المحاضرة كانت ساعتين بعد ما انتهت سجدة كانت مسجلة اي كلمة قالتها الدكتورة في الدفتر وبقت متحمسة تمشي تعمل كل الحاجات القالت الدكتورة يعملوها😊مشت ليها بعد ما الناس مشو والدكتورة سألتها اذا استفادت وكدا وهي قالت ليها انها استفادت كتير وحتحضر كل الدورات بتاعتها وقالت ليها انها حتمشي بعد دا وهي أصرت عليها تنتظر لحدي ما ولدها يجي ويوصلها بعد اصرار كتير بقت منتظرة مع الدكتورة وبتكلمو لحدي ما جاء ولدها الكان ظاهر عليه انو مستعجل حواجبو كانت في خط واحد من العصبية طالع منهم كان مربوع واخدراني عندو فلجة لابس قميص بيجي مع بنطلون بني وجزمة بيجية ظاهرة عليه الأناقة💜
-اتأخرت مالك من قبيل نحنا منتظرين😑
من كلمة نحنا اتلفت على سجدة عاين ليها وهي اتوترت والخوف بتاعها داك😂وبتدعك في يدينها مع بعض
-ياخ الشارع زحمة عربية طالعة عربية داخلة ناس زاتها ما بتعرف تسوق ناس بهايم والاداهم رخصة السواقة بهايم أكتر منهم😠
-خلاص كدا خلينا نمشي واقفة لي ساعتين رجليني وجعوني😔😭
-أمي انا مش قلت ليك ما تتعبي نفسك شغالة في الجامعة وشغالة هنا ليه بس🤦🏻♂️
ساقها من يدها وسجدة ماشة وراهم وهو بتكلم مع امو لحدي ما وصلو العربية فتح ليها باب العربية القدام ركبت وسجدة ركبت ورا والطريق كلو هي سرحانة في الشارع وهم بتونسو لحدي م وصلوها البيت ونزلت
-أمي دي منو؟
- دي وحدة من طالباتي المجتهدات جدا في الجامعة😊
-ايواا
دخلت بيتهم ولقت اختها واقفة في وشها
-جاية من وين يا حضرة الدكتورة سجدة😑
-كنت اه كنت مع دكتورة ماجدة
-شايفة في عربية وصلتك لكن😏
فجأة جاء زول من ورا
-وانا برضو شايفة في عربية وصلتك يا ساجدة😏
-(اتوترت)اي انا انا دا زميلي في الشغل وصلني عشان اتأخرت ما عايزني ارجع البيت براي والوقت متأخر لكن هي جامعتها بتخلص بدري الخلاها تتأخر زي الزمن دا شنو وجاية بعربية وما عارفين الجابها منو😠
-كنت مع دكتورة ماجدة في المركز والعربية بتاعة ولدها وهي كانت فيها😊
- ما تتعاملي مع اختك بالطريقة دي يا ساجدة ممكن تسأليها بكل بساطة وتجاوبك🙂
-انا ما عملت شي يا أمي😏
-انا ماشة انوم تصبحو على خير😊
دخلت الغرفة وغيرت ملابسها وطوالي طلعت دفتر وبقت تكتب في الحاجات البتكهرها في نفسها(بتوتر في اي شي-بخجل كتير ما بعرف اتصرف براي-هبلة ولازم اتهابل قدام الناس واحرج روحي-ما بعرف اقول لا على حاجة وانو انا ما بقدر اعمل الحاجة دي-بضغط على نفسي كتير عشان ارضى الناس-ما بعرف اخبي حاجة انا حاسة بيها لازم تنعكس ب برا-بفكر في الحاجة كتير وتفكيري ما بقيف😔💔)
تقريبا ملت الصفحة كلها بالحاجات الهي ما بتحبهم في نفسها ولما جات تكتب الحاجات البتحبهم في نفسها لقت انو مافي حاجة وعرفت انها بتكره نفسها شديد وبتكره الوضع الهي عايشة فيه وبتكره انها هنا ونفسها لو هي تتغير والوضع الهي فيه يتغير وكل شي يتغير😔💔ما كان قدامها حل غير بكرة تمشي لدكتورة ماجدة في المركز وتحكي ليها قبل موعد المحاضرة الجاية.
