-شيليهم دخليهم في الشنطة وما تخلي زول يشوفهم😑
-هم ديل شنو يا حسام؟
- انتي بس خليهم عندك ومن غير أسألة كتيرة انا بكرة برسل الزول يجي يشيلهم منك وحيديك قروش عديهم واتأكدي انو تامات واتصلي علي تلفون
-طيب😊
•
•
•
صحت لقت نفسها في سرير كبير في غرفة وملابسها واقعة في الأرض بتعاين لروحها وهي ما لابسة حاجة مخلوعة مصدومة خايفة💔بقت تبكي وتبكي هي ما عارفة كيف حصل كدا ما عارفة تعمل شنو تمشي وين ولا تطلع كيف ولا تعمل شنو هي كدا خسرت شرفها؟💔حاتقول لناس بيتهم شنو طيب💔ولا حاتقول لأبوها شنو؟حاتقول ليه انا بقيت ما بنت اسي💔انا كسرت ثقتك فيني💔تربيتك راحت ساي💔
بتضرب في روحها وبتبكي وبتقول انتي السبب والله انتي السبب كيف تركبي مع ناس انتي ما بتعرفيهم اصلا كيف تجي معاه لحدي بيتو كيف تتصرفي كدا💔😭قامت من السرير بصعوبة لفت نفسها بملاية السرير وهي بتبكي شالت ملابسها من الأرض وبقت تلبس فيها رفعت شنطتها طلعت منها التلفون لقت ١٠ مكالمات من أمها و١٠ مكالمات من ابوها بقت تبكي بحرقة كل ما تتذكر الحصل وتجيها صورة امها وابوها التعبو في تربيتها الما قصرو معاها في حاجة💔😔هي اسي حتعمل شنو ولا حاتواجهم كيف😔💔
شالت شنطتها وتلفونها في يدها وطلعت برة وهم كانو مافي طلعو وخلوها براها نزلت من السلم بصعوبة بتبكي ومتألمة ما عارفة تمشي وين اصلا💔
في جهة تانية،،
-البنت بتكون قامت؟
-(بشرب في السيجارة) يمكن
-لو مشت بلغت عننا؟
- تبلغ كيف وهي ما عارفة عننا حاجة غير أسامينا
- طيب والشقة؟💔
-الشقة انا بعتها قبل أسبوع هي حاليا ما شقتي
- والله يا مان انا شفت ناس وقحين لكن زيك دا ما شفت😂😂
-ههههههههههاي
•
•
•
-والله ياخ انت شكلك كدا ما عايز تحن علي😑
-معقولة يا لنووش😉
-والله بس دان دي شكلها اخدت قلبك وقعدت ونحنا نقعد نتفرج بس😑
-ياخ معقولة انا البنت دي ما عندي ليها حاجة مصلحة بس لكن انتي الفي قلبي😉♥️♥️
-بالله بطل طلس انت اصلا ما شفتتي غير في الصور فما تعمل فيها مفتح وواقعة ليك😏
-من شفت اول صورة قلبي عمللل ششششح ودبت خلاص😔😔
-محمد قسما بالله تكون بتكذب علي ما بخليك انا مجرمة كبيرة بالمناسبة😑
-واحلى مجرمة والله😉وانا عايز اشوفك بكرة
- طيب
-بنت عمتك الفقر دي خاشة علي أشوفها وارجع ليك نتفق نتلاقى وين😉
-سمح اوعى تتأخر😑
-حاضر من عيوني😉
قفل منها ورد على دان
-محمد
-عيونو وقلبو♥️🥺
-كيفك؟
-كويس انا انتي كيف؟
-كويسة حصل شنو ان شاء الله موضوعك ظبط؟
-اسي كنت بتكلم مع الزول العايز مني القروش واتفقت معاه الاقيه عشان اديهم ليه
-ايوا الحمد لله😔♥️
-اي ان شاء الله بتتظبط وبس الشغل يمشي تمام انا برجع ليك القروش
-لالا ما مشكلة انا ما مستعجلة ليهم
-كفاية انك متحملاني وطبيعي واقفة جنبي ما عايز اضغط عليك ي قلبي😔
- ما تقول كدا بزعل منك والله😔
-خلاص معليش حبيبي🥺
-م مشكلة
- انا حامشي اشوف باقي الموضوع وبرجع ليك نتونس تمام؟😉
- طيب
قفل منها وهو بنبذ فيهم الاثنين ياخ ديل شنو البت وبنت خالها معاطين معط😏 لكن دي عبيطة ومتخلفة وبتديني قروش وديك سمحة وقليلة ادب حتديني حاجات تانية😉
