عشگ السادة

البارت ٢٨و٢٩

#عشگ السادة
للكاتبة ضوء القمر

إني احبك، والمحبة بيننا كمسلمات الكون لاتتبدل
كل المسائل قد يجوز نقاشها إلا هواك نقاشه لايقبل
.......
ترتيل. تفاجأت من كلي راح يسافر صح جنت اعرف وكلي بس توقعت انو ميخلو ولو صار يومين من على بعضه وهالشي قالقني
.دخلت للغرفة لكيته مخلي الحاسبة يشتغل عليها كعدت انتظره يكمل تقريبا مرت ربع ساعة ونفس الحالة مو من طبعه يتجاهلني

..حيدره

حيدره.على اعصابي متحمل :نعم
ترتيل :اكو شي صاير
حيدره :مثل شنو
ترتيل :اني الي دسأل اكو شي ليش احسك ضايج
حيدره :لا ماكو شي
عفتها ورحت نمت وهاي أول مرة اسويها بس جنت فعلا تعبانه

ترتيل.راح نام واني ظليت صافنه شكو وليش هيج يتصرف ان شاء الله ماكو شي اني هم رحت نمت يمه بس كوة كدرت انام
وره فترة مدري اشكد مر من الوقت بس جنت غافية حسيت عليه يحضني قوي وراسه بركبتي مااتحركت بس قربت اكثر عليه..

حيدره :ترتيل اني مسافر ويه جواد أي شي تردي طاهر ضرغام يمج او اتصلي بيه واني احجي وياهم

ترتيل :إن شاء الله مااتحاج شي ترحون وتردون بالسلامه

حيدره :امين
بستها برأسها وطلعت بعدني ضايج ومحتاج ارتاح لان كلش ضايج ودعتهم وسافرنه كاعد بالطيارة اباوع على السمه والي ببالي ابد ميروح مااعرف شنو اسوي صافن افزيت على صوت جواد

..هاا سيد
جواد :حيدره انت بخير احسك من على بعضك
حيدره :أي بخير ليش هيج تكول ماكو شي يالغالي لا تشيل هم
جواد :اتمنى ماكو شي
حيدره :هه لا اطمن ماكو
بعد ساعة وصلنه طهران اني حاجز هناك بفندق لان مرة هم جبت ابوي السيد علمية لعيونه مباشرتا اخذنه تكسي للفندق جواد من تعب نام اما اني النوم مجافيني اتصلت بيهم وخبرتهم بوصلنه. حاط رقمها واباوع عليه اخذت نفس واتصلت اشويه وردت

..الوو السلام عليكم
ترتيل :وعليكم السلام
حيدره :اشلونج
ترتيل :مو زينه
حيدره :شنوو ترتيل بيج شي كوولي صار شي

ترتيل.ابتسمت على خوفه :خايف يصير شي عليه
حيدره :واشلون مااخاف انتي الروح
ترتيل :اذا اني هيج ليش طلعت بدون متودعني بطريقة صح
حيدره.انتبهت على نفسي وكلامها صح اني اشبيه معقولة افكر بكلامه صار لا يودي ولا يجيب :اني اسف بس
ترتيل :بس شنو حيدره اكو شي انت ضامه اني مكدرت احجي وياك
حيدره :نحجي بالموضوع بعدين كوليلي هسه ليش مو زينه
ترتيل :انت السبب
حيدره.اخذت نفس قوي وزفرته :ليش اني السبب
ترتيل :لان ضايج ومخلي عروستك متعرف شنو السبب
حيدره :عروستي مو شرط تعرف كلشي بس اطمني ماكو شي واذا اكو شي اخبرج المهم هسه اريد اشوف الابتسامه على وجهج مشتاقلج
ترتيل :مااحسك مشتاق حيدرتي شنو بيك