كانت مبسوطة انو لقت ناس كتار قدرو مواهبها واشترو الرسومات بتاعتها وفي ناس شالو أرقامها حست بإنجاز عظيم بس كانت متضايقة لأنو محمد ما جاء😔💔
-والله الليلة الا تعزمينا بالقروش بتاعة اللوحات دي لازم لازم
-اي اصلا🤤انا نفسي في طقة جامدة
- يعني ما نمشي محل ناس عمرو
-ياخ عمرو شنو ديل بنمشي ليهم وقت نكون مسخنين بس اسي خلونا نمشي مطعم🤤
-اها واقفين ليه ارح يلا
-انتو اسي في زول قال ليكم اني وافقت على العزومة دي😑
- نحنا اصلا ما اخدنا رايك نحنا وريناك للمعلومية بس😂😏
وسريع ركبو عربية تالا ومشو
*صحبك الحقيقي ما بنتظرك تعزمو صحبك الحقيقي هو البعزم نفسو بقروشك*😂😂😂
•
•
•
- يعني أنا اسي اعمل شنو بس؟
-اطلقي منو بس😑
-أطلق منو عشان شنو يعني انت حاتعرسني في النهاية مستحيل تعرسني حاتخليني زي ما خليتني قبل ٢٨ سنة اخترت مرتك😔
-الزمن دا ما كنت قادر اتزوج اثنين والظروف ما كانت بتسمح لي لكن اسي قادر وما عندي مشكلة
- طيب وأولادي اوديهم وين؟انت حتمسكني انا واولادي؟🥺
- انا بمسك ولدي بس اولادك شوفي ليهم حتة ولا اجدعيهم مع ابوهم
- لا مستحيل اخليهم رجلي في رجلهم😔😟
-خلاص يفتح الله
تيييت قفل الخط وهي بتكورك ليه
-حسن يا حسن حسن😫
•
•
•
- يعني اسي مرتك ما حاسة بشي؟
-هي فاضية لي عشان تحس بشي وقتها كلو في البوتيك والتجميل بتاعها دا ما عندها شغلة لا بي انا لا بأولادها😑😑
-طيب ما تطلقها ليه مخليها في عصمتك للان؟؟
-عشان الاولاد بس عشان الاولاد
-ياخ اولادك كبار ومسؤولين ما حتفرق معاهم😑
- بعد يعرسو ويمشو انا بطلقها
-وانا انتظرك لمتين يعني😔
- نحنا اسي ما حلوين مع بعض😉
- ما حلوين ولا شي انا عايزة ابقى مرتك عديل😔
-وانتي اصلا مرتي😉
-لالا ما مرتك عايزة بالحلال انا؟😔
-تاني رجعنا للموضوع دا يا ساجدة😑😠
-اعمل شنو انا عايزة ابقى مرة راجل عايزاك تسترني😔
- انا اسي مقصر منك في شنو قروش وبديك لبس بلبسك أحسن لبس عايزة شنو تاني😠
- عايزة اكون مستورة وفي بيتي وبراجلي عشان ما ممكن انا ارفض كل البتقدمو لي لأني عارفة اني ما بنت😔😔
-عايني ما تخربي لي مزاجي في الليل دا وارح اوديك بيتكم زاتو😠
•
•
•
قاعدة تبكي هي وأمها اي وحدة خاتة يدها في راسها ومهمومة بتبكي
- يا أمي انا اعمل شنو بس خليني اقرا عليك الله😔
-مافي قراية ليك تاني ومافي طلعة ليك تاني كفاية طلعتي وضيعتي شرفك وأبوك لو عرف بضبحنا نحنا ال٢
- ما يضبحنا كان ضبحنا انا زاتي زهجت والله زهجت يعني بدل تقيفي معي في الحاصل لي؟انتي فاكرة اني م متوجعة؟فاكرة انو الموضوع عادي؟ياخ انا متوجعة بجوة وب برة انتي حتى ما قلتي لي نمشي الدكتور ولا لاحظتي للجروح الفيني والحاصلة لي بس همك كلمة وحدة بس انو شرفي ضاع بس دا همك لكن انو انا حصل لي شنو واني اتأذيت ولا لا دا كلو ما هماك؟ياخ بعد دا ان شاء الله اموت وارتاح زاتو ما مهم اعيش بعد الحصل مش انتو كل همكم الشرف؟خلاص انا اسي بقيت عديمة شرف ما حافرق معاكم كان مت صح؟مش ما حيفرق معاكم طيب اعيش ليه انا اعيش ليه؟😭😔
