من جهة تانية،،
زي ما هي قالت انو امها بتجي بليل تتفقد اي وحدة في غرفتها بالفعل أمها جات تشوفها ولقتها مافي طلعت برة شافت الحمام برضو مافي خشت غرف اخواتها قالت يمكن مشت تنوم مع وحدة فيهم وبرضو مافي طلعت الحوش وفتشت البيت كلو ومافي ليها أثر طلعت الشارع والليل كان شديد ومافي أثر بقت تصرخ بنتي مشت وين داااالية💔😭وكلهم صحو جو جاريين في شنو في شنو؟وقالت ليهم انو لقيت دالية مافي وهم برضو بقو يفتشو وما لقوها ودان ودانية ببكو أبوها طلع الشارع يفتشها على أمل انو يلقاها شاف المحلات الجنب بيتهم كلها لكن للاسف ما كان في أثر لبنتو كلهم قعدو يبكو بعد ما شافو مفتاح الباب بجوة عرفو انها هي الفتحتو وطلعت ابوها عمل الذنب فيه عشان منعها من القراية وحبسها وبقو يفكرو حايكون حصل ليها شنو ومشت وين ومع منو الليل كلو قاعدين جنب خشم الباب على اساس انها حتجي لكن للاسف مافيها ليها أثر أبوها طلع بفتش الليل دا كلو برجلينو ما رجع الا لما القسم فتح ومشى فتح بلاغ واداهم صورة ليها ورجع لقاهم لسه واقفين في خشم الباب ولما شافو افتكرو انو عرف خبر ليها لكن جاوب ليهم بالاسف💔😔
•
•
•
الصباح،،
تالا مشت لسجدة في بيتهم عشان تقول ليها انو البتمشي معاه أختك دا أبوي ويشوفو حل للموضوع دا ومشت ليها واتصلت ليها سجدة طلعت ليها برة سلمت عليها وعايزة تحكي ليها وهي خجلانة وما عارفة تعمل شنو ولا تقول شنو ولا تبدا من وين ولا تبرر ليها كيف شوية وطلعت ساجدة أخت سجدة من البيت وهي لابسة عباية وفي نفس اللحظة وقفت عربية ابو تالا وساجدة مشت ركبت معاه هم الاثنين بعاينو وامآلهم خايبة سجدة خجلانة شديد وما عارفة تقول لصحبتها شنو تالا عملت حركة ما متوقعة مشت بالعربية وراهم وفي راسها فكرة وسجدة بتسأل فيها في شنو وانتي ليه لاحقاهم وهي ما كانت بترد ليها لحدي ما وصلو وهم نزلو ودخلو شقتهم
- سجدة أسمعيني انا ما كنت عايزة أقول ليك الكلام دا لكن انتي لما طلبتي اني اساعدك وختيتي الثقة فيني واخترتيني من ضمن البنات انا حقول ليك الاسي خشت معاه أختك دا أبوي😔
-شنو؟😲كيف يعني؟
- لما المرة الفاتت لحقناهم وشفتو انصدمت أكتر منك هو مستغفلنا ومستغفل أمي وماشي مع وحدة تانية وهو حتى ما متزوجها هو كدا حايضع مستقبلنا ومستقبل أمي الما عارفة حاجة عن الموضوع ومستقبل أختك الما قادرة تتتزوج للان بسببو
-(سكتت مسافة وما عارفة تقول شنو)تالا انا ما عارفة اقول ليك شنووو ولا شنو وما نفسي اصدق الكلام دا وياريت ياريت لو بقدر اعمل شي😔
فجأة بقو الاثنين يبكو
تالا قالت ليها انا عندي فكرة
-شنو؟
-حتتضايقي لو أختك خشت السجن؟
-ليه(مستغربة)
-بس حتتضايقي؟
- لا لأنو بقت ما بتهمني
-طيب انا حتصل بالشرطة ويجو يسوقوهم
-(مخلوعة😲)شنوو؟
- ما حنقدر نوقفهم الا بالطريقة دي
- طيب وابوكي؟
-مافي حل غير دا
واتصلت طوالي للشرطة وقالت ليهم في شقة في الرياض كدا كدا كدا بمارسو فيها الدعارة كل يوم بجو كم نفر وأسي حاليا في ٢ جوا وقفلت الخط على كدا وهي قلبها بدق وخايفة من العملتو بقو واقفين ومترقبين الحاصل لحدي ما شافو الشرطة جات.
