دان وناس بيتهم عاملين تحدي لنفسهم انو يشتغلو ويجتهدو عشان يرجعو كل اموالهم الشالوها منهم اخوان ابوهم وعشان يوروهم انو هم اقوى منهم اقوى بكتير وعايشين في البيت بالمجان وبقو يقتصدو في المصاريف،دان شغالة في الرسومات والديكور والطلبات وكل مرة تشيل الدفتر وتكتب البحصل معاهم وكل ما تحصل معاها حاجة تجي تكتبها،هي جرحت مصعب شديد وما عارفة انو الحاجة دي حاتكون أثرت عليه من كل الاتجاهات هي ما عارفة انو هو حباها بالجد حباها شديد وهي كسرت خاطرو وهو اسي في عالم تاني ومتمني يموت وبس💔
•
•
•
الصباح،،
كل وحدة فيهم مشت جامعتها.
دان جات خاشة الجامعة وحضرت محاضراتها عادي ولما جات طالعة لاقت صاحب مصعب في وشها وكان زهجان وشكلو متضايق منها
-خير في شنو؟
-ياخ انتي انسانة قولي لي انتي مخلوقة من شنو😠
-مالك؟وكيف تتكلم معي كدا اصلا
-بتكلم ليه ما اتكلم انتو البنات بتفكرو كيف بعجبكم لما تحرجو زول بالطريقة دي بعجبكم؟😠
-ااه انت قصدك صحبك
-اي ياخ قصدي صحبي صحبي الكرهتيهو حياتو وخليتي يخلي الجامعة صحبي البحبك وميت فيك وعمل اي شي أي شي عشانك وساعدك وانتي تجازيهو كدا😠
-دقيقة دقيقة أول شي انا ما عشمتو ولا وعدتو بحاجة عشان انت تجي تقول لي الكلام دا وبعدين اي انا عارفة انو ساعدني ووقف جنبي في موضوع الرسومات واي شي بس دا ما معناه اني احبو
-ما وقف معاك في موضوع الرسومات وبس البيت الانتو قاعدين فيه بالمجان دا بيت خالو وهو الخلا خالو يقول لابوكي انو مسافر السعودية وهو ما عايز يأجرو مع انو عادي البيت دا ممكن يأجرو بأغلى سعر بس عشانك
-(اتخلعت)شنو؟
- انتي عارفة انا اول مرة اعرف انو في حب بالطريقة دي عند مصعب بس لكن الزمن دا الزول لو حب بالجد يجرجو💔
-(بتبكي)اسي هو وين؟
- هو خلا الجامعة في الاسبوع الفات دا
-وما حيرجع ليها؟
- ما اظن خلاها بالمرة
ومشى خلاها واقفة وهي بتبكي💔
•
•
•
تالا جات الجامعة واول ما خشت لقت دكتور عمرو سلمت عليه وسألها وين كنتي الاسبوع الفات وكدا وقالت ليه حاصلة معي ظروف بس والحمد لله عدت😊بعدين مشت القاعة وطوالي جاتها رسالة من الرقم المجهول وهي أول مرة تبتسم لما تشوف رسالتو وكان مكتوب فيها الجامعة نورت ياداب بس لما انتي جيتي اشتقت ليك!♥️
الرسالة دي خلتها تفرح وتضحك براها وهي أول مرة تحس الاحساس دا تاني رسل ليها عليك الله ما اشتقتي لازعاجي؟🥺
بقت حاسة انو الزول دا كانو معاها في القاعة دي واتمنت انو يظهر بالجد وهي تشوفو🥺♥️
بعد المحاضرة خلصت والدكتور طلع هو تاني رسل ليها شكلك نفسك تشوفيني ولا انا غلطان؟
محتارة هو كيف فهم انو هي نفسها تشوفو تاني رسل ليها ما تستغربي عارف انو نفسك تشوفيني لكن ما تخافي حاظهر ليك قريب♥️
كانت متشوقة شديد تعرف دا منو وفي أسرع وقت.
