عشگ السادة

البارت العاشر

#عشگ السادة
للكاتبة ضوء القمر

بين الحب والكره صفة مشتركة وهي لا نهاية له. عندما نحب يبقى القلب بنبض بالحب  لاخر لحظة وعندما نكره بيقى الكره فينا لاخر محطة نقف عندها ...
....
سكينة.كعدت متأخره من وره سهرت البارحة حتى راسي يوجعني حسيت نفسي بجلست عند طبيب نفسي ..سبحت وسويت كهوتي الي صارت إدمان بالنسبة الي من الصغر علمت نفسي عليها بكل مرة اوعد نفسي اعوفها مجرد مااعصب الكه نفسي اشرب كهوة صح مو دائما بس تبقى إدمان وهالشي اهواي مضوج بابا
..كعدت بالبلكونه بيتنه يطل على حديقة جبيرة او متنزه ضخم احب اكعد واشوف الأطفال من يجون يلعبون والعصر اغلب العوائل تكعد بيها وهم اكو مركز لتنمية الطفولة ومركز العاب بين قوسين قريب على شارع تجاري اغلب الي ساكنين هالمنطقة همه عرب مختلف الجنسيات وهم اكو اجانب
..كعدت اباوع عليهم واكيد متخلو كعدتي من الاستماع إلى موسيقى هادئه
..خلي اعرفكم عن سكونه او مثل ميسميني بابا سكة قلبية 
..اني سكينة عمري ٢٢ سنة عن قريب ادخل ال٢٣ طالبة جامعية بسويسرا ادرس الادارة الاعمال وهم التجاره هسه تكولون ليش هالاختصاص لان احب التجارة والأعمال بشكل عام وهم بابا بريدني اكون المديرة من بعده رغم اني لحد هسه ماقابلة بس أول واخر لازم اقبل..
ارجع اتكمل عن نفسي مواصفاتي بيضه عادي مو كلش عيون نرجسية وساع عندي شفايف بيهن كبر عبالك مسويه فلر بس هو طبيعي شعري يوصل لكتفي مااحب الطويل كلش اسود فاحم جسمي متناسق احب اهتم بي ..اما شخصيتي هه مزاجيه لحظة اكون كوميدية وبلحظة اكون رومانسية وبلحظة اكون في قمة العصبية بس بشكل عام ومعروف عني بين الكل عصبية اما الي معاشرني لا لساني متبري مني اضحك واشاقه بشكل بس الي يحاول لو بكلمة يدوسلي بطرف احرك عليه الأخضر واليابس..
عائلة ابوي وامي منفصلين من بعد ولادتي بسنه ليش هاي بعد ابوي رجل أعمال وامي انسانه غيوره كرجل أعمال لازم يكون عنده علاقات واسعة مع أي شخص يفيده وحتى لو كان ميفيده يسافر اهواي بيت قوسين امي رادت انسان يكون كدام عيونها بكل وكت وهذا غير متوفر ببابا المهم انفصلو بعد عدة محاولات لتراجع عن هالموضوع بس للاسف بات بالفشل اما اني صرت بينهم همه الاثنين بابا مقبل يتنازل عني ولا امي بحجة انت متكدر تربيها بابا لعلمود اني ارتاح وهم ماابتعد عن امي قبل بس بشرط اشوكت ما عجبني باتصال واحد يجي يأخذني..مشت الايام والاشهر وامي تقدمها شخص وياها بالدوام وقبلت اني شنو وقعي اكيد ميكون الي أي موقع لان اصلا جنت بعدني عمري سنتين إلا كم شهر ربتني بيبي صح امي كانت موجودة بس مشغولة وخاصه انها عروس جديدة بابا من سامع بالموضوع جاي ماخذني وشفت اهتمام منه أكثر مشت الايام والاشهر ومرت سنوات فترات اكون عنده وفترات عدها او عند بيبي لحد ما وعيت على وضع الي اني عايشته وفعلا بكوتها شفت انو امي تميل لاخواني أكثر مني واهتمامها أكثر يمكن محد جان ملاحظ هالشي بس اني مااكدر اغفر لهيج شي