•
•
•
-هههههه يعني اسي انتي ومنذر مرتبطين ليكم ثلاثة سنين؟
-اي والله مالك مستغرب كدا؟
-مستغرب في صحبي الاهبل دا يعني السكر دا صابر عليه ٣ سنين وهو ما للان ما فكر يعرسك؟
-(لوت خشمها😏)تقول شنو بس انا زاتي زهجت منو وبقى ما عندي امل فيه
-ياخ هو زاتو ما اظن جادي معاك لأنو انا صحبو من ٥ سنين وما حصل جاب لي سيرتك ساي(مع العلم انو قال ليه بعد انزل السودان حاعمل ليها مفاجاة في عيد ميلادها ال٢٤ واخطبها)
-انا ندمانة عشان انتظرتو وتاني ما بنتظرو أكتر من كدا😪😔
-اي ما عندك شغلة بيه شفتي منذر دا بس همو حاجة وحدة انو يشتغل ويبقى أحسن واحد في شغلو وما اظن مفكر في عرس قريب دا عشان كدا شوفي نصيبك بوين😏😉
- ما عارفة انا زهحت خلاص ونفسي طلعت من اي شي😔
- ما تزعل يا جميل انا اسي مستعد اتزوجك ولو عايزة الليلة قبل بكرة كمان😉
-(بتضحك)بطل هظار دا ما وقتو
- ما بهظر والله جادي معاك انا اصلا بيتي جاهز وانا جاهز بس انتي وافقي😉
•
•
•
مستغربة خايفة مندهشة هس بتعاين في الناس وبتعاين في النسوان والبنات واللبس اللابسنو هي وين ودا شنو؟وكيف كيف ؟المكان دا وين؟اتلفتت على حسام وهي مهجومة نحنا وين؟😟وهو بقى يضحك نحنا في محل حلو حتنبسطي بيه شديدد😂😂👋🏻 عايزة ترجع تطلع برة طوالي مسكها ماشي وين ي جميل انتي لسه ما شفتي المكان ولا ضيفناك ولا اي شي😉بقت تصرخ وتقول ليه فكني وهو بضحك طوالي جدعها لبنتين وقال ليهم يلا بعد دا هي معاكم اتصرفو بكرة الصباح ألقاها جاهزة ودخل وحدة من الغرف وقفلها عليه🚫
هي قعدت تبكي وتحنس فيهم عشان يفكوها البنات كانو قاسيات وماسكين فيها بقوة وحدة قالت ليها ما تعملي فيها زعلانة وبتبكي كلنا لما جابونا كنا صغار زيك وبعدين اتعودنا على الوضع عادي عشان كدا ما تزهجينا بصراخك دا😠وهي لسه بتبكي وهم ماسكنها بقسوة لحدي ما دخلوها وحدة من الغرف وقغلوها عليها وعلى أساس بكرة الصباح حيجو يلبسوها ويجهزوها
الليل كان طويل عليها هي بتبكي وبتتذكر في امها وابوها وأخواتها ندمانة على اي حاجة ندمانة انها ما سمعت كلام امها وابوها لما يقولو ليها خلي بالك من نفسك ومن المدرسة تعالي البيت طوالي وما تمشي محل ما سمعت كلام اخواتها لما كانو بقولو ليها ما تسمعي كلام واحد يقول ليك انو بحبك انتي لسه صغيرة على الحاجاات دي لكن للاسف ما سمعت كلام واحد فيهم وهي اسي حتتعاقب على نتايج افعالها💔ما عارفة الحيحصل ليها شنو ولا هي اسي وين اصلا ولا كيف تطلع ولا كيف تصل لاهلها💔لحدي ما جاء الصباح وهي قاعدة بنفس الحالة هم كانو قاعدين في الشارع واي زول دموعو مالية خدو وما عارفين يعملو شنو ولا يتصرفو كيف💔.
