محمد ما رسل ليها ولا اتصل ليها وهي لسه مستنياه لسه فاكرة انو حايفهمها حاجة لكن للاسف ما زي ما اتوقعت وهي بتفكر اتصلت ليها لينا بنت خالها وهي طوالي رفعت التلفون لأنها عايزة تعرف اي شي
-(وهي زعلانة على الضرب الضربتو ليها تالا)الو ي ست دان😠
-لينا انتي عملتي كدا كيف انتي ما عارفة انو انا ومحمد بنحب بعض صح؟ما عارفة عشان كدا كنتي معاه؟ صح؟😟
-(بزهج)لا عارفة😠عارفة انك بتحبيهو لكن هو ما شغال بيك واليوم داك لما جيناكم انا وامي وانتي نزلتي تحت وهو اتصل ليك انا رديت ليه و بعدين شلت رقمو واتصلت عليه وبقينا نتواصل من اليوم داك وحبينا بعض🤤😌
-(بتبكي)لا كذابة محمد بحبني وما بعمل كدا😔
- ما بحبك انتي الواهمة نفسك ليه كم سنة بستغلك وانتي بتحولي ليه حق الرصيد لحدي ما بقيتي تصرفي عليه عديل و في النهاية رسلتي ليه مبلغ كبير وهو غشاك على اساس صحبو شال قروشو ومشى ودا كلو كان كذب وانتي عويرة صدقتي هههه انتي كنتي الدجاجة البتبيض ليه ذهب لازم يحافظ عليك😂😂😂😂
-(بتبكي وما قادرة تتكلم)
-وعلى ما اعتقد انتي شفتي بعيونك لما كنا في محل الاسكريم وهو ماسك يدي على ما اعتقد دا انسب دليل😉
ما قدرت تتكلم وقفلت فيها الخط وهي بتبكي شديد لدرجة انها بتتنهد وبتتذكر في المواقف لما يطلب منها قروش ولما يكون عايز يطلب منها اليوم القبليهو بعاملها كويس وبحنكها ولما هي تحول ليه القروش تاني ما بتصل عليها وما يشتغل بيها والدوامة بتدور على كدا💔بقت بتتذكر في الرواية وانو كان فيها نفس الحصل معاها ليه هي م وقعت في الغلطة دي ليه؟مع انو كان في سبيل قدامها كان في حاجة بتوجهها انها ما تعمل كدا طوالي شالت تلفونها وفتحت الرواية لأنها ما كملتها وكانها عايزة تعرف حيحصل معاها شنو تاني
(- انا م حخلي البنت دي مستحيل اخليها😠
-يعني حتعمل شنوو ي فردة؟
- البنت دي لازم اخليها تتأدب واندمها على القروش الخلتني ادفعها دي😠
- طيب والحل؟
- انا حاخطفها واعمل فيها عملة لو قالو ليها ارفعي راسك وعايني لزول ما تعاين ليه😠
-زابط خلينا ننفذ طوالي
- هي وصحبتها الحيوانة ديك لأنها السبب في انها تشتكيني😠
- خلاص انا حامشي اكلم الشباب
- لا ما تكلم زول انا وانت بس انا حاتصرف معاها هي وانت اتصرف مع صحبتها ما عايز زول يدخل في الموضوع دا
- خلاص زابط)
•
•
•
قاعد مع اولاد الحلة بلعبو كشتينة جاء ماري بجنبهم ود جيرانهم الامتحن معاهم سوا وهو حاليا بقرا طيران وشغال شغل خارج عن القراية وجاب عربية لنفسو من عرق جبينو،وهم قعدو يعاينو ليه ولنظافتو ولبسو الانيق اصحابو ما كانو شغالين بالموضوع بس بلعبو وبقولو القيم على دا وانا فزت وما بخليك تفوز وانت خسرت وكدا لكن سعيد كان مركز معاه شديد ومتضايق والحاجة دي خلتو يطلع من قيم الكشتينة ودخل البيت جوا وهو متضايق ليه ما عندو عربية زيو ليه ما عندو ملابس نظيفة زي ملابسو ليه ما هو زيو والسبب بس انو ما قرا وانو ما اشتغل وانو ما اجتهد عشان يصل للحاجات دي كان كاره روحو شديد طلع تلفونو الربيكا من جيبو الكان جازفو بعد تعب من سامي اخوهو واتصل على دانية الكانت راجعة من المدرسة ياداب
-سعيد كيفك؟
-الحمدلله انتي كيف
-(فاكرة انو لسه متضايق منها)انا كويسة انت لسه متضايق مني؟ 😔
- ما متضايق منك لأنو كلامك صح انا زول فاشل ورمتالي وما عندي مستقبل
-ما تقول لروحك كدا انت قول انك حتتغير للأحسن وبس
- ان شاء الله حاتغير للأحسن انا حارجع امتحن تاني وانجح بس قبل كدا لازم اشوف لي شغل اشتغلو عشان اقدر ادفع حق الامتحان لأنو الوضع صعب عندنا😔
-(فرحت شديد)من اسي فتش ليك شغل وانا حشوفك كل يوم ونقرأ مع بعض🥺
-طيب
•
•
•
زيرو ZERÖ🚫
بقلم:نفحات محمود✏️
Part:14📖
