مشت المركز قبل موعد المحاضرة عشان تقدر تتكلم مع الدكتورة لقتها سلمت عليها
-يلا انا عايزاك توريني بالظبط انتي اتخيلتي نفسك كيف؟😊
-اتخيلت اني حلوة شديد واني بمشي بثقة واني بعرف ارد على اي زول بستفذني وانو كل الناس بتحبني وبعرف كمية من الناس اتخيلت اني واقفة قدام كمية من الناس وبديهم محاضرة وهم مستمعين لي ومنتبهين معي شديد🥺وانو الزول الانا بحبو هو برضو حيطلع بحبني🥺
- طيب المانعك شنو انو انتي تكوني زي ما بتتخيلي المانعك شنو؟
-مانعني خوفي وعدم ثقتي في نفسي😔
- انا ما عايزاك تشيلي هم ومحاضرة الليلة دي حاتفيدك كتير ان شاء الله😊
-طيب😔
والناس بدت تجي وهي مشت قعدت وانتظرت لما الدكتورة وقفت وقالت
(اليوم حنتكلم عن الصورة الذاتية❤️😊انا حاشرحها ليكم بطريقة ظريفة لما تمسكي المراية وتعايني لنفسك بتقولي شنو؟مش في البقولو انا حلوة وفي البقولو انا شينة يلا انتي كدا كونتي صورة ذاتية لنفسك الحاجة البتقوليها لنفسك او بقولوها ليك الناس الحاجة دي حاتكون ليك صورة ذاتية لنفسك بس نحنا ممكن نتحكم في الصورة الذاتية بتاعتنا يعني لو انتي قلتي انا حلوة انا حلوة انا حلوة عقلك الباطن حيستقبل المعلومة دي منك ويخليكي تشوفي نفسك حلوة انتي ممكن تتحكمي في عقلك الباطن بنفسك وترسمي لنفسك الصورة الذاتية الانتي عايزاها ممكن تقولي انا واثقة من نفسي انا واثقة من نفسي وتكرريها بتأكيد مثلا تقولي والله انا واثقة من نفسي انتي كدا أكدتي لعقلك الباطن انو انتي واثقة من نفسك😊❤️انا عايزة اي وحدة فيكم تكون صورتها الذاتية بنفسها تكون حريصة على الكلام البتقولو لنفسها لازم كل الكلام يكون جميل لأنو حينتقل للعقل الباطني مباشرة ولو الكلام كان قبيح الحاجة دي مافي صالحك😊)
•
•
•
- انا ندمانة على اليوم الخلاني اتزوجو فيه غير الفقر والهم ما لقيت شي😔
-كلمتك قلت ليك ما تعرسي قلت ليك نحنا ممكن نتزوج بالسر ومن غير ما زول يعرف لكن انتي ما سمعتي الكلام😏
-(انفعلت)انت كنت ما عايز تتخلى عن اولادك ومرتك ليه زواجنا يكون بالسر وزواجك معاها يكون واضح وقدام الناس ليه؟كنت عايزني ارضى كيف بس😏😠
-يعني اسي عاجبك الوضع الأنتي عايشاه دا؟راجل بس بمرض الليل والنهار وما بشتغل وما بجيب ليكم قروش غير مجوعة ولدي ما عاملة شي يا ريت لو شلتو منك وعيشتو عيشة كلها رغد😏
- انت لو بالجد كنت عايزني ما كان اخترت مرتك وخليتني في الفقر والعذاب دا😟😔
- انا اسي مقصر منك شنو؟ما قاعد أرسل ليك قروش😏
- يعني قروشك دي قروش اسي😏
-كفاية القروش الاديتك ليها وخليتي راجلك يضيعها في السمسم😏
فجأة سمعت صوت الباب وقفلت التلفون طلعت برة لقتها ثريا بنتها وعيونها حمر
-ي بنت مالك في شنو؟😲
-مافي شي😔
