بس وانا همشي حالا وبرده هقول ان انا اللى مش مرتاح ماتخافيش
- طيب قول للمأذون يدخل بقي علشان اتأخرنا
- بجد؟
- ههزر يعنى يا دكتور
- طيب سيبك من دكتور دى بقي , بس خلاص مافيش تراجع؟
- ههههههههه لا تراجع ولا استسلام
- ها؟
- لا مافيش
- ماشي ولينا كلام تانى بعد كتب الكتاب ان شاء الله
- احم
ومشي ولقيت منة بتقوللى
- مستعجلة ياختى على كتب الكتاب؟ الواد يقول ايه؟
- بس يا منة قصدك ايه؟
- واحمريتى كمان يا بيضة هيييييييييح
سكت وبصيت في الارض
(هو الجو ماله حر كده ليه؟ حاسة انى قربت اولع)
وكتبنا الكتاب وانا حاسة انى مش في وعيى ومش فاكرة ايه اللى حصل غير انى فقت لقتنى جوه العربية وغالبا رايحين عالقاعة
- مبروك عليا
- ها؟ الله يبارك فيك
- ههههههههههههه بس انا بقوللى مش بقولك بقي
بصيت في الارض وسكت
- على فكرة انا مبسوط منك جدا علشان لبستى الكاب ماتتخيليش مبسوط اد ايه
فضلت ساكتة برده
- طيب مش عايزة تعرفي حاجة؟
- حاجة ايه؟
- اى حاجة
- تؤتؤ
- حلوة تؤتؤ دى
- شكرا
- شكرا؟ مممممم طيب ياستى طالما انتى مش عايزة تعرفي حاجة اقول انا ؟
- اتفضل
- بحبك اووووووووووى بحبك فوق الوصف
- احم
- لا مافيش احم تانى خلاص بس ياستى وعد انى هحافظ عليكى وهعمل كل اللى اقدر عليه علشان اسعدك
- شكرا
- والله؟ شكرا؟ بس كده؟
- ربنا يخليك
- ربنا يخلينى؟ هو انا بشحت ؟ طب مافيش كلمة حلوة؟ دانا زى جوزك يعنى
- ها؟
- لا مش وقته ركزى الله يخليكى يا اما اروح انا للبنت
- نعم ؟ بنت مين؟
- اللى كانت واقفة تتمرقع معايا
- والله؟ طيب معلش نزلنى وروح بقي براحتك ماهيا الرجالة كده مايملاش عينها غير التراب
بتضحك على ايه؟ بضحك للدرجة دى؟
- بصراحة مبسوط
- والله؟ طيب خير
- طيب مش عايزة تعرفي مبسوط ليه؟
- لا مش عايزة روح قولت للبنت الممرقعة
- طيب نا هقول برده مبسوط علشان انتى بتغيري عليا بصراحة كنت خايف اوى تطلعى وافقتى عليا وخلاص وخاصة كنت بحس انك على طول مترددة
- غيرانة ايه؟ مش غيرانة ولا حاجة
- طيب ياستى خلاص ماتزعليش انا بقي بغير وبغير جدا كمان
- اه مانا خدت بالى وكنت عايزة اقولك ياريت تثق فيا اكتر من كده
- انا واثق فيكى جداااااا وزى ماقولتلك قبل كده لو كان عندى شك 1% ماكنتش اتجوزتك بس ده طبع فيا يمكن يكون وحش بس مش بقدر اتحكم في نفسي فعلا
- الغيرة دى اصلا مرض
- مرض؟ الله يسامحك ياستى واهو يمكن اخف على ايدك
وبعدين؟
- وبعدين ايه؟
- هتفضلى ساكتة كتير كده؟
- عادى اقول ايه؟
- هههههههههههه اللى يشوفك وانتى بتدينى دش مايشوفكيش دلوقتى وانتى في الوضع الصامت
- على فكرة وصلنا
- يا خسارة , طب بقولك ايه ساعة واحدة فوق ما تتأخريش ماشي؟
فضلت ساكتة (هو كمان هيتشرط عليا ؟)
- ماااااشي؟
- خضتنى
- سلامتك من الخضة يا حبيبة قلبي ان شا الله انا
- بعد الشر
- ايه؟
- ايه؟
- قولتى ايه؟
- ماقولتش
- ههههههههه طيب ماشي نطلع دلوقتى ولسه لينا كلام تانى بس ما تتاخريش علشان خاطرى
وطلعنا ووصلنى لحد فوق وسابنى وقعدنا بقي نشهيص سوى
وبعدين لقيت ماما بتقول يالا يا حبيبتى محمد جه بره
- هو احنا هنروح فين دلوقتى ؟
- هترجعوا البيت تتعشوا علشان قال عايزك تكونى براحتك علشان الكاب وكده
- الحمد لله
ولبست الكاب وجه محمد خدنى ونزلنا لفينا شوية بالعربية واحنا ساكتين
وبعدين لقيته وقف العربية فاجاة ونازل
- ايه رايح فين؟
- ثوانى بس هجيب الاكل وجاى
- طيب ماهو اكيد ماما عملت الاكل
- لا انا متفق معاهم ماتقلقيش مش هتاخر
وروحنا البيت
وقلعت الكاب وماما قالتلى ادخلوا اقعدوا في الاوضة علشان تبقوا براحتكم
(نعم؟اوضة ايه؟ الطار ولا العار , هيا مالها عيلتى بقيت سوو ايزى كده ده حتى مش ان بابليك وفيه فيلينجز)
دخلت الاوضة ولقيته دخل ورايا
يالهوووووى
- انتى هتفضلى بالكاب ولا ايه؟
- ها؟
- الكاب
- اااااه لا قصدى
- هههههههههه طيب حاسبي لما اقلعهولك
- ها؟ لا انا هقلعه شكرا
- حاسبي بس ماتخافيش
(اصوت طيب ولا اعمل ايه؟)
- انت بتعمل ايه؟
- شششش وطى صوتك
- ليه ان شاء الله؟ انا هعليه اخلي بابا وماما يجوا يشوفوا
- يشوفوا ايه؟ جوزك وهو بيقلعك الكاب؟ يا دى الفضايح
ولقيته قعد يضحك وقلعنى الكاب فعلا
- بسم الله ما شاء الله
ولقيته بيقرب اكتر وانا قلبي هيقف
- هتعمل ايه؟
- ولقيته باسنى في راسي
وانا بحلقت واذبهليت (عارفين كل ما اتخيل الموقف تانى ابقي عايزة ادينى بالالم افوقنى طب صوتى طب الطشيه المين اعملى اى حاجة الواد هيفكرك ما صدقتى)
- ايه؟ سنة الله!
عليا انتى كويسة؟
عليااااااااء
في بارت تاني حالا
