الصباح،،
ما قدرت تنوم الليل كلو بس بتفكر في البنت الشافتها امس وفي شكلها ووضعها ووضع ناس بيتهم شكلهم ناس مساكين وعلى قدر حالهم هي لازم تتصرف ومن الشمس طلعت طوالي نزلت تحت ولقت مافي زول طلع من غرفتو بقت لافة في البيت وتمشي وتجي بتفكر في ساجدة أخت سجدة وانو أبوها كدا حايضيع ليها مستقبلها وهي لازم تعمل حاجة ومن جهة البنت الأمس وهي تمشي وتجي كدا قريب ساعة مروان أخوها طلع لابس وبتكلم بالتلفون وطلع طوالي حتى من غير ما يصبح عليها بس هي بقت متعودة💔تاني شوية طلعت أمها وهي قاشرة آخر توب ومكياج سلمت على بنتها بوستها وقالت ليها انا ماشة البوتيك وهي تعاين لأمها وتتذكر في أبوها امس ما فضل ليها الا تقول ليها عليك الله يا أمي ما تمشي الشغل تاني واقعدي اهتمي براجلك عشان ما يعاين بعيد😪💔لقت نفسها حضنتها شديييد لما أمها استغربت وبقت تسأل فيها في شنو حبيبتي مالك؟
-مافي شي مشتاقة ليك بس💔
-وانا كمان والله🥺بعدين برجع بدري وبعزمك عشاء اتفقنا؟😉
-خلاص طيب🥺
وطلعت وهي فرحت انها حتقعد مع أمها ويتكلمو نفسها تحكي ليها حاجات كتيرة كتيرة شديد🥺
شوية ومزمل جاء نازل وبتكلم مع صحبو بالتلفون شكلو عن بنت وبضحك بصوت عالي وقفتو بصوت حاد
-مزمل😠
-(وقف وهو مستغرب)خير؟
-عايزاك😠
- ما فاضي انا صحبي راحيني😠
-حتفضى غصبا عنك😠
-(قرب منها بزهج)قلتي شنو؟انتي حيوانة ي بنت ولا حاجة؟
-اي حيوانة وانا عرفت اي شي عملتو للبنت و والله يا مزمل ما اخليك وبمشي بشتكي عليك بنفسي كمان😠
-(اتوترت)بنت منو؟وعملت فيها شنو انا؟
-سارة والشقة وصحبك السمين التاني
-(بقطع في الكلام) سارة منو وشقة شنو وبتقولي في شنو انتي؟
- انا مشيت ليها بنفسي في البيت وحكت لي اي شي عملتو معاها وانك كنت بتوصلها البيت كل يوم مع صحبك وتاريك كنت ناوي تغتصبها وفي النهاية وصلت لهدفك برافو برافو(بقت تصفق ليه)
-(قغل ليها خشمها)اسكتي يا حيوانة واوعك تفتحي خشمك دا تاني والله اقتلك فاهمة؟😠
بتحاول تقاوم فيه وما قادرة لحدي ما نزل ابوهم وشافهم وهو خايف ومتوتر زح يدو منها وهو بحمر ليها وهي ما عارفة تحكي لأبوها ولا لا من جهة بتقول اصلا كلهم واحد ود الفار بطلع حفار اكيد ما حيسألو ومن جهة هي براها ما حتقدر تعمل حاجة
- في شنو يا اولاد مالكم بتجوطو من صباح الرحمن؟😠
-مافي شي يا حاج بس اتشاكلنا في الشاحن مافي شي خلاص انت امشي شغلك شكلك اتأخرت
-كلو عشان شاحن تعلو اصواتكم كدا
طلع ربطة قروش من جيبو
-هاك جيب ليك شاحن وادي تالا تجيب ليها واحد عشان تاني ما تتشاكلو
-(مشى شال منو القروش)تسلم يا حاج الله يخليك لينا
-خلاص يلا انا طالع
وعايز يمشي تالا وقفتو
- يا ابوي
مزمل خايف والعرق بنزل من وشو
- في شنو تاني؟
- يا حاج مافي حاجة امشي ما عندها الموضوع البنت دي