مشت غرفتها وقفلتها عليها وبقت تبكي💔
•
•
•
لقت امها بتبكي في المطبخ
-امي في شنو مالك؟😲
حكت ليها انو اتشاكلت مع اخواتها
-أمي انا مية مرة قلت ليك اخواتك ديل حقودات وغيورات واحسن تبعدي عنهم وما تدخلي في حاجة بتخصهم لأنهم عايزين اي حاجة عشان يعملو معاك مشكلة😔💔
-عيب ما تقولي كدا هم خالاتك😠
- ما خالاتي ولا بعرفهم اصلا نحنا ما عندنا اهل غير الحقد والحسد ما لاقين منهم شي💔😔
ومشت وامها بتنادي فيها
-ي بنت داااان اقيفي
طلعت ماشة على غرفتها شافت دالية اختها بتدس حاجة في الشنطة لكن ما اشتغلت بيها ولا سألتها دا شنو ودخلت عرفتها عشان تتكلم مع محمد
-محمد🥺
-عيونو وقلبو🥺❤️
- انا متضايقة شديد😔
-ليه حبيبة قلبي مالها؟منو المضايق العسل دا؟😢
- ما عارفة بس مزاجي كعب😔
- حتى انا والله😔
-ليه مالك انت في شنو🥺
- ما مهم انتي احكي لي مالك
-مافي حاجة بس مواضيع أهلي ديل اصلا عادي لكن انت مالك احكي لي😔🥺
-تتذكري المشروع القلت ليك خشيتو مع صحبي؟😔
-اي في شنو ؟
-المشروع خرب كلو😔
-كيف وحصل شنو؟😲
-اتخيلي يا دان صحبي خدعني وشال القروش ومشى وانا ما قادر اصل ليه😔
-شنوو😲
-وانا موقع أوراق وأسي مطلوب مني قروش وما عارف اصل ليه كيف وهو تلفونو مقفول كم يوم😔
- طيب ما بتعرف زول بعرفو عشان يوصلك ليه؟
- ما بعرف والله😔شكلي حاتسجن يا دان😔
-لالا لالا ما تقول كدا حتتحلا ان شاء الله🥺
-بتتحلا كيف بس اجيب قروش من وين ولا اصل الزول دا كيف؟😔
- القروش كم طيب؟
-••••••
- انا بديك ليهم
- لا مستحيل اشيلهم منك دان كفاية اني دايما بعصر عليك ما بقدر اشيل منك تاني😔💔
- ما مشكلة ما بيناتنا ونحنا واحد انت اسي شيلهم بعد تحل مشكلتك رجعهم لي
- طيب مادام شايفة كدا😔💔
•
•
•
قاعدة بتحضر في فلم رعب في الابتوب ومندمجة شدييد مركبة سماعات ومشغلة للصوت للاخر كأنها جوا الفلم لابسة تشيرت سبايدر مان جيب شورت اسود رافعة شعرها كعكة❤️
تلفونها نور شالتو لقت انو في رسالة من رقم غريب فتحتها (تالا انا ما عارف اصل ليك كيف ما عارف اتكلم معاك كيف حتى في الجامعة الناس كلها معتبراك ولد حتى الأولاد ومافي واحد بقدر يقرب منك لانك بتصديهو طوالي انا ما خايف من انك تحرجيني انا بس خايف انك تكرهيني لو حاولت أقرب منك وانا بحبك وما عايز اخسرك😔)
بتقرا في الرسالة وجاها احساس حلو شديد أول مرة زول يقول ليها كدا واول مرة تحس انها بنت وممكن تتحب فجأة بقت تقول لا لا تالا لا انتي مجنونة؟ديل كلهم مريضين بس مافي حاجة اسمها حب كلو في الأفلام بس💔وبعدين الحيوان دا جاب رقمي من وين بس الله يقدرني ألم فيه أخلي خشمو ملح ملح😏
نزلت تحت تشرب موية وتجي تكمل باقي الفلم لقت مافي زول لا أبوها لا امها لا مروان لا مزمل بس نانا في المطبخ شربت موية ورجعت للفلم❤️
