[Unicode]
အချိန်ပိုင်းအလုပ် ပြုတ်ခဲ့သော်လည်း
သူငယ်ချင်းအသစ်လေးက သူဌေးလောင်းပင်မို့
ထယ်ယောင်းအတွက် အလုပ်ချက်ချင်းရှာပေး
နိုင်ခဲ့သည်။
ချန်းရဲ့ မိခင်ဖြစ်သူရဲ့ လက်ဆောင်ပစ္စည်း
အရောင်းဆိုင်မှာ ထယ်ယောင်းကိုအလုပ်တစ်ခု
နေရာပေးမှာမို့ထယ်ယောင်းအပျော်ကြီး
ပျော်နေလေရဲ့ ...
"ထယ် မနက်ဖြန်ချက်ချင်းအလုပ်ဆင်းစရာမလို
ဘူးနော်။ ထယ်အဆင်ပြေတဲ့အထိ
အေးအေးဆေးဆေးနားလို့ရတယ်"
"မရဘူး လာမယ်။
သဘောကောင်းလွန်းတဲ့ သူငယ်ချင်းမျက်နှာလေးကို
လွမ်းလွန်းလို့ သေချာပေါက်ကိုလာတွေ့မှာ"
ထယ်ယောင်းရဲ့ အချိုသပ်ပြောသံကိုတစ်ဖက်က
ချန်းလည်း သဘောတကျနှင့်ရယ်သံပြုသည်။
"ဟုတ်ပါပြီ အလုပ်တော့ဆင်းစရာမလိုဘူး။
လာတွေ့ပြီးသူငယ်ချင်းလေးကိုမုန့်တွေဝယ်ကျွေးပေါ့"
"ကျွေးမှာ ကျွေးမှာ မနက်ဖြန်ကျရင်တွေ့မယ့်
အချိန် messageပို့လိုက်မယ်"
"ဟုတ်ပါပြီ ကိုယ်စောင့်နေပါ့မယ်"
ချန်း နှင့် သူငယ်ချင်းဆက်ဆံရေးမှာ
ထယ်ယောင်း နွေးထွေးမှုတွေကိုအပြည့်အဝခံစား
ရသည်။ မတွေ့ရတဲ့ ရက်တွေအတွင်း မကိုင်မိတဲ့
ဖုန်းတွေအကြောင်း ချန်းကစိုးရိမ်တကြီးအခြေအနေ
တွေမေးတဲ့ အခါ ထယ်ယောင်းစိတ်သက်သာရာရ
သည်။ကိုယ့်ကိုဂရုစိုက်တဲ့သူငယ်ချင်းတစ်ယောက်ရှိသည်ဆိုသောအသိဖြင့်တကယ်ကိုအားဖြစ်ရပါသည်။
.
.
.
ဝယ်လာသော ကိတ်မုန့်ဗူးလေးကိုဆွဲကိုင်ကာ
ကားပေါ်မှအမြန်ဆင်းပြီး တစ်စုံတစ်ယောက်ကို
ပျော်ရွှင်အောင်ဖန်တီးမယ်ဆိုတဲ့ကြည်နူးစိတ်
ဖြင့်အိမ်ကြီးထဲဝင်ရန်ပြင်စဉ် ခြံထဲခုံတန်း၌ ရယ်ပြုံး
နေသောပုံရိပ်လေးကြောင့်ဂျောင်ကုရဲ့ခြေလှမ်းတွေကဦးတည်ချက်ပြောင်းရသည်။
အချိန်တစ်ခုကြာသည်အထိ ပျောက်ကွယ်
သွားခဲ့ပြီးသောလေးထောင့်ဆန်ဆန် နှုတ်ခမ်းပါးရဲ့အပြုံးကိုရုတ်တရက်မြင်လိုက်ရတဲ့ချိန် ဂျောင်ကုရဲ့နှလုံးခုန်နှုန်းတွေ မြန်လာရသလို...