•
•
•
ثريا نزلت الجامعة بمعنويات فوق وبس همها تقرا وتجتهد عشان أمها واخوانها وحاتحاول تنسى اي جرح حتى حازم تاني ما حايأثر فيها بعد خلصت محاضرات لقت مكالمة من مازن واتذكرت انها ما كلمتو بالوفاء وما قالت ليه حاجة طوالي ردت وليه وهو جاط فيها ووين كنتي مختفية وما بتردي علي وانا خفت عليك وانا وانا وانتي كويسة طمنيني عليك ووووو فقامت قالت ليه انو أبوها اتوفى من اسبوع واتاسف لأنو ما كان عارف وقال ليها عايز الاقيك عشان اعزيك وكدا وقالت ليه انها في الجامعة وطوالي اتحرك جاها وسلم عليها وعزاها وقال ليها نمشي نشرب جبنة ومشت معاه وبقو يتكلمو
-اسي شوفي وشك بقى شاحب فيك شكلك م بتاكلي والله😑
-باكل
-كذابة وشكلك ما بتهمتي بنفسك حتى شوفي عاملة كيف😑
-الفترة الفاتت دي كانت صعبة علي شديد بس😔
-اي عارف بس ان شاء الله كلو بتسهل
- ان شاء الله
- انا عندي ليك مفاجأة حاجة حاتطلعك من الكآبة والجو الانتي فيه دا
-شنو؟
-عندي مزرعة صحبي في سوبا رايك شنو نمشي رهيبة شديد والجو بتاعها حلو بحر وشجر وورود
-صعبة ي مازن كيف امشي أمي واخواني ما اظن يرضو لي
-حاولي معاهم انا متاكد انو حاتفرقي وتطلعي من الجو دا لو مشينا😏
-طيب بكلمهم بعد يومين كدا
-ماشي منتظرك😏
•
•
•
هو بصلح في الكرفتة وعايز يطلع الشغل قالت ليه انها عايزة تشتري حاجات لنفسها ملابس وميكاب وكدا طوالي طلع ليها ربطة بتاعة قروش وقال ليها الاسبوع جاي بجيب ليك البطاقة وودعها وطلع وهو حاسي بفقدة اي صح مرتو ما كانت بتكون معاه الوقت كلو وحتى طبيعي مافي لكن اشتاق لحسها ساي في البيت اشتاق لبنتو هو غلط لما رفع يدو وضربها لكن خلاص فات الأوان وهو ما عايز يمشي يعتذر منهم💔
بعد طلع وسمعت صوت الباب قافل طوالي براحة براحة طلعت مشت غرفة مروان وهو زاتو كان بلبس طالع فتح ليها باب الغرفة وهو عارف انو دي هي
-أخيرا نورت يا جميل ساعة؟؟
-انت عارف أبوك قدر يلبس القميص والبنطلون والبدلة والكرفتة ووووو🙄
-وانتي ما ساعدتي في حاجة حاجتين كدا
-لالا كنت متكية في سريري😌
-اي احسن
-حترجع متين انت
-قبل الحاج طبعا😉
-حاشتاق ليك🥺
-وانا كمان يا حلوة لكن بمشي ساعة زمن وبجي😉
- طيب ماشي
وبعدين طلعت المول جابت ليها كم حاجة ومسكت باقي القروش ورجعت البيت.