•
•
•
رجعت من الدورة وهي فرحانة شديد وقررت انها تعمل لنفسها صورة ذاتية جميلة الطريق كلو كانت بتقول سجدة انتي حلوة وجميلة جميلة شدييد ولقت انو الشعور دا حلو وقررت انها تقول لنفسها بس الحاجات الحلوة عشان تأثر ايجابيا عليها وعلى حياتها😊❤️
دخلت البيت سلمت على أبوها واخوها وامها وبعدين مشت غرفتها الي هي مشتركة بينها وين اختها ولفت اختها لابسة وواقفة قدام المرايا بتتمكيج وملت جسمها كلو ريحة كانت لابسة اسكيرت اسود ضيق وثلث اربع معاه قميص ابيض وهي عندها جسم حلو يعني الاسكيرت كان مظهر جسمها كلو سجدة بقت مستغربة فيها وهي لابسة كدا مالها وماشة وين والمكياج والريحة ودا كلو عشان شنو😟
-ساجدة ماشة وين انتي؟😟
-خليك في حالك؟😑
-ناس البيت عارفين انك طالعة؟😟
-قلت ليك خليك في حالك😑
وتلفونها رن بتتكلم بمياصة
-اي طالعة
•
•
•
وصلت معاه جنب عمارة
-خلاص وصلنا
-بيتكم قريب شديد
-اي شديد يلا ارح😊
-وين؟😟
-فوق
-ليه ووينها عربيتك؟😟
-هدي العربية لكن اطلع اشوف أمي بقت كيف وعلى الاقل انتي تسلمي عليها وبعدين اوصلك😉
-لكن كيف في الزمن المتأخر دا تقول علي شنو😔
- ما بتقول حاجة أمي ما عندها مشكلة ولو ما عايزة تشوفيها ما مشكلة انا بشوفها وانتي انتظري هنا لكن قلت على الاقل اعرفك عليها😔
-طيب خلاص حاطلع معاك😊
- طيب يلا😉
وطلعو والشقة كانت في الطابق الأخير لحدي م وصلو وضربو الجرس فتحو صحبو كيمو قال ليهم نورتو اتفضلو😉وطوالي قفلو الباب بالمفتاح وهي بقت تعاين ليهم بخوف
-يلا يا بنت اقلعي سريع😏
-شنو😲
- شنو شنو كلامي واضح اقلعي ملابسك يلا😏
-(بتبكي)كيف يعني مزمل دا شنو؟😟
- شنو كيف انتي شايفة شنو اولاد وجابوك شقة حايكون عايزين يعملو شنو يعني؟😏
-لكن انا انا وا وا وامك وين وانا جيت أشوفها وكيف كيف انتو هنا براكم؟😟😲
-اي نحنا هنا برانا وأمي لا هنا لا حاجة وبالله تاني ما تركبي عربية ساي والله انتو البنات تحبو الملح حب بس ما يقولو ليكم توصيلة مجان ما تصدقو😂
كيمو صحبو بضحك
- والله يا صحبي حاجة ما بتتفوت يعني نحنا كنا شغالين ليها زي الترحال بنوصلها لخشم بابهم عايزها ترفض كيف بس😂😂
- ما مشكلة بقينا ليها ترحال وما قلنا حاجة لكن هي تدينا حقنا كامل😉
- شنو شنو انتو بتقولو في شنو😲
- ما تعملي لي زي العويرة خشي جوة يلا😏
-اخش وين؟انت بتقول في شنو😟
اتلفتت على الباب لقتو مقفول بقت تدق فيه وبتصرخ الحقوووووووووووووووووووني
طوالي مزمل شالها
-دي حتعمل لينا فضيحة ساي انا حشيلها جوة وانت خليك هنا في الباب راقب الوضع😉
- طيب يا صحبي خد راحتك😉
-كييف يا😉
بتضربو في ظهرو وبتصرخ وهو زهج منها دخلها الغرفة ووقعها في السرير من فوق لما السرير عمل صوت😟.
