بتفكر كيف تكلم أمها وابوها هي كدا حاتضرهم بس تعمل شنو؟معقولة تخلي اختها تواصل كدا؟
المساء،،
بدو يلبسو عشان ماشين حفلة الجيران ساجدة لبست فستانها الحرجلي ومعاه طرحة بيجية اتكوزنت وعملت مكياج خفيف سجدة بتعاين ليها مستغربة كيف هي بتعمل فيها محترمة قدام ناس البيت كيف عندها الجرأة انها تكون كدا؟💔
أمها لبست توب كبدي وطرحة بجوة التوب كبدية وساجدة عملت ليها شوية بدرة وسجدة ما عندها نفس تمشي
-(امها)ي بنت قومي البسي ارح معانا
- ما نفسي
-خليها اصلا بكون ما عندها حاجة حلوة تلبسها وبدل تفضحنا مع الناس بلبسها المبهدل داك أخير تقعد😏
طوالي اتحمست عشان كلام اختها دا وقامت
-انا ماشة معاكم استنوني ٥ دقايق
- بنتك دي مجنونة ولا حاجة😏
فتحت دولابها وطلعت منو الملابس كلها وبتفتش ليها في حاجة مناسبة ممكن تلبسها عشان تثبت لاختها انها ممكن تكون حلوة عادي والموضوع ما صعب ولا حاجة لقت ليها فستان فسفوري فيه ورود في اليدين والباقي سادة كان جابتو ليها دان في عيد ميلادها الفات وهي ما لبستو طوالي طلعتو وفكرت تلبسو وطلعت ليها معاه طرحة اوف وايت ولبستو ولما عاينت لنفسها ف المراية حتى هي اتخلعت ما اتوقعت انو ممكن يطلع فيها حلو معقولة دي هي؟وتتلفت يمين وشمال وهي بتعاين لروحها وما مصدقة وبتقول في نفسها يا سجدة انتي طلعتي داسة الجمال دا كلو وين ياخ واي ياخ انا طلعت حلوة كدا 😂♥️وتشيل وتعاين في المراية سامعة أمها بتنادي بصوت عالي يا سجدة سريييييع ياخ انتبهت انها اتأخرت كويس كويس جاية.
طوالي لمت شعرها كعكة فوق وفكرت تعمل ميكب ولا لا وقالت مادام انا لبست الفستان حاعمل ميكب واكملو وعملت ليها بدرة وصلحت حواجبها وكحل وروج وكوزت الطرحة ولبست نظارتها وبقت تعاين في المراية وهي مبهورة اخدت ليها كم صورة كدا وهي مبسوطة شغالة تضحك ما مصدقة طلعت برة لأنو امها بتصرخ ليها لما طلعت كلهم انبهرو وما مصدقين انو دي سجدة(مع العلم انها كانت بتحضر الحفلات بعباية😂)أمها مبسوطة وما مصدقة انو بنتها بقت بنت زي باقي البنات جات باستها ما فضل ليها الا تبكي قالت لساجدة والله سجدة دي أحلى منك عديل بس كانت ناقصة شوية جيهة😉وساجدة مغيوزة ومستغربة
المهم طلعو مشو بيت الناس وبنات الجيران مستغربين دي سجدة؟ودا شنو الفستان الرهيب دا والمكياج؟معقولة؟اي زول يجي يسلم ليها ما يعرفها يقول ليها هيي سجدة؟؟😳
قعدو في الكراسي وساجدة زعلانة انو اختها اخدت منها الأنظار شوية وسفيان جاء خاشي ولقاها في وشو.
