قاعدين في محل اسكريم واصواتهم عالية
-تيتو عليك الله خلي لبس الأولاد البتلبسي دا خليك بنت ولو مرة وحدة🙄
-(رفعت رجلها فوق الكرسي والملعقة بتاعة الاسكريم في خشمها😂)بالله انتي خليك في رواياتك وكتبك دي واخطيني ي زولة🙄
-صحي ذكرتيني اتم روايتي😌
-اي احسن 😑
اتلفتت على سجدة لقتها سرحاانة
- انتي لسه في فارس احلامك بتاع العربية البيضاء؟😏
وهي ما جايبة خبرها
-ي بنت هيي اها ود جيرانكم ما عبرك🙄
وهي ما منتبهة ليها
-غلطانة انتي يا تيتو البتقعدي مع المجانين😑
شالت تلفونها واتصلت لثرياا
-ي حيوانة😏
-اي يا تيتو
- شنو يعني يا قميل ما عايزة تجينا؟😔
-والله انا في البيت ما اظن في طريقة اطلع😔
-لالا تطلعي والله انا ما بقدر اقعد مع الانطوائيات ديل دي ماسكة تلفونها ودي سرحانة بتفكر في ود جيرانهم😑
-(بتضحك)خلاص كدا بكلم أمي😂
-اي شوفيها لو ابت اديني ليها انا بدق ليك معاها حنك اخليها هي زاتها تجي معاك😉
-خليني أشوفها أول طيب😂😂
•
•
•
-والله يا فردة عرفت لي بنت امممح بس😘
-شغالة معاك كويس ولا كيف؟
-ياخ دي شغالة تديني ساي رصيد ٥٠ جنيه رصيد ١٠٠ جنيه امس ٢٠٠ جنيه🤤
-دا شنو كمساري انت نحنا عايزين ملايين😑
-ياخ ما حبة حبة الشغلة بتبدا كدا ما طوالي اخش في التقيل ولا كيف😉
-ايوااا😉
•
•
•
(- يا حيوانة يا خسيسة تقولي لي حمو بكرهك حمو ما بحبك طلعتي انتي عايزاه عشان كدا بتتخاسسي وانا الخاتاك مكان اختي😡
-بتقولي في شنو انتي اعمل بيه شنو انا عايزاه كيف يعني؟😟
-عدييل كدا فاكراني ما عارفاك ولا ما كشفتك وانا اقول مالك بتتلصقي فيه كدا والمرة الفاتت لقيتكم في البوتيك سوا على اساس سقتيهو عشان تشترو لي هدايا لعيد ميلادي واصلا بس كنتي عايزة تتلصقي فيه😡
-على فكرة بالجد نحنا مشينا البوتيك سوا عشان نشتري ليك حاجات لعيد ميلادك وهو الأداني الفكرة دي وقال لي نمشي سوا وجاني في خشم بابنا وانا ما كنت عايزة امشي اصلا وثم تانيا اعمل بيه شنو حمو بتاعك دا واحد تافه بتاع شقق من بنت لبنت ما مخلي وحدة من بنات الحلة😏😏
-(بتصرخ) ما تقولي عنو كدا يا حيوانة 😠
ومسكتها من شعرها وبقو يتضاربو)
ثريا خطفت منها التلفون
- ما ممكن يا دان بس طبيعي ماسكة التلفون اووف😔
-ويااا جيتي متين؟
-(تالا بتحاكي فيها)وياا جيتي متين😑ما انتي ما فاضية كيف تشوفيها
-تيتو بالله اسكتي 😑
-😏😏
قعدت في الكرسي وبتعاين لسجدة السرحانة وما جايبة خبر للدنيا جابت يدها جنب وشها وطقطقت أصابعها
-ي بنت
وهي اتخلعت
-اي اي😲
وكلهم بضحكو😂😂
- شنو يعني؟كدا خلي سفيان دا شوية وانتبهي معانا😂
-معاكم معاكم
-كدا احكو حصل معاكم شنو الخميس والجمعة ديل؟
تالا رجعت يدين القميص لورا وعايزة تتكلم😂
- بالله انتي خاشة مصارعة ولا عايزة تتكلمي😂
-خلوني استعد😏
-اها استعديتي ارح احكي😂
كلهم صلحو القعدة