•
•
•
ثريا بعد مازن وصلها لقت أمها وسامي قاعدين متمحنين بقت تسأل فيهم في شنو وامها حكت ليهم انو حسن اتصل ليها قبل كم يوم وقال ليها مادام راجلك مات تعالي عشان تسكني معي انتي وسامي وهي اتشاكلت معاه وقفلت الخط في وشو وأسي هو اتصل ليها وقال ليها انو لازم تجيهو وتجيب ولدو ويعيشو معاه ولو رفضت عندو صور ليها حينشرهم وهي مصدومة هو كيف طلع بالدناءة دي وهم اسي محتارين وسامي قال الا يمشي ليه وكان زهجان وامو منعتو وهي خجلانة من اولادها شديد💔
•
•
•
دان رجعت البيت وهي مكسورة غلطت غلطة كبيرة هي لقت زول يحبها بالطريقة دي كيف هي تحرجو وتجرحو كدا كيف تعمل كدا هي كسرت بخاطرو حبها لمحمد خلاها تكون عميانة وما تنتبه لأي حب قدامها💔البيت الهم ساكنين فيه حاليا هو السبب في انهم يسكنو فيه ساعدها في موضوع رسوماتها وخلا الناس تعرفها ساعدها ومشى معاها عشان ينقذو دالية اختها هو كيف طيب كدا؟ وهي كيف جرحتو كدا💔وهي كدا جاتها رسالة من رقمو اي رقم مصعب زاتو وكان فيها
(دان انا ما عايزك تحسي بالذنب ولا تحسي انك عملتي شي غلط وتزعلي نفسك انتي ما عملتي شي غلط انتي بس اظهرتي مشاعرك الحقيقية وانا عارف انو مكتوب لي احبك من طرف واحد وبس ودي كانت غلطتي وانا حاتحمل نتيجتها💔)
بتقرا في الرسالة وهي بتبكي اتصلت عليه ولقت انو قفل تلفونو والندم اكلها💔
*اي صح يمكن هي ما حبتو ولا حاتحبو بس يمكن تكون سعيدة معاه وحبو يكون كفيل انو يعوضها عن اي شي*
•
•
•
سجدة كانت بتفكر يعملو طلعة هي وصحباتها وناس بيتهم الفترة الفاتت كلهم مرت بيهم حاجات صعبة شديد ولازم يكون في شي يخليهم يفرحو شوية اتصلت على تالا ودان وثريا والفكرة عجبتهم لكن دان كانت متضايقة وحكت ليهم بالحصل ومافي وحدة قدرت تقول ليها انتي غلطانة لأنو دا ما وضع يقولو ليها فيه كدا بس اكتفو انهم يقولو ليها كلو لخير♥️وتالا ما حكت ليهم بموضوع أمها بس حكت ليهم بموضوع مازن والرحلة للمزرعة وقالو ليها امشي وكدا الا تالا قالت ليها ما بنخليك تمشي براك اسي لو عمل ليك شي تمشي معاك كلنا بس😑وهي قالت ليهم لو أمها واخوانها وافقو حاتكلمو وتقول ليه ما بمشي معاك الا صحباتي يكونو معي♥️بعدين اي وحدة مشت وكلمت ناس بيتهم انهم عايزين يتجمعو مع بعض ويتونسو وكدا وام تالا اقترحت ليها انو تعزمهم في بيتهم مادام البيت جديد وكدا وتالا كلمتهم وهم رحبو بالفكرة وحددو يوم عشان يجو فيه♥️.
•
•
•
تالا وأمها وسارة قاعدين يجهزو في البيت عشان الناس جاينهم بعد ساعة كدا وصلو ،سجدة وامها وابوها اي صح ام تالا في البداية كانت متضايقة منهم لكن رجعت اتعاملت معاهم عادي لأنو ما عندهم ذنب وهم اصلا اتبرو من بنتهم وما كانو عارفين بالبتعمل فيه وهم كانو خجلانين من العملتو بنتهم لكن هم ما حسسوهم بحاجة واتعاملو معاهم بطريقة حلوة😊♥️تاني شوية وجو ناس دان هي أمها وابوها ودانية ودالية وقعدو بتونسو ويتعارفو ودان جاتها رسالة تهديد من زول مكتوب فيها (موعدنا قرب حخليكي تندمي على اليوم الدخلتيني فيه السجن انا واخوي😠💔) خافت شديد وبقت ترجف وعرفت انو دا محمد لكن اخو منو؟معقولة يكون دا حسام يعني حسام اخو؟ 😲
