-دندونتي😉🖤
-ايواا🤤
-مشتاق ليك وعايز أتونس معاك الليلة كتييير
- حتى انا🥺بس قاعدة اعمل في فطاير للغداء بعد اخلص تمام؟
- ما تتأخري علي لكن😉
-حاضر
-دندون اسمعي
-اهاا
-عايز أقول ليك حاجة لكن خجلان وما عارف اقول ليك كيف؟😔
-قول عادي ياخ🥺
-بصراحة محتاج لي لقروش ياخ عارف اني بطلب منك كتير بس انتي عارفة اموري جايطة شديد والله وما معي ولا حق الرصيد😢😔
-ما مشكلة عادي عايز كم؟
-٥٠٠😔
- طيب بحولها ليك بعدين
-ما اتحرم منك يا غلاي😘
-😊
قفلت منو وجاها حماس انها تتم الرواية
-شهودة
-عيوني
- انتي عارفة اني بحبك شديد صح؟😔
-اي🥺
-وما حاتشكي فيني ولا تفهميني غلط في يوم من الأيام صح؟🥺
-اكييد🥺
- طيب عندي ليك خبر حيعجبك😌❤️
-شنوو🥺
-بس أموري تتظبط شوية حاخطبك😉
-بالجد؟🥺
-وحياتك حبيبتي❤️🥺
قفلت التلفون لما سمعت صوت داليا وهي بتنادي فيها نزلت تحت وهي بتقول كيف اشك فيه ياخ انا عارفة انو بحبني وانو كويس ويعني شنو لو طلب مني قروش هو بس ظروفو صعبة😔
•
•
•
لبست عبايتها والسفنجة بتاعتها وطلعت الشارع لأنها اشتاقت ليه وعايزة تشوفو مشت جنب الدكان وما لقتو وقفت مسافة وهي منتظراهو وهو ما جاء في النهاية رجعت البيت وهي مبوزة خشمها😔😢
قعدت مع أمها وأختها وهم بتونسو وهي سرحاانة
- يا أمي اسي عرس إيلاف دا قرب عديل
-اي والله ونحنا للان ما جهزنا شي انا عايزة لي توب يكون حلو كدا🥺
- حتى انا عايزة لي فستان دررعة💜🥺
-ناس منى ديل عارفاهم مجيهين وبالذات في المناسبات نحنا ما عايزين نكون اقل منهم
-اي لازم من اسي نجهز نفسنا🥺
فجأة هم الاثنين بقو يعاينو لسجدة
-وانتي يا خديجة شوفي ليك حاجة لوشك دا كلو حبوب اهتمي بنفسك شوية وشعرك دا اعملي ليه ماسك بدل تخلي كدا😏😒
- ما عايزة عاجبني كدا😑
-امي شوفي بنتك دي ما ممكن تكون كدا متين حتبقى زي باقي البنات😒
-سجدة عليك الله اهتمي بنفسك يعني ما ممكن بنات الحلة كلهم مجيهات وآخر نورة وانتي مبشتنة كدا🤦🏻♀️😒
- يا أمي انا ما عايزة اعمل حاجة وبعدين انا مرتاحة كدا😔
-سمح اقعدي لمن تبوري مافي راجل بجيك ببشتنتك دي من اسي خليك عارفة😒
- ما عايزة زاتو يجيني😒
وقامت زهجانة خشت غرفتها
•
•
•
شغالة تصرخ
-الليلة نعمل شنو نحنا انا ختيت القدامي والوراي كلو في السمسم وما خليت ولا جنيه كنت فاكرة انو البضاعة دي حاتربحنا لكن خسرنا وخسرنا قروشنا كلها نعمل شنو نحنا ناكل من وين ولا نشرب من وين الليلة؟😫😫
-يعني اسي نحنا ما عندنا ولا حاجة تانية؟🥺
- ما عندنا ولا شي كان أملنا في السمسم دا وانا ياريت ما اديتهم كل القروش كان أخلي منها😭😭