•
•
•
ما كانت عارفة تكلم اولادها كيف انو ابوهم مات هي زاتها ما كانت في حالة تسمح ليها انها تكلم زول منهم يعني حاتقول ليهم شنو؟انها هي السبب في موت ابوهم؟انو شافها وهي بتخونو وما قدر يستحمل الصدمة💔
كانت قاعدة في المستشفى زي حايمة بدون حاجة في رجلها تقوم من محل وتقعد في محل تبكي وهو مشى وخلاها للأسف حتى ما قعد عشان يواسيها💔
ثريا وسعيد في البيت فقدو امهم وابوهم وما عارفين حصل ليهم شنو ولا مشو وين وابوهم تلفونو في البيت وهي ما بترد سعيد طلع الشارع عشان يشوفهم لقى صحبو بتاع الركشة قال ليه انو ابوهو قبيل ركب معاه ووداه المحل الفلاني وهو مستغرب الوداهو هناك شنو وبوضعو دا يمشي كيف؟وعندو شنو هناك اصلا؟.
هي لما لقت نفسها براها وما معاها زول شالت تلفونها واتصلت على اولادها وكلمتهم والخبر دا بقى ليهم زي الصاقعة ما قادرين يصدقو شايفين كأنها بتهظر معاهم حاسين انو دا كذب وهم الاثنين اصرو يمشو عشان يقولو ليها انهم عارفين انها كذابة بس في الاحساس بتاع الخوف لو طلع الكلام حقيقة وما هظار الخوف من انو يطلعو غلطانين والله الشعور دا مخيف شديد
*متوقعين انو ممكن يكون صح لكن خايفين وما عايزين يعرفو*💔
ومشو وهم كارين رجلينهم كر خطوة قدام خطوة ورا لحدي ما وصلو المستشفى وشافو امهم في الارض بتبكي وجثمان ابوهم برة ودي كانت اصعب اصعب لحظة مرت عليهم في حياتهم سعيد ماسك في الحيطة دموعو جات جارية وطلع الشارع وهو بجري كانو هارب من المنظر القدامو ثريا واقفة وهي مصدومة وبتعاين في جثة أبوها وبقت تصرخ وتصرخ💔💔.
•
•
•
بعد الشرطة جات دخلو داهموهم وبعد ٥ دقايق طلعو ساجدة وهي لابسة لبس قصير بس لافة نفسها بطرحة كبيرة وهو بملابس النوم وحالتهم تخجل اي زول أبو تالا كان بصرخ وبقول ليهم انتو ما عارفين انا منو ومتأكد لو عرفتو حتندمو أحسن تخلونا بدل اسي اتصل تلفون واحد يوديكم في ستين داهية وهم ما كانو شغالين بيهم وركبوهم في العربية بحالتهم دي💔
هم كانو في العربية وبعاينو من بعيد وقلبهم بضرب تالا لما شافت أبوها كدا ندمت على العملتو وانها اهانت أبوها بالطريقة دي وابوها واخوانها لما يعرفو حايكون شعورهم شنو وسجدة بقت خجلانة لاختها وانها حتمشي القسم وناس بيتهم حيعرفو في النهاية💔
اي وحدة رجعت بيتهم وبقو منتظرين في اي لحظة تلفون وناس البيت يعرفو اي شي💔.