•
•
•
بتبكي الليل كلو وبتفكر في حازم
- يعني كام بغش علي؟يعني هو ما بحبني اصلا؟يعني كلام أمي صح؟من يسافر كدا حينساني؟وانا الغبية انا الصدقتو انا حبيتو حبيتو شديد كيف يعمل فيني كدا؟😢💔يعني هو من الاول كان عايز بنت خالتو؟يعني كان ماخد بي وقت بس؟وكمان مفهم امو انو انا المتلصقة فيه؟ليه يا حازم عملت فيني كدا ليه بس😢💔
بتبكي كدا الباب دق مسحت دموعها وقالت اتفضل وخش سامي أخوها وجاء قعد جنبها في السرير وهي بتحاول تبعد نظرو عنها عشان ما يعرف انها كانت بتبكي
-المبكي اختي الحلوة دا منو😢
- ما قاعدة ابكي انا😔
- طيب ودا شنو😔
-مافي شي يا سامي😔
-مافي شي كيف يعني؟قولي لي في شنو؟
-(سكتت كدا في النهاية حكت ليه)
- ما بخليهو والله ما اخليهو وانا الكنت فاكر من كلامو انو بحبك بالجد وجيت كلمت أبوي بيه والله انا الغلطان لأني صدقتو💔
وشال تلفونها
-سامي خليهو واصلا هو اسي بكون وصل قطر وتلفونو بكون قافل وانا ما عارفة ليه رقم زاتي😔💔
-(ضرب يدو في الحيطة)طيب أمو دي ما بخليها كيف تطلعك بتتلصقي في ولدها كيف؟يعني عشان هم عندهم كم قرش ونحنا ما عندنا معناها يفتكرو انو مافي زيهم في الدنيا😠😑😑
-سامي خلاص استهدى بالله اسي ناس أمي بسمعو والمشكلة حتكبر وسعيد حيعمل مصيبة لو عرف عليك الله اسكت😭😭
وبقت تبكي وهو بعاين ليها وساكت شوية وجاء قعد جنبها وبسمح في دموعها
- انتي اختي الحلوة وانا ما بحب زعلك وما بحب اشوف دموعك نازلة لأي سبب كان وكلو لخير بس ما تتضايقي اكيد ربنا شايف ليك الخير مع واحد تاني وانا ما عايزك تتضايقي بس قولي الحمدلله💜
-الحمدلله💜وانا ما حاتضايق بس عشان عندي اخو زيك ساندني🥺ممكن أسألك سؤال؟
-اهااا
-قبل كم يوم جاتني صحية زي الساعة ٣ مشيت شربت موية ولمحتك قاعد في الهول ومطفي الأنوار وحسيت انو في شي حاصل ليك بس كنت عايزاك تقعد براك ممكن تقول لي كنت مالك؟😔
-ااه اممممم
-احكي لي🥺
-ثريا انا بحب بنت لي زي ٤ سنين كدا ومفروض حاليا نكون متزوجين لأني واعدها هي بعد تخلص الجامعة انا اتقدم ليها هي خلصت الجامعة عندها سنتين والعرسان كترو وهي كانت بترفضهم عشاني😔قبل كم يوم كدا اتقدم ليها ود عمها وناس بيتهم كلهم موافقين واتصلت لي عشان تكلمني وانا قلت ليها وافقي😔💔
- شنو ليه قلت ليها وافقي؟🥺💔
-عشان انا ما معروف امشي بيتهم متين انتي شايفة الظروف وما عايز اخليها معلقة كدا😔لكن انا عارفة انو دا كلو لخير خير لي وخير ليها عشان كدا ما بقول ليك ما تتضايقي💔
-ربنا حايعوضك بالاحسن منها والاحلى منها ان شاء الله🥺♥️
-(هبشها في انفها)بقينا كبار ونقول كلام ناس عاقلين😂♥️
-اصلا من يومي عاقلة انا😌😌
- يا شييييييخة😂
-قفل بس😑
وحضنها وهو بقول ليها شافعة
بالجد الأخ سند💜
•
•
•
الصباح،،
عايزين يتلاقو عشان اي وحدة عايزة تحكي الحاصل معاها سريع سريع عملو مكالمة جماعية
-(كلهم)بناااااااات
-(بضحكو)😂
-(ثريا)عايزة الاقيكم ضروري شديد😔
-(دان)وانا كمان في حاجة عايزة احكيها ليكم😔
-(سجدة)وانا عايزة احكي ليكم حاجة حلوة😌💜
-(تالا)ما خليتو لي حاجة اقولها😑سمح تعالو نتلاقى وانا اسمع ليكم😑
-(بضحكو)تيتو انتي ما قاعدة تحصل ليك درامات في حياتك نعمل ليك شنو حبيبتي انا😂