•
•
•
هدي البنت ي فردة أقيف أقيف
وقفو ليها وركبت
-سلام عليكم
-وعليكم السلام على الناس السمحة😉
-(ضحكت)بالجد انا متعباكم شديد ما عارفة انا من غيركم كنت حاعمل شنو بالجد الدنيا دي فيها ناس كويسين شديد ربنا يجزيكم خير😊❤️
-ياخ نحنا م عايزين منك الكلام دا كلو كفاية نحنا بنشوف وشك السمح دا كل يوم هو نحنا لاقيين😉
- ضحكت
اتونسو معاها لحدي ما وصلوها
-ياخ يا فردة البنت دي احسن نكسر حنكها
-لييه💔
-ياخ بتعبنا ساي بقينا ليها سواقين نوصلها كل يوم وبعدين هي ما من نوع البنات النحنا بنحبهم أحسن نكسر الحنك😏
-مالي كاسرو والله وش تبي انت؟😂
-خلي الخليجي اسي البنت دي ما بتنفع💔
-ياخ بتنفع اصبر ياخ و بعدين الزول بشتري البضاعة المعروضة ولا البضاعة الجوة؟😉
-الجوة
-يلا خلاص عشان هي جوة ما معروضة حاتكون أحلى صدقني😉
- طيب نشوف آخرك😑
•
•
•
رجعت الغرفة وبنت خالها ختت التلفون من يدها سريع سريع لكن هي ما شكت فيها نهائ وقعدت تتونس معاها وبعدين بنت خالها مشت لانو امها نادتها وهي فتحت تلفونها وما لقت منو لا مكالمة لا رسالة مستغربة كيف الليلة ما اتصل ليها💔ف شالت تلفونها واتصلت عليه
-دندونتي❤️
-محمد🥺
-اي ي قلبي❤️
-وين انت الليلة اشتقت ليك🥺
-والله مشغول بديت لي مشروع جديد مع عمر عايز انجز فيه عشان اعرس سريع❤️
-تعرس؟من اسي؟😟
-اي لأنو ف وحدة منتظراني وما عايز اخليها تنتظر اكتر😉
-والوحدة دي منو طيب؟😟
-الوحدة دي اسي قاعدة في السرير وماسكة التلفون بيدها اليمين وهي حاليا مبتسمة😉
-(بتعاين لروحها وبتضحك)حيوان
-هههههه حيوان وبحبك
-(بتضحك)وانا بحبك كتير❤️🥺
-ااه
-مالكك؟😲
-قلبي عمل ششششح ما سمعتيهو؟
-هههه بطل خلص امشي تم شغلك
- طيب حامشي وخلي بالك من نفسك لحدي ما انا يكون عندي الحق اخلي بالي منها😉❤️
قفلت منو الخط وهي حاتطير من الفرح مستغربة هو كيف كويس كدا وكيف بحبها كدا وكيف حافظ كل تفاصيلها كدا كيف 🥺❤️
اتذكرت الرواية وعايزة تقراها بس حست انو الرواية بتعكر مزاجها وبتخليها تفكر انو محمد ما بحبها لكن هي عايزة تعرف حصل شنو مع البنت في النهاية فتحتها
(قاعدة في غرفتها وبتبكي وما عارفة تعمل شنو ولا تتصرف كيف ولا تسجل بشنو؟😭💔فكرت في سهى بس ما عندها عين تمشي ليها بعد الكلام الحصل وانها شاكلتها واهانتها لكن مافي زول حايساعدها غيرها لبست توبها ومشت ليها في البيت وكانت فاكرة انها ما حتستقبلها وحاتشاكلها لكن بالعكس رحبت بيها ودخلو غرفتها
-ي بنت مالك وشك مالو موروم كدا كنتي بتبكي؟💔
-سهى انا😭
-شهد في شنو مالك؟
-اول شي انا اسفة على اي حاجة عملتها ليك انا وحدة متخلفة عشان صدقتو هو وبعت صحبتي بسببو انا اسفة يا سهى هو طلع كذاب طلع بكذب علي😭😭💔
-عمل شنو الحيوان احكي لي عمل شنو؟😠😟
-(حكت ليها موضوع القروش)
- لا حولا ولا قوة الا بالله التافه كنت عارفة انو حقير لكن ما للدرجة دي الخايب😠😠
- ما عارفة اعمل شنو ي سهى ولا اسجل كيف ولا عارفة اقول لأبوي شنو😭😭💔
- ما تخافي القروش محلولة انا بديك ليهم😊❤️)
•
•
•
الليل كلو بتتكلم معاه وهم مبسوطين وهو قال ليها انا من الصباح يصبح بكلم أمي بالموضوع على الأقل هي تجيكم وتتعرف عليكم وهي انبسطت شديد واتفقو انو بكرة هي حاتجيهو في المطار من الجامعة وبعدين قفلت الخط ونامو.❤️
