عشگ السادة

البارت الاول

#عشگ السادة
للكاتبة ضوء القمر

..اذا حبيت احد حبه بأعف احساس واذا مو لله حبك لا تحب الناس ...
...
في الساعة العاشرة ليلا يوم ٢٠١٤ /٦/٦
في بيت السيد جابر في النجف تحديدا الكوفة كان وكتها دخول داعش وهو باله يم ابنه

سيد جابر :سيد اخيك تأخر اهواي

سيد حيدره :اطمن سيد اكيد هو على جيه

جابر :اشلون وليدي اخيك رايح للموت

سيد حيدره :حجي سيد طاهر مينخاف عليه

جابر :هذا مو حجي سيد اشلون مينخاف ذولة الانذال ميخافون من احد مو كال العصر اني يمكم أي وين صار

حيدره.مااكدر الومه صدك طاهر تأخر مو من عوايده هيج اني هم كلبي عليه نار بس مخلي امانه بيد الله واهل بيته وره ساعتين ابوي السيد كوة ما وكف عن الصلاة والتسبيح لوما يندك الباب كان هو طالع لجدي علي

..هااا سيدنه اجه سيد طاهر

جابر :الله ان شاء الله هو كوم شوف منو

حيدره.طلعت اشوف منو لان بعد ما دخلو الدواعش السيد طلب نغير المفاتيح كلها فتحت الباب ولكيت السيد طاهر
..حي الله سيد طاهر خوفتنه يخوي..سلمت عليه

سيد طاهر :الله يحيك بعد اخوك بعدين انفهموكم يالله تفضلوو حياكم الله اهلا بيكم تفضلو البيت بيتكم

..تسلم سيد البيت عامر باهله
طاهر :ربي يحفظكم

حيدره .مستغرب منو ذولة شسالفة دخلو جوة ورحت وره طاهر
..سيد منو خطارك

طاهر :بعدين حيدره من هسه ابو السيد هنا
حيدره :أي هنا تعرفه ينتظرك
طاهر :ياالله السلام عليكم

سيد جابر :وعليكم السلام ورحمة الله وبركاته الحمدلله على السلامة وليدي

طاهر.دنكت ابوي رأس ابوي السيد واديه وسلمت عليه وهم ابوي
..الله يسلمك سيدنه

سيد فاضل :سيد طاهر خما صار شي بالدرب طولت برجعتك
طاهر :لا ماكو شي بعدين اخبركم امي العلوية وين

العلوية نجاة :هاا يبعد امك الف الحمدلله على سلامتك
طاهر :ربي يسلمج علوية هاي اني كدامج مابيه شي شكو هالبجي صدك جذب يمه
نجاة :يمه لا تلومني اني هنا مرتاحة وانت هناك بالموت اشلون ماابجي سودة عليه شحالكم

طاهر :سلامتج يالغالية احنه محروسين بالله واهل بيت النبي واذا متنه يامحلاها الشهادة في سبيل الله
نجاة :يمه تاني وين الي كلب واتحمل

جابر :اذكري الله علوية هاي ابنج مابي شي شكو كل هذا
نجاة :لا تلوموني سيد كلب والدة ومن حقي
سيد فاضل :حقج ام طاهر ان شاء الله ازمه وتعدي
طاهر :إن شاء الله سيدنه يمه اريدج تجهزيلنه اشو بسرعة خمس نفرات بالعجل