وصلو بيتهم وهي جات جارية خشت لقت أمها وأبوها واخواتها قاعدين برة والدموع في عيونهم حضنتهم وهي بتبكي وهم ما صدقو انها رجعت ودموع الحزن اتقلبت فرح😊هي عرفت انو مافي زول في الدنيا حايحبها زي ما امها وابوها وأخواتها بحبوها هي صح عرفت متأخرة لكن مستحيل تغلط الغلطة دي تاني💔ولما بقو بسألو من الحاصل وهي كانت وين دان قالت ليهم انو خطفوها وحكت ليهم موضوع البيت وباقي الكلام وانو الشرطة بعدين حاتسوق دالية عشان شهادتها دالية مستحيل تقول ليهم انها مشت بارادتها ف مشت الموضوع انو خطفوها والحمدلله انو البت الساعدتها هربت مع الناس الهربو لأنو لو كان الشرطة قبضتها ما كانو حايفكوها💔دالية بقت من حضن دا لحضن دا وهي بتضحك ومبسوطة،دان اتذكرت انها ما شكرت مصعب ولا حتى قالت ليه اتفضل معانا ولا اي شي دخلت غرفتها واتصلت عليه تلفون وهو رد طوالي
-مصعب شكرا ليك بالجد انا ما عارفة من غيرك كنت حاعمل شنو بالجد ربنا رسلك لي في الزمن المناسب تسلم كتير🥺
هو قلبو في اللحظة دي شغال دق دق دق دق وحتى ما عارف يرد ليها كيف في النهاية قال ليها
- ما بيناتنا وانا جنبك لو احتجتي لأي شي انا معاك🥺♥️
و بعدين قفلت منو وياداب انتبهت لرسالة ثريا انو أبوها اتوفى.
•
•
•
امها في غرفة قاعدة بتبكي مهمومة بتفكر هي عملت شنو عشان يخونها عملت شنو عشان يستغفلها؟عملت شنو عشان يستغنى عنها ويستبدلها ب بنت تانية ولا حتى يهمو عملت شنو عشان يقول ليها اطلعي من بيتي💔
كانت بتبكي شديد ومنذر وتالا برة سامعين صوت بكاها وشايفين انو يخلوها تقعد مع نفسها شوية وانو ما مفروض يدخلو اسي ومشو من جنب الغرفة وتالا مسكت تلفونها وشافت رسالة ثريا💔
•
•
•
قاعدة في غرفتها وهي ما عارفة كيف تصلح غلطتها بتفكر تعمل شنو عشان أمها وابوها واخوها يرجعو عادي ما اظن الموضوع دا يتنسي ما اظن يكون سهل عليهم هم حينسو كيف بس؟💔وهي بتفكر تلفونها ضرب ولقتها تالا كلمتها انو أبو ثريا اتوفى وطوالي هم الثلاثة اتحركو واتلاقو في الباب وهم ببكو وما عارفين وضع صحبتهم ولا حاتكون هي كيف بقو يمسحو في دموعهم ويتظاهرو انهم كويسين عشان هي ما تضعف خشو جوة ومن شافوها قاعدة في الأرض وبتبكي جرو ليها وحضنوها وبقو يبكو معاها💔
•
•
•
ساجدة وأبو تالا عقدو خلاص وهي مبسوطة وما همها شي خلاص حتبقى مرة الراجل الغنيان دا والقصر دا حايكون حقها واصلا مرتو وبنتو طلعو خلو البيت يعني هي حاتكون الكل في الكل😌ما كان بهمها انو امها وابوها اتبرو منها وبقو شايفين انها ما بنتهم.
