عشگ السادة

البارت الثالث عشر

#عشگ السادة
للكاتبة ضوء القمر

من شدة الألـــم.. نطرق كل أبواب النسيــان..

فالبعض..يبــكي كي ينسى.. والبعض.. يضحـــك كي ينسى..

والبعض..ينـــام كي ينسى.. والبعض.. يتحـــدث بصوت مرتفع كي ينسى..
......
حياة :اشبيج
سكينة :افكر بيج
حياة :اني ليش
سكينة :صايرة حلوة
حياة :ههه لان صار اهواي مشايفتني المهم اشبيج مطنكرة
سكينة :هيج
حياة :عليه المهم اشوكت ترحين
سكينة :وين توني اجيت
حياة :للسماوة
سكينة :من ترحون شعندي رايحه من هسه خير لا تباوعون هيج ترا مراح يفيد لا تحاولين
حياة :اكدر عليج

ترتيل :يحلوووه
حياة :هاا يحلو
ترتيل :راح يجينه خطار جهزي نفسج يحلوة
حياة :شنو منوو
ترتيل :بيت السيد جابر
حياة.كلبي كام يدك قوي :هااا
سكينة :ولج تعالي منو ذولة شسالفة اشو انخطف لونها
ترتيل :هههه خطابة على عمتو
سكينة :جذذذب
ترتيل :وداعتج
سكينة.هو اني سمعت هيج وكمت اهز جتف واطك اصبعتين
..هلا هلا هلا كلوووش
حياة :وسممم
سكينة :اااخ اشبيج خليني فرحانه
حياة :سمم ووجع ولج عيب لا احد يسمعج على شنو فرحانه
ترتيل :سكونه هاي لو تحجين منا لباجر هم مراح تقبل هسه اسكتي ويله عمتو جهزي

حياة.صفنت شنو راح يكون رأي وحياتي وياه شنو متوقعت راح يجون وخاصه مت يعرفون بسالفة خطبتي
..هااا أي ماشي

سكينة : الله شنو هالابداع اوويلي أول مرة اشوف حلو يسوي حلو
ترتيل :ههههه اويلي عليج لج سكونه الي يسمعج يكول متعرفين بهيج سوالف
سكينة :اااه تدرين سكونه الي تعرفيها بقت بس جسد صرت انسانه عمليه اكثر من كوني حياة

ترتيل :ليش هيج ضيعتي سكينة القديمه
سكينة.باوعت على الحديقة :حتى لا تنكسر ولا تضعف كافي الضعف الي جانت بي
ترتيل :يعني شنو هسه ماكو أي كسر
سكينة :لا موجود بس قديمات  ترتيل اني شعت هنا وشفت شنو الي يخليني قوية وشنو الي يضعفني وهناك لكيت نفسي قوية ماكو شي يكسرني يمكن اكو بس ميأذن بكد الي هنا

ترتيل.رحت حضنتها :لج انتي بعشر زلم اااخ من الزمن
سكينة :اوويلي شنوو هالحضن لج انتي كلج حنان اووف اووف اشكد مشتاقه عوبة
ترتيل :ههههه لج انتي منقصه حنان
سكينة :هههه لا يمعودة سمير مامخليني اعتاز هه
ترتيل :لج هذا ابوج شنوو سمير
سكينة :اشو اسكتي يمعودة غير جنت زعلانه وياه
ترتيل :هه خرب ليس ولج
سكينة :تعالي احجيلج
ترتيل :وين صاعدة انزلي
سكينة :اشش اسكتي اني متعودة من احجي اكعده هنا أي وين وصلنه

...
همام .دخلت للمطبخ عطشان ولكيت الست سكونه ماخذه الميزة وتثرد سوالف .يالله هاي البنيه اشكد مااهي حلوة وانيقة بس سوالفها سوالف شقاوة ههه مدري ليش اصفن بعيونها رغم هي نار وعصبية كلش وخاصه اذا احد عصبها لو بحرف تخلي يندم على عمره
..مرتجي على الباب واسمع لسوالفها