-عايزة اتكلم معاك في موضوع مهم
-شنو؟
- يا ابوي مافي حاجة صدقني امشي شوف شغلك
-(هي مصرة)لا في شي
- طيب ف شنو اتكلمي سريع خليني امشي
-(ما عارف يعمل شنو )
-مزمل ولدك اغتصب بنت
-😳😳😳(مزمل وابوهو)
كان فاكر انها بتهددو ومستحيل تجيها الجرأة تعملها
•
•
•
قررت تقيف قصاد اختها وتقول ليها انا شفتك امس مع الراجل في الرياض وانتو داخلين الشقة كان لازم توقف المهزلة دي وجات خاشة الغرفة وهي مندفعة وما خايفة من اختها ولا خايفة من الحيحصل حتى🙂💔لزت الباب الغرفة وخشت وأختها اتخلعت
-مجنونة انتي؟كيف تفتحي الباب كدا ما عندك ادب ولا احترام؟😠
-الادب والاحترام انك تصوني نفسك وتنتبهي لكرامة اهلك ما انك تحومي مع راجل قدر ابوكي ولا أكبر منو وتلبسي لبس فاضح🙂
-(اتصدمت واتوترت)بتقولي في شنو انتي؟
-حابة اقول ليك اني عارفة انك بتمشي مع راجل كبير شقة في الرياض شارع.... الراجل العندو عربية سوداء توسان وكمان بتقلعي العباية في الشارع وبتدخليها في الشنطة وتقريبا امس كنتي لابسة بنطلون جينز وقميصك الكاروهات الأمي قالت ليك تاني ما تلبسيهو لأنو قصير🙂
-(اتصدمت اكتر)انتي كنتي بتراقبيني؟😳
-للأسف اي وياريت لو ما عملت كدا وشفت المنظر الشغتو ياريت💔يعني انتي رافضة العرسان كلهم عشان انتي ما بنت؟ولا عشان الراجل العجوز دا ومتوقعة انو ممكن يعرسك في يوم؟🙂
-(قامت من محلها وادتها كفف طااااخ)احترمي نفسك وما تتكلمي عني كدا فاهمة؟وانا حرة بعمل العايزاه ولو القصة عشان نفسي ورضا نفسي بعمل اي شي احسن اكون مع راجل بوفر لي اي حاجة وبعيشني ملكة؟ولا أحسن اعرس واحد مفلس يخلي لي الأولاد في البيت وانا اتشحتف؟😠
- ما فكرتي في أمي ولا أبوي ولا اخوي؟بس همك نفسك؟تضيعي شرفك بس عشان تعيشي ملكة؟بعدين حاتقولي لأمي وابوي شنو انو بنتكم الربيتوها وتعبتو فيها عملت فيكم كدا؟ولا حاتقابلي ربنا كيف؟
-بالله وفري نصايحك لنفسك
- طيب انا حكلم أمي وابوي وهم يتصرفو معاك🙂
-هه لو بتتحملي البحصل ليهم كلميهم أبوي عندو ضغط وأمي عندها سكري عادي ممكن يقعو يموتو لينا لو عرفو الحصل🙂
-(مستغربة من قلب اختها الزي الحجر واقفة محتارة)
-يلا امشي امشي كلميهم يا شاطرة🙂
-(واقفة ما قادرة تتحرك دموعها عايزة تجري لأنها ما عارفة تعمل شنو)
فجأة امهم جاتهم
- يا بناات بكرة عرس ايلاف ما جهزتو ملابسكم؟
-(ردت ليها ساجدة وسجدة واقفة ما قادرة تتكلم) غايتو انا لابسة فستاني الحرجلي
-اي حلو سجدة انتي لابسة شنو؟
-(ما ردت)
-سجدة
طلعت من الغرفة من غير ما تقول شي
-اختك دي مالها
-بري
•
•
•
طلعت وهي لابسة عبايتها السوداء وريحة الدخان طاقة براحة براحة طلعت قبل ما زول يشوفها طلعت تلفونها من الشنطة واتصلت ليه وهو وصف ليها تجيهو وين.