وطوالي رجع ل لينا عشان يتفق معاها حايلاقيها وين وهي فتحت الرواية وبتقرا فيها(- ما عارفة من غيرك كنت حاعمل شنو؟😔
- ما تقولي كدا نحنا اخوات
- انا ظلمتك وافتكرت انك بتحبي حمو وعايزانا نفترق عشان كدا😔
-انتي عارفة انك اختي وما عايزة ليك الحاجة الشينة عشان كدا كنت بحزرك منو
-اسفة😔
- ما مشكلة وانا ما زعلانة منك لكن لازم نفتح فيه بلاغ
-اي لازم
-من محلنا دا ونمشي القسم
-لكن انا اديتهم ليه بارادتي😔
- حتى لو انتي اديتهو زمن محدد يجيبهم ليك وهو قفل تلفونو ودا اسمو احتيال😑
-خلاص طيب
ومن محلهم داك مشو القسم وفتحو عليه بلاغ)
•
•
•
في مركز دكتورة ماجدة،،
-الليله حاتكلم ليكم عن الأهداف♥️
كلنا عندنا أهداف عايزين نعملها لكن ما عارفين نعملها كيف ولا نبدا كيف انا حوريكم كيف نبدا وكيف نقدر نحققها أول شي مفروض الهدف يكون مكتوب يعني تكتبو في دفتر في ورقة لأنو مافي هدف بكون في الذاكرة فقط الفي الذاكرة دي عبارة عن أمنية بس الهدف لازم يكون مكتوب♥️لازم تقسمي الهدف لكم قسم تكتبي الأسباب الانتي بسببها عايزة الهدف دا تكتبي المسببات تكتبي اي عائق ممكن يقيف في طريقك وتكتبي ليه حلول عشان تكوني مستعدة لأي حاجة ممكن تقيف في طريقك♥️تكتبي خطوات صغيرة ممكن بسببها تصلي للهدف دا اي خطوة تعملي ليها فترة زمنية معينة لازم كل يوم تعملي حاجة تخليكي تخطي ١٠ خطوات عشان تقربي لهدفك♥️وختي في بالك انو انتي حتصلي لهدفك وحتصلي للانتي عايزاه اتخيلي نفسك وانتي محققة هدفك الحاجة دي حاتساعدك أكتر♥️)
بعد المحاضرة خلصت قعدت مع الدكتورة لحدي ما ولدها جاء وهي كانت محرجة لأنو كل مرة هم بوصلوها ركبت معاهم وبقو بتونسو وهي بتخش معاهم في الونسة المرة والتانية وهو كان يعاين ليها بالمراية وهي بترتبك وبتنزل راسها تحت لحدي ما وصلوها شكرتهم ونزلت وهم مشو وهي شافت عربية سوداء فخمة وقفت ونزلت منها اختها اتلبدت بالجنبة عشان تعرف دا منو الجات معاه دا لكن ما عرفتو بس شكلو راجل كبير ظاهر من الشيب الفي راسو وأختها كانت لابسة اسكيرت ضيق وقصير وما لابسة طرحة خاتاها في كتفها وبتضحك بمياصة هو باسها في يدها وهي عاملة فيها خجلانة لما نزلت وماشة على البيت طلعت العباية من شنطتها ولبستها سريع سريع ولبست الطرحة في راسها وسجدة مصدومة من المنظر💔دا منو؟وليه هي لابسة كدا؟وكانت وين؟💔
انتظرتها لحدي ما خشت البيت وبعدين هي جات دقت الباب وفتحتو ليها هي زاتها واتخلعت لما شافتها
-(خايفة)انتي انتي جيتي متين ؟😟
-اسي؟
-(مترددة)من متين يعني؟
-من ما انتي نزلتي من العربية😑
•
•
•
قاعدة في غرفتها وبتسمع في عياط أمها
-ياخ نعمل شنو يعني دهب وبعتو اثاث وبعتو نبيع شنو تاني الا كان نبيع البيت ونرتاح😠
-ي مرا كدا استهدى بالله الأولاد نايمين ما تصحيهم
-ما يصحو كان صحو ياخ نحنا فلسنا وجنيه ما عندنا نتصرف كيف بس ولا نعمل شنو الا كان امشي اشتغل ليكم في بيوت الناس عشان اجيب ليكم تاكلو😠
-كدا قولي بسم الله اسي الدنيا الليل الصباح نتفاهم في الموضوع دا💔
-ياخ بلا صباح بلا نهار انت ما عايز تشتغل اولادك قاعدين ضيعتو القروش وقعدتو😠