•
•
•
الأولاد جابو أبوها وهم شايلنو وهي جات جارية
- في شنو ابوي مالو؟في شنو؟😟
-لقيناه واقع في الشارع وما قدر يقوم ابوكم دا زول عمل حادث قبل فترة قصيرة انتبهو ليهو وما تخلوهو يطلع ياخ
وطلعو وهي قعدتو في السرير وختت ليه عصايتو وهو كان تعبان ومرهق ومهموم مشت جابت ليه موية وجات قعدت جنبو
- يا ابوي مشيت وين انت؟ليه طلعت من البيت؟انت ما عارف انك عامل حادث ولا جرحك ما التأم💔😔
- يا بنتي انا قاعد ليكم هم ساي ما قادر اعمل ليكم حاجة أمك شغالة عشان تصرف علينا واخوكي سافر وهدا سعيد قاعد ساي خلا القراية وما عايز يشتغل وانتي بتقري انا مفروض اشتغل واساعد امكم شوية💔😔
- يا ابوي ما تقول كدا ان شاء الله الحال بتيسر ما تشيل هم انت وكلو بتصلح سامي بعد كم يوم شغلو بتصلح وحايساعدنا ان شاء الله بس أنت عليك الله ما تتحرك بعد تبقى كويس داك ارجع اشتغل بس اسي ما تعمل حاجة عليك الله😔💔
-طيب ربنا يسهل بس
-امين امين
في جهة تانية،،
مبهورة من شكل البيت شغالة تلف فيه وعاجبها شديد بتتخيل نفسها لو كان عرستو هو ما كان حصل الحصل كان اسي عايشة هنا وامورها واضحة
-البيت دا كان حايكون بيتك😏
-كان بس للاسف انت اتخليت عني
-نفيسة انا ما اتخليت عنك وانتي عارفة الحاجة دي انتي مشيتي وعرستي ود عمك😏
-عرستو عشان انت ما وافقت تتزوجني وانا كنت حامل يعني عايزني امشي وين بولدي دا😑
- خلاص ما ترجعينا لورا اسي خلينا في المهم دي شنو الريحة الحلوة دي😉
- يا راجل خلاص😂
•
•
•
جو داخلين بيت ناس سارة وامها من شافتهم عرفت انو دا الولد العمل كدا في بنتها وهو كان خجلان ومنزل راسو تحت وهي طوالي جات ولمت فيه ضرب ونبذ وحاقتلك يا حيوان كيف تعمل في بنتي كدا والله اقتلك وتالا كانت واقفة بعيد ولا حاولت تمنعها ما تضربو لأنو معاها حق لكن ابوهو بقى يبعدها منو لحدي ما المرة هدت وسارة عرفت انهم جو ودخلت غرفتها قفلتها عليها وبقت تبكي وتتذكر في الحصل اليوم داك💔
-انا عرفت بالعملو ولدي وبعتذر ليكم شديد ديل اولاد طايشين واليوم داك شكلهم كانو سكرانين وانا متأكد انو كلو بسبب صحبو خلاهو يعمل كدا لكن انا مستعد لطلباتكم كلها م عندي مانع في حاجة😊
هي مستغربة كيف أبوها فجأة قلب وبقى مع ولدو
-نحنا عايزين شرف بنتنا وبس حتقدر ترجعو ليها؟💔
-بقدر اديكم قروش زي ما عايزين بس انتو اطلبو
- القروش ما حاترجع شرف بنتي الضاع وانا كان بيدي اكلم أبوها ويشتكيكم والقانون يرجع ليها حقها بس أبوها لو عرف حيقتلها💔
- طيب يامادام نحنا ممكن نحل الموضوع دا بكل سهولة
-نحلو كيف؟
-بخلي ولدي يصلح غلطتو ويتزوج بنتكم
-(سارة وامها ومزمل وتالا)😳😳😳😳
•
•
•
طلع اخوهو من القسم بعد تعب جرجرة وركبو التهمة في زول تاني وموضوع طويييل وهم في البيت لمى فيه ضرب لما قال بس وقال ليه ياخ انا ما قلت ليك تنتبه أكتر من كدا وقعت نفسك في مشكلة وشنو وشنو😠
في جهة تانية،،
أبوها ما رضا يخليها ترجع للقراية تاني وهو كلمتو وحدة وتاني ما برجع فيها وقال بس تكون قاعدة في البيت وما تطلع واخواتها حاولو يتكلمو معاها بس هي بقت خاتة في راسها انو أبوها بكرهها عشان كدا عمل كدا💔
