هو منزل راسو في الأرض وما قادر يقول اي حاجة لأنو غلطان اولادو كلهم خجلانين مرتو منهارة مزمل بعاين ليه عين حقارة انت يعني انت البتقول لي ما تعمل كدا وكيف تعمل كدا في بنت الناس وخليتني اتزوجها وانت اسي البتعمل فيه دا ما عيب ولا ما حرام؟😏
شوية وجو اهل ساجدة أمها وابوها واخوها برضو وصلهم الخبر وعمل ليهم صدمة وكلهم خايفين وما فاهمين حاجة ما عدا سجدة لأنها عارفة ولما جو انصدمو أكتر لما عرفو هم قبضوهم ليه وانو جاتهم شكوة انو الشقة دي بمارسو فيها أعمال غير شريفة وغير لائقة وفي اللحظة دي ابو ساجدة وقع وبقو يحاولو يصحو فيه واخوها طاااخ اداها كف وشال راسها عايز يضربها بالحيطة لكن مسكو وبقو يصحو في أبوها وامها بتبكي وبتصرخ
-عجبك الحصل دا ابوكي دا لو حصلت ليه حاجة انتي حاتكوني السبب في اي شي اسي عاجبك الحصل دا؟وريني استفدتي شنو غير ضيعتي شرفك وضيعتينا معاكي استفدتي شنوووووو؟
وهي ساكتة ما قادرة تتكلم
اتلفتت على أبو تالا
- ما حرام عليك تعمل كدا في بنتي ما بتخجل على عمرك البنت قدر اولادك ما بتخجل تدمر ليها مستقبلها.
هو كان خجلان وما قادر ينطق ولا بكلمة الناس دي كلها ما قادرة تصدق الحصل تالا وسجدة اي وحدة بتعاين للتانية وما عارفين العملو دا صح ولا غلط بيجاي بيجاي هو كلم الناس البعرفهم وطلعو من القسم بملابسهم زاتها أبو ساجدة وامها واخوها قالو ليها انو ما ترجع معاهم البيت وهم تاني ما بعرفوها ومتبرين منها وهي وقعت في الأرض وبقت تبكي وتحنس فيهم عشان يسامحوها وفي اللحظة دي ابو تالا اتدخل وقال ليهم انا حاتزوجها والصدمة وقعت على كل الناس خاصة تالا وسجدة ما متوقعين حاجة زي دي وساجدة في اللحظة دي فرحت انو حلمها حيتحقق وهو حيتزوجها لكن مرتو اتدخلت وقالت ليه اذا حتتزوجها انا حاطلق منك ووقعت صاقعة قوية عليه وعلى ساجدة.
•
•
•
ردت على مصعب وهي بتبكي وهو بسأل فيها في شنو والحاصل شنو وبتبكي ليه وحكت ليه انو اختها مخطوفة وهي في المحل الفلاني وهي ما عارفة تمشي ليه كيف وهي ما معاها زول وهو قال ليها خليك محلك انا ٥ دقايق وبجيكي وشال عربية صحبو وجاء جاري ليها بأقصى سرعة ليه ولقاها واقفة في الشارع بتبكي وقف ليها وركبت وهي بتتنهد وخايفة وهو قال ليها انا بعرف المكان دا لكن أول شي نتصل على الشرطة لانوو حايكون خطير علينا نمشي برانا واتصلو على الشرطة وهم اتحركو على المكان وهي بتدعى انو اختها ما تحصل ليها حاجة.
