ဟန်သာ အိပ်ရာကနိုးလာပြီး
အောက်ထပ်သို့ဆင်းအလာ ဧည့်ခန်းထဲတွင်
ဦးဟန်ရှိန်နှင့် ဒေါ်မြတ်သာတို့နှင့်အတူ ဦးသူရနှင့် ဒေါ်ဖြိုးသိင်္ဂီတို့ စကားထိုင်ပြောနေကြသည်ကို တွေ့လိုက်ရသည်။
ဦးသူရနှင့်ဒေါ်ဖြိုးသိင်္ဂီတို့ကို နှုတ်ဆက်ရန် ဧည့်ခန်းထဲသို့
ဟန်သာ ဝင်သွားလိုက်သည်။
ဒေါ်ဖြိုးသိင်္ဂီဘေးရှိ ဆိုဖာပေါ်တွင်
ဝင်ထိုင်လိုက်တော့ ဒေါ်ဖြိုးသိင်္ဂီက
ဟန်သာ့ခေါင်းလေးကို ကိုင်ကာ အသာအယာ စကားဆိုလေသည်။
'သားလေး....နိုးလာပြီလား အစောကြီးရှိသေးတယ်
အိပ်သေးတာ မဟုတ်ဘူး.....'
'ဟာ.....အန်တီသိင်္ဂီကလည်း.....မစောတော့ပါဘူး...အခုဘဲ ၈နာရီထိုးနေပြီကို....'
ဒီအချိန်တွင် ဟန်သာ့မေမေ ဒေါ်မြတ်သာကဝင်ပြောလေသည်။
'ဟန်သာက ပြောင်းပြန် သိင်္ဂီရေ....ကျောင်းဖွင့်ရက်ကျတော့ နှိုးလိုက်ရတာ
ကျားမြီးသာပြေးဆွဲချင်တယ်....တော်တော်နဲ့မထ...ဟော...ကျောင်းပိတ်ရက်ကျရင်တော့ မအိပ်တော့ဘူး...နှိုးစရာတောင်မလိုဘူး အစောကြီးနိုးနိုးလာတာ....အိပ်ဖို့အချိန်ရှိတော့မအိပ်ဘူးလေ....'
'မေမေကလည်း.....'
နံဘေးတွင်ရှိနေကြသော ဦးသူရနှင့် ဦးဟန်ရှိန်ကတော့
ဘာမှဝင်မပြော....ပြုံးစိပြုံးစိနှင့်....ထိုင်ကာနားထောင်နေ
ကြလေသည်။
'သိင်္ဂီရယ်....ကလေးကိုပြောမနေပါနဲ့.....
အိမ်ကတစ်ယောက်လည်း တူတူပါဘဲ....အခုထက်ထိ မထသေးဘူးလေ....ကျောင်းပိတ်ရက်ကျ နေဖင်ထိုးတဲ့ထိ အိပ်တာ.....'
'ကလေးတွေကလေ.....တစ်ယောက်တစ်မျိုးစီနော်....
သားဖြိုးလေးနဲ့သားသားက တူတာတောင် ပြောင်းပြန်တူတာပေါ့...ဟား....ဟား....'
ဦးဟန်ရှိန်က ရယ်မောရင်းနှင့်ပင် ဝင်ပြောသည်။
ထိုအချိန်တွင်ပင် ဦးဟန်ရှိန်က ဆက်၍ပြောလိုက်သည်။
'သူရနဲ့သိင်္ဂီ မင်းတို့ကို တစ်ခုအကူအညီတောင်းစရာရှိတယ်.....'
ဦးဟန်ရှိန်က ပြောရင်းနှင့် ဒေါ်မြတ်သာကို တစ်ချက်ကြည့်လိုက်တော့ ဒေါ်မြတ်သာက 'ပြောလိုက်'ဆိုသည့် သဘောနှင့် ခေါင်းငြိမ့်ပြလေသည်။
STAI LEGGENDO
❤Love is Smiling❤ (Z/U)(Completed)
Storie d'amoreအခ်စ္ဆိုတာ ဘာလဲလို႔ေမးတဲ့အခါ သူမ်ားေတြကေတာ့ ေပးဆပ္ျခင္း(ဒါမွမဟုတ္)ရယူျခင္းစသျဖင့္ေျပာၾကလိမ့္မယ္။ ကၽြန္ေတာ့္အတြက္ကေတာ့ Love is smiling Boy love(own creation) အချစ်ဆိုတာ ဘာလဲလို့မေးတဲ့အခါ သူများတွေကတော့ ပေးဆပ်ခြင်း(ဒါမှမဟုတ်)ရယူခြင်းစသဖြင့်ပြောကြလိမ့်...