دان بقت تفكر في انو محمد شكلو ما حايرجع ليها القروش وكانت عايزة تتكلم مع وحدة من صحباتها وتوريها رايها فكرت في ثريا لأنها أكتر وحدة بتدي افكار معقولة تالا مجنونة وسجدة كلامها بمشي بجهة الموضوع بكون بجهة تانية😂
اتصلت على ثريا
-دندون🥺
-ويا الشوق والله🥺
-وين انتو يا عفنين مختفيين كدا؟
-والله مشاكل بس لما نتلاقى بحكي ليكم
-انا برضو عايزة احكي ليكم حاجات كتيرة😔
- خلاص نتفق مع البنات ونتلاقى
-اي ظابط
-ويا اسي محمد دا ليه اسبوعين وما رجع لي القروش وما قال حاجة عن الموضوع تاني رايك شنو؟😟
-والله يا دان ما عارفة اقول ليك شنو لكن محمد دا حنكو بتاع انو صحبو شال القروش وهرب دا نهائ ما واقع لي في راسي
-معقولة يكون كذاب؟😟
-والله ما استبعد كدا انتي جربي افتحي معاه الموضوع شوفي حايقول ليك شنو
- ما بقدر شينة اقول ليه عايزاهم
-قولي ليه القروش ما حقاتي شلتهم من ثريا صحبتي وعايزة ارجعهم ليها😉
-اي ممكن خلاص زابط
-وشوفي حايقول ليك شنو وارجعي لي
- طيب
ومشت اتصلت ليه وقالت ليه زي ما ثريا قالت
-اي يا عمر جاييك دقايق بس ياخ ما قلت ليك جاييك يالله
حبيبي دقيقة بس برجع ليك اشوف الحمير ديل اصلو ما بخلو الزول يتكلم😠
- طيب
ورجعت لثريا وكلمتها وثريا قالت ليها انا حاسة انو كضاب وهو اصلا ما عايز يديك وهي ما قادرة تصدق انو ممكن يطلع كضاب💔😔
وهو بهناك بقى ينقنق انو هي عايزة القروش وبتاع وهو اسي حيتصرف معاها كيف ويشيل وينبذ فيها.
•
•
•
متفاجئ بعاين ليها هي كيف حلوة كدا؟كيف بقت كدا؟كيف بس؟واولاد الحلة كلهم بعاينو وعاجباهم ويشيلو ويغمزو ليها سفيان شال كرسي وقعد قصادها وهي بقت ما شغالة بيه وما عندها ليه حاجة اساسا متضايقة من نظراتو(طلع خفيف ولفيف😂)شالت تلفونها وخشت واتس وفكرت تخت وحدة من صورها القبيل استيتس مع أنها ما حصل ختت صورة ليها في الواتس لكن هي عايزة تغير اي حاجة في حياتها اختارت وحدة وختتها وجات تعليقات الناس مستغربين دي سجدة😂وهي بتقرا وبتضحك شوية وجاتها رسالة من مجتبى ود استاذة ماجدة وهو معلق على الصورة وكاتب ليها(الجميل الباهي لونو زي عيون الريل عيونو🌸)
خجلت وبقت تقرا فيها مية مرة وترجع تعاين لصورتها وما عرفت ترد ليه حتى تاني رسل ليها وين انتي؟
-في مناسبة
-وين؟
-جيرانا
-معاك منو؟
-أمي وأختي
-وانتي قاعدة وين؟
-جنبهم
-بترجعو متين؟
-ساعة ساعتين كدا
-خليكي جنبهم وما تقومي وخلي بالك من نفسك
-طيب
حست بحاجة حلوة حلوة حلوة وهو بسألها الأسئلة الكتيرة دي🥺
•
•
•
بعد طلعو من بيت الناس،،
-ليه يا ابوي تقول لأمها كدا؟انت عايزني اتزوج دي؟أنا ما عايزها لكن وما حاتزوجها وانا لسه بقرا وما كونت نفسي واانا ما عايزها😠😑
-وقت ما عايزها عرفت تعمل فيها كدا ليه؟فاكر انها سايبة؟دي بنت ناس وابوها لو عرف ممكن يقتلها وما حايصدق انها ما غلطانة وحرام نحنا نعمل في بنت الناس كدا لازم تصلح غلطتك وتعرسها ولا انا بنفسي بمشي بشتكي عليك وما بهمني لو كنت ولدي ولا غيرو وبشهد انو انا الاشتريت ليك الشقة بنفسي😠
- يا ابوي حرام والله حرام البحصل دا
ومشى ركب في العربية
-حرام عليك انت تعمل في بنت الناس كدا ما كفاية انو امها ما قتلتك
