#عشگ السادة
للكاتبة ضوء القمر
يحتضنها ك طفلة صغيرة، وهي عنده في راحة، متمسكة به، وبه تحيا🌸
......
الخوف تملكني اخذت نفس وكلت
..نعم وانت وكيلي
من بعدها مااسمع غير الصلوات والهلاهل ومباركه اخذت القرآن من حضني العلويه وياستني بكصتي وباركت الي وليستني محبس باركولي وبعدها رحت البس فستاني ساعدتني تقى بلبس هو كان مستور
تقى :عمه الشال خما تلبسي
حياة :هاا ماادري خلي تسأل ترتيل العلويه
تقى :اوك خلي اشوفها
..ترتيل وينج
ترتيل جنت شايله صينية المي والياس وصاحتني تقى
..هاا كولي
تقى :اكلج اسألي العلوية تلبس شال لو لا
ترتيل :ترا واضحه ميحتاج اكيد تلبس
زينب :هلو بنات
ترتيل :هلا بيج
زينب :وين العروس
تقى :جاي تبدل
زينب :اهاا اكدر ادخل
تقى :أي تفضلي
حياة.جاي احاول اسد السحاب مجاي اوصله
..عفيه تقى وينج
زينب :اللهم صلي على محمد وآل محمد اني اساعدج مرت الغالي
حياة :يسلموو غلا
زينب :الفستان نار عليج
حياة :شكرا
زينب :اا عيني السيد يكول تلبس شال ميريد احد يشوف شعرج وهم احتمال يدخل جدي يسلم عليج
حياة.بصراحة وفر عليه :اصلا بدون متكولين
.اجتي ترتيل سوتلي لفت الشال بطريقة كلش نازكه وهم برزت وجهي وخلت تاج ناعم كملنه وطلعنه والهلاهل تركع طبعا فاتحين أفراح حسينيه زواج النورين. تلكتني العلويه وتهي تصلي وتقره معوذات امي فرحانه اهواي بيه اشوف الفرح بعيونها
نجاة :ماشاء الله محروسه يمه من عيني وعين خلك الله
حياة.خجلانه كلش :اللهم امين تسلمين علويه
اباوع على الكل فرحان والبسمه على الوجه واهله السادة مبين عليهم الفرح أكثر منه هناك وره ربع ساعة كالو راح يدخل اني هنا كلبي بعد مااسيطر على دكاته انوب ترتيل مدري وين راحت بقيت وحدي دخل طبعا كل الموجودين لابسات عبيهن والبنات هم دخل ووياه اخوي جاسم والسيد ابوهم باركولي ودعولي بالتوفيق واكيد متخلو من وصية اخوي جاسم
باس راسي ولبسنه الحلقات بوسط أجواء جميلة وافرح نبويه حتى الخوف حسيته راح مني طبعا هو كان اخجل مني يمكن لان الغرفة كلها نسوان كملنه باقي سوالف المهر واخذنه صور وبعدها ترخص وطلع ميكدرون يبقون وراهم درب وهم خطار وياهم ...
ترتيل.بيوم عقد عمتي جنت مخبوصه كلش بحيث كوة صارلي مجال أجهز نفسي من كملت الشغل لبست فستان لون تركوازي الصدر شغل ناعم شذر والادين تول خفيف من الخصر وجوه كلوش لبست شال ووراها اذبه
شعري كان طالع كم جوه الشال لان فاتحته مريت من يم العلوية جان توكفني
أنت تقرأ
عشگ السادة
Romanceقال لها :احبكِ بعدد المشتاقين لزيارة للحُسين قالت له :احبك بعدد المنتظرين للامام المهدي ..عندما يولد الحب في قلوبً ملئها الإيمان وتقوئ يكون حبا خالصا لله كلما نبتت بذرة في القلب ازهرت عشقا لا ينتهي