أمها بقت تبكي شديد وهي تبكي مسكتها حضنتها وهي بتبوس فيها
-سامحيني يا بنتي سامحيني لأنو انا ما ام اصلا عشان انا أمية ومتخلفة وبفكر كدا ما فكرت في صحتك ولا الفي الحاصل ليك😔💔بس انا خايفة خايفة عليك خايفة ابوك لو عرف خايفة لو الناس العرفو مافي زول حيعمل الغلط عليه هو حيعملوها فيك انتي بس عشان كدا انا خايفة يا بنتي والله خايفة💔😭
مسكت أمها وحضنتها وبقت تبكي وتقول ليها اعمل شنو انا يا أمي حيحصل لي شنو يا أمي اعمل شنو بس اعمل شنو😭💔وهي تبكي معاها
•
•
•
بعد ما خلصو طقة
-(دان)ياخ والله انتو فجعانات عديل ما ممكن تكونو كدا خلو عندكم اتوكيت فضحتونا مع العالم الراقي😑😑
-(تالا بتنخس في اسنانها)قال عالم راقي قال الزول لو اتلفت ساي يلقاكم شلتو من صحنو من بقى فيها خطيف قلنا أحسن ناكل سريع سريع
-(دان)لكن ما لدرجة انك تلحسي الصحن يا تيتو😑😑
-للدرجة دي واكتر يعني انتي ما شايفة ثريا شغالة ختيف😏
-(ثريا)تيتو بالمناسبة انتي البديتي وانا اتسديت حقي بس😑
-هاهاهاها انتي اصلا ما خلصتي صحنك وبتعايني في صحانة الناس أحسن اضمن حقي قبل ما يجو يخطفو مني😏
-(سجدة)كدا أول شي خفضو اصواتكم لأنو الناس حيفتكرو انو أول مرة نخش مطعم😂
-(دان)حرفيا😂
-(ثريا)خليهم يفكرو نحنا دافعين قروش ما قاعدين مجان😑
-(دان)قصدك انا دافعة قروش😌
-(ثريا)😂😂شوف الكلبة
-(تالا)والله بنتي دي بعد شوية تعمل ليها قريشات تاني تيتو أخوها ما تعرفو ام عوينات دي بعرفها انا😏
-(دان)معقولة ي تيتو انت الوحيد الما حاتغير منك😔
الناس الجنبهم بعاينو ليهم
-(سجدة)دان ما تتكلمي معاها على اساس انها ولد الناس مستغربين😂😂
-(تالا)سجودة يا بابا قومي اطلعي برة شمي ليك هوا وتعالي يلا قومي قومي
وهم بضحكو😂😂😂
*لما يكونو مع بعض بنسو مشاكلهم وأي حاجة عشان هم بتقوو ب بعض*♥️♥️
•
•
•
-منذذر♥️🥺
-حبيبي اناا♥️
-اها جاي متين؟
- في الأيام الجاية دي ان شاء الله🥺♥️
-منتظراك بفارغ الصبر والله😔
- حتى انا مشتاق ليك شديد ومتين اجي عشان اشوفك🥺♥️
-ي قلبي🥺
-سولي عايزك في خدمة بس
- انت تأمر
-عايز جيتي تكون مفاجأة ل تالا اختي لأنها مشتاقة لي شديد وانا عايزها تستقبلني في المطار وهي ما تكون عارفة اني جاي
- كيف دا؟😏
- انا حعرفك ليها الليلة ولا بكرة
-ااها
-وانتي حاولي انك تقربي منها وتبقي صحبتها
-اهاا
-وبس في اليوم الأنا بجي فيه قولي ليها انك ماشة المطار تستقبلي اخوك أختك صحبتك اي حاجة
- طيب😏
قفلت منو وبقت تتكلم مع نفسها
-يعني انا ما يعمل لي مفاجأة ويعمل لاختو الفصعونة دي😏
•
•
•
-ي منية بتعرفي وحدة اسمها تالا؟
-البنت العاملة زي الأولاد دي؟
-اي ياها
- ما بعرفها معرفة شخصية لكن بعرف وحدة بتعرفها
-خلاص وصليني ليها
-ليه في حاجة
- عايزة اتعرف عليها
- طيب حتصل لسماح تجي
-زابط
في جهة اخرى،،
- انا عندي فكرة ممكن تطلعنا من الموضوع دا من غير ما ابوكي يعرف
-شنوو؟
-انك تتزوجي
-شنوو؟أمي انتي بتقولي في شنو؟اكيد ما جادة واصلا حرام انو نعمل كدا وانا عايزة أقرا وما عايزة اعرس 😟
- طيب عاجبك الوضع دا؟اسي لو اكتشفنا انك حامل فجأة حنعمل شنو قولي لي؟
-(بتبكي شديد)يا أمي انا م عندي ذنب انا اتعرضت لاغتصاب عليك الله ارحميني واي زول عايز يتزوجني مفروض يعرف الحاجة دي😔
-ياخ انتي مشيتي ليه بنفسك طلعتي معاه في الشقة عديل يا بنتي نحنا لو فهمنا ابوكي الكلام دا ما حايصدق طيب انا اعمل شنو قولي لي اعمل شنو اموت نفسي وارتاح يعني😫💔😭
-(بتبكي)نحنا نمشي ونقدم شكوة بس والقانون حايحلها
-حايحل شنو قولي لي؟أول شي الشقة بكون باعها من حصل الحصل أو اصلا هي ما حقتو ومأجرها وتاني حاجة ديل ناس غنيانين ولو عايزين يشترو ناس بشتروهم حيطلعو منها زي الشعرة من العجيبة ونحنا سمعتنا حتخرب بس عشان كدا احسن تعرسي ولو عايزة تكملي قرايتك من بيتك كمليها
-(مخنوقة)خلاص ي امي اعملي الشايفة كويس😔
•
•
•
بتتذكر في أختها و في اللبس الشافتها الابساه بعد ما نزلت من العربية اتصدمت فيها وهي فاكرة انها بتشتغل عشان أبوها لكن هي بتشتغل عشان روحها ما قدرت تعمل ليها حاجة لأنها شاكلتها وقالت ليها ما تدخلي وما بخصك انا اعمل شنو وهي سكتت فكرت تكلم أمها لكن خافت عليها يمكن تنصدم أو تجيها حاجة وابوها مستحيل تفكر تكلمو لأنو ما حيتحمل وهو كبير في العمر💔ما عندها حل غير انها تتصرف بنفسها مشت المركز عشان في محاضرة ولحسن الحظ دكتورة ماجدة الليلة حتتكلم عن (اتخاذ القرار)
بعد ما سلمت عليها وقعدت وهي بدت
(الليلة انا حاتكلم ليكم عن اتخاذ القرار وكيف نقدر نتخد القرار الصح وكيف نقدر نقرر بسرعة ومن غير ما ناخذ زمن كتير في التفكير في القراب الصح♥️اول حاجة نحنا عشان نتخذ القرار الصح بنخت ٥ أصول الأولى ربنا سبحانه وتعالى هل القرار الانتي حتخديهو حيخرب علاقتك مع ربنا؟الحاجة التانية ناس البيت واهلك؟هل القرار دا ممكن يخرب علاقتك مع ناس بيتكم او يضرهم؟الحاجة الثالثة صحتك هل القرار دا ممكن يضر صحتك؟الحاجة الرابعة اجتماعيا هل القرار ده ممكن يأثر في علاقتك الاجتماعية مع الناس؟الحاجة الخامسة شغلك او قرايتك؟هل القرار دا ممكن يأثر في شغلك او قرايتك؟
لو لقيتي انو ما بأثر في اي حاجة من ديل ممكن تفكري تعملي لكن بعد ما تكتبي السلبيات الممكن تجيكي منو الإيجابيات الممكن تجيكي منو واكتر حاجة بتطلع ليك اعمليها♥️ أما لو احترتي بين قرارين برضو حاتشوفي ال٥ اصول وحاتشوفي السلبيات والايجابيات لكل واحد وتختاري الأقل سلبية واهم حاجة الاستخارة اذا احترتي في أمرين طوالي تستخيري ربنا اتعودي على الاستخارة في اي حاجة في حياتك لأنها الأفضل دوما♥️♥️)
•
•
•
-حبيبة منذر😉
-اه عليك الله😑
-مالك ي بنت زعلانة كدا؟
-ياخ اتخيلي عايزني اساعدو لأنو جاي السودان وعايز يعملها مفاجأة لأختو😑😑
-اججي اسي البزعل شنو؟😲
- كيف يعمل مفاجأة لأختو وانا طيب ما بهمو يعمل لي مفاجأة؟😑
-يمكن المفاجآت جايبها معاه لما يجي😉
- ما عارفة ياخ😑
-ياخ بطلي نكد امشي ظبطي وشك دا اعملي ليك ماسك وكدا وظبطي الشعر عشان اكيد حتمشي تستقبلي في المطار😉
-سمح😑
•
•
•
كانت محتارة في القرار الحتاخدو وهي عايزة تعرف دا منو البتركب معاه اختها في العربية وعلاقتها بيه شنو واللبس البتلبسو لما تشوفو جاتها فكرة انو تتصل على تالا عشان تساعدها لأنها عارفة انها مجرمة لكن كانت خجلانة كيف تكلم صحبتها بس ما كان عندها حل تاني ما ممكن تكلم أمها ما معروف يحصل ليها شنو لو كلمتها يمكن تموت عديل 😫💔شالت تلفونها واتصلت على تالا
-سجوووودة
-ي تيتو🥺
- في شنو مالك؟
-عايزاك تساعديني في حاجة😔
-بس اوعى تقولي لي ود جيرانكم الاهبل المفتري الحيوان داك عشان اشيل الجزمة دي وادخلها في التلفون وتصلك تضربك في راسك الكبير دا😠
- ما سفيان ياخ😔
-اها في شنو طيب😠
-(حكت ليها موضوع ساجدة)
-😲😲أختك مبااااااااااااالغة
-تيتو انا ما حكيت ليك عشان تقولي لي كدا😑😔
-خلاص معليش معليش انا حاتصرف المحققة تيتو سوف تجد الحلل😌
-اها نعمل شنو طيب
-حانتابعها لما تكون طالعة ونعرف دا منو و بعدين نتصرف
-امم طيب
-يلا بس انتي شوفيها حتطلع متين وطوالي اديني رن انا بجيك ونلحقها😉
-وبعد ما نعرف الزول
-نهجم عليه طوالي نضربو كدا لما يقول بس ونقول ليه احسن تبعد عنها😠
-تيتو بطلي
-جادة معاك انتي بس خلي الموضوع علي😌
-طيب😟
•
•
•
فاتحة تلفونها وبتعاين لصور حازم ودموعها بتجري محتارة هو كيف يعمل كدا اصلا هو كيف يسيبها و يمشي وهي بتحبو شديد💔😔في حاجة بتقول ليها انو هو حاصلة معاه حاجة في حاجة خلتو يعمل كدا وانو حيرجع ليها في النهاية في حاجة بتقول ليها انتظريهو😔💔وهي بتبكي امها جات خاشة ليها بقت تمسح في دموعها سريع سريع لكن أمها عرفت انها بتبكي جات قعدت جنبها
- بتبكي مالك؟
-مافي شي؟😔
-كيف مافي شي قبل كم يوم جيتي زعلانة وبتبكي وانا ما سألتك😑
- طيب انتي مادام شفتيني ببكي ليه ما حاولتي تسألي مني تعرفيني مالي؟
-(اتذكرت انها كانت بتتكلم في التلفون)قلت انتظرك تجي تحكي لي براك بس
-لو حكيت ليك ما حاتصرخي فيني؟😔
-اي ما بصرخ
- يا أمي حازم ما عارفاه مالو سافر وانا ما عارفة عنو حاجة وما قادرة اصل ليه حتى😔
-(بتصرخ)انا مش كلمتك مش قلت ليك ما تتعلقي بيه مش قلت ليك من يسافر ما حيشتغل بيك تاني؟مش قلت ليك الناس ديل ما زينا ولا بشبهونا واحسن تبعدي عنو؟مش قلت ليك لكن انتي مستحيل تسمحي الكلام مستحيييييل😠
-حال دا انا قلت ليك ما تصرخي😔
-ياخ بصرخ انتي اصلا مستحيل تسمعي كلامي شفتي الحصل ليك شنو؟😠
قامت طلعت برة وخلت أمها بتصرخ ندمانة انها حكت ليها💔
•
•
•
