عشگ السادة

البارت التاسع عشر

#عشگ السادة
للكاتبة ضوء القمر

‏كم ستكون رهيبة نظرة اللقاء الأوَل من بعد كُل هذا الشوق و الإنقطاع!!!
.......
ترتيل.يمكن بذيج اللحظة لو يخلون سلاح بوجهي مااخاف من كد ما خوفني وكفتنه سوه يمكن لان اول مرة بهيج شي أمر وخاصه صار بينه موقف جنت خجلانه كلش وخفت لا احد يشوفنه نزلت راسي وطلعت بس شنو كلبي يدك بشكل عالي واحس وجهي احمر

زينب :زيارة مقبولة يحلوة

ترتيل :تقبل الله منا ومنكم
زينب :شنو هالخدود الحمر
ترتيل :ههه اشبيهن
زينب :فديت الخجلان
ترتيل :انتي ليش هيج تخجليني ههه
ضحكنه ورحنه يم البقية اما هو وره اشويه اجه ايد ماورفعت راسي من ناحيته وهو هم مجان نظره باتجاهنه

...
حيدره.من حسيت على روحي نزلت عيوني
.هاي اني شجاي اسوي معقولة ابقى مركز بيها شتكول عني هسه شفتها راحت رجعت شعري ليوره ومسحت على لحيتي
.استغفرت وطلعت شفتها واكفه ويه زينب وبعدين راحن وره اشويه رحت وياهن
.احلى شي سيد طاهر مستغل الفرصه هنا وكاعدين جوة

ضرغام :اكلك طاهر وين مشفته
حيدره.نزلت راسي وابتسم :هه اخيك بقى جوة كاعدين أول مرة يسويها ويكعد ويه مرة
ضرغام :يعني واخيرا هسع نكدر نكول استقر
حيدره :أي نعم بالخير عليهم

ضرغام :اللهم امين يوم الك بس انت بقيت

حيدره.من كالي هيج رفعت عيوني ونظرت الها جانت كاعدة تضحك سبحان الله حتى بضحكتها خجولة
..الله كريم
....بعد مرور اسبوع

حياة.اليوم نروح للنجف نعقد وهم الحنه حماي ضرغام كالو فرحه وحده أحسن منظل نروح ونرد هو مخلص كلشي
..يله ترتيل تأخرنه

ترتيل :هاي كملت بس البس عباتي
طبعا اخذنه ملابسنه ويانه لان مناك نطلع لبيت العروس مو مال ابقى بفستاني للعصر طلعنه من كربلاء اني ومحمد وهمام حجزنه بفندق أحسن اخذ راحتي وهم مراح نطول اهواي

محمد :ترتيل وينج
ترتيل :هنا واكفه اصور
محمد :امشي ننزل نزور ونفتر
ترتيل :هاا
محمد :لعد ها يله البسي عباتج
ترتيل :يله ماشي
لبست عباتي وطلعنه من الفندق عمتي واهلي راحو للمحكمة ومناك يرحون لبيت السيد عازمينه على الغدة من يكملون عقد نروح

..تدري صار اشكد ما مفتره هيج
محمد :هه ادري بيج وياي تاخذين راحتج
ترتيل :مو بس هيج انت متحاسب على اقل شي همام وزين ميعجبهم أي شي بس انت لا بيك مجال

محمد :ترتيل نظرة الناس اختلفت قبل جان محد اله علاقه باحد هسه الي تمشي الف واحد يباوع عليها ولازم نخاف موو
ترتيل :أي والله الوضع تغير

محمد :صدك عرفت من همام زيد اتقدم ورفضتي خير اشبي الولد
ترتيل :انت مقتنع بي يناسبني
محمد :سالفة مقتنع لو لا هاي تبقى يمج مو اني الي اتزوجه بس من ناحية الولد خوش ونعم منه ماشفنه شي مو زين منه