•
•
•
وهي قاعدة بتبكي جات خاشة ليها المرة الأمس الكريهة ديك وجابت ليها معاها ملابس وجدعتهم ليها وقالت ليها قومي البسي واستحمي وبعد شوية حتجي وحدة تمكيجك يلا سريع😠وهي ما قامت من محلها بس بتعاين ليها بقعر عينها شالت اللبس عاينت ليه كان كلو مفتح وقصير طوالي جدعتو في الأرض والمرة جات ادتها كف طااااااخ👋🏻👋🏻
-انتي حيوانة ولا شنو اهلك ما علموك الأدب؟😠يلا قومي سريع البسي اللبس دا وبلاش قلة ادب معاك😠
وهي بتعاين ليها ما قامت من محلها والمرة طلعت وهي قعدت تبكي بعد شوية جاتها بنت حلوة عمرها بكون في بداية العشرينات شكلها دي البنت الحاتمكيجها وشكلها طيبة ابتسمت ليها😊
- ما تخافي ان شاء الله حتطلعي من هنا
-اطلع كيف؟
-ربنا حيستر عليك بس ادعي كتير
-وانتي ليه ما طلعتي من هنا؟
-لانو خلاص الشغل دا بقى جاري في دمي واتعودت على كدا😔
-يعني انا حكون زيك واقعد هنا وما حارجع لناس بيتنا؟😪😭
-(فكرت انها تعمل حسنة في البت دي وتطلعها من هنا)لا حترجعي ليهم انا حساعدك😊
-حاتساعديني كيف؟
-حافظة رقم لواحد من ناس بيتكم؟
-(فكرت كدا)اي حافظة رقم دان اختي🥺
-طيب جيبيهو انا حتصل ليها
وملتها الرقم
في جهة تانية،،
أبوها مشى القسم وقاعد من الصباح مافي جديد وهم قاعدين جوة بصلو وبدعو انو يلقوها دان تلفونها ضرب مشت ردتو ولاقت البنت وحكت ليها اي حاجة ومكانهم وين وهي طوالي شالت تلفونها وجرت الشارع وهي خايفة وما عايزة توري زول من ناس البيت عايزة تتصرف براها بس هي ما عارفة تمشي المحل دا كيف ولا بشنو😔لحدي ما اتصل ليها مصعب بالصدفة.
•
•
•
مرت لحظات الجنازة ومافي زول فيهم واعي على الحصل هو كان معاهم قبل شوية وهم اسي بدفنوهو للان هم في مرحلة اللاوعي الجيران والأهل والناس السمعو كلهم جو وببكو وسامي جاء وحتى هو مصدوم شديد هو في الفترة الأخيرة عرف انو هو ما ابوهو ومشى بعيد عنهم عشان السبب دا وما قدر يلحق الجنازة لأنو جاء متأخر بس كان ببكي زي الشافع الصغير ويتذكر ف كلام امو لما قالت ليه انو هو ما أبوك ويبكي زيادة😔💔😔💔
اي زول بقى منفرد قاعد ليه في محل براه الا سامي قاعد برة مع الضيوف وماسك نفسو بالغصب نفيسة جو النسوان لبسوها التوب الأبيض وهي بتبكي وبتصرخ وبتجيب في خشمها كلمة وحدة بس انو هي السبب هي السبب وبس💔
ثريا كانت قاعدة في الأرض وبتتذكر في اي لحظة حلوة جمعتها مع أبوها وانو أكتر واحد كان حنين عليها انو كان بخاف عليها ودايما لما يكونو طالعين بقول لامها واخواانها خلو بالكم منها ولما يسافر بتصل ليها كل دقيقة ولحدي ما هي كبرت هو بعاملها على اساس انها طفلة💔
*ربنا يحفظ آبائنا ويرحم الاموات منهم*
•
•
•
منذر اخوها بتونس معاها في موضوع خطوبتوو من أساور والمفاجآت الحيعملها ليها في اليوم ما مركزة معاه وبس منتبهة مع التلفون وغريبة اليوم دا كلهم قاعدين في البيت امها ومزمل ومروان وسارة في غرفة تالا شوية وتلفون مروان ضرب وطلع دا ابوهو وهو بقى مهجوم لما سمع الكلام وقال ليه طيب طيب جاي انا جاي وكلهم بقو مهجومين وبسألو فيه في شنو؟وقال ليهم انو أبوي في القسم وكلهم اتخلعو الا تالا لانها سلفا عارفة وكلهم قالو ماشين عشان يعرفو في شنو وما يخلو ابوهم براه💔وتالا كانت مصرة انو امها تقعد في البيت عشان ما تعرف الحقيقة وهي كانت مصرة انها تمشي💔في النهاية مشو كلهم ما عدا سارة ونانا الشغالة وللاسف بعد وصلو عرفو انو ابوهم اتقبض في قضية دعارة والصدمة الجاتهم في اللحظة دي والاحراج والموقف الوقع فيه ونظرة الناس ليه حاتكون كيف تاني💔ام تالا مصدومة شديد وما متوقعة حاجة زي دي من راجلها البتحبو شديد💔💔
*وقلبي في عزّ قوتـه ، يميلُ نحوك !♥️*
#يتبع