وهي بتتكلم مع أمها شايلة تلفونها في يدها هو اتصل ليها وتلفونها هزاز انسحبت براحة براحة وطلعت برة تتكلم معاه
-نجمتي💜🥺
-عيونهاا
-اها انا مسافر بعد بكرة عايز اشوفك الليلة وبكرة اليوم البسافر فيه🥺
-حزوم حتى انا عايزة اشوفك لكن اسي الطلعة صعبة الوضع في البيت ما كويس😔
- في شنو ان شاء الله خير بس😢
-بحكي ليك لما اشوفك طيب
-طيب حاولي تطلعي انا بجيك اسي بس قولي ماشة لصحباتك ديل تالا ولا سجدة ولا دان
- ما عارفة امي حاتقول شنو لكن بحاول 😢
-عليك الله حبيبي اتصرفي🥺
-حااضر
مشت ضربت لدان على اساس تقول ليها تعاليني وبتاع وكلمت أمها وهاجت فيها ودان اتكلمت معاها حتى في النهاية خلتها تطلع ولقتو واقف برة بعربيتو كان بعاين ليها وهي جاية عليه وعيونو بتلمع🥺نزل فتح ليها باب العربية وهي ركبت بعدين قفلو واتحرك لحدي ما وصلو البحر ونزلو وهم واقفين اتلفت عاين ليها وهي دموعها جارية😢
-ثرياااا
في شنو؟وبتبكي ليه؟ حبيبي😟
-حازم انا تعبت والله تعبت من صراخ أمي ونقتها الكتيرة نحنا كان وضعنا كويس بناكل وبنشرب وبنوم لكن هي ما بتحمد ربها كانت دايما بتقول انو هي عايزة تبقى زي الناس الأغنياء هي واخواني السبب في موضوع السمسم دا نحنا كنا كويسين وأسي كل شي انتهى حتى وضعنا الاول ما اظن نرجع ليه😔
-كدا احكي لي براحة في شنو والحصل شنو؟😟
-(حكت ليه موضوع السمسم)
-الحصل دا كلو لخير وابوكي واخوانك حايقومو على رجلينهم تاني ويساعدو بعض بس انتي ما تتضايقي وما تفتكري انو كدا أي شي انتهى مادام الباب دا اتقفل حيتفتح ليكم باب تاني اكيد💜
-حازم انا ما عارفة انت لو ما معي انا حاعمل شنو🥺
-انا معاك وطبيعي معاك وانتي اصلا قوية وما محتاجة لزول ختي الحاجة دي في راسك تمام؟انا صح حسافر بس دا ما معناه اني حاتخلى عنك حكون معاك الوقت كلو وخليك قوية زي ما بعرفك ولو حصل معاك اي موقف وحسيتي بالضعف كرري جملة انا قوية انا قوية لحدي ما تحسي بتحسن وما تستسلمي لأي سبب اتفقنا؟💜
هزت ليه براسها طيب
بعدين وصلها البيت لأنها خايف أمها تشاكلها على التأخير ولما هي كانت عايزة تنزل من العربية اداها قروش وهي رفضت وقال ليها انو ما حيتكلم معاها لو ما شالتهم في النهاية شالتهم وخشت البيت واتفاجأت لأنو المبلغ كان كبير😊
•
•
•
الصباح،،
صحت وعيونها مورمة من البكاء ما عندها نفس تمشي الجامعة نزلت تحت ولقت امها بتلبس وبتتكلم بالتلفون وشكلها مستعجلة وهي وقفت بتعاين ليها مشتاقة ليها شديد ونفسها تتكلم معاها بقت واقفة منتظراها تخلص المكالمة كانت تاكلة راسها في الباب ونفسها في كتف تتكل عليه🥺 امها بعد خلصت المكالمة شالت شنطتها وهي طالعة شافتها واقفة في الباب
