أحبتي اكتب لكم قصة من الواقع عن لسان أبطالها
الشيخ أركان وعشك تالي العمر فصلية!!!
(البارت الأول) للكاتبة ام ماهر الكربلائية
ام ماهر /عرفي نفسج للقارئين الكرام
البطلة //تدللين عزيزتي الغالية!!
اسمي مريم مواليد 1968 بشرتي بيضاء جدا طويلة رشيقة شعري طويل لحد قلم رجلي أحبة وإداري دائما اسود وناعم عيوني خضر فاتح مطلقة كنت متزوجة من أحد اقاربنا عندي اربع أطفال ٢ولد و٢ بنات طليقي اسمة علاء و لدى حسن وحسين وبناتي ملك وشهد صارلي ٩ سنوات مطلقة وطليقي حرمني من شوفت بناتي نهائيا بس ابني الز غير يزورني بلخفية!!!
وبيوم من ايام سنة ٢٠١٠ صحيت الصبح على صراخ امي
الأم //يممممةةةة وليييدددددي راح ينكتل ولك يمة ليش هيج تسوي ليييييششششش
مريم //شكووووو يمة شصاااارررر (وهي تنزل من الدرج ركض)
الأم // ولج اخوج مسوي مصيبة شكبرها ناهب بنت العالم وجاي ويردون يكتلونة أهلها!!
مريم //عزززززة بعينة
موعندة مرة وجهال زغييير هو
الأم //ولج هاذ حظي مدلي على الدرب الاعوج (وتدك على رجليها من القهر)
مريم //اخوتي وين سليم وعقيل؟؟
الأم //راحو و للشيخ بلكي يسدون السالفة حتى اخوج باسم راح وياهم
مريم //رحت للمغسلة وغسلت وجهي ورحت سويت ريوك واجيت كلت لأمي تاكل وياي بس ما قبلت كلبها على عباس اخوي ابو الطلايب اني أكلت وكمت غسلت المواعين مال الريوك وطبخت الغدة
الأم // يمة ريمة (اسم الدلع مالتي ريمة)
مريم //كولي حبي سمعا وطاعة (واني انحني الها جنت احاول اخفف عنها القلق)
الام//روحي رتبي الاستقبال خاف يجي احد وية اخوتج!!
مريم //تأمرين أمر صار حبيبتي ورحت مسحت الطبلات والميوزة وعلكت المراوح هويت الاستقبال وفتحت الشبابيك حتى يداور الهوة!! ااستقبالنا خارج البيت مقابل شباك الصالة
الأم //يمةةة بطووو الولد بس لا كتلوو عباس أهل البنية ومالحككو عليه اخوتج!!
مريم //شني السالفة يمة والله خيالج واسع انشالله ماكوو شي بس كولي ياالله وحضنتها وبستها بخدها وهي نزلت ادموعها مثل الطفل وكأنو جانت منتظرة احضنها. ساعة ٤ العصر سمعت سيارة وكفت آبابنا وسمعت صوت اخوتي عرفت اجو باوعت من الشباك شفتهم همة وعمي كاظم ولد عمامي وزلم غربة وياهم ركضت خليت الغلاية على الكهرباء وسويت جاي
وحضرت الصينية والاستكاين جنت لابسة دشداشة فيزون ماروني وبيها شليل اسود و٣ أرباع الردن واكفة على السنك وسمعت واحد كال شلونج بنت عمي
مريم//ياهلا والله بابن العم شلونك ماجد
ماجد //زين وهسة صرت احسن (ويغمز بعينة ومبتسم)
مريم //دومك انشالله زين شلونها ندى؟؟؟ اتعمدت اسألة عن زوجتة من باب التذكير
ماجد//عكد حواجبة واختفت ابتسامته / زينة وين الجاي
مريم //هههههههههه سلامة الشوف ابن عمي مو دا اصب
ماجد//ههههه مامنتبه (وهو يخلي ايدة على راسة ورجع شعرة ليورة)
مريم //صبيت الجاي واخذة وراح واني رحت لشباك الصالة اسمع شيكولون
العم كاظم //بوية هي البنية الجاية برجليها مو اخوكم رايحلها وجايبها مالهم حق علينة
سليم //عمي ادري بس هو ظمها وماكال لأهلها هي يمة ومجلب بيها يكول يكتلوها أهلها واني اموت وياها
عقيل //الكبر لفة مو عندة مرة مثل الغزالة وجهال ٣ ورود وراكض ورة هاي تكول صخلة
العم // هههههههههه الحب ياعمي يسوي الهوايل
سليم //عاب هيج حب وشوكت شافها وحبها وهي من غير محافظة؟؟
______________________في مكان آخر من أرض العراق
بيت الشيخ علي أبو أركان
أركان //جنت نايم وسمعت مرت ابوية تصيح نزلت اركض
هاهاها شكووووو شصاير ياستارر من الصبح
سعدية مرت ابو أركان //ولك يمة الحك اختك ماهي كعدت الصبح ملكيتها
أركان //ياهي منهن؟؟؟
سعدية //منال ماهي؛؛ اهئ اهئ اهئ
أركان //خاف أبيت عمي اتأكدتي منها؟؟؟
سعدية//سألتهم ماكو اقتربت كل عمامنا وجوارينا ماكو اهئ اهئ اهئ
أركان //انخبصنا وندور وماكو مالها إثر ماخلينا مكان يعتب علينا وماكو وجنة مزوهرين عليها لان ميت فكرة تجي على الواحد بهيج ظروف
من شدهتي نسيت اعرفكم بنفسي اعذروني
اسمي أركان على مواليد ١٩٦٠ طويل ومتروس وجسمي معضل عيوني عسلية وحادة حنطاوي مايل للبياض لون شعري اسود وبي طول ما احب اكصرة وناعم متزوج ٣ نسوان اول وحدة المرحومة ام أكرم بنت عمي وعندي منها
أكرم وامجد وهدى والثانية بنت عمتي اتزوجتها بعد سنة المرحومة ام أكرم وعندي منها سجاد ١٢ سنة عمرة وبسمة ٥ سنوات والثالثة غريبة هدوهة لابوية وصارت مشاكل بينة وبين سعدية وكلي انت اتزوجها بس ما صار عدها جهال صارلها ٣ سنوات عندي يمكن لان ما اوصلهن الا بالصدفة مالي رغبة بيهن ابد وما نسجمت وياهن جنت مجبور عليهن مااكدر ارد كلمة أبوية الشيخ بس جنت اكتم قهري بكلبي واسكت حتى ضحكة ماتمر على وجهي دوم مهموم
المهم نرجع لليوم إلى اختفت بي منال ضلينة أربعة أيام اندور ماخلينة مكان ما دورنا ماكو الها إثر
غزران اخو أركان من ابوو//جنت داخل ارتاح شوية من التعب والقهر البكلبي على اختي وكثر ما دورنا والتفكير شل حالنا مريت من يم باب غرفة امي واسمعها تتعارك وية زوجتي جنان ادنيت اريد اشوف شبيهن يتعاركن وانصدمت بلى سمعته 😲😲😲😲
_________________________________________________
مشكولة ذمتة وذمة والديه إلى ياخذ قصتي وينشرها بأي موقع من مواقع التواصل
شجعوني حتى اكمل بقية القصة رأيكم يهمني هواي
مع تحيات الكاتبة ام ماهر الكربلائية
أنت تقرأ
الشيخ أركان وعشك تالي العمر فصلية
General Fictionظلمها والدها وزوجها غصب لاحد اقاربها وبعد وفاة والدها تنفصل عنه لتقع ضحية عادات ظالمة فهل سينصفها القدر