-ياخ انتي انو الحادث العملتو خلا حركتي صعبة اشتغل كيف يعني والقروش ما ضيعناها قاصدين دا قدر وانتي ما تنكدي علي في الليل دا لأني ما ناقصك😠
-اي قول قول انت اصلا كدا وحتفضل طول عمرك كدا
-ياخ أنا عايز انوم
-اي نوم ما عندك دم اصلو😠
بتسمع في كلامهم وبتبكي على وضعهم على أمها النكدية وابوها المسكين على حازم المشى وخلاها من غير ما تعرف حاصل عليه شنو💔
•
•
•
جاتها رسالة في التلفون
(الليلة القميص اللبني حياكل منك حتة😉بس لو لبستي عليه طرحة حيبقى احلى😉والعجب لو رجعتي اليدين وما كففتيهم صدقيني الأنوثة حلوة فيك شديد😉وبالمناسبة انا بحب صوتك الزي صوت الأولاد دا شديد😉)
بتقرا في الرسالة لقت نفسها ابتسمت تاني صرت ياخ دا منو الغبي دا؟عايز مني شنو الحيوان دا؟واصلا جاب رقمي من وين؟يعني وكمان مراقبني وبنظر في لبسي واعملي واعملي والبسي وسوي دا مالو هو والله بس اعرفو ما بخلي😑المشكلة انو بجواها مبسوطة😂
وهي بتتكلم مع روحها وبتنبذ في المجهول دا منذر أخوها اتصل عليها في الايمو
-منذر🥺
-عيون منذر وقلبو
-الشوق يا حيوان
- انا مشتاق ليك أكتر وعندي ليك خبر حلو
- شنو شنو🥺
- انا جاي السودان
-(وقفت)قوووووووول والله
-والله😂لكن ما جاي عشان خاطر عيونك
-جاي عشان شنو طيب؟😑
-عشان اعرس😌
- انت جاادي؟😲ي معفن دي منو؟ومتين قررت كدا؟
- دي وحدة كدا لما اجي بوريك ليها😉ومتأكد انك حاتحبيها
•
•
•
أمها بتبكي وخاتة يدينها في راسها
-عملتي شنو انتي شهوتني سمعتنا نودي وشنا وين تاني؟غلطانة انا القلت اخليك تقري جامعة قلت شهادتك سلاحك حتقدري لو حصلت معاك اي حاجة حتلقيها لكن انا الغلطانة اسي اقول لابوكي شنو اقول ليه شنو بس اقول ليه شنو
جات قريبة منها وبتبكي
- يا أمي انا ما عملت حاجة والله انا ما ذنبي😔
لزتها بعيد
-(بتصرخ)غوري من وشي ما عايزة اشوفك😠
-(بتبكي)أمي والله انا ما ذنبي انا ما عملت حاجة والله ما عملت حاجة😭
-كان تحافظي على نفسك كان تنتبهي وتاخدي بالك من اولاد الحرام عارفة ابوكي مسكين وهو معتمد عليكم مالي يدو بيكم انتو😭😭
-أمي أمي انا ما عملت شي والله ما عملت شي وما ذنبي والله😭
-ياخ ما تقولي لي ما ذنبي وامشي جوة جوة خليني افكر في حل للموضوع دا
*المشكلة لما تحصل حاجة لازم يختو الذنب في البنت في البنت بس*🚫😔
•
•
•
الصباح،،
صحت بدري ومتحمسة لبست اسكيرت وقميص بالكحلي شكلي بدلة ولفت طرحة بطريقة حلوة بالبيجي وطلعت خصل بالجنبتين عملت روج بالكبدي وجمعت الرسومات بتاعتها واتصلت على محمد
-اها ي محمد حتجي؟🥺
-ي روحي والله مافي طريقة عايز الاقي الزول وادي قروشو
-😔طيب
-بحاول اخلص منوو سريع سريع واجيك😉
- طيب
قفلت منو واتصلت على البنات
-وين انتووو؟
- انتي الوين نحنا من قبيل في جامعتكم حايمين الشمس حرقتنا تعالي سريع
-سمح جاية😂
شالت حاجاتها وطلعت مستعجلة لقت أبوها منتظرها ركبت معاه وهي خايفة ما تتفوق لما وصلها دعى ليها انو تتفوق ونزلت اتصلت عليهم لاقتهم وبقو يشاغلو فيها
-(تالا)احيي احيي احي🤤🤤
-(ثريا)ايه القمال دا؟🤤💜
-(سجدة)الليلة محمد حايموت😉
