عشگ السادة

البارت الثلاثون والاخير

#عشگ السادة
للكاتبة ضوء القمر

‏قيلَ في اللّهفة العميقة:‏
أُحسُّ قلبي يغادرُني ليسكنَ في يدَيك.
......
حياة.حياتي ماشيه بشكل عادي صح أول بداية  كان اكو مشاكل لاسباب عاديه مثل ميكول واغلبها غيرتي الزايدة مرات افكر واكول هو ميشوف غيري ولا عنده سوالف التعدد شكو بعد متعبه نفسي اشتري راحة بالي

..رجعت بذاكرتي باليوم الي رجع من السفر وطلبت اروح لاهلي  صح غلطت من طلبت اروح واكيد راح يكولون اشلون تعوف زوجها الي مصار اهواي من أجه بس محتاجه اروح وفعلا جهزت نفسي وطلعنه لكيت كاعد بالهول وايديه جوه راسه
..اني كملت

طاهر :يعني بعدج معاندة
حياة :اريد ارتاح اشويه لان صار فترة مخنوكه
طاهر :مني مخنوكه
حياة :لا من نفسي اذا مقبلت عادي ابقى

طاهر.باوعت عليها هاي زعلانه خلي تروح ترتاح آخر فترة شفت التعب عليها
..مااشي يله نمشي

حياة.طلعنه من البيت وطول الطريق ساكتين لو يلعب ويه معصومه اما اني مرات اجاوب ومرات لا

طاهر :حياة يومين بس واجيج مااكدر بدونكم
حياة :الله كريم
طاهر :ماشي
اذا اظل اناقشها تصير مو خوش .وصلتها لبيت الشيخ

حياة :مراح تنزل وياي
طاهر :أي انزل
نزلت وياها كان الشيخ موجود سلمت عليه ولح عليه ابقى بس مكدرت وصيتها على نفسها وطلعت حاس بفراغ كلش جبير لو بس تبطل عناد ماادري ليش دوم فرحتي تنقص

حياة.من وصلت بيت اخوي سألوني لان حسو اكو شي
..لا ماكو شي ابد بس من زمان ماجايه عليكم واجيت
جاسم :خير ان شاء الله كل الهلا مكانج خالي
حياة :بالمهلي يخوي
تونست وياهم سوالف وضحك ومحمد هم موجود حاولت ترتيل تعرف اذا اكو شي بس ماحجيت لان مااريد احد يدخل اني وياه ميحتاج بليل كاعدين نسولف واتصل بيه ترخصت ورديت عليه
اني ساكته وهو ساكت بس اسمعه يتنهد
..طاهر
طاهر :روحه
حياة :اكو شي
طاهر :البيت اظلم متعرفين اشكد مشتاقلج ليش هيج بعدتي
حياة :محتاجه اكعد ويه نفسي مو تكول انو غيرتي  مدمرتني اريد اسيطر على هالشي
طاهر :وتكونين بعده عني مرات احبها منج احسج تكولين للكل هذا بس الي تدرين يحسدوني من يشوفني مرتاح ويكولون لو تعرف بيك هيج راح تتغير من زمان مزوجيك بس ميعرفون انو السبب هو انتي
حياة :شنو رادت منك
طاهر :هههه لو موجوده هنا مو جان حجينه كلشي بس انتي الله يسلمج ماخلتيني اشوف دربي
حياة :كلي شنو رادت
طاهر :ماشي راح احجي ولو الموضوع ماله أي علاقه بي او شي المهم صبا تطلبت تشوفني لان دخولها للعراق بي خطر لان طلعت بجنسية ثانيه مو نفسها الي عدهم

حياة :بس انت مو كلت انو شغلتها قانونيه
طاهر :أي صح قانونيه مابيها اي شي بس المشكلة انو جنسيتها القديم ماساقطه وهالشي سبب مشاكل المهم عندي صديقي عرف كدر يساعدها وسقط الجنسية وهم اخذت املاكها الي هنا وتذكرت مني وخلص هذا كل الي صار
حياة :بس وبقيت اسبوع هناك
طاهر :حياة شنو نسيتي كان عندي هناك ملتقى وهم مرحت وحدي ترا شفتهم بس يوم واحد
حياة : امم
طاهر :هههه ممصدكه مو
حياة :لا مو هيج بس مااعرف يعمي مجان اكو داعي انو تطلب تشوفك وليش هناك بالتحديد
طاهر :اني كتلها لان سفرتي لهناك قابل اعوف الملتقى واروحلها
حياة : امم ماشي
طاهر :راح اخليج ترتاحين ذني اليوم وبعدها اجيج وماكو أي عذر
حياة :ماشي
صح من حجالي ارتاحيت بس بعدني ضايجه وهم مو بسرعة اقبل بقيت يومين ارتاحيت بينهن وفعلا اجه اخذني ورجعت لبيتي ومن يومها اخذت عهد على نفسي ابطل غيرة زيادة لان اخاف تصير وتتحول لشك...