بتعاين في أبوها ومستغربة هو كيف كدا؟كيف زعلان من ولدو عشان عمل كدا وهو زاتو زيو كيف؟💔
وهي ما عايزة مزمل يتزوج البنت لأنو ما بستاهلها💔
في جهة تانية،،
-(بتبكي)أمي انا ما عايزة اعرسو انتي نسيتي انو اي شي حصل بسببو هو؟💔😔
-اي عارفة لكن نحنا ما عندنا حل غير دا ابوكي لو عرف مستحيل يصدق انو انتي ما غلطانة وحايقول انتي مشيتي ليه برجلينك ويقتلني ويقتلك وود عمك ممكن يعرف انو انتي.. لو عرسناكي ليه عشان كدا مافي حل غير دا
-انا اموت ولا اعرسو خلي أبوي يقتلني لكن هو ما بعرسو💔😔
•
•
•
رجعت البيت وهي مبسوطة وشايلة ربطة قروش في شنطتها لقت راجلها نايم في السرير وطوالي قلبت وشها وعملت فيها تعبانة من الشغل
-ياخ أنا تعبت عديل من شغل البيوت دا والله تعبت الزول يعمل شنو زاتو قرف من العيشة دي ياخ😔💔
- في شنو يا نفيسة ان شاء الله خير بس😟
-من وين يجي الخير انا تعبت من الشغل دا عديل ظهري وجعني من المسح والكنيس
سكت ما عارف يقول ليها شنو وهي شغالة تهرج وهو حاسي بالذنب وما عارف يعمل شنو💔
دخلت جوة وهي لسة بتهرج عايزة تحسسهم انها كانت شغالة وتعبانة وبتاع ثريا سمعتها
- يا أمي عليك الله خلاص شفتي من كلامك الكتير أبوي قبيل مشى يفتش شغل ووقع في الشارع الا اولاد الحلة جابو😔💔
-ياخ أنا ما قلت شي غلط قلت ليكم اني تعبت يعني الزول ما يشكي التعب حتى😠
مستغربة انها ما سألتها ابوكي اسي كيف ولا حصل ليه شنو؟ولا هو اسي كويس ولا لا😔💔
دخلت غرفتها ومازن اتصل ليها وحكت ليه الحصل حست انها لما تحكي ليه بترتاح وهي ما عارفة الحايجيها منو💔
•
•
•
بتفكر معقولة مزمل حيتزوج سارة؟معقولة يرضا؟لكن هو حايعاملها كيف؟واصلا هي كيف حترضا تتزوج مغتصبها؟هو حيتخلى عن اي حاجة كعبة ويكون معاها معقولة؟ وتاني بتفكر في موضوع أبوها وانو هو حايضيع مستقبل ساجدة ما عارفة تعمل شنو؟تكلم سجدة انو دا أبوها معقولة تخسر صحبتها لو قالت ليها كدا معقولة؟جاتها فكرة انو تتكلم مع ساجدة يمكن تسمع كلامها
وهي بتتكلم مع نفسها اتصل عليها منذر أخوها وفرحت شديد لما شافت مكالمتو وردت بلهفة
-منذر🥺
-تيتو حبيبتي🥺♥️
-مشتاقة ليك ي معفن ليك زمن ما اتصلت لي وعلى أساس حتجي السودان ليه ما جيت بتكذب علي صح؟😑😔
-حصلت معي مشكلة خلتني ما اجي؟😔
-مشكلة شنو؟ ويعني ما حتجي بالمرة ولا كيف؟😫😲
-مشكلة في الشغل لالا حجي لكن ما اسي😔
-متين طيب؟😭😭
-بعد احل المشكلة دي
- ما بعرف بس انا عايزاك تجي😭😭😭
-تيتو خلاص بطلي حركات شفع وأسي عامل ليك مفاجأة
-شنو😑
-عايز اعرفك على البنت العايز اتزوجها😉
- ما عايزة😔
-بطلي عوارة البنت ظريفة وانا قلت ليها اني حعرفك عليها😑
- طيب اها😑
-حدخلك معاها في مكالمة اسمها أساور تمام 😉
-طيب😑
واتصل ليها ودخلها في المكالمة وقال ليها انو تالا في المكالمة وهم الاثنين شكلهم ما حبو بعض تالا بتكره البنات المتصنعات وهي بتحاول تعمل فيها كيوت وظريفة وراقية وكدا😂والبنت اصلا شمت تالا عشان منذر بحكي ليها عنها طوالي وكلامو كلو تالا تالا تالا تالا😭♥️يلا منذر لما شاف انهم ما متفقات حاول يصلح الموقف وكدا ويضحكهم بعد تعب خلاهم يسجلو أرقام بعض عشان المفاجأة تكون حلوة وكدا♥️.
