عشگ السادة

البارت الرابع عشر

#عشگ السادة
للكاتبة ضوء القمر

ينظر لها الحبيب ويتبسم، ولجمالها آية💌
آية يقرأها بعينه والقلب فيها يزداد حبًا🌸
........
زينب.كاعدة بغرفتي سبحت وكعدت اقره قران سمعت صوت أشعار بعد ما كملت فتحت الجهاز وانصدمت بالي شفته مااصدك معقولة ..
يعني وصلت بيها تهدد لا وهم متخاف خاف قبل جانت تخاف لا احد يعرف هسه تهدد علن شنو تريد مني مو كافي الي سوته

..شمرت الجهاز على الجرباية ونزلت راسي بين اديه مااعرف شنو لازم اتصرف ان حجيت اخاف تصير مشاكل وان سكتت اني متأذيه واحتمال تخرب حياتي وهيج هي تأخذ راحتها وتتصرف بكل راحة اكيد خالتها راح تكون وياها
..فزيت على صوت الاتصال جان عبدالله اخذت نفس وجاوب اثنينه ساكت اسمع صوت انفاسه ويجر ونات حجه بتعب

عبدالله :زنوبه اني تعبااان كلش

زينب.ماادري شنو اسوي اني هم تعبانه :مو اقل منك
عبدالله :محتاجج يمي اريد ارتاح زينب من يوم ما رحتي وراحه ماكو نوم مجاي اكدر انام الغرفه مجاي اكدر اكعد بيها

زينب :ليش كل هذا التعب عبدالله انت تعبان واني تعبانه لازم تتصرف حقي لسه مااخذته

عبدالله :زينب وحك هو علي بن أبي طالب اخذ حقج بس ارجعي اني تعبان

زينب :اشلون تريدني ارجع واني حياتي يمكم بخطر مااكدر وخاصه وض
عبدالله :كملي ليش سكتي وخاصه شنو

زينب.ما درت استعجل واخبره لازم افكر بكلشي :وخاصه نفسيتي تعبانه

عبدالله :اااخ ولج بس الله يدري اشكد تعبان البيت مال منه بس ادخل اختنك وانتي ماكو

زينب :اشلون ارجع لبيت جنت بيني وبين الموت شعره سابحة بدمي محد منكم شاف الدم وكال شنو صار هنا ولا واحد من اهلك كلف نفسه وكال هالبنيه شصار بيها

عبدالله :زينب متكليلي شنو سالفة الدم وكل شي ما شفت شنو الي جاي تكولي

زينب :هه يعني افهم منك انو ما مخلين اثر وراهم و الله زين عرفو اشلون يخططون

عبدالله :زينب رحمه من الله احجيلي لان مظل عقل براسي راح اتخبل انتي واهلج تحجون شكل الي شفته وسمعته شكل اشلوون راح اتخبل

زينب :عبدالله انت بمنو تصدك بالي عاش العمر وياك وتحمل كلشي علمودك ولا بيوم حاول لو لحظة يفكر يخدعك لو بالي عمرك كله تشوفه اشلون يحاول يوكعك

عبدالله.مسحت على لحيتي :زينب من اختاريتج مو هيج حي الله لا ابد اني عشكتج وحلفت عن الامام علي ابقى للموت احبج ومستحيل اعوفج واكيد ماافكر ولا يحتاج اكيد اختارج انتي حتى لو جنتي على خطأ يمكن تكولين انت تبالغ بس ثقي انتي بس الي كلبي وعقلي يمج يوكف ترا اهواي رادو مني اتزوج امي كرعت راسي بحنتها ما خلت شي ما سوته حتى بس اتزوج وهسه تتمنى بس كلمه مني واني مستحيل اقبل حتى وان كان الخلل بيج مستحيل اعوفج او اخذ عليج لان اعرف كل الزين انتي مراح تعوفيني اذا جان الخلل مني