الصباح،،
مشت الجامعة وكان عندها محاضرة وحدة بعد ما خلصت منها اتصلت ليه وما كان برد وبقت تتصل وتتصل وبرضو ما برد قعدت ساعة كاملة منتظراه يرجع ليها لكن ما رجع ليها اتوترت شديد وما عارفة تمشي المطار ولا تنتظرو لحدي ما يرجع💔
•
•
•
مشت الجامعة وهي قاصدة مكتب دكتورة ماجدة وشايلة الدفتر بتاعها في يدها دقت الباب وخشت وبعد ما سلمت عليها ادتها الدفتر وقالت ليها انا بعاني كتير يا دكتورة بالجد بعاني من نفسي كتير😭💔والدكتورة بقت تهدي فيها وانو الأمور ما بتتحلا بالطريقة دي وقالت ليها استني اشوف الدفتر فيه شنو فتحتو وبقت تقرا في الكلام الكاتباه سجدة بعد ما خلصت قفلت الدفتر وختتو في التربيزة القدامها
-سجدة انا حاسألك سؤال
-اتفضلي
- عايزة تتغيري للأحسن؟
-طبعا عايزة🥺
- طيب اول خطوة عشان تتغيري تنسي الماضي واي شي اعتبريهو انتهى اي شي الحصل قبل دقيقة اعتبري ماضي ونحنا عايزين نشتغل في الحاضر وننسى الماضي اتفقنا؟ 😊
- طيب
-عايزاك تعملي حاجة حتمشي تقعدي وتتخيلي في نفسك تتخيلي صورتك الانتي عايزاها الصورة الانتي عايزة تصلي ليها انتي عايزة تبقي كيف وعايزة تصلي لشنو عايزة وضعك يبقى كيف ناس بيتكم يكونو كيف اصحابك يكونو كيف فارس احلامك عايزاك تتخيلي الحاجات دي كلها زي ما انتي عايزاها وبعدين في المركز احكيها لي تمام؟😊
- طيب
•
•
•
-ههههههاي قلتي لي شنو؟
-ياخ ما عارفة هي شايفة نفسها على شنو اصلا دلوعة بس وبنت ماما وبابا بابا وصلني الجامعة وجابني من الجامعة شافعة وما بتعرف تعمل حاجة براها😑😑
-😂والله شكلك بتكرهيها شديد كأنها ما بنت عمتك😂😂
-ياخ هي بتتكره بالجد😑
-خلاص ما تزعلي نفسك اسي لو ما كان ما قدرتي تشيلي الرقم من تلفونها قبل ما هي تجي حتعملي شنو؟
-بشيلو قدامها عادي ما عندي ليها حاجة😑
-عسل عسل والله😂😂
-اسي لو اتصلت ليك ولقتك مشغول
-ما بتتصل بتكون نامت زمااااان شافعة بتنوم بدري😂
-شافعة متخلفة😑
-كدا اسي خلينا منها وخليني اخلطك حبة😉
-سمح😂
عليك الله انت حبيتها ليه البنت دي
-والله تقولي شنو انتي كنتي مافي لكن اسي انتي موجودة 😉
-خلي الطلس بالله
-كأنو دان ما بنت عمتك انتي بتفهمي وهي مخها بجي الساعة ١٢
-😂انت ما شفت حاجة يا بيب
•
•
•
سمعت أبوها بتكلم بالتلفون
- انا ما بقدر اكون بعيد عنك ياخ
حاولي اطلعي الليلة وتعالي الشقة😉
اتصرفي كدا قولي انو في شغل الليلة
ياخ ما مشكلة قولي ليهم المدير فجأة قال انو في اجتماع ومحتاج لينا
اي حاج حاولي
طيب نتلاقى بعدين معناها😉
واقفة بتعاين في أبوها من بعيد وبتلاحظ لتصرفاتو الطفولية وكأنو مراهق هي ما عارفة تلومو هو عشان خان أمها وما شغال باولادو ولا تلوم أمها لأنو وقتها كلو في البوتيك وما شغالة بيهم ولا بأبوها ويمكن دا السبب💔
•
•
•
مرت ساعتين وهي بتتصل ليه وما برد مشت المطار وهي عارفة انو القيام الساعة ٤ كانت بتفتش عليه بين كمية الناس الكتيرة وبين الناس البتودع بعض وهي مشتتة بتتلفت يمين وشمال وبتحاول تتصل عليه لكن مافي فايدة الساعة بقت ٤ ونص وعرفت انو الطيارة قامت خلاص طلعت من المطار وقعدت في الأرض وبقت تبكي💔ما قدرت تشوفو قبل ما يسافر ما عارفة مالو ما عارفة حاصل عليه شنو ما عارفة ليه ما برد ليها ما عارفة ليه ما رجع ليها ما عارفة ليه ما فهمها حاجة ما قادرة تصدق انها ما شافتو ولا ودعتو💔