-ياخ بطلو وبعدين معاكم اوووف
-عان عان عاملة فيها بتخجل
-😂😂
-يلا ارح ورانا شغل نحنا
مشو جابو ليهم طاولة وختوها في مكان استراتيجي كدا وزينوها بشوية حاجات وجابو لوحات دان ختوهم فيها وانو في عروض مجانية للرسم لأي زول بشتري لوحتين ومنزلين لوحة فيها الأسعار بتاعة الرسم بقلم الرصاص رسم بالحبر رسم بالفحم رسم بألوان الخشل وكدا ودان واقفة زي الضيفة وهم بنظمو ليها😂بعد شوية جاء مصعب الولد الكان اداها الفكرة دي وقال ليها انو في بازار وكدا وجاب معاه ٢ من اصحابو وسلم عليها وسلم على البنات واصحابو شغالين يغمزو ل دي ويغمزو ل
دي وتالا اتفجرت فيهم 😂
-كدا يا اصليين خلونا نتفق عايزين تشاغلو وتحنكو الوضع دا ما بغطي معانا اتخارجو طوالي نحنا كلام زي ما ينفع معانا عايزين تساعدونا اقعدو بأدبكم عشان لا تحرجونا لا نحرجكم😑😑
طوالي سكتو😂ومصعب بعاين لدان وما قادر يشيل عيونو منها وتالا بتحمر ليه وهو كل ما يلقى تالا بتحمر ليه بقوم بتلفت😂
المهم بقو يجذبو في الناس والناس بدت تجي وتتفرج على اللوحات وكتار اشترو لأنو الأسعار كانت مناسبة وفي الناس القالو عايزين يرسموهم والناس العايزين يرسمو ليهم ناس بعرفوهم ويعملوها ليهم مفاجأة وب كدا دان ادتهم رقمها لأنها اسي ما حتقدر وبكدا امورها بقت واضحة وهي مبسوطة شديد لأنو الناس عجبتهم رسوماتها♥️هي كانت بتتلفت على محمد وفاكرة انو حيجي انسحبت براحة اتصلت عليه تلفون وهو كان قاعد مع لينا
- دي منو؟😑
- دي بنت عمتك المعاطة دي
- ما ترد😑
-دقيقة يا بيب بس اشوفها مالها
-سريع😑
رد ليها
-محمد انت وين؟
-منتظر الزول من قبيل ما جاني عشان كدا😔
-ايوا يعني ما حتجي؟😔
-مافي طريقة والله حبيبي اسف
-مافي مشكلة
وقفلت منو وهي زعلانة
وهم شغالين يحبو في بعض
- انا لو كنت بعرفك من زمان كان حصل شنو يعني؟😉
-مشكلتك ما بتشوف ما عارفةة وقعت في دان دي كيف😑
-وقعت فيها بس عشان توصلني ليك😉
-هاهاهاها
-انتي عارفة مشكلتك شنو انك ما بتتحنكي سريع يعني مهما اقول ليك ما بتصدقي😑😔
-لأنكم ما مضمونين بس😏
-حتى انا🥺
- انت اول واحد اصلا
-😂😂ما تظلميني ياخ
جرا يدها وباسها وهو بقول في سرو شكلي حتتعبني معاها شديد البنت دي ما هينة لكن حلوة وجذابة احيي انا اعمل شنو بس
•
•
•
قاعدة في غرفتها بتبكي ما عارفة مصيرها حايكون شنو ولا أمها حتعمل شنو معقولة تكلم ابوها؟ لو كلمتو حاتجيهو جلطة اكيد💔😟
بعد شوية جاتها صحبتها شديد معاها في الجامعة سلمت عليها وهي من شافتها قعدت تبكي وصحبتها محتارة وهي حكت ليها الحصل معاها وبقو يبكو هم الاثنين وقالت ليها انها ما حتقدر تجي الجامعة تاني😔💔
-الولد اسمو منو؟
-(بترجف)مزمل
-حلبي ضعيف كدا وشعرو مفلفل وبكون خاتي السماعة في القميص فوق طوالي؟
-(هزت راسها)
-طوالي بكون ماشي في الشارع القلتي لي دا وبركب معاه بنات وسمعتو كعبة والناس كلها عارفاه والله الود دا كعب عديل لكن انا بعرف اعمل شنو عندو أختو اسمها تالا بتقرا معانا في الجامعة وانا حصل ليها.
إنّما نحن أحياءٌ بالآمالِ و إن كانتْ باطلة
و سعداءُ بالأماني و إن كانت كاذبة 💙🌸
#يتبع