في جهة تانية،،
كانت قاعدة مع البنت الساعدتها واتصلت على دان والبنت قالت ليها عشان هم ما يعرفو بالخطة بتاعتنا انتي البسي اللبس الجابو ليك وانا حابدا امكيجك لحدي م أختك تجي وهي وافقت ومشت لبست و في الاثناء دي محمد اخو حسام الي هو كان حبيب دان جاء البيت دا عشان يشوف الأوضاع ولقى اخوهو وقال ليه انو جاب دالية الي هي أخت دان هنا وقال ليه عملت الصح وعقبالي انا😉 وشنو واصلا هم البيت دا عملو هم الاثنين وبستهدفو البنات الصغار وبجيبوهم هنا💔
•
•
•
قاعد في مكتب جميل كلو بالأبيض ومنظم بطريقة حلوة لابس قميص أبيض مع كرفتة سوداء وشاكيهو في جوة البنطلون كان شعرو قايم كتير وكانو ليه شهور ما حلقو شنبو ودقنو كثيفين شديد خاتي التلفون قدامو وبعاين في صورة ثريا بقربها وببعدها بتأمل في عيونها دموعو ملت الصورة قفل التلفون وهو متأسف على الحصل وعلى بعدو منها وهو بقول ياريت لو ما حصل الحصل كنا اسي مع بعض ياريت لو كنت اقدر أفسر ليك اي حاجة وأوضح ليك الحصل بي للأسف ما قدرت ما قدرت💔💔
•
•
•
ساجدة أهلها قالو ما ترجع معاهم البيت وهي ما بنتهم من الليلة ولقدام وهي كانت بتحنس فيهم عشان يسوقوها معاهم وهي كانت منتظرة انو أبو تالا يتكلم ويقول انو حيتزوجها وللاسف الهي منتظراه حصل بعد ما أبو تالا شاف انو اهلها م عايزنها تمشي معاهم وعارف انو غلطان وانو دمر مستقبل بنت قدر ولدو وبسببو هي للان ما اتزوجت قرر انو يتزوجها ويعقدو في الوقت الحالي عشان يصلح غلطتو ومع انو مرتو قالت ليه انو لو هو اتزوج يطلقها وهو قال ليها لو ما راضية بديك ورقتك طوالي وهنا كانت الصدمة على تالا واخوانها ما مصدقين انو يطلع من ابوهم كدا وانو يستغنى عن امهم بالطريقة دي تالا كانت بتبكي شديد لأنها هي السبب.
بعد رجعو البيت هو اتصل على المأزون طوالي وساجدة كانت معاهم وسجدة وامها وابوها واخوها رجعو بيتهم وقفلو بابهم واعتبرو انو ساجدة ما بنتهم ماتت أم تالا طوالي دخلت غرفتها وهي بتبكي ومقهورة شديد شالت شنطتها ودخلت ملابسها فيها وعايزة تطلع جات تالا قعدت ليها في الأرض وبتحنس فيها عشان ما تمشي وقالت ليها انا بمشي معاك وهي كانت متضايقة لدرجة انها حتى ما اشتغلت بكلام بنتها وشالت شنطتها وطلعت الهول وكانو كلهم قاعدين وأولادها لما شافوها جوها جاريين وبحنسو فيها عشان ما تطلع لكن ابوهم ما عاين ليها حتى كان مستغني عنها تماما💔
تالا جات وقفت في النص وهي بتبكي وقالت
-انا السبب في الحصل دا كلو انا السبب في انو أمي حتمشي تخلينا لأني انا البلغت عن أبوي انا الطلبت ليه الشرطة
كلهم مهجومين😲😳
-اي ما تستغربو انا كنت عارفة انو أبوي بخون أمي وكنت عارفة انو بحب البنت دي الي هي أخت صحبتي سجدة من الثانوي وعارفة انهم بمشو شقتو الفي الرياض وانا وسجدة بلغنا عليهم عشان يتعاقبو على البعملو فيه دا💔
فجأة أبوها جاء وهو غضبان اداها كف طااااااخ👋🏻👋🏻وجراها من شعرها وعايز يضربها أكتر جو منذر وامها مسكوها منو وامها قالت ليه وهي بتصرخ
-تضربها ليه ااه قول لي ليه؟عشان عملت الصح؟عشان بلغت عنك وانت اصلا غلطان واكبر غلط كمان؟😠