استأذنت وطلعت برة قعدت في كرسي وبقت تبكي(البنت دي خوافة خوف😂)وتتذكر في حسام وانو قبل كدا هو خش السجن بسبب موضوع المخدرات طيب طلع كيف ومتين؟ويعني هو اخو محمد؟😲وهي قاعدة كدا جاء منذر ماري بجنبها و شايف بنت حلوة حلوة شديد قاعدة متمحنة وعيونها الحلوة بتنزل منها دموع زي اللؤلؤ خدودها حمراء من البكاء الهواء طير منها طرحتها وهي قامت عايزة تلحقها وخصل من شعرها بقت تطير يمين وشمال مع الهواء والطرحة اتعلقت في وحدة من الشجر البرة وهي عايزة تشيلها هو سبقها وشالها ويدينهم اتلاقت مع بعض♥️🤝🏻وهي رفعت راسها عاينت ليه وعيونهم اتلاقت♥️وآثار دموعها لسه موجودة لقى نفسو من غير ما يحس مسح ليها أثر دموعها بيدو وهي خجلت ونزلت راسها هو كان بعاين ليها وماسك طرحتها في بدو وهي عايزاها لكن خجلانة وما قادرة تعاين ليه هو انتبه انو شايل طرحتها قام ختاها ليها في راسها وبرضو ما عارف هو كيف عمل كدا😂♥️هي جرت بخجل ودخلت جوا وهو بعاين ليها ابتسم ابتسامة عريضة وبعدين لقى نفسو لاحقها من محل ما هي دخلت وفاكر انو حيلقاها براها لكن لقى كمية من الناس واتذكر انو صحبات تالا واهلها حايجوهم ياداب حتى عقلو رجع ليه😂😂وبقى يفتش عليها بنظرو ولقاها قاعدة في كرسي جنب اختو وبقى يتأمل فيها وهي بعد شافتو بعاين ليها خجلت أكتر وما عرفت تعمل شنو يلا امو نادتو وقالت ليه منذر تعال اعرفك وبقت تعرف فيه عليهم وقالت ليهم انو دا ولدي الوسط منذر هو شغال في الهند لكن جاء اجازة وكدا ولما وصل لدان تالا قالت ليه يلا دي الرسامة بتاعتنا دان الجميلة♥️♥️وهو بقى يردد اسمها في سرو دااان مد ليها يدو عشان يسلم ليها سلمت عليه ومسكها مسافة وهي بقت تجر في يدها وهو فكاها لما تالا لاحظت ليه وبقت تقول احم احم😂 بعدين مشى قعد قصادها(لا كدا كتير😂)وهي ما قدرت تقعد.
شوية وجو داخلين ثريا وامها وسعيد وسامي وسعيد ودانية مصدومين😲وهنا عرفو انو اخواتهم صحبات♥️ ودي حاجة حلوة ليهم الناس قعدت تتونس دانية وسعيد بعاينو لبعض ومبسوطين ثريا لاحظت ليهم وبقت تقرص في سعيد وبهناك منذر بعاين لدان وهي خجلانة منزلة راسها وتالا كل شوية شغالة احم احم😂♥️
سارة كانت قاعدة جوة شوية وطلعت تسلم على الناس كانت لابسة توب وهنا سامي لفتت نظرو وبقى يعاين ليها لحدي ما وصلتو سلمت عليه وهو ما قادر يشيل عيونو منها ام تالا عرفتهم عليها واكتفت بإنها قالت ليهم دي بنتنا وما قالت ليهم انها مرة ولدي السابقة وكدا.
نانا دخلت تجهز الغداء وهم قعدو في الصفرة ومنذر وسامي كانو بلفو ما عايزين يقعدو لحدي ما دان وسارة يجو يقعدو😂😂 ولما الناس كلها قعدت ودان وسارة قعدو سامي ومنذر انطلقو بنفس السرعة وأي واحد مشى يقعد جنب البنت العايزها سامي لقى تالا قعدت جنب سارة اتضايق ومشى قعد في كرسي تاني لكن منذر لقى الكرسي الجنب دان فاضي وما صدق😂طبعا تالا ملاحظة اي شي شغالة تضحك بس😂♥️
دان ما قدرت تاكل بسبب نظرات منذر حتى ما قدرت تقعد وقامت سريع من الأكل وكلهم بقولو ليها مالك وكدا تالا قالت ليهم السمح ما أكال وكلهم قعدو يضحكو بعد شوية منذر قام برضو وتالا قالت ليهم مش قلت ليكم السمح ما اكال😂
وهو طلع لحقها وهي ما قدرت تتحملو اكتر من كدا وطوالي اتفجرت فيه
-ياخ انت مالك من قبيل ملاحقني في شنو ما ممكن معاك لكن يعني انتو متعودين تضايقو ضيوفكم بالطريقة دي؟يعني ما بتخجل شايف الناس قاعدين وبرضو مصر تعمل حركات😠
كان بس بضحك وبضحك وهي اتضايقت من ردة فعلو أكتر وقالت ناس مجانين بس😠وجات تمشي وقف قدامها وقال ليها عيونك دي حقيقية؟🥺 سكتت خجلت ما عرفت ترد
تاني قال ليها؟ ولا شفايفك دي حقيقة؟ رموشك حقيقية؟ انتي كلك على بعضك كدا حقيقية وواقفة قدامي؟ كنتي وين من زمان؟🥺
شوية وطلعو برة أبوها وأبو سجدة وهم بتونسو في الكورة وهي دخلت جوة سريع سريع وهو دخل معاهم في الونسة عشان ما يشكو فيه.