-حضرت فلم سبايدر مان النسخة الجديدة ما شفتو ظاابط كييف بس الا تحضرو انا حلفت تحضرو بس ياخ دا حاجة كدا ككااا بس🤤
اي وحدة بتعاين للتانية
-اتجاوزوها اتجاوزوها اها يا دان حصل معاك شنو😴
تالا رجعت يدين القميص ورجعت تاكل الاسكريم😂
- ما شفتو الرواية البقرا فيها🥺انا خايفة الولد يكون غاشي البنت بالجد ان شاء الله ما يطلع زي ما انا فاكرة🥺😭
تالا عاينت ليها بقعر عينها
-حيطلع حيطلع قبل ما تميها اسمعي مني😌
- طيب انا خايفة محمد يكون زيو😔
-اصلا حيطلع زيو ما تخافي😏
-تيتو اسكتي بالله دا ما وقتك😒
ي بنت ما تقولي كدا هو اسي بكذب عليك؟بخونك؟بقل ادبو؟
-لالا ولا وحدة😔
- طيب خليك مطمنة😉
تالا بتعمل ليها بيدها لالا لالا
-اها يا مرة سفيان😉الحبيب ما حن؟
- ما حن ولا شي كل يوم بطلع الشارع بعاين ليه وهو ما شغال بي😔😢
-(ثريا) ما انتي هبلة انا قلت ليك ما تشتغلي بيه وبطلي تراقبيهو براهو بجيك والله😑
-(دان)سجدة عايني انتي ما تفكري في الموضوع كتير لأنو كدا بتعبي نفسك بس بالتفكير والحاجة الكاتبها ربنا هي البتحصل💜
-(تالا)ي زولة عايني من الاخر كدا غيري لبسك دا والبسي قصير وضيق وارفعي شعرك كعكة واعملي روج كبدي والاينلاينر ولا الحاجة البتعملها ثريا في عيونها ديك وكدا امورك بتبقى وااااااااضحة😉
-لالا لالا انا مستحيل البس كدا😔
-(تالا)دي الحاجة الوحيدة الممكن تخلي يعاين ليك الأولاد ديل انا ناقشاهم كويس عندك اخواني في البيت مثلا مروان دا البنات البعرفهم كلهم بلبسو تحت الركبة بشوية😉
-(دان)وااي طبعا مروان اخوكي دا مباااالغة عديل المرة الفاتت لقيتو ليك مع وحدة واي وااي زي في رواية كان قريتها قبل كدا😫😫
-كدا انتي اطلعي منها برواياتك دي خلينا نشوف حل للمتيمة دي لأنها حاتجن🙄
-(دان)تعالي اوريك وجهة نظري من الروايات الأنا بقراها😌
صلحت القعدة
-طبعا زي ما انتي عارفة الأولاد ديل كلهم
تالا قفلت ليها خشمها😂
-عليك الله ارحمينا
ويااا كدا ادينا ابداعاتك وحركاتك😉
ثريا سرحاانة
(تالا بتتأفأف)انتو شنو كلكم بقيتو شغالين سرحان دي شنو الحركات الجديدة دي😑
-معاكم معاكم
-مالك انتي كمان ي ست حسنية 😏
-بنات بصراحة
كلهم صلحو قعدتهم وتالا رفعت يدين القميص😂
-(بصوت واحد)اهاااا
حكت ليهم بحازم والتلفون والقروش وكلام أمها
-(سجدة)هو ما حيعمل زي ما خالتو قالت شكلو بحبك بالجد😟
-(دان)والله يا وياا انتي ما تشكي فيه هو لو نواياه ما كويسة كان ظهرت من زمان انتو ليكم زمن مرتبطين عشان كدا اطمني😊
-(تالا)والله ياخ لو عايزة الصراحة حازم دا زول أصلي😉واكتر حاجة بحبها فيه انو ما بقتلني في بوبجي 🤤
كلهم بضحكو😂
-(دان)كدا خلينا من تيتو دي انتي بس خليك مطمنة وما تركزي في كلام خالتو😉
-طيب😔
•
•
•
وهي راجعة البيت شافتو في الشارع شال سيجارة من الدكان وولعها لقت نفسها مشت ووقفت جنبو في الدكان وبقت تعاين ليه وسرحانة فيه🥺وبتاع الدكان مستغرب فيها😂وفلان بشرب في السيجارة بتاع الدكان قال ليها