-ياخ يومك لا ابو شكلك انتي وبنتك يعني عشان بكرة يجيبوني في الجرايد؟واخسر قروشي واخسر اي شي؟اطلعي لي من بيتي انتي وبنتك وما عايز اشوف زول فيكم تاني😠
-اصلا طالعين ليك ولا حتى بنتشرف نكون قاعدين مع واحد زيك
وساقت تالا من يدها وجو طالعين طوالي منذر وقفهم وقال ليهم انا ماشي معاكم وقبل ما يمشو وقف قدام ابوهو وقال ليه
-عمري كلو كنت بحترمك وبعتبرك قدوة لي حتى وانا في الغربة بحكي للناس عن حاجات طيبة عنك لكن العرفتو اسي خلاني اتأكد اني كنت خاتي قدوة غلط قدامي ولو ما كنت أبوي كان رديت ليك نفس الضرب الضربتو لأختي ونفس الخيانة الخنتها لأمي💔
-(بزهج)يلا اطلع اطلع سريع يا فاشل واي واحد عايز يطلع من البيت دا يطلع
منذر ساق امو واختو وطلعو من البيت لكن مزمل ومروان قاعدين يطلعو كيف واصلا هم ماكلين وشاربين وصايعين ب قروش ابوهم سكتو ساي وقعدو في غرفهم لكن سارة موقفها كان ضعيف هي حيحصل معاها شنو في الوضع دا؟💔
•
•
•
وهم ماشين في الشارع لحدي ما قربو من البيت ومصعب اتصل على ضابط بعرفو وقال ليه نحنا قربنا وقال ليه استعجل عشان يخشو سوا لأنهم براهم ما بقدرو مع انو دان كانت مصرة انها تخش لأنها خايفة انو داليا تحصل ليها حاجة لكن مصعب منعها لأنو خايف عليها💔
دالية البنت كانت بتمكيج فيها براحة براحة وكل شوية بتجي المرة الكريهة ديك وتقول ليها لسه ياخ واستعجلي وبتاع وهي تقول ليها قربت وكدا والشرطة اتأخرت بعد نص ساعة كدا جو والضابط لاقى مصعب ودان وهم بقو ماشين قدام وهم وراهم وهناك دالية البنت اضطرت تطلعها بسبب المرة الكريهة ديك وهي خايفة وبتبكي انو اختها ما تلحقها وحسام كان واقف ليها من بعيد وهو بضحك ومبسوط انو حبيبتو في اليوم دا حتبقى ملكو وكان جنب محمد اخو وهو بقول ليه شفت والله قدرت تجيب الصغيرة عقبال ما اجيب الكبيرة😉 وهم بضحكو مبسوطين فجأة الشرطة اقتحمت المكان والناس دي كلها بقت تصرخ وتتجارى والبنات حاولو يهربو والتلبت من الشباك تلبت والما قدرت تطلع ودان خشت وشافت اختها قصادها وهي جرت ليها حضنتها وهي بتبكي وبقو يبكو هم الاثنين والشرطة قبضت الناس القدرو يقبضوهم وكان منهم محمد وحسام وهنا دان ومحمد اتلاقو وهي مصدومة منو مصدومة شديد وهو هنا عرف انها هي السبب في انو الشرطة يجو وبقى شايل ليها حقد دفين💔
•
•
•
بليل سامي جاء يتفقد أمو واختو ويشوف وضعهم عارف انو امو قاعدة في غرفتها ماشي ليها وهو بسمعها بتبكي وبتتكلم مع نفسها وبتقول (ياريت لو ما فكرت اخونك ياريت انت لو ما كان شفتني معاه ما كان حصل ليك كدا كنت حاتكون اسي معانا بس انا عمري كلو ما قدرتك السنين دي كلها قلبي كان معاه هو بعد ما جبت منو سامي واتزوجتك بس عشان ما اتكشف لأنو أهلي ممكن يقتلوني حتى بعد ما اتزوجتك ما قدرت اكون كويسة معاك وبالي بقى معاه هو مع انو ما موفر لي حاجة غير القروش وانت موفر لي المحبة والحنية والرجولة واي شي بعد دا انا فضلتو عليك وخسرتك انت خسرتك للأبد💔😔