•
•
•
مشت الجامعة وهي شايلة هم لمحمد وانو يطلع كذاب وما عارفة تعمل شنو حتى لقت مصعب قدامها وهو عايز يتكلم معاها بس واقف ومتردد جات مارة من جنبو وما انتبهت ليه وهو زاتو ما قدر يتكلم معاها.
اتصلت عليها سجدة وانهم عايزين يتلاقو بعد ساعة في محل الاسكريم.
ثريا بعد اشترت الشيتات وكدا اتصل عليها مازن وطلعت لقتو سلمت عليه وقالت ليه انها ماشة تشوف صحباتها وهو قال ليها انو حايوصلها وطوالي وصلها ومشى وبعد ساعة اتلاقو في محل الاسكريم المعتاد♥️
اي وحدة عندها الف حاجة حصلت معاها واي وحدة ما عارفة تشارك صحباتها ولا تسكت اي وحدة عندها حاجة خجلانة منها وما قادرة تقولها فأي وحدة اكتفت انها تحكي الحاجات العادية وبس
تيتو وهي رافعة رجلها في الكرسي التاني كالعادة😂
-اها يا مززي الحاصل معاكم؟😉مافي وحدة خطبوها ولا عرسوها ولا شي؟
-(ثريا)خليك مننا انتي حاصل معاك شنو؟مافي زول كدا ولا كدا؟😉
-(اتذكرت الولد البرسل ليها وقالت تحكي ليهم عشان تضحكهم)ما شفتو في واحد مجنني ومطلع زيتي برسل لي وبقول لي انتي لابسة كدا وانتي عاملة كدا ونظام بحبني الحنك البيش دا وانا كل يوم في الجامعة اتلفت زي العويرة اقول يمكن القاه لما المرة الفاتت اتشاكلت لي مع واحد كنت فاكرة انو دا هو😂😂😂😂😂
-(كلهم)😂😂😂😂😂😂
-(دان)ونفترض انو ظهر ليك وعجبك؟😉
-(سجدة)نفترض انو طلع جنتل مان😉
-(ثريا)نفترض انو طلع عايزك مستقبليا وزول جاهز😉
-والله اقوم فيكم اكفتكم قدام الناس ديل وحدة وحدة😑😑😑
-(ثريا)خلاص خلاص سكتنا🤐تعالو اوريكم انا😌
-(كلهم)اها اها
-اتعرفت على واحد اسمو مازن ياخ الولد ظريف ظرافة ودا غير انو مزوق شديد
-(دان)وبعد داك😉
-ي بنت مافي اي شي انا خاتاه محل أخ لي بس
-(كلهم)اخ ليييك؟😉
-الزول ما يحكي ليكم حاجة سخيفات خلاص😑
-(سجدة)خلاص معليش😂يلا تعالو احكي ليكم انا😌
-(كلهم)اهاا
-طبعا امس مشيت حفلة جيرانا مع أمي ولاقيت سفيان وما شفتي بقى يعاين لي كيف
-(تالا)ما تكوني مشيتي اتلصقتي فيه وبقيتي تعايني ليه زي الحولاء عشان انا اكفتك اسي😑😑
-لالا ياخ ما اشتغلت بيه الشغلة ودي الحاجة الغاظتو أكتر😌
-(كلهم)هيييييي يلااا
-(ثريا)دان انتي عملتي شنو في موضوع محمد؟
-ولا شي والله
-(تالا)يعني ما رجع ليك قروشك الحيوان ده؟اصلا كنت عارفة انو كضاب😑
-(ثريا بتغمز لتالا عشان تسكت)دان كدا امشي جيبي لينا طلباتنا عمرو الليلة ما عارفاه شكلو نسانا ولا حاجة
-طيب
وقامت مشت وثريا بتشاكل في تالا
دان وهي مشت تجيب الطلبات أول ما خشت المحل جوة واتلفتت يمين وهي ماشة لقت محمد وبنت خالها في وشها وهم ماسكين ايادي بعض.
*تلجأ إلى العزلة ، لكنك تعلم في داخلك أنك تريد أن يعثر عليك أحدهم !♥️*
#يتبع
