عشگ السادة

البارت السادس

#عشگ السادة
للكاتبة ضوء القمر

هل يخجل الوردُ منْ تويجاتهِ ؟
أم انكِ لم تعرفِ قيمة عباءتكِ بعد !!
      في عباءتكِ الطهر ..
.....

حيدره.جنت اشوف اخوي مو طبيعي باهتمامه لهاي البنيه رغم هي مو منه واشكد حاولت وياه بس هو ظل مصر انو بعدين يحجي اني عفته وبقيت انتظر اشوكت يحجي لحد مافديوم عرفت شغلة انصدمت من عرفت بيها اصلا لوما اشوف بنفسي بلا اصدق معقولة طاهرر...لا ميسويها وليش ماخبرنه طول الوكت اني افكر زين ابوي السيد اذا عرف مستحيل يمشي السالفة هيج لازم اكو شي طاهر مستحيل يسوي شي بدون ميحسبله الف حساب المشكلة هسه هو ماموجود جان ماخليته اتصلت بي همزين عنده شبكة

.الووو سلام سيد
طاهر :وعليكم السلام هلا بسيد حيدره
حيدره :هلا بيك انتو وين هسه وصلت لو بعدك
طاهر :لا والله بعدنه ان شاء الله فد ساعة او اكثر توصل ليش صاير شي
حيدره :امم خير ان شاء الله لا ماكو شي
طاهر :متاكد ليش احسك عندك شي كول
حيدره :لا من تجي الموضوع مو مال تلفون وهم مو مهم
طاهر :ماشي براحتك

حيدره.واستمريت على هالحال حتى مرات ابوي لاحظ عليه صافن ودوم افكر وخاصه جنت طالب مرحلة أولى الشهر ماخلصت إلا عيوني بيض وانتظر لحظة لحظة حتى احجي وياه

طاهر :أي سيد حيدره كول شعندك من اجيت وانت مو مثل كل مرة خير صاير شي
حيدره :اني الي اسأل اكو شي ضامه عنه
طاهر :شي ضامه عنكم مثل شنو يعني
حيدره :مااعرف انت كول سيد لا تتوقع مني اني حيدره الصغير اعرفك كل الزين من عندك شي
طاهر :هه كبرت وصرت تحقق وتخاف على اخوانك
حيدره :اكيد وخاصه الموضوع من يوصل عدكم. شفته مبتسم ذبيت القنبلة..سيد انت متزوج بالسر. بس كلت هيج هو انصدم

طاهر.انصدمت من كال هيج هذا اشلون عرف متوقعت راح يراقب تصرفاتي هذا ماحسبت حسابه
..اشلون منو كلك هالحجي
حيدره :ماحاجه اخد يخبرني اني عرفت بس اريد اعرف منك وليش بالسر لازم اكو شي
طاهر :تتوقع اخوك ممكن يغلط
حيدره :لا مستحيل ولا واحد بالف مو بالمية بس شنو الي خلاك هيج تتصرف

طاهر.مدري ليش اكيت نفسي احجيله رغم هو مو بعمري ولا راح يفهم بس ارتاح بالحجي وياه

حيدره :اشلون عقدت عليها وهي اشلون قبلت
طاهر :هذا اتفاق مجرد ما تسافر اني اطلكها لان الجواز ميطلع اذا مو هيج
حيدره :سيد بس هيج تزوير
طاهر :وين التزوير اني عقدت عليها وصارت على ذمتي طلعتلها جواز جديد وبدل للجسنية كلشي قانوني

حيدره :زين هي مسيحية اشلون
طاهر :ماطول صارت على ذمتي عقدت عليها بشريعه محمد وهم شهدت الشهادتين سيد شنو نسيت اني طالب حوزة واعرف هالشي ميصير الا تدخل الإسلام
حيدره :وهي اشلون قبلت
طاهر :قبلت ماعدها حل ثاني وهم زواج على ورق