-(بضحك)يعني لسانك الطويل داك فجأة بقى قصير😂
-منذر فكني😢
-مااام
-بطل فكني الناس بتعاين😢
-يعاينو
قام من كرسيهو ووقف قدامها
-قولي لي اي شي🥺
-(خجلت)ارجع ورا شوية طيب😢
-مااااام
- طيب حقول ليك بعد نرجع من الرحلة
- لا اسي😢
-بوعدك بعد نرجع بقول ليك🥺
- ما بقدر انتظر🥺
- بس بس انا
-بعد تجي من الرحلة نعمل عرس طوالي قبل ما ارجع الهند لازم نعمل العرس🥺
-منذر😔🥺
-عيونو وقلبو
-بوعدك بعد نجي بقول ليك اي شي نفسك تسمعو😢🥺
- اي شي أي شي🥺
-ااي
-حانتظرك🥺
*رَأيتُ الحبُ في عَيناه سِراً فَما للقَلبِ إلا أَن يَميل🖤 ..!*
•
•
•
يوم الرحلة،،
ودعو اهلهم ومازن جاهم وركبو معاه واي وحدة راجية لما يرجعو تصارح المنتظرها بمشاعرها اتجاهو♥️
ثريا كانت راكبة قدام وهم وسجدة ودان وتالا ورا شغالين يتونسو تالا شالت معاها الجيتار عشان تعزف ليهم ودان شالت الكاميرا و معاها الدفتر البتكتب فيه عن حياتها.
كانو بضحكو وبتونسو لكن الطريق طويل دان بتتونس مع منذر وبتضحك في كلامو وشوية يتشاكلو وشوية يقول ليها كلام حلو♥️😂سجدة بتتونس مع مجتبى ومبسوطة بتتبسم براها♥️تالا بتتونس مع دكتور عمرو وبتضحك♥️
لما قربو يصلو دان فتحت الرواية الكانت بتقراها زمان وما قدرت تخلصها وكان فضل ليها جزء واحد قالت تخلصو(-لااااااا يا حيوان جبتنا وين عايز مننا شنو؟😭
- في زول قال ليك امشي القسم وبلغي عني وكمان تدفعوني أكتر من القروش الشلتها منك فاكرة اني حخليك تمشي ساي كدا انتي مجنونة ولا شنو😠(واتلفت على صحبتها)
ولا انتي الحرضتيها ضدي وشغالة تقولي ليها اني كعب واني واني وفي النهاية انتي الخليتيها تبلغ عني فاكرة اني حخليكم كدا؟😠
-عليك الله خلينا نمشي بنديك قروش وبنعمل ليك اي شي لكن خلينا نمشي😭😭
-والله من هنا م بتتحركو وكمان جبت معي فردتي دا عشان يسلي صحبتك شوية بدل هي تقعد براها😂
- لا ما تعملو فينا حاجة خلونا نمشي عليك الله😭😭
جروهم هم الاثنين وو
النهاية،،)
كانت بتفتش في الصفحة كيف تكون دي النهاية مستحيل عملو شنو في البنات عملو شنو بكونو ماتو😭😭خافت شديد وجاها احساس ما حلو هي شايفة انو الرواية دي بتمثل حياتها طيب لو حصلت ليهم حاجة😭حكت للبنات نهاية الرواية وانها حزينة وانو وانو وهم ما اشتغلو بالموضوع وقعدو يضحكو فيها💔
•
•
•
حازم جاء السودان واول حاجة عملها مشى لناس ثريا في البيت وعزاهم لموت ابوهم واعتذر من أمها واخوانها على اي شي حصل من أمو وأبو وهو وسامي اتحاضنو♥️ وقال ليهم انو عايز ثريا وانو ما كان مفروض يخليها في وضع زي دا بس كان مضطر وسامي قال ليه ابشر وانا متأكد مافي زول حيقدر يسعد ثريا غيرك♥️وسألهم من ثريا وقالو ليه انها مشت رحلة مع صحباتها بترجع بعد يومين.
•
•
•
ماسكة تلفونها في يدها فجأة جاتها رسايل كتيرة ورا بعض فتحتهم وكانو من رقم حازم بتاع السودان
(ثريا انا بحبك بحبك شديد♥️)
(انا عملت أكبر غلطة في حياتي لما مشيت وخليتك بالطريقة دي انا اكتر واحد غبي في الدنيا دي عشان سبتك عشان ما وضحت ليك في شنو اصلا عشان اناني وفهمتك غلط💔)
(انا ما عارف حتى كنت عايش الفترة الفاتت دي كلها من غيرك كيف كنتي في بالي وما بتغيبي منو كنتي بتجهجهيني وبتصحيني نص الليل🥺💔)
(ثريا انا بحبك بحبك كتير وجيت عشانك جيت عشان اصلح أي شي انا خربتو🥺)
(وحابي اقول ليك اني خطبتك كنت اسي مع ناس بيتكم وهم وافقو وقالو ما عندهم مشكلة وراجيكي ترجعي بفارغ الصبر عشان قدامنا كتير وراجينا كتير♥️🥺)
(بحبك يا ثريا يا نجمتي الجميلة♥️🥺)
*فماذا بعد عيناكِ أهوى ياتُرى ؟*
بتقرا في الرسايل ومبسوطة بتبكي ما مصدقة بتضحك ترجع تبكي تقرا الرسايل وهم مستغربين وبسألو فيها ي بنت مالك قالت ليهم حازم رجع السودان وووو كلم ناس بيتنا انو عايزني وهم وافقو🥺♥️
كلهم قعدو يصرخو بصوت عالي فرحانين ومسكوها حضنوها وهي بتقول ليهم كدا حنعمل حادث ومازن كان بسأل فيهم في شنو وهم قالو ليه دا حبيب ثريا كان برة السودان وأسي رجع وخطبها وهو أتضايق شديد لكن ما أظهر ليهم وهي حتى ما قادرة تواصل الرحلة لكن ما حلوة تحرج مازن بس كانت عايزة ترجع متين وتشوف حبيبها العندها منو زمن اشتاقت ليه كتير♥️🥺
وصلو مزرعة تانية غير القالها ليهم مازن وثريا سألتو ليه ما مشينا القلتها لي وقال ليها في اللحظة الأخيرة صحبي قال المزرعة ما جاهزة عشان كدا جينا هنا😊
شكلها كان رهيب شدييد وعجبتهم واي وحدة بتحلم انها جات هنا مع راجلها وكدا😂😂دخلو جوة ومازن قفل الباب بالمفتاح وشافو قدامهم سفيان ود جيران ناس سجدة ومحمد الكان حبيب دان وواحد تاني متفاجئين ومصدومين😳😳