دخلت الغرفة بتجهز في نفسها في أول يوم زواج ليها وهي بتدندن هو كان برة البيت كان حابي يقعد مع نفسو شوية بعد الحاجات الحصلت دي ومزمل بعد ضرب سارة واتفشش كداااا قام طلع برضو وشاف صحبو داك وهي كانت مرمية في الأرض وبتبكي💔
نانا الشغالة كانت برضو برة البيت في بس مروان وهو كمان كان طالع ولما جاء ماري بغرفة ابوهو شاف ساجدة وهي واقفة في المراية و لابسة فستان قصير من فوق ومن تحت وبتغني وبتعمل في شعرها وقف مسافة وهو بعاين ليها ومزهول في جمالها وهو بقول في نفسو معقولة البنت السمحة دي تعرس راجل مخرف زي ابوي؟هي ما جادة؟😑وما قادر يمشي من جنب الغرفة وهي حست انو في زول ورا واتلفتت شافتو اتخلعت وقالت ليه انت جابك شنو هنا؟
وهي أول مرة تلاحظ ليه طول وجمال وهيبة هي عارفة انو هو عندو اولاد كبار بس ما عارفة انهم بالجمال دا وهم الاثنين بقو يتبادلو في النظرات وهو خش ليها في الغرفة جوة وقفل الباب عليهم.🚫
•
•
•
دانية كانت بتتكلم مع سعيد وهو حكى ليها بموت ابوهو وهي حاولت بكل الطرق تقيف جنبو وتتكلم معاه ولو ما هي ما معروف كان حصل ليه شنو💔
هي كانت بتفكر في انو دان قبيل قالت عندها صحبتها اسمها ثريا أبوها اتوفى وأسي هي عرفت انو سعيد ابوهو اتوفى فكرت انو ممكن يكونو اخوان لكن ما سألتو لأنو ما كان وقتو الكلام دا وقررت انها تحاول تساعدو عشان يطلع من المحنة دي بأي طريقة وكمان حاتساعدو عشان يمتحن معاهم باقي السنة دي ويقدر يشتغل ويقرا ويساعد اهلو♥️
•
•
•
حاضننها وهم ببكو شديد وهي كل ما تتكلم وتقول ليهم انا ما مصدقة انو أبوي مشى وخلانا هم يبكو أكتر مع انو عندهم مشاكل كتيرة حاصلة معاهم لكن دا ما كان اكبر من المشاكل الحصلت معاهم وكلهم قالو حايبيتو مع صحبتهم عشان يقيفو معاها والليل دا كلو مرة يبكو ومرة يحاولو يضحكوها واي طريقة اي طريقة هم جربوها عشان صحبتهم تكون كويسة♥️
*بالجد الأصحاب طاقات أمان*
الصباح اي وحدة رجعت بيتهم وقالو انو حايجوها تاني.
سجدة وهي راجعة على البيت شافت سفيان واولاد الحلة برة وهو عمل ليهم إشارة نظام حابدا وكدا وطوالي وقف قدامها وهي اتخلعت
- شنو يااا جافية وما شغالة بينا ولا معبرانا وزمان كنتي بس ما تشوفيني تجي جارية وتحرسي الدكان عشان تقدري تشوفيني😌
-اسي انت ما ملاحظ انك وهمي شديد؟
جوابها بقى ليه صدمة اصحابو هناك بضحكو وبتعرصو وهو ما عارف يرد ليها كيف
-(أشر بصباعو لنفسو)انا وهمي؟
-اي انت ما اظن شايفة حمار هنا غيرك🙂
يلا تاني ما عرف يقول شنو بقى ساكت وهم بضحكو بصوت عالي
-لو سمحت الطريق🙂
زح ليها وهي مشت
واصحابو جو جاريين ليه وهم بتعرصو وانو هو خسر الشرط وبتاع وهو عيونو مليانين شرار من الغضب قال ليهم لا لسه الشرط ما انتهى وانا ما حاستسلم😠😑
•
•
•
دان رجعت البيت وخشت غرفتها وفتحت دولابها وطلعت اي حاجة بتخص محمد وشرطتها وحاجات حرقتها ومسحت رقمو وصورو الغي تلفونها واي اسكرين شوت هي عاملاه لمحادثة حلوة بيناتهم ولكل المحادثات الفي تلفونها وقررت انها تنساه وخلاص اعتبرت انو ماضي💔
طلعت برة لقت امها وابوها قاعدين زي الميت ليهم زول ووشوشهم ما بتتفسر بقت تسال فيهم في شنو ومالكم ومافي زول برد وهي لسه بتسأل لحدي ما ردت ليها امها
-ابوكي اخوانو اكلو في قروش كتيرة وأسي نحنا فلسنا وخلاص وحنضطر انو نخلي البيت حتى لانو للأسف ابوكي طلع موقع أوراق بتاعة بيع بيتو وهو ما كان عارف الحاجات دي كلها لأنو اخوانو المن امو وابو خدعو وكانو مخططين يخلو يفلس وهم بشيلو اي شي بطرق ذكية ومع اني كنت بكلمو كنت بحذرو منهم لكن هو ما كان بسمع كلامي وللاسف نحنا ما فضل لينا شي بسببهم😔💔
•
•
سارة وهي في غرفة تالا جاها مزمل تاني وهي خافت انو يضربها تاني وبقت ترجف جاء قعد جنبها في الأرض وهو بتكلم معاها بكل هدوء
- انا لما تزوجتك اتزوجتك بالغصب عشان أبوي اجبرني عليك لكن انا ما عايزك وانتي عارفة الحاجة دي عشان كدا حابي اقول ليك انتي طااالق وممكن تشيلي حاجاتك وتطلعي من البيت دا براحة🙂
وطلع مشى
وهي الكلام وقع ليها زي الصاقعة هي حاتقول لأمها شنو ولا أبوها؟هي متين اتزوجت عشان يرجعوها؟الناس ممكن تقول انها ما كويسة عشان كدا طلقوها طوالي؟ترجع كيف بس💔اتصلت على تالا لأنها قالت هي الوحيدة الممكن تطلعها من المشكلة دي.