-عايزة شنو انتي
وهي ساكتة
-لو سمحتي عايزة شنو🙂
اتخلعت
-أ أ انا؟😲
-اي
هو عاين ليها بقعر عينو ورجع لسجارتو
- ما ما ما عايزة حاجة
وسريع سريع مشت وهو قال بنت غبية😒
•
•
•
لقت اخوانها جو من السفر سلمت عليهم بلهفة وقعدت تتكلم معاهم وهم كانو متضايفين هي حست انو في شي لكن ما سألتهم كانو منتظرين أمهم وابوهم يجو من المستشفى ابوهم عندو مقابلة مشت جهزت ليهم الغداء شوية وامها وابوها جو هي خشت المطبخ وهم قعدو يتكلمو
-اها يا اولاد ان شاء الله طلع ليكم ربح كويس😊
-والله يا حاج ياخ
- في شنو يا اولاد مالكم حصل شنو😟
-كدا اهدي شوية نفهم منهم
في شنو؟
- والله يا ابوي السمسم طلع كعب الاشتريناهو من الراجل
-كعب كيف؟😟
-كعب عديل الراجل غشانا فيه😔
-والراجل وين وليه ما رجعتو ليه؟😪
-الراجل تاني ما لقيناه من اشترينا منو السمسم 😔
-يعني خسرتو القروش الادتكم ليها امكم كلها؟😲
-اي😔
أمو ختت يدها في راسها
-وووب علي يا اولادي وووووب علي خلاص فلسنا نحنا فلسنا دي كل القروش الكانت معي عملتو شنو انتو😭
•
•
•
(-اها عملتي شنو مع صحبتك الحيوانة ديك؟
-اتشاكلت معاها شكلة لرب السماء😏
- ايوا كدا دي حبيبتي الأنا بعرفها😘
-❤️😌😌
- انا اسي عايزك في موضوع
- شنو؟
- والله محتاج لي لقروش في زول عايزهم مني😔
-قروش كم؟
-.....
-طيب بمشي البيت بجيبهم ليك وبجي
- طيب ي قلبي😘)
قفلت الرواية وهي بتفكر في نفس الموقف الحصل معاها وراسها بودي وبجيب😟جات دانية اختها وقالت ليها خالاتي تحت تعالي نسلم عليهم قالت ليها سمح لبست توب ونزلت سلمت عليهم وهم بعاينو ليها من فوق لتحت واي وحدة بتعاين للتانية😏
-القراية ماشة كيف؟😒
-كويسة الحمدلله؟
-اسي عليك الله بدل كلية الفنون الجميلة الخشيتيها دي تخشي ليك كلية تانية ما أخير ليك اسي حتستفيدي شنو من الرسم دا؟😒
- والله ياخ دي رغبتي ونفسي ابقى رسامة كبيرة وان شاء الله حابقى😊
-امم😏
اتلفتو على دانية
-اها القراية ماشة كيف؟
- كويسة الحمدلله
- والله ياخ ما تقري كتير القراية الكتيرة بتزحم الراس اسي ولاء دي ما قاعدة تقرا مرراات بس
-اممم😊
•
•
•
جات خاشة البيت لقت أخوها واحد قاعد برة وبتكلم بالتلفون عايزة تتكلم معاه لأنو ليها زمن ما اتونست معاه ولا شافتو جات وقفت قدامو
-مزمل 😔
ما رد ليها
-ي ود مزمل
رفع راسو ليها
- (بهرشة)في شنو ي بنت؟😡
-(اتخلعت)عايزة اتكلم معاك😔
- ما فاضي انا😑
وقام من محلو مشى قعد في محل تاني وخلاها واقفة اتحركت وخشت جوة البيت ودموعها في عيونها لقت غرفة أبوها فاتحة قالت تسلم عليه ما قاعدة تشوفو الا مرات وهي عايزة تخش الغرفة سمعتو بتكلم بالتلفون
-لالا ما حاسة بشي هي يومها كلو في المحل بتاعها دا لا فاضية لي لا فاضية لأولادها كويس انو انتي قاعدة عشان تهتمي بي😉
-اي حنتلاقى بكرة واسوقك ونمشي شقتنا😉