-تالا صحيتي انتي؟امشي خلي نانا تعمل ليك حاجة تاكليها قبل ما تمشي الجامعة وانا مستعجلة ماشة في مكياجات جاية اسي من الامارات وعايزة اكون موجودة لما يجيبوها يلا باي😊👋🏻
ومشت خلتها لسه واقفة وهي دموعها جرت😢
طلعت غرفتها لبست ليها قميص كاروهات وبنطلون اسود وشالت مفتاح عربيتها وهي قاصدة الشقة حقة أبوها ما عارفة ليه هي ماشة هناك واصلا عارفة انها ما حتلقى امها وانو حاتكون في مرة تانية وعارفة انو أبوها خاين امها بس هي كانت عايزة تشوف بعيونها انو دي مرة تانية وأنها ما أمها كأنها عايزة تثبت لنفسها حاجة💔
وصلت وبقت واقفة بعيد لأنها ما شايفة عربية أبوها وعرفت انو لسه ما جاء انتظرت زي ساعة وبقت شايفة عربية أبوها جاية من بعيد قفلت زجاج العربية ونزلت راسها تحت عشان ما ينتبه ليها وهي منتظرة الحتنزل معاه من العربية💔لحدي ما ابوها نزل منها وهو بضحك وجاء فتح الباب القدام لوحدة وهي نزلت رجلينها مدت ليه يدها مسكها باسها من يدها وقفل باب العربية وهم بضحكو وهي بترفع في راسها عشان تعرف دي منو لكن ما قدرت تشوفها لأنو خشو طوالي وهي قعدت تبكي💔😢
•
•
•
وصلت الجامعة وهي خاشة على القاعة لأنها اتأخرت على المحاضرة طبعا عشان مستنية سفيان الشاغل بالها على اساس تشوفو قبل ما تجي الجامعة وهو طلع من بيتهم متأخر وبعد دا ما عبرها💔😢
دقت الباب وجات خاشة تووووش
-(بصرخ)خاشة وين انتي؟😡
-(خافت)خاشة هناا المحاضرة😟
-انا سمحت ليك تخشي؟😡
- لا😟
- طيب بتخشي ساي مالك؟😏
-معليش😔
(وجات تخش تاني)
-يعني كلامي دا ما عربي؟اطلعي برة😡
-بس بس المحاضرة😔
-مافي محاضرة حتحضريها والمرة الجاية اتعلمي تجي قبلي لو عايزة تحضريها🙂
وهي لسه واقفة متأملة انو يخليها تخش
-ي بنت الناس امشي من هنا خليني ادي المحاضرة للناس ديل😡
بقت محرجة والطلبة بقو يضحكو مشت قعدت براها وبقت تبكي وهي بتقول ليه انا غبية كدا؟ليه دايما بتخت في مواقف محرجة؟ليه ما بعرف اتصرف اصلا؟ليه كل الناس بتضحك في تصرفاتي وبشوفوني غبية وهبلة؟ ليه مافي زول بحبني حتى😔
•
•
•
(-واي ما مصدقة يا حمو انك حتجي تخطبني ونكون في بيت واحد🥺
-حانكون وقريب كمان بس اموري تظبط عايز اخش لي في مشروع مع واحد صحبي لكن ياخ صعبة😔
-ليه بتقول كدا في شنو؟🥺
-المشروع قروشو كتيرة وانا ما عندي في الوقت الحالي بس انا عارف انو ربحو أكتر😔
- طيب القروش كم؟
-.....