في جهة تانية،،
تالا وصلت البيت ولقت منذر بتكلم مع أمها وشكلها أمها هدت شوية من امس وهي جات قعدت معاهم عشان تعرف الحاصل لكن منذر ما خلاها تتكلم وقال ليها تعالي معي برة ومشت معاه
- انا من امس بليل لما انتي مشيتي بتكلم مع أمي وهي اسي بقت احسن ونحنا لازم نخليها تنسى الموضوع وما نجيب ليها سيرة تاني تمام؟😊
- خلاص ظابط
واتبسطت انو امها قررت تنسى اي شي بس هي شايلة هم انو اسرتهم بقت منفصلة وناس هنا وناس هناك وما معروف حيحصل شنو تلفونها ضرب لقتها سارة ومن شافت رقمها اتذكرتها اتذكرت انهم مشو خلوها وهي براها ومزمل حايكون عمل فيها شنو؟فتحت الخط وهي كانت بتبكي شدييد وتالا اتخلعت وبقت تسال فيها في شنو وكدا وهي حكت ليها الحصل كلو وتالا بقت تهدي فيها انو كل شي حيتصلح وقالت ليها تلم حاجاتها وتجيهم هنا في الشقة وبعدين هي تشوف ليها حل وتالا مشت حكت لمنذر وامها بكل القصة بتاعة سارة ومزمل وهم بقو مصدومين أكتر لكن امها ما استغربت في انو مزمل طوالي تابع ابوهو ومادام ابوهو كدا هو كيف ما يطلع كدا💔واتفقو انو حايقيفو مع سارة من كل النواحي ويتحملو غلطة مزمل لأنو البنت ما عندها ذنب💔
•
•
•
أبوها كان ما مصدق العملو فيه اخوانو وانو وقعو في ورطة كبيرة زي دي اكلو منو قروشو كلها وهو اسي في الحديدة وما معاه غير شوية قروش ما بقدر يعمل ليها اي شي وممكن بس تكفيه عشان مصاريف البيت وللاسف هم اسي الا يفتشو بيت عشان يأجرو والبنات في غرفهم برتبو في ملابسهم وببكو ما قادرين يصدقو انهم حايفارقو بيتهم الاتولدو فيه واتربو فيه ابوهم كان عادي يشتكي اخوانو لأنو اوراق البيت والأملاك كلها عندو لكن الحاجة الخلتو يقيف وما يعمل كدا لأنو أمو قالت ليه اني ما حكون عافية عنك ولا انت ولدي لو وقفت ضد اخوانك للأسف حتى أمو واقفة مع اخوانو مع انو هو المظلوم😔💔
دان كانت بتطلع في ملابسها من الدولاب وبتبكي وما عايزة تخلي غرفتها بتعاين ليها من كل الجهات وبتعاين في الرسومات الرسمتهم فيها لما كانت بتحاول تتعلم رسم الجداريات وبتمسح في دموعها تلفونها ضرب وكان دا مصعب ردت ليه وهي بتبكي😔
-(مخلوع)دان في شنوو؟
-(حكت ليه الحاصل كلو وهي مخنوقة من البكاء)
حاول يهديها لكن مافي فايدة💔
أبوها طلع عشان يفتش بيت للاايجار وطبعا بيوت الايجار صعبة شديد وغالية وهو تعب شديد لما يلقى بيت كبير وحلو بكون غالي والرخيصين كلهم صغار وما مبنيين كويس خلا رقمو عند بتاع عقارات قال ليه لو لقيت اي بيت بمواصفات كويسة اديني تلفون ومشى هو املو مخيب انو ممكن يلقى بيت💔وما عارف حيحصل شنو في الأيام الجاية دي ولا حيرجع قوي تاني كيف💔.