سامي كان واقف في الباب ومصدوم من السامعو مصدوم شديد بتجيهو في راسو كلمة وحدة وبتتردد ليه كل مرة انو ابوهو مات بسببها مات بسببها هي💔طوالي ظهر ليها في وشها
-يعني أبوي مات بسببك؟انتي السبب لأنك خنتيهو مع الراجل الحقير داك؟
وهي انصدمت أكتر لما عرفت انو ولدها سمع كل الكلام وبقت تبكي اكتر
-انا غلطانة والله غلطانة ما قصدي اعمل كدا انا بس كان همي اني اجيب قروش ليكم واني اعمل ليكم كل النفسكم فيه انتو بس البتهموني💔😔
-ياخ انتي ما بهمك شي غير نفسك أبوي زاتو بكون ارتاح والله بكون ارتاح ربنا ريحو من الاستغلالية من الخيانة بالجد ربنا ريحو💔
وطلع الشارع وهو دموعو محبوسة في عيونو💔
ثريا عايزة صحباتها يجوها ويقيفو معاها لأنها محتاجة ليهم شديد في اللحظة دي رسلت ليهم رسايل وكلمتهم بالحصل لكن مافي وحدة قرت الرسالة بسبب الحاصل معاهم💔
•
•
•
سجدة بيتهم كان كلو توتر بسبب الحصل هي متضايقة لأنو هي وتالا فكرو في الفكرة دي ياريت لو كان خلوهم ساي بدل عملو العملو أبوها ضغطو مرتفع وهم خايفين عليه امها بتبكي وما راضية تاكل ولا تشرب أخوها يشيل وينبذ في ساجدة وهو خجلان شديد من الحصل خجلان شديد كان يقول ياريت لو كان عرست ليها لما اتقدم ليها صحبي فلان لما اتقدم ليها ود جيرانا فلان لما اتقدم ليها ود عمنا فلان ما كان حصل الحصل💔
•
•
•
قاعد بفكر انو ليه كم شهر من عرف ثريا دي وللان ما قدر يصل للعايز يصل ليه ياخ ليه البنت دي طولت معي شديد كدا ما ممكن تكون كدا؟انا اي شي عملتو ليها بالجد ما ممكن💔
وهو قاعد براه فجأة جو اصحابو وبقو يشربو جبنة وفتحو سيرة مزرعة صاحبهم الاشتراها وانو امورو واضحة وكدا وهو في اللحظة دي جاتو فكرة
•
•
•
منذر وتالا وامهم طلعو من البيت وهم آمالهم مخيبة حتى ما متوقعين الحصل دا ولا انو يحصل من ابوهم لكن منذر وتالا اتفقو انو لازم يخلو امهم تطلع من الجو دا بأي طريقة أجرو ليهم شقة مفروشة عشان يقعدو فيها الأيام دي لحدي ما يشترو بيت.
ساجدة قاعدة ما عندها اي ردة الفعل من الحاصل بس ما عارفة منو الحيعقد ليها وابوها واخوها قفلو سكتها وهي ما شغلتها هي بس همها انو يعرسها وتقعد في القصر دا وتبقى ستو طوالي فكرت في عمها لو اتصلت عليه وعرف انها حاتعرس واحد مرطب عادي ممكن تديهو كم الف كدا وطوالي يعقد ليها وقامت اتصلت عليه وقالت ليه انو يجي اسي ووصفت ليه البيت وهو ما كان عندو مشكلة بعد عرف انو القصة فيها قروش👋🏻
سارة قاعدة في غرفة تالا وهي محتارة ما عارفة حيحصل ليها شنو حتى💔وتالا مافي وهي ما بتعرف زول في البيت دا فجأة دخل ليها مزمل وهي اتخلعت وخافت شديد ونططت عيونها وهو شكلو زهجان وعايز يتفشش فيها
- ما قاعدة في غرفتك مالك ي بنت😠
-(وهي خايفة)ع ع ع شان تالا قالت لي اقعد هنا
-(بصرخ)ما تقولي لي تالا ولا زفت يعني انتي ما عارفة انك مرتي؟عارفة ولا ما عارفة؟😠
-ع ع ارفة😭
- طيب مالك؟مالك عايزة تقلي ادبك معي؟😠
وهو بطلع في القاش من البنطلون وهي بدت تبكي وطوالي بدا يضرب فيها وهي تصرخ لكن مافي زول سامعها وهو يشيل ويصرخ فيها ويضربها وجسمها عمل آثار وبقى احمر💔
*كان يُلمّح لشخص آخر حين كنت تظن أنه يقصدك !♥️*
#يتبع
