عشگ السادة

البارت الواحد والعشرين

#عشگ السادة
للكاتبة ضوء القمر

إنَّ الله يقذف الحب في قلوبنا، فلا تسأل مُحب لماذا أحببت،.
....
حيدره.اليوم مدري ليش مافاركت بالي حاولت افكر بغير شي بس ماكو أي فايدة لكيت نفسي مطلع رقم غزوان

..الوو

غزوان :حي الله سيد حيدره اليوم منين طالعه الشمس
حيدره :ههه الله يحيك والله ماادري اسأل نفسك اني هسه عندي ليل
غزوان :اشعجب مرينه على بالك
حيدره :اااه ماادري يخوي يمكن انت الوحيد الي تكدر تساعدني

غزوان :خير سيد خماكو شي
حيدره.اخذت نفس :اليوم مجاي تفارك بالي

غزوان :منو تقصد

حيدره :اشبيك غزوان يعني منو
غزوان :ليش انت اشوكت آخر مرة شفتها
حيدره :اوو من زمان آخر مرة كانت بيوم السبعة وهم لمحتها من بعيد

غزوان :سيد انت واكع وكعة من هاي التمام ههه

حيدره : اااخ مو خوش
غزوان :ليش مو خوش هاا شنو حرام لو مسوي شي كل مافي الامر تفكر بيها قابل اكو شي

حيدره :لا بس مااريد افكر بيها كلي اشلون ابطل افكر بيها

غزوان :سيد هاي احنه نسألكم بيها بس بما انو انت سألت فاحب اكلك التفكير بالمحبوب شي مو ارادي يعني هالشي من بالسهولة تكدر تبطل تفكر بس الهي نفسك بالدراسة هو أحسن

حيدره :تدري ضايج من نفسي احس هالشي مو اليه

غزوان :سيد الحب شي جميل والله محلله يمكن صار بهالوكت شي غير مفاهيم الحب بس الحب المقدس عمره متغير

حيدره :صدقت الحب الي الله نزله عمره ميتغير
.سولفنه وحجالي عن أيامه ويه الحب يمكن بوكتها حسيت انو اذيته بس ارتاح من حجه. اما اني مااعرف اشوكت راح اكدر ابوح بهالسر وهالحب....
.....
ترتيل.انصدمت من فتحت الكتاب هذا صدك يحجي شنو يقصد.اا اهواي طوخها واني اشلون احب هيج شي فوك مااني تعبانه حضرته يتأمر .المن احجي امي تتخبل ابوي هم ميقبل واخواني تصير مكاتل بينهم
..

..هلو سكينة
سكينة :اشبيج اشو صوتج ماعجبني خير
ترتيل :منين يجي الخير وهذا وراي
سكينة :منو ولج لا يكون نفسه الي كلتي عنه
ترتيل :أي هو لج سكينة راح اتخبل شنو اسوي حتى يبتعد عني تتصورين شنو احب شي سوه

سكينة  بعد شمسوي

ترتيل.التقطت صورة ودزيتها ..شفتي
سكينة :هذا اشبي شنو الحب جبر خلي يولي جان استحى وكال عندي اخوات اشلون هيج اسوي

ترتيل :ماادري تعبت منه انوب عبالي بعد ميعيدها اثاري دز بنيه هسه اشلون اذا احجي تصير مشاكل

سكينة :وخلي تصير مشاكل حتى يعرف وراج احد تعالي ليش مخبرتي اخوانج

ترتيل :لج اخاف عليهم نسيتي هو ضابط