စက်သွေးတို့နှစ်ယောက် စကားမပြောဖြစ်တာ နှစ်ရက်လောက်ရှိပြီ ဖြစ်သည်။ အရင်တခါ ခေတ်သစ်ကို နမ်းပြီးတည်းက စကားသိပ်မပြောဖြစ်ကြပေ။ သူပြောလည်း ခေတ်သစ်က ပြန်ပြောချင်မှ ပြောသည်။
အပြင်သွားဖို့ ခေါ်လည်း မလိုက်ပေ။ ခေတ်သစ်ကို ခေါ်မရတာကြောင့် စက်သွေးလည်း အလုပ်ကို မသွားဖြစ်ပေ။ စက်သွေး စည်သူနဲ့ ဖုန်းခေါ်ပြီး ရဲစခန်းက ကိစ္စကိုပြောဖြစ်သည်။
တီ...
" Hello "
" စည်သူ မင်း အခုရန်ကုန်မှာလား "
" အေး... ဒါနဲ့မင်းကခုဘယ်မှာလဲ ငါတို့တောင်အဆက်အသွယ်မလုပ်ဘူး "
" အဲဒါအသာထားအုံး ခေတ်သစ်မဂ်လာပွဲနေ့က လူတစ်ချို့ သူ့ကို မေ့ဆေးတို့ပြီး ခေါ်သွားကြတာ အဲ့လူတွေကို ငါရဲစခန်းအပ်ထားခဲ့တာ မင်းသွား ဖြေရှင်းလိုက်အုံး ဘယ်သူလုပ်ခိုင်းတာလဲရော သေချာစုံစမ်းခဲ့ "
" ဪ အေးအေး... ခေတ်သစ်ကအခုမင်းနဲ့အတူရှိနေလား "
" အင်း ဟုတ်တယ် ဒါပေမဲ့ သူနဲ့ငါနဲ့ငြိမ်းချမ်းရေးယူရအုံးမှာ ဒီကိစ္စကိုဘယ်သူမှမပြောနဲ့နော် ငါနဲ့အတူရှိနေတာတွေရော "
" အေးပါကွာ ငါအဆင်ပြေအောင်လုပ်ထားလိုက်ပါ့မယ် "
" အေးအေး..ဒါဘဲ "
တီ...
ခေတ်သစ်လည်း လုပ်စရာမရှိတာနဲ့ တချိန်လုံး စာအုပ်ဖတ်နေလိုက်သည်။ အိမ်ကိုလည်း ဖုန်းမဆက်ချင်တော့တာနဲ့ ဒီတိုင်းငြိမ်နေမိသည်။ မဂ်လာပွဲအကြောင်း တွေးမိရင်း သူအတော်စိတ်ပျက်နေမိသည်။
စီးပွားရေးလောကမှာ သူနာမည်ပျက်နေမှာ အသေအချာပင်ဖြစ်သည်။ သူ့ကို ဖမ်းခေါ်သွားသော လူတစ်ချို့ကိစ္စ ကိုလည်း စဉ်းစားမရဖြစ်နေသည်။
စက်သွေး ခေတ်သစ်ရှိရာ စာကြည့်ခန်းထဲသို့ လာခဲ့လိုက်သည်။
" ခေတ်သစ် ငါတို့ဒီအတိုင်းဘဲနေတော့မှာလား "
ခေတ်သစ် သူ့ကိုမော့ကြည့်လာသည်။
" ဒီတိုင်းမနေလို့ မင်းကဘယ်လိုနေချင်သေးတာလဲ "
စက်သွေးက ခေတ်သစ်နဲ့ မျက်နှာချင်းဆိုင် ထိုင်ခုံမှာ ထိုင်နေတာဖြစ်သည်။
YOU ARE READING
Love Sick
Fiksi Umum.......မင်းညတိုင်း ငါ့ကို ခိုးနမ်းနေတာဘဲ ခွင့်တောင်းဖူးလို့လား...... 👨❤️👨 #အလွန်ရိုးရှင်းလွန်းတဲ့ Fic လေးပါ✌ အပျော်တမ်းဖတ်ဖို့☺