-كتيرة ياخ لكن انا عندي فكرة
-شنو؟
- انا بعد اسبوع حامشي اسجل للسمستر التاني وحادفع ..... ممكن اشيلها من أبوي بكرة واديك ليها ولحدي الاسبوع الجاي انت ترجعها لي عشان اسجل بيها😊
-ما عارف اقول ليك شنو لكن انتي دايما بتقيفي معي🥺ربنا يقدرني عشان أسعدك ياخ
- ما عملت شي انا في النهاية نحنا واحد
-تسلمي لي انتي😘)
سمعت زول بتكلم معاها
-دندون
اتلفتت مخلوعة
-ايواا
-ياخ شنو ما معبرانا😔
-(عايزة تختصرو)في شنو؟
-كنت عايز أقول ليك موضوع بهمك بس
-شنو؟
-الاسبوع الجاي حايكون عندنا بازار لكلية الفنون بتاعتنا وانا جاتني فكرة انو ممكن تعرضي رسوماتك فيه لأنو حايكون فيه ناس كتار وممكن تبقى ليك فرصة لشغل كبير لقدام😊💜
-(اتلهفت)فكرة حلوة شديد🥺
-عشان كدا قلت اجي اكلمك عارفة انك بتهميني😊
-(اتجاهلتو)طيب انا حجهز رسوماتي لحدي ما الاسبوع الجاي يجي😊
-خلاص ارح نشرب لينا كباية جبنة
- والله ياخ ماشة اشوف صحباتي المرة الجاية🙂
-طيب مافي مشكلة
ومشت وهي بتنقنق بتحت ياخ دا شنو اللصقة دا الله!!وهو كان سرحان فيها وهي ماشة وجو اصحابي وبقو يشغلوها ليه وهو لسه بعاين ليها لحدي ما غابت من انظارو.🥺
•
•
•
ما عرفت تقيف ولا ترجع ولا تضرب ليهم الباب ولا تتكلم معاه ولا تعمل شنو؟كانت حاسة انها ما قادرة تعمل أي خطوة😔بقت تفكر أبوها بكون متزوجها؟يعني هي مرتو التانية ولا بس بحبها ساي؟معقولة يجو هنا وهم ما متزوجين؟لالالا مستحيل طيب وأمي هو كيف يعمل فيها كدا😔😔 وبتفكر لحدي م جاتها مكالمة من دان وقالت ليها نتلاقى في محل الاسكريم البنمشي ليه حاولت تجمع قواها غشت دموعها وصلحت ملابسها ودورت العربية.
•
•
•
جاها الصباح وصلها الجامعة وقال ليها انا بعدين بجيكي نتونس وارجعك البيت وهي قالت ليه خلاص بعد اشوف البنات انت تعالني في محل الاسكريم البنمشي ليه😊ما كان عندها محاضرات في الجامعة لكن ما عايزة تقعد في البيت ونقة أمها انو مافي قروش وانهم فلسو وانو وانو وانو😫هي بس كانت شايلة هم انو حازم حايسافر وهي ما عارفة من غيرو حتعمل شنو هو بقى ليها أي حاجة في حياتها😟💜
•
•
•
قامت من الشجرة ومشت لمكتب دكتورة برمجة عصبية معاهم في الجامعة هي بتحبها شديد دقت الباب وخشت سلمت ليها ببشاشة وقالت ليها مالك زعلانة كدا ومكشرة😟
- يا دكتورة انا😔
-كدا اقعدي أول بعدين نتكلم
-(قعدت)
-احكي لي براحة براحة😊
-أول شي انا ما عارفة ليه كدا ليه انا عبيطة وعويرة ومتخلفة ليه دايما بكون موضع مهزلة من كل الناس مافي زول خاتي لي قيمة حتى بس دايما بضحكو فيني انا تعبت من الوضع دا والله😔💔
- انتي ما عويرة ولا عبيطة انتي طيبة بس اول حاجة انتي مفروض تختي في راسك انو لازم تتغيري للأحسن تتغيري للحاجة الانتي عايزاها ما الحاجة العايزنها الناس وخليك عارفة حاجة انتي لو ما ختيتي لنفسك قيمة مافي زول بخت ليك قيمة لأنو الحاجة دي راجعة ليك انتي ويا سجدة انتي طالبة تنمية بشرية حيجي يوم وتقيفي قصاد كم هائل من الناس عشان تديهم طاقة إيجابية وتحفزيهم لو انتي ما عندك ثقة ف نفسك حتعملي دا كلو كيف؟
- طيب انا اعمل شنو عشان اتغير😔
-تجيني في المركز بتاعي وانا ححاول اساعدك بقدر ما اقدر لأنو هنا في الجامعة صعبة شوية
- طيب اجيك متين؟🥺
-ممكن نبدا من بكرة😊
-بالجد يا دكتورة ما عارفة اقول ليك شنو🥺
-اسي ما تقولي لي حاجة قولي لي بعد تتغيري للأحسن😊💜
بعدين طلعت منها وجاتها مكالمة من دان قالت ليها تعالي محل الاسكريم سريع وشالت شنطتها ومشت وهي مبسوطة من كلام الدكتورة وحاسة انو اي شي حيتصلح😊💜
*وتشاء أنت من الأماني نجمة ويشاء ربك أن يناولك القمر*💙
#يتبع