،،
قاعد بفكر هو من عمل الحادث امورهم جاطت ضيعو قروش السمسم مرتو بدت تشتغل في البيوت عشان تجيب ليهم قروش يتصرفو بيها وهو قاعد ليها ما قادر يعمل شي(للأسف هو ما عارفها بتجيب القروش من وين)دموعو جات جارية ما قادر يعمل شي لمرتو واولادو طوالي شال العصاية بتاعتو وبقى يحاول يقوم ويسحب نفسو حبة حبة لحدي ما طلع الشارع وهو ناوي يفتش شغل💔
هي مشت الجامعة أمها ما ادتها غير حق المواصلات حتى ما عارفة تفطر بشنو ومفروض تشتري شيتات ما بتقدر تتصل على سامي أخوها لأنو هو نزل شغل ياداب وما بكون عندو قروش وهي ما عايزة تضغط عليه فكرت تتصل على وحدة من صحباتها بس هم ما عارفين بوضعها وهي ما بتحب تطلب من زول قروش،كملت اليوم من غير أكل خلصت محاضرات وعايزة تطلع اتصل عليها مازن وقال ليها انو منتظرها برة طلعت لقتو سلمت عليه وركبت
-مالك الليلة؟
-لالا مافي شي
-وشك دا اصلا ما عاجبني😑
-مافي شي يا مازن😊
(مترددة تحكي ليه وما تحكي)
- طيب خلينا نمشي ناكل لينا حاجة انا الليلة جوعان جوع من الصباح ما اكلت
-ليه مالك؟
-كنت شغال بس
-ايواا
-اها نمشي؟😊
- طيب
ما كان نفسها تمشي البيت عايزة تهرب من الحالة الهم فيها
مشو مطعم وطلبو أكل وهو بقى يتونس معاها ويضحكها ويحسسها انو زول كويس وكدا ويحكي ليها عن ناس بيتهم وكدا،جات بنت صغيرة وبتشحد عايزة قروش ومافي زول اداها وهي بتعاين ليها ومحنناها شديد لما البنت وصلت ليهم هي طلعت المحفظة بتاعتها فتحتها ولقت فيها ١٠ جنيه واصلا كانت حقة المواصلات وهي عارفة انو مازن حايوصلها طوالي طلعتها وادتها ليها والبنت قالت ليها شكرا يا خالتو وجرت ومازن كان منتبه ليها وعرف انو ما معاها ولا قرش تاني وهي خجلت لما شافت انو مركز معاها بس الاكل جاء وانقذ الموقف بعد ما اكلو كويس وطلبو عصير هو وصلها ولما جو نازلين طلع من جيبو قروش كانت خمسينات وعايز يديهم ليها في اللحظة دي بقت تتذكر في حازم ودموعها عايزة تجري
-ثريا دي حاجة بسيطة بس للجامعة
-مازن انا ما بقدر اشيل منك حاجة معليش
-ثريا نحنا مش أصحاب؟
-اي بس لينا يومين بنعرف بعض وانا ما بقدر اشيل منك وما عايزة اضغط عليك والله كفاية انك سمعتني😔
- ما تقولي كدا انتي زي اختي ولو اي زول محلي كان حيعمل نفس العملتو وبعد تتخرجي وتشتغلي انا بشيل قروشي اتفقنا😉
-(ضحكت)
شالتهم منو وحست بالاحراج بس هي كانت محتاجة للقروش دي ومضطرة تشيلهم💔لما نزلت منو سامي أخوها اتصل عليها
-ثرياا حبيبتي
-ساامي كيفك؟🥺
- انا كويس انتي كيف؟وسعيد وابوي(سكت فجأة ودمع)
-كويسين كلهم انت شغلك كيف؟
-الحمدلله كويس معليش عشان ما رسلت ليك القروش لأنو ياداب شلتهم
-لالا ما مشكلة انا زاتي ما محتاجة ليهم
- كيف ما محتاجة ي بنت؟حرسل ليك اسي عشان بكرة تشتري الشيتات تمام؟
-سامي والله ما محتاجة ليهم عندي صحبتي حولت لي المحاضرات bdf حاقرا من التلفوت ما محتاجة للشيتات
-متأكدة؟
-اي والله(قالت ليه كدا عشان ما يرسل ليها وهي عارفة انو ظروفو صعبة💔)
- طيب لكن لو عايزة اي شي كلميني
-حااضر
•
•
•
قاعدة مع بناتها بتكلمو
-ابوكم ما رضا من الصباح بحنس فيه عشان يخلي دالية تمتحن وحلف كان يخليها💔😔
- طيب نحنا حنعمل شنو اسي هي قافلة نفسها في الغرفة وما عايزة تطلع😔💔
-المشكلة أبوي كلمتو وحدة لو قال كدا معناها تاني ما حايغير رايو😔
-انتو خليكم واقفين معاها لأنو حالتها النفسية بتكون كعبة وانا بحاول مع ابوكم تاني
- طيب
دانية مشت تتكلم معاها وهي دخلت غرفتها عايزة تتصل على محمد وتحكي ليه لأنها متضايقة واتصلت عليه وحكت ليه وهو كان منفعل مع الموضوع شديد
-قلتي لي الولد اسمو منو؟
-حسام
-والقسم وين؟
-.....
