الشيخ أركان وعشك تالي العمر فصلية

ج٢ البارت ٤

مساالورد على عيون متابعين قصة
الشيخ أركان وعشك تالي العمر فصلية   جزء 2 وو

البارت الرابع

ام اركان //اني ماموافقة وماريد الناس تحجي عليك وعلى بنتك انت نسيت حسين يمنة صارلة اكثر من شهر شتكول الناس ليش زوج بنتة الة هااااا؟؟؟؟؟

اركان //يمة الناس تعرفني وتعرف بنتي وتربيتها لا تخلين هاي الحجة
اذا عندج شي ثاني گوليي؟؟؟

ام اركان //لا يمة والله خفت على سمعتك وسمعت بنتك ماريد الناس يحجون عليكم!!!!

مريم //نهضت على حيلي)) مشكورة عمة الناس الغرب تعرف تربيتنا وشنو احنا بس قصدج الاقارب كلشي تحجي
واني اباوع على سعدية
وطلعت من البيت مقهورة

اركان //يمة صدگك تحجين
ليش هيج كسرتي بخاطرها؟؟

اكرم //حبوبة منلگة احسن من حسين اخلاق وتربية لاختنا والناس وحجيها اخر همنا

امجد//واني وياك بالراي حسين خوش ولد ومؤدب وماشفنة منة اي تصرف غلط

صفوان //هاااا يمة هسة كلها موافقة انتي ليش تگطعين نصيبهم

((صفوان ابن سعدية بس يصيحون لبدرية ام اركان يمة)))

ِام اركان //هسة بقت عليه اني فوتو بفالكم اني بس خفت من حجي الناس

وداد//بعد ما اخذت موعد من خالد
رحتلة للحديقة لگيتة گاعد منتظرني
شافني نهض وابتسم

خالد //هلا وداد اخيرا اجيتي
وداد //خو ما تأخرت عليك

خالد //حتى لو تأخرتي مستعد انتظرج كل عمري انتي غالية عليه
گولي شنوو ردتي مني؟؟؟؟؟

وداد //هههه  راح اسألك نفس سؤال حامد
انت لساتك تحبني؟؟؟؟

خالد //😳😳
وراح اظل احبج لآخر نفس بيه
حتى لو صرتي لغيري مو قسمتي هم ابقة احبج

وداد//زين جااا اخطبني من اهلي

خالد //امنيتي هاي انج تصيرين الي
بس خايف قرارج اجة بوقت زعل اخذتي وبعدين تعانين منة

وداد//لا قراري عن قناعة تامة اني جنت مراهقة وما اعرف حقيقة مشاعري والدليل اني طردت حامد وما ضجت علية
بس عندي سؤال الك ______

شوكت حسيت انك تحبني

خالد //ههههه لو اكلج متصدگين
حبيتج وانتي عمرج سنتين

وداد//😳😳 معقولة شحبيت بطفلة عمر سنتين؟؟؟؟؟

خالد //اگعدي احجيلج ____بيوم
جنتي زغيرة وجانت امج يمنة مسيرة على امي اني جان عمري ١٢ سنة وعندي غرفة خاصة لوحدي انتي نمتي امج نيمتج على جربايتي
بعيد عن الجهال وهوستهم من رادت

تروح گتلها خليها عمة نايمة مرتاحة
واني اجيبها اذا بجت
ونمت يمج وانتي غافية انگلبتي صرتي بحظني
اني شبگتج وجانت ريحتج طيبة حيل من يومها حسيت روحي تعلگت بيج بقيتي للصبح نايمة
واني حاظنج وثاني يوم هم تكررت الشغلة
وبعد كمت اني من اسمعج تبجين اركض اجيبج انيمج يمي إلى ان كبرتي
وانتي تحت انظاري جنت اجرم بألي يدحجج وشنو تردين اجيبة الج
ومن كبرتي وشفتج هاوية حامد
حسيت اني شگد جنت احبج من عذابي بسببج

وداد//ضجت علية شگد تعذب بسببي كتلة
وهسة راح يخلص عذابك لان فعلا اني موافقة عليك من كل گلبي

خالد //نهضت واني الفرحة ما سايعتني من سمعت كلامها وردت احظنها بس سيطرت على روحي كتلها
يابعد گلبي گلبج وبعد روح خالد گومي هسة اروح على ابوية وعمي اگلهم يزوجوني 😍😍
ورحت لابوية وگتلة واخذتة على عمي للمظيف وابوية گلة على رغبتي بالزواج من وداد وعمي فرح وگال

ابو اركان //يوم المنة ابني من ازوجك بايدي انت واركