عشگ السادة

البارت الرابع

#عشگ السادة
للكاتبة ضوء القمر

حُبك..
تماماً كَـ اليَقين
في عالمٍ يَعجُّ بالشكوك
كـَ فكرةٍ ولِدت خارج رَحم التَوقيت
وَجدتُك فَخرجتُ عَن أَطوارِ تَشتُتي
وأهديتُ للعالمِ بدلة الفراغ!.
......
طاهر.اقره واني مصدوم بعد كل هالفترة احصل على رسالة منها مااصدك بس اشلون تعرفت عليهم واشلون التقو كل هذا واني ممصدك بعد كل هالفترة وصلني شي منها عرفت الرسالة وصديت عليهم

..اشلون وصلكم هالمكتوب

عامر :سيد احنه التقنيه يبها صدفة وتعرف احنه العراقين من نلكه بعض بدول الغرب نبقى على تواصل والأخت كذلك ومن ضمن كعداتنه سوى والحجي عن أوضاع العراق وسبب تهجرنه واشلون طلعنه وخاصه احنه الفئة القليلة كل واحد منه اله قصته والحلو بالموضوع كله انو الي ساعدنه هو شخص واخد الي هو انت

طاهر :هذا من واجبي ولو كان بيدي أكثر كان قدمته
كاظم :تسلم نعرف مراح تقصر وانت دخلتنه بيتك وانت متعرف عنه شي حتى اسامينه غيرناها عنكم

طاهر :اعرف بيكم من غير طائفه بس يجمعنه بلد واحد ومصيبة وحدة ماكو فرق بينه كل عراقين المهم ناوين تبقون هنا

عامر :بعد التعب الي شفناه هناك الحمدلله هسه وضع العراق استقر صح بيوتنه وحلالنه كله راح بس الرب موجود والحمدلله كدرنه نوكف على رجلينه احتمال نرجع ولو راح نتعب بس أحسن من الغربة

طاهر :فعلا الغربة دمار اني بالخدمة شنو تردون اني جاهز ميردكم غير لسانكم

ابو إيليا :تسلم سيد متقصر الي سوته اهواي منطلع من جزاك
طاهر :لا ابد مااقبلها منكم انتو اخوانه وحقكم علينه

.بقينه نسولف وعن اوضاعهم هناك والي شافو صح لكو امان بس العيشة هناك مو بالسهل لزمت عليهم يبقون بس مقبلو وكالو عنه كرايب نزورهم خليتهم على راحتهم

حيدره :طاهر هالجماعة نفسهم الي جبتهم بسنة ١٤
طاهر :أي همه نفسهم
حيدره :شذكرهم بيك واجوي خما اكو شي
طاهر :لا ماكو شي بس اكو امانه وصلوها الي
حيدره :امانه من منوو
طاهر :جنت انتظرها من زمان
حيدره :معقولة
طاهر :ليش مستغرب ولو اني هم استغربت مثلك
حيدره :اشلون التقوو
طاهر.حجيتله السالفة كلها بعدها عفته وطلعت الرسالة مقريتها وصلت للمجمع نزلت  سلمت على العمال وكعدت بالمكتب فتحت الرسالة وقريت مكاتبة شي غير تسلم واطمني عن أحوالها ومخليه رقمها..رجعت بذاكرتي لقبل خمس سنوات.

.بعد ما السيد انطه فتوى واحنه كطلاب حوزة أول من قدم نفسه كان الوضع هناك بالموصل اشبه بمجازر خاصه بالمسيح والصابئة والأزيديين وبعض الشيعة كان الي ينجه بالموت بس أول اشهر شافو الموت الي تهجر والي انقتل والنساء انسبت والي اخذوهن جواري طبعا أول بداية مجان عدنه ذيج القوة حتى نحمي النساء بس بعد ماصارت الفتوى كدرنه نحمي ولو شي قليل من ضمن الي كدرنه نحميهم هو عائلة صبا اااخ صبا جانت مسيحية ابوها انقتل لان ماقبل يخضع للدواعش واخوانهم هم انقتلو كدام عيونها اما امها ماتت بلحظتها واختها الي اخذوها الوادعش ..