عشگ السادة

البارت الخامس

#عشگ السادة
للكاتبة ضوء القمر

يمدري شعايف بروحي...؟
يمدري شبية من دونك.....؟

شكثر تارك أثر بالعين
اشوف الناس بس لونك ..
....
حسن.من تصوبت كلت يالله فرجت وماانكتبلي الاستشهاد مرو كلهم على بالي ذكرياتي الحلوة ويه اهلي وجماعتي واحبابي هنا ويه السيد واصدقائي كلشي شفته بحياتي مر كدام عيوني وندى وكلامنه سوه ووعدي الها ارجع ونتزوج ونبني أسرة شفت قربت ساعة الوداع واسمع سيد فوك راسي وهو يشعجني حتى مياخذني النزيف بس وين هيهات انتظر الشهادة مثل الام من نتظرت اشوكت تولد غمضت عيوني وصارت الأصوات بعيدة عني كل اعتقادي متت ولحكت جماعتي وره فترة اسمع اصوات معقولة الي جاي اسمعه يعني اني ممتت بعدني عايش اشكد انقهرت اسمع صوت السيد يحجي وياي ويتحمدلي بالسلامة من فتحت عيوني جرت ااه شكبرها السيد يقوي بيه بس اني جنت ضايج كلش بحيث مو طايق احد صعب من انت بساحة حرب وتشوف جماعتك واخوتك فازو بالشهادة وانت لا تحز بخاطرك أي هيج احنه من نشوف واحدنه يوكع صح نتأذه بس نفرح من نشوفه سقط شهيد ونحسده لان الله قبل بشهادته

طاهر :لشوكت لا تبقى هيج
حسن :اااااه سيد تدري شنو اتمنى هسه
طاهر :بعد شنو تريد غير الشهادة
حسن :تنساني ندى
طاهر :وهاي منو بعد
حسن :سيد صح احنه من أول ما صارت الفتوى والتقينه ولسه سوى بس ابد محاجي عن نفسي اني عشت بصغري محروم ابوي استشهد بالانفجار جنه صغار ماعدنه معيل بس امي الي موت ابوي هد حيلها العيشة كانت صعبة حتى وان كان عندك عمام او خوال مرة مرتين يملون عظم بني آدم ثكيل والكل عدها عوائل اخوي الجبير هو الي كام يشتغل وهم بكل مرة يلكه شغل اسبوع كلش أسبوعين ويطفو وهاي جنه نتغدة مانتعشه الناس تجيبنه اكل رغم امي من تشوف هيج تموت قهر حتى احنه رغم جنه صغار بس نحس العمام بس أول كم شهر وبعدها اصلا ميعرفونه لحد ماامي كامت تخبز للناس وهم عليها التعب وهي وحدها جانت اختي بعدها ترضع جانت العيشة كوة مدبريها واختي شكل وياها الربو وامي هم كامت تتمرض علينه..الحياة جانت صعبة كلش لحد ما ربك فرجها من يمه واجه رجاال خير اذا ميت الله يرحمه واذا عدل الله يكثر من امثله من شاف اخوي يدور شغل اخذه لصاحبه وعلمه صنعه أول بداية صعبة عليه بس الحمدلله الله وفقه لحد ما تعلمها وصارت اشويه العيشة زينه صح مو ذيج الزينه بس نكدر عالاقل نجيب علاج لامي واختي اخوي عاف دراسته بس خلاني اكمل ووره الدوام جنه أساعده بحيث طفولتي كضيتها كلها شغل حتى اجيب لكمه حلال ناكلها وحتى اكدر اكمل دراسة ..لا مثل باقي الأطفال لعبت ولا جنت افرح من يمر العيد جنت افرح من اشوف ضحكت امي من نجيب علاكة المسواك ويانه...ااااه الحجي اهواي وسنه عن سنه احنه هيج واشويه اشويه كدرنه نعيش اخوي حصل عن طريق صاحب الصنعة تعيين بالجيش والشغلة ماصارت إلا علي ابو علي يله طلعت وهم كضه ست سنوات هو يدفع نص الراتب لهذا الرجال حتى كدر يوفي دينه لان هو تكفله..من بعدها كمنه نشوف نفسنه غيرنه من وضعنه رغم اني من يروح اخوي تشبع بجي لحد ميرجع كان بمواقع خطرة الجيش باي مكان يشمرو بس الله راحن بينه من كد ما الحجي تدعيلنه كبرنه وصرنه نعتمد على نفسنه ولا ندري بعمام او خوال ..