واقفة مصدومة وقعت تلفونها من يدها وهو انتبه ليها اتلفت شافها وبقى مخلوع تا تا تالا😲
وهي بتعاين ليه شديد وهو متوتر
- في شنو حبيبتي مالك؟😟
-كنت بتتكلم مع منو؟
-مع مع ما ع ما ع
سكت وبقش في العرق من وشو
-بتكلم مع أمك اي مع امك😟
-اها🙄
-قلت ليها بكرة نطلع من البيت نمشي الشقة نتكلم شوية وكدا لي زمن منها لأنو يومها كلو في البوتيك بتاعها انتي عارفة😉
-(بتعاين ليه بتركيز)امم
-عايزة حاجة انتي؟😊
-كنت عايزة أسألك من أمي بس
-(بتوتر)ااه اي اي كنت بتكلم معاها اسي انتي امشي خلي نانا تعمل ليك حاجة تاكليها😊
-(من نظراتو وتوترو عرفت انو بكضب بس ما عايزة تتكلم معاه كتير)تماام
مشت وهو بتكلم براه
دا شنو ياخ البنت دي نهائ ما طالعة زي أمها لازم تركز في أي صغيرة وكبيرة🙄ينعل ابو اليوم الخلاني أقريك فيه علم نفس انا اسي انقذ الموقف كيف؟🙄
شال تلفونو واتصل على مرتو مع انو ما نفسو يتكلم معاها لكن مضطر
-الووو يا فرحتي😉
-(مستغربة وفرحانة)ايواا😂💜
- والله ياخ انا فكرت بكرة نمشي الشقة بتاعتنا الفي الرياض نقعد نتكلم شوية بدل جوطة البيت ونغير جو على الاقل😉
- انت عارف اني مشغولة شدييد والبوتيك ما بقدر أخلي ولا ثانية لأنو حايلخبطو لي الشغل عشان كدا ما بقدر😔
-(هو عارف انها ما حاتوافق ابتسم لحدي آخر ضرس)اي عارف خلاص ما مشكلة نمشي يوم تاني بس لازم تفضي لي😉
-هههه كويس
وقفل منها الخط وهو فرحان
،،
هي كانت قاعدة في غرفتها وبتبكي وبتتذكر في كلام أبوها في التلفون وفي نظراتو وتوترو لما عرفت انو سمعها وعرفت انو بخون أمها بقت تكسر في الحاجات الفي غرفتها وتلعن في حظها لأنو ما عندها أب بهتم بيها ولا أم تحن عليها كلهم مشغولين كلهم القروش عمتهم حتى اخوانها كأنهم ما اخوانها💔هي صح موفرين ليها أي حاجة عربية قروش ملابس اي شي بتتمناه بس للاسف هي كانت محتاجة دعم معنوي منهم ما مادي💔.
•
•
•
قاعدة في المطبخ وبتتونس مع أمها وبتلف في الفطيرة
-شفتي عمك قال شنو لابوك؟
-شنوو😟
-انو أبوك يرسل ليه قروش عشان يدخلهم ليه في مشروع
- ما تقولي لي أبوي وافق؟😲
-اي وافق😔
-يعني هو أبوي للان ما عرف انو اهلو ديل كضابين ومحتالين واصلا قروشو ديل مستحيل يرجعهم ليه شوفي لو ما قال ليه انو ضاعت أو اتسرقت او المشروع طلع خسران🙄😔
-ولله يا دان عارفة لكن ابوكي ما عايز يصدق😫
- انا ما عارفة ليه هم بكرهونا وبحسدونا كدا بالجد ما عارفة🤦🏻♀️
-الحقد مالي قلوبهم لكن ابوكي مسكين وما بشك فيهم😢
- والله نحنا لو بعنا البيت ومشينا سكناا في مكان بعيد احسن نرتاح من اهلو ومن اهلك لأنهم كلهم حاقدين وبكرهونا ونحنا يئسنا من الوضع دا😔😫
-دان خلاص ما تقولي كدا😒
فجأة سمعت تلفونها برن طوالي جرت وهي عرفت انو دا هو من نغمة التلفون
(يا جميل يا جميل يا ساادة حبك جنني زياادة🖤)
ردت ليه
وتشاءُ انتَ من البشائِر قطرةٌ
ويشاءُ ربُكـ ان يُغيثَكـ بالمطر 💙🌸
#يتبع