-(بتقول في سرها بتحصل معي حاجات كتيرة انتو بس ما عارفين حاجة😔)خلاص قفلي انتي😑وانتو اتحركو تعالو
-(كلهم بصوت واحد)ما حنحضر المحاضرات
-(تالا بتحاكي فيهم)ما حنحضر المحاضرات😑😏
بضحكو فيها😂😂
بعد نص ساعة اتلاقو في محل الاسكريم وعمرو جاب ليهم طلباتهم من غير ما هم يقولو بقى حافظهم😂قاعدين كلهم وتالا رافعه رجلينها في الكرسي التاني ومربعة يدينها
-اها الحتبدا منو ان شاء الله😏
-(دان)سجدة ابدي
-(تالا)وانتي ما تبدي خشمك مالو😏
-(دان)كلامي كتير انا خليها تتكلم هي
-(حكت ليهم بموصوع المركز بتاع دكتورة ماجدة)
وكلهم شجعوها انها تواصل وانو الحاجة دي حاتغير ليها حياتها للأحسن🥺💜
-(تالا)اها البعديها منو
-(ثريا)دان احكي انتي انا كلامي كتير😔
-(دان)انا برضو كلامي كتير
-(تالا)ياخ ما تجننوني انتو الاثنين دان ارح احكي😏
- طيب
وحكت ليهم انها رسلت قروش كتيرة لمحمد لأنو حيتسجن وكدا😔
-(سجدة)والله انا شايفة انك عملتي حاجة حلوة ووقفتي جنبو مبسوطة بيك شديد🥺
تالا قامت من الكرسي
-(بتصرخ)مبسوطة بيها بتاع الساعة كم😠
سجدة نطت من الخوف😂
- انتي عارفة انك غبية يا دان؟عارفة؟انتي بتصدقي ساي يمكن يطلع كذاب وعايز ياكلك بس لقاك عويرة عشان كدا طلب منك مبلغ كبير زي دا وهو عادي ممكن يبلغ على صحبو ومعقولة هو يخش مشروع مع زول ما عارف عنو حاجة لا عارف ناس بيتهم لا واحد من اصحابو ولا اي شي معقولة؟معقولة يدي القروش وهو ما عارف عنو حاجة ياخ كدا دقيقة الولد دا كضاب يا دان😠
-(ثريا)انا ما عايزة اظلمو لكن دان انتي غلطتي لأنك اتسرعتي كان على الأقل تجي تسألينا😟
- ما كنت عارفة اتصرف كيف😔وهو محتاج ليهم😔
-(تالا)محتاج ليهم السسسسمك اسي لو قفل تلفونو وركبك الظوط😠
- هو ما حيعمل كدا وهو اصلا قال حايرجعهم لي واصلا انا ما محتاجة ليهم😔
-(تالا)ما محتاجة ليهم بتاع الساعة كم المهم نحنا حننتظرو اسبوع كامل لو قفل تلفونو ولا اتصرف اي تصرف معناها هو كذاب وانا في الحالة دي بعرف اتصرف معاه😠
-طيب😔
-اها انتي التانية احكي في شنو؟😏
ثريا بدت تحكي ليهم وتبكي
-(سجدة)معقولة حازم يعمل كدا؟لا مستحيل ما بصدق انا😔
-(دان)اكيد الموضوع دا وراه حاجة انا مستحيل حازم يعمل كدا وانا شاكة انو أمو هي السبب دايما في الروايات الحموات بكونو خسيسين وانا متأكدة انو دي امو😟
تالا ساكتة ساي ما اتكلمت
-(ثريا)انا قلت يمكن أمو قالت ليه انو انا ما بنفع معاه وانو يعرس بنت خالتو وكدا ويمكن تكون قالت ليه ما بعفي عنك الكلام دا كلو ختيتو في راسي لكن حتى لو كان صح كان هو يرسل لي رسالة بس على الأقل لكن هو خلاني زي الهبلة ما فاهمة شي وفي النهاية هو سافر😔
تالا ساكتة وبتفكر
- تالا كدا قولي لي بكون في شنو😔
نزلت رجلها من الكرسي وختت رجل فوق رجل
-ياخ انا قدر ما قلبتها بيجاي وبيجاي شايفة انو حازم مستحيل يعمل كدا حتى او أمو قالت ليه الا تعرس بنت خالتك هو ما حيرضى لكن كيف يتصرف كدا لالالالا الموضوع ده فيه انا
- طيب مالو يعني؟
- ما عارفة بس اكيد في حاجة😔
-وانا اعمل شنو ي جماعة؟😔
- انا شايفة انك تنتظري وتشوفي حيحصل شنو مافي حل غير الانتظار💔
*" أحببنا أمرًا وأحب الله أمرًا، وما أحبه الله، أحب إلينا مما أحببناه."💙✨*
#يتبع
