#عشگ السادة
للكاتبة ضوء القمر
أحبُّك
هي "أحيا بك"
إنّما الياء أُدغمت من شدّة الحبّ💙💍"
.......
طاهر.جنت كاعد يم ابوي السيد وابوي موجود هم
..سيد خير خماكو شي
فاضل :وانه ابوك ماادري جدك اشبي صارله فترة هيج
طاهر :خير ان شاء الله ما سألته خاف اكو شي
فاضل :سألته وكال تعرفون بعدين
طاهر :إن شاء الله خير
جابر :سيد طاهر بلغ سيد حيدره خلي يرجع
طاهر :خير سيد خماكو شي
جابر :كل خير بلغه يجي وخلال يومين الكاها هنا
طاهر.ليش مستعجل شنو السالفة باوعت على ابوي هم مثلي حاير كمت من يمهم وطلعت يم ضرغام بالمحل
...هذا كل السالفة يخوي
ضرغام :تتوقع صاير شي حتى ابوي يريده يرجع
طاهر :هو اكيد صاير شي بس شنو ماادري
ضرغام :اسأل العلويه
طاهر :امي متعرف بشي
ضرغام :حتى زينب يمكن حيدره مخبرها شي
طاهر :مااظن بس نجرب
..الوو اشلونج بعد اخوج
زينب :بخير دامكم بخير
طاهر :عساج بالخير
زينب :امين
طاهر :اكول علوية اريد اسألج بسالفة
زينب :أي كول خير ان شاء الله
طاهر :حيدره هم مخبرج شي
زينب :حيدره مثل شنو يعني
طاهر :يعني مثل صاير شي سالفة مشكلة هيج شي
زينب :لا مكلي ليش صاير شي
طاهر ماادري بس جدج طلب يرجع خلال يومين واحنه مستغربين
زينب :معقولة جدي عرف
ضرغام.باوعت على طاهر :عرف بشنو
زينب :هاا مووو
طاهر :متحجين شكو
زينب :شوفو هي السالفة محد يعرف بيها ماادري اذا جدي يدري لو لا بس
ضرغام :يمعودة احجي حيدره بي شي
زينب :لا مابي اشبيكم بس اظن بلغه بسالفة الخطبة
طاهر.وضرغام :خطبة؟
طاهر : أي خطبة هاي اشوكت هالحجي
زينب :اوو انتو متعرفون اشلون سالفة
ضرغام :وانتي اشلون عرفتي
زينب :اني عرفت وحدي لا احد خبرني ولا شي وهاي السالفة من زمان تقريبا وره شهر من الزيارة هو مكان واضح عليه هالشي بس من سألني مرة عنها عرفت من وحدي وبقيت انتظر اشوكت يتكلم بس الاخ مافتح حلكه وهم اني سكتت بس من كامو يجوها خطابة السالفة كامت تطلع من ادينه خبرته بيها واكيد هو تصرف
طاهر :اكلج بس خلي نفهم هي منو هاي لان حجيتي بس ماكلتي منو هي
زينب :ههه بنت الشيخ جاسم
طاهر.اني وضرغام صفنه ببعض :معقوووولة
زينب :ههه أي والله اشبيكم شنو الغريب بالموضوع
طاهر :لا ابد بس الغريب هو وين عرفها واشلون
زينب :هاي اشلون شافها مااعرف بس متأكدة من شافها هو مجان يعرف بيها هي بنت الشيخ اشوكت ماادري لان مكالي أي شي
طاهر :توقعت ضام شي ومن جنت احجي وياه يطلع الف عذر
ضرغام :والله وطلع خوش يصيد أي وهسه شنو السالفة بله
زينب :تعاركت وياه لان اذا ظل ساكت تروح منه وتعرف كل الزين مراح يتزوج ابد
أنت تقرأ
عشگ السادة
Romanceقال لها :احبكِ بعدد المشتاقين لزيارة للحُسين قالت له :احبك بعدد المنتظرين للامام المهدي ..عندما يولد الحب في قلوبً ملئها الإيمان وتقوئ يكون حبا خالصا لله كلما نبتت بذرة في القلب ازهرت عشقا لا ينتهي