هي خشت جوة لقت الناس قامو من الصفرة وبقت متوترة وما قادرة تتكلم مع الناس شوية وجابو الشاي والعصير وسامي عمل خطوة جريئة بعد ما منذر جاء خاشي وقال ليه يا منذر ما تديني أختك دي انا عايز اعرس ياخ ومنذر بقى يضحك وقال ليه مش تالا دي شيلها مجان😂وكلهم بضحكو قال ليه لالا اختك التانية قصدو لسارة وتالا وسارة ومنذر😳😳😳
ما عارفين يردو ليه كيف ولا يقولو شنو تالا اتدخلت وحاولت تغير الموضوع بطريقة ظريفة
ياخ اسي لو نجتمع كل مرة مالو نحنا صحبات من زمان وأهلنا ما بعرفو بعض معقولة دي😑
-(سجدة)اي والله غايتو المرة الجاية نتجمع في بيتنا ولا شنو ي حاج😉
-طوالي البيت مفتوح ليكم في اي وقت
-(ثريا)والمرة البعديها معانا
-(دان)نحنا آخر ناس معناها
-(ثريا)الحلوين دايما في النهاية ولا كيف😉
-(دان)غايتو حناكة حنك
كلهم بضحكو😂
بعدين اي زول رجع بيتهم
•
•
•
ثريا بتشغلها لاخوانها
-يعني سعيد لقى دانية وسامي لقى سارة والله لكن نحنا لينا الله وقعاد المظلة ولا شنو ي أمي😉
-(أمها)اي والله😂😂
-(سعيد)على فكرة انا بحب دانية من زمان اصلا ونحنا ما كنا عارفين انو انتي وأختها صحبات وبس يعني
-(ثريا)يا ابن اللعيبة اتاريك ما هين
-(سعيد)كيف ياخ دا كلامك😉
-(أمو)شوف المعفن بتقولها قدامي كدا عادي
-اعمل شنو يا حجة الحب ما بدسو ولا كيف😉
شالت السفنجة وضربتو
-امشي اقرا ليك قراية تنفعك يلا سريع
-ماشي ماشي😂
مشى وهم قبلو على سامي وهو سرحان
-(ثريا بتغمز ليه)شنو يعني😉
-(سامي)يا بنت مالك انتي عميتي؟
-سرحان وين يا جميل سارة مالية مركزها والله😉
-ياخ عليك الله الناس ما ردو لي
-(أمو)يردو ليك كيف انت شايفها اول مرة وفجأة تقول ليهم عايز اعرسها وهم حيدوك ليها بالسرعة دي😑
-ويعني شنو يا أمي انا عايزها بالحلال
- حتى لو عايزها بالحلال هم بنتهم ما لقوها في الأرض وتعبو فيها وربوها اكيد ما حيدوها ليك وهم ما عارفين عنك حاجة وانا زاتي ماشة انوم يلا تصبحو على خير
ومشت وهو متمحن وبسأل في ثريا منها وانها عجبتو وكدا وثريا حكت ليه قصتها من البداية وموضوع مزمل لحدي النهاية والحاجة دي خلتو يزيد في قرارو أكتر♥️
•
•
•
دان ودالية مقعدين دانية في النص وبسألو فيها عرفتي سعيد متين وبتحبو بعض من متين وووووووو وهي حكت ليهم من البداية
بعد خلصو مشو ينومو ودان بتتذكر في منذر وحركاتو القبيل هي اول مرة تلاقي واحد يخجلها كدا وتضحك لما تتذكرو قالت ياخ تالا دي عندها اخو مجنون بشكل😂♥️منذر خلاها تنسى مصعب وانها جرحتو وخلاها تنسى رسالة محمد الرسلها ليها.
*انتِ مخلدة في قلبي و الباقي علي الهامش.*💙
#يتبع