•
•
•
سارة دخلت ملابسها كلها في شنطة وشالتها وطلعت ومافي زول سألها ماشة وين ولا حاصل شنو ولقت منذر برة شال ليها الشنطة وطلعو وصلو شقتهم وهي دخلت لتالا وأمها جوة وهم استقبلوها وام تالا من شافتها بقت تبكي على العملو ولدها معاها وقالت ليها سامحيني وامسحيها لي في وشي😔💔
منذر طلع العقارات عشان يشوف بيت يشترو لأنو كلهم ما عايزين يرجعو تاني وخاصة بعد عرفو بالعملو مزمل وما معروف يمكن مروان برضو زيهم وللاسف اي زيهم💔
قررو انهم حايقيفو على رجلينهم وما يحتاجو لزول أم تالا حارة عليها من كل الجهات راجلها وولدها وولدها التاني الواقف مع ابوهو لكن هي قررت تكون مع تالا ومنذر وتعوضهم عن الأيام الهي كانت هاملاهم فيها💔وحاتخلي سارة زي بنتها وتعوضها عن العملو فيها ولدها💔
نانا الشغالة جات قعدت معاهم لأنو قبل ١٠ سنين ام تالا هي الجابتها وشغلتها وهي مستحيل تخليها♥️
•
•
•
سجدة فكرت انها حتشتغل مع دكتورة ماجدة بجد واصلا هي حاتخلي المركز وتقعد في البيت والمركز حايكون تحت ادارة سجدة وحاتحاول ترجع أسرتها مبسوطين من اول وجديد وتوفر ليهم كل المحتاجين ليه وعشان تقدر تشتري ليهم بيت بدل يكونو متبهدلين في بيوت الايجار كل شهر زايدين الايجار هي دخلت نفسها في تحدي انو لازم تشتغل بجهد وفي أسرع وقت توفر ليهم كل النفسهم فيه لأنو هم ما قصرو منها في حاجة😊اما أخوها بعد اسبوع حايسافر بريطانيا بالسمبك مع انهم ما عايزنو يمشي لكن هو مصر انو يمشي وما كان في يدهم شي غير انو يرضو وخلاص اما سكة ساجدة دي قفلوها خلاص ومافي زول تاني جاب سيرتها🚫
مجتبى بقى قريب من سجدة شديد وطبيعي بتونسو مع بعض ولما هي تمشي المركز لازم تشوفو♥️
•
•
•
قاعدين في الصفرة أبو تالا ومروان ومزمل وساجدة ومروان بتبادلو النظرات وابوهو زهجان لأنو نانا مشت ومافي زول بعمل ليهم اي حاجة وقال الا يجيب خدامة جديدة وشغال يهرج ويهرج ويتضايق عشان اقل حاجة وهو ما عارف انو السبب في دا غياب مرتو وبنتو الاتعود عليهم حتى لو ما بشوفهم كتير بس اسمهم في البيت ساي بفرق وللاسف هو ما عايز يعترف بالحاجة دي💔
قام من الصفرة وهو اصلا ما كمل اكل وقال ماشي الشغل ومزمل برضو قام وطلع ماشي للفارقة طبعا اما مروان قاعد بعاين ل ست الحسن ابوهو جاء قال ليه انت ما مارق الشغل قال ليه اي قايم بس اخلص اكل انت امشي انا بلحقك ومشى وفلان سرحان فيها بعد طلعو كلهم مسك يدها وبقى يبوس فيها وهي تتخجل
-عليك الله الجمال دا كلو والحلاوة دي البخليك تختاري الراجل الخرفان دا وتكوني مرتو شنو بس قولي لي
-يمكن عشان انت ما كنت قاعد😔
-يالله!ياخ انا لو كنت عارفك ما كان خليتو يقرب منك ولا شبر ياخ انتي ما بتستاهلي تكوني مع الخرفان دا في غرفة وحدة نهائ والله
-اعمل شنو خلاص حصل الحصل😔
-ما مشكلة انا قاعد بليل خليك مرتو لكن باقي اليوم معي انا😉
-😂ما عارفة لو انت ما كنت قاعد كنت حاستحمل أبوك دا كيف
•
•
•
بعد أيام البكاء انتهت والناس مشو ثريا شجعت نفسها انها لازم ترجع قوية لازم تقتنع بالحصل وتدعى لأبوها كتير ويتلاقو في الجنة♥️ وهي لازم تقيف على رجلينها وتخلي امها واخوانها يقيفو على رجلينهم حاولت تتكلم معاهم وتحاول ترجع اي شي كويس سعيد بسبب دالية وكلامها بقى يشتغل وعايز يمتحن وبدا يقرا وامهم قررت انها تنزل تشتغل شغل شريف عشان تصرف على اولادها وتعوضهم على اي حاجة وبقت تدعى انو ربنا يغفر ليها على العملتو ويغفر ليها من حق راجلها💔الوحيد الكان ما قادر يرجع زي اول هو سامي بعد عرف انو أمو كانت مع الراجل داك وابوهو جاء شافهم سوا ووقع وهو عرف انو اصلا دا ما أبوهو وللاسف الراجل داك ابوهو لكن هو ما قادر يتقبل الحقيقة💔
*لا تقْلق إدعِي فقّط.*💛
#يتبع