جات خاشة البيت شافت دالية اختها الصغيرة واقفة مع واحد طلعت ليه حاجة من الشنطة لكن ما لاحظت ليها لانها بعيدة وهو اداها قروش ودان بقت مخلوعة دي قروش شنو وليه اداهم ليها خلت الولد لحدي ما مشى وانتظرت اختها في خشم الباب اختها لما جات اتخلعت
-دالية😑
-دان😲
-دا منوو الكنتي واقفة معاه دا وليه أداك القروش دي؟وانتي اديتي شنو😑😠
-(بتأتأ)دا دا دا اخو لولة صحبتي بتعرفيها انتي
-والقروش دي شنو
- لولة كان قالت اشتري ليها مذكرات من المكتبة الجنبنا وأسي اديتهم ليه وهو اداني القروش بس🙂
ودخلت خلتها واقفة وهي ما قادرة تقتنع بالكلام القالتو ليها اختها
هي طلعت غرفتها وطلعت التلفون الملبداهو واتصلت عليه
-اها اديتي الحاجة واداك القروش؟
-اي
-في زول شافك؟
-اختي😔
-شنووو😲
-بس شافت القروش ما شافت انا اديتو شنو وانا قلت ليها دا اخو صحبتي وانو انا اشتريت ليها مذكرات وهو اداني قروشهم بس
-ايوا شاطرة حبيبتي😉خلاص بكرة بجيك في المدرسة تديني القروش واجيب ليك معي الشوكولات البتحبيها😉
-ي سلام🤤
•
•
•
الصباح في الجامعة،،
كانت لافة شعرها كعكة فوق ولابسة فريم مظلل ازرق بأخضر وبنطلون ازرق وتشيرت اسود وشايلة مفتاح العربية في يدها تلفونها في جيبها سمعت صوت مسج لما فتحتو لقت انو من نفس الرقم البرسل ليها طوالي(يعني انا اخلي ليك الأزرق دا ولا شنو؟😉)
بقت تتلفت يمين وشمال وبتقول في نفسها اكيد الحيوان دا قريب من هنا الليلة الا اعرفو والله اخلي خشمو ملح ملح لمحت واحد ماسك تلفونو وواقف تحت شجرة طوالي جرت ليه ووقعت التلفون من يدو وبقى مخلوع😲
-دا شنو يا مجنونة😠
-مجنونة انا يا حيوان يا متخلف يا واطي بترسل لي ليه؟عامل فيها راجل يعني؟وكمان بتراقبني؟انت فاكر اني زي البنات المدلعات ديل فاكر اني ممكن افرح من رسايلك يعني؟😠على فكرة انت عبارة عن قمامة بس تفووو عليك وعلى شكلك وبعدين بتدس مالك تعال واجهني راجل لراجل عشان انا اوريك😠😠
الناس اتلمو بعد سمعو الصراخ والولد مستغرب وزهجان
-ياخ عاملة لينا بهرجة في الجامعة قلنا معليش بتلبسي زي الأولاد قلنا معليش صوتك العالي زاعجنا ومكرهنا قلنا معليش لكن تجي تشيلي تلفوني من يدي وتوقعي في الأرض وتتهميني بحاجة انا ما عملتها لا كدا ما بسمح ليك😠
-عايز تعمل لي شنو يعني وانت زاتك كان راجل صح صح بتدس ورا الرسايل مالك ما تظهر عديل😠
-ياخ انتي مجنونة في راسك دا؟امشي شوفي البرسل ليك منو واخطيني😠
-كويس انا بوريك الجن على اصولو
وجات عايزة تضربو لذتو لورا والناس جات تحجز وهي تقول ليه والله ما اخليك يا حيوان😠
بعد تعب فكوها منو والولد ساقو اصحابو عشان هو زاتو كان هايج وهي لسه بتنبذ فيه شالت تلفونها وهي زهجانة لقت رسالة من نفس الرقم( بتضربي ود الناس ساي مالك؟لكن بحب وحشيتك دي😉)
انفعلت أكتر وبقت تصرخ يا جبان أظهر عشان والله لو لقيتك ما حيحصل خير باكلك بأسناني😠والماشي والجاي يعاين ليها ويقول دي مجنونة والله😂
جميلة .. بكل ما أوتيت من حُزن💙
#يتبع
