❣❣ အချစ်က အိပ်မက်မှာ ❣❣
•••••••••••••[ 1 ] ••••••••••••••
"ဟဲဟဲ တွေ့ပြီ မင်းကို...လာထား..အယ်"
ကျွန်းသားရောင်စာအုပ်စင်လေး အပြည့်စီစဥ်ကာရံထားသော စာအုပ်ဆိုင်လေးအတွင်းတွင် သူလိုချင်နေသော Poul Collier ရဲ့ The Bottom Billion ဆိုတဲ့ စာအုပ်လေးရလိုက်၍ ပျော်သွားကာလက်လှမ်းလိုက်စဥ်...သူနဲ့ထပ်တူ ကျရောက်လာသော လက်ကလေးကြောင့် အံ့သြသွားပြန်သည်။
!ဝိုးးးးချောလိုက်တာ..
ကောင်လေးတစ်ယောက် အဝါနုရောင် ဆွယ်တာလေးနဲ့ ဂျင်းဘောင်းဘီအပြာနုရောင်လေးဝတ်ထားကာ နှာခေါင်းလုံးလုံးလေး!
"ဒါကျွန်တော်လိုချင်နေတဲ့ စာအုပ်ဗျ.."
"အော် ညီကလည်း အစ်ကိုအရင်မြင်လို့ လက်လှမ်းယူလိုက်တာလေ..."
"အစ်ကို အဲ့လိုမပြောပါနဲ့ဗျ...ဒါက ကျွန်တော်အရင်မြင်နေလို့ ယူလိုက်တာမဟုတ်ဘူးလား..."
"ညီ အစ်ကိုကလေ...ရာသီဥတုဖောက်ပြန်ပြောင်းလဲခြင်းနဲ့ပက်သက်လို့ စီမံကိန်းပြုလုပ်နေရတာမို့ ဒီစာအုပ်ကို မှီငြမ်းဖို့ လိုနေလို့ပါကွာ...နော်ကူညီပါ"
"အာ နေပါဦး ဒါနောက်တစ်အုပ်ရှိမှာပါ...မေးကြည့်မယ်လေ..ကောင်တာကို ကျွန်တော်လည်း သဘာဝသယံဇာတနဲ့ ပတ်သတ်တာတစ်ချို့ ဒီထဲက ယူစရာရှိလို့ပါ..."
ရှောင်းကျန့်သည်...Global Environment နဲ့ပက်သက်၍ ရာသီဥတုဖောက်ပြန်ပြောင်းလဲခြင်းနှင့်ဆိုင်သော စီမံကိန်းတစ်ခုတွင်...ပါဝင်နေသဖြင့်...ဒီစာအုပ်ကိုလိုအပ်သည်။...
"ညီမရေ ဒီစာအုပ်နောက်တစ်အုပ်ရနိုင်မလား စာအုပ်စင်ပေါ်မှာ တစ်အုပ်ပဲရှိတော့လို့ပါ"
"ဟုတ်...ရှာပေးမယ် အစ်ကို..."
ကွန်ပြူတာ မှတဆင့် စာအုပ်လက်ကျန်ကို စစ်လိုက်ရင်း...
" မရှိတော့ဘူးအစ်ကို..."
"ဟာ...ဒုက္ခပါပဲကွာ...ညီကူညီပါနော်...အစ်ကိုတကယ်အရေးကြီးနေလို့ပါ..."
"ဟာ...မရပါဘူး..ကျွန်တော်ယူမှာ..."
"ညီကလည်း....အာ ပြဲပြီ"
စာအုပ်လေးက လူနှစ်ယောက်ကြား အဖုံးထောင့်လေးပြဲသွားရသည်က တစ်ဝက်ခန့်ပင်ရှိသည်..။