-طيب دقيقة برجع ليك حبيبي
- طيب
قفل منها واتصل على واحد
-حسام في البيت؟
-حسام دا ليه يومين ما جاء البيت
-تمام
قفل وهو متضايق ومن محلو داك مشى القسم القالتو ليه دان
في جهة تانية،،
قاعد في غرفتو فاتح تلفونو وبتأمل في صورتها بتذكر فيها وهي بتتكلم وهي بتضحك وفي عيونها العسلية اتذكر يوم البازار لما كان معاها وهي كان مبسوطة شديد انها نجحت ولما شكرتو وهو كدا جات اختو داخلة وشافت انو بعاين لصورتها وهو لبد التلفون
-مصعب
-اي خير؟
-مصعب انا مش قلت ليك احسن تنسى البنت دي ولمصلحتك البنت دي ما عندها ليك حاجة كدا حاتعب مشاعرك بس ما أكتر صدقني انت حاتكون خسران بس🙂
-انا بحبها يا سمر اعمل شنو بس؟😔
-عارفة انك بتحبها بس الحب دا ما لصالحك والله انت الحتضرر منو البنت دي ما زينا ناس بيتهم ما زينا ولا هي بتشبهنا انا ما عايزة استهين بيك يا اخوي بس عاين لنفسك وعاين ليها هي
وطلعت خلتو في دوامة كبيرة من التفكير
•
•
•
ضربو كف واداهو التاني والثالث وتالا واقفة مصدومة من ردة فعل أبوها لأنها ما متوقعة حاجة زي دي منو ومزمل خاتي يدو في خدو وبحمر لتالا وبقول ليه يا ابوي خليني انا ما عملت حاجة
-(منفعل وزهجان)ما عملت حاجة كيف يعني الشقة دي انا اشتريتها ليك بنفسي عشان قلت حتقعد فيها مع اصحابك ايام الامتحانات وانا عارف انو صحبك السمين دا ما وراه خير وعارفو بتاع حركات ابوهو أكبر تاجر مخدرات وهداك قاعد في السجن وانت تتابعو لي الناس ديل لو اشتكوك؟حاتعفن في السجن عارف الحاجة دي فيها كم سنة؟ولا الناس لو عرفو انو دا ولدي عمل كدا عارف انو شغلي حيخرب واي شي حيخرب ونحنا حانفلس؟عارف حاجة زي دي؟ولا أمك لو عرفت حتعمل شنو؟ولا منذر اخوك لو عرف حيركب اول طيارة عشان يجي هنا ويأدبك ولا مروان ممكن يدفنك وانت حي شوهت سمعتي يا ما نافع😠
وتاني اداهو كف وهو بقى منزل راسو وببكي
-انت ممكن تصلح الموقف عادي يا ابوي
-اصلحو كيف يعني قول لي؟اصلحو كيف؟امشي اتصرف براك وما بهمني البحصل ليك ان شاء الله الشرطة تجي تاخدك اسي دا ويريحوني منك ومن قرفك فخخس علييك😠
وجاء ماشي وهو لحقو وقعد في الأرض ومسكو من رجلينو
- يا ابوي عليك الله ساعدني ما تخليني كدا عليك الله
وهو زح منو وعايز يمشي وتاني مسكو في رجلو وببكي وبقول ليه ساعدني قام وقف يعاين ليه مسافة وقال لتالا ارح ودينا بيت الناس ديل.
يا سارقاً دفءَ الفؤادِ أَعِدْه لي
صدري تجمّدَ والشِّتاء لا يرحمُ .💔
#يتبع
