#عشگ السادة
للكاتبة ضوء القمر
وإجعلهُ اللّهم مهدوي القلب حتى اذا نظر إلى إحداهنَّ سهواً غضَّ بصرهُ،،،
وقال معاذ اللّه أن أنظر لغيرها
........
جان الهوى حلو هبت نسمه من يمي ورفعت راسي وانصدمت بالي شفته كاعد بكامل اناقته وذيج البسمه على وجه كعدة تدل على رزانة صاحبها
...ترتيل...
ترتيل.رفعت رأسي جانت نور كلبي جان يدك بقوة عجيبة وجسمي احسه يرجف
..هاا
نور :اشبيج صافنه اكو شي
ترتيل :لا ماكو هيج انتظرج
طبعا هو ظل كاعد بمكانه واحنه كملنه لان الحفلة بدت ماحبيت ابقى اهواي مجرد ماسلموني الشهادة ودرع التميز طبعا ابد ماغاب عن بالي كل اشويه اصفن وهم مرة شفته موجود بالقاعة واني احاول اسيطر على رجفت ايدي مكدرت
..اوف هسه اني اشبيه ليش هيج خايفه
حياة :اشلونها الحلوة
ترتيل :عمه مااصدك هاي انتو هنا
حياة :الف الف مبروك يروحي التخرج اكيد نجي شعدنه غيرج
ترتيل :يعمري يمه فديت الحلو منوره
طاهر :الف مبروك دكتورتنه
ترتيل :هه الله يبارك بيك دكتورة مرة وحدة
طاهر :انتي بمثابة دكتورة
ترتيل :يعني اشوكت اجيتو
طاهر :يعني قبل ساعتين خلصت الحفلة
ترتيل :لا بعدها بس اني طلعت
حياة :اعرفج متحبين هيج
طاهر :إذا هيج خلونه نطلع نتغدة برا
ترتيل :اوك على راحتكم
حيدره :السلام عليكم
طاهر :وعليكم كملت
حيدره :أي كملت
اباوع عليها صافنه حقها تنصدم اشكد مشتاقلها الخجل زايدها جمال ولون شالها زايدها نور دخيل الله على الترافه طلعنه خارج الكلية نتغدة هاي سوالف طاهر وحياة ادري بيهم والا اني ماردت هيج وحتى شفتها مستحية كلش
حياة :ايي رتو اشلونها الحفلة
ترتيل.مااحجيلكم على الخجل الي بي :حلوة الشباب مقصرو بالترتيبات وهم حضور اهواي
طاهر :محد اجه لو انتي معزمتي
ترتيل :لا بابا والولد كالو نجي بس اني مااخذت أي بطاقه وهم اني اعرف كل الزين الاجواء شنو مو مال ابقى كاعدة بيها
طاهر :عفيه عليج
حياة.طبعا جنه متقصدين نجيب حيدره الي مصار اهواي على رجعته لازم يكون بينهم حوار حتى نشوف يتوالمون لا
طاهر :ترتيل انتي تعرفين ليش اجينه
ترتيل :لا اكو شي
طاهر :احنه جينه حتى تكعدون وتحجون مع بعض اخذو راحتكم راح نكعد بعيد عنكم
ترتيل.من كال هيج تذكرت كلام ماما قبل اشهر
....
ترتيل :شنو ماما شكلتي
سكنه :جاي اكلج من اجوي السادة طلبو ايدج بس كالو خلي تكمل دراسة والسيد هم يكمل
ترتيل :أي سيد تقصدين
سكنه :حيدره يمه اشبيج اكو غيره واحنه ماحجينه شي ابوج كال مو هسه بس قبل كم يوم كال انو السيد جابر رجع حجه وياه واني هسه بلغتج يعني راح يجون ويكعد وياج النظرة الشرعية
أنت تقرأ
عشگ السادة
Romanceقال لها :احبكِ بعدد المشتاقين لزيارة للحُسين قالت له :احبك بعدد المنتظرين للامام المهدي ..عندما يولد الحب في قلوبً ملئها الإيمان وتقوئ يكون حبا خالصا لله كلما نبتت بذرة في القلب ازهرت عشقا لا ينتهي