•
•
•
جات طالعة من المطار شافت أمو مع انها ما شافتها في الحقيقة بس الصور لكن عرفت انو دي هي ومعاها بنت كدا مايعة ومادة خشمها مترين البنت لزتها وجات ماشة نظام ما شايفاها طوالي ثريا وقفت قدام أمو
-خالتو أمل
-(عاينت ليها باستفزاز)منو انتي؟😏
-ا ا ا انا ثريا🥺
-ثريا منو؟😏(عاملاها فيها ما عارفاها مع أنها شافت صورتها في التلفون وحازم حكى ليها عنها وهي عارفة ناس بيتهم كلهم)
- انا وحازم انا هناي😔
-اااه ثريا المتلصقة في حازم😏
-شنو؟🥺😟
-اي مش انتي البنت المتلصقة في حازم ولدي وعايزاه بالغصب شوفي يا توتة دي هي😏
-اصلا ظاهر من شكلها يا خالتو انو جنها تتلصق في الاولاد😏
-لو سمحتي احترمي نفسك😠
-هه انا المفروض اقول ليك احترمي نفسك لأنو هو خطيبي وانتي عايزة تشيلي مني😑
- يا توتة ما تشغلي نفسك بيها حازم عينو مليانة بيك وما عندو ليها حاجة😏يلا خلينا نمشي حبيبتي الجو مسخن شديد
-يلا يا خالتو😏
خلوها واقفة وهي مصدومة دموعها جات جارية ما قادرة تتخيل الكلام دا ولا حتى تصدقو معقولة حازم كان بكذب عليها؟😔معقولة كان بغشها؟😔
•
•
•
واقفة بتتلفت على العربية بعد جات ركبت ورا وسلمت عليهم
-ي سوسو
-اهاا
-رايك شنو الليلة نشرب جبنة كدا ظابطة في شارع النيل؟😉
-امم لكن الزمن اتأخر وناس البيت وكدا😟
-ياخ لينا اسبوع بنعرفك ما مشينا شربنا لينا كباية موية ساي مع بعض قولي خير ووافقي🥺
- طيب بس سريع ونرجع
-حااضر😉
وطوالي مشو محل جبنة جنب شقتهم شربو جبنة وبتونسو فجأة صحبو التاني قام
-كدا اسمعوني خليكم قاعدين هنا انا حشيل العربية ماشي اشوف خطيبتي وجاي لأنها اتصلت لي قالت عايزاني ضروري(وغمز لمزمل)😉
-ي زول خطيبتك دي خليها بعدين سوسو دي ماشة بيتهم 😟
-ياخ ٥ دقايق بس البنت كانت بتبكي أشوفها مالها وارجع ياخ
-سوسو عندك مشكلة؟
-لو ما بتتأخر ما مشكلة
-طيب خمسة دقايق بس😉
انتظرو زي نص ساعة وهو ما جاء وهي اتوترت
-ناس البيت بعد دا بشاكلوني🥺انا حامشي بالمواصلات ولا بركب لي اي حاجة😔💔
-لالا كيف اخليك تمشي براك زي الزمن دا واصلا مواصلات مافي ممكن اركبك حاجةة لكن حكون خايف عليك انتي أمانة في رقبتي ما بخليك تمشي براك كدا دقيقة اتصل على الحيوان دا اشوفو اتأخر مالو😑💔
واتصل ليه
-اي يا حيوان وين انت دي الخمسة دقايق بتاعتك؟ شنووو؟انت في بيتنا؟أمي مالها؟ اتصلت عليك متين وليه ما اتصلت علي انا؟اسي هي كويسة؟متاكد؟طيب طيب انا جاي😭
وقفل الخط
- في شنو يا مزمل ان شاء الله خير؟😟
-كيمو دا قال انو أمي كانت تعبانة واتصلت علي تلفوني ما خش معاها اتصلت على كيمو وهو مشى ليها في البيت😔
- سلامتها الف سلامة ياخ خلاص انت امشي ليها
-لالا ما بمشي وبخليك الزمن متأخر وانتي بيتكم بعيد وهي اسي كويسة لكن بس العربية كيمو مشى بيها البيت وهي اسي في البيت الا امشي اجيبها😟
- طيب امشي وتعال انا بقعد هنا
-اخليك تقعدي براك كيف انتي مجنونة؟المحل دا كلو بعد شوية بتملي شماسة وسكارة ارح معي😏
-طيب😔
" لله ما نحن فيه، للهِ عيوننا المُتعبة ،
قلوبنا المُرهقة ، لله أملُنا وألمنا... ❤️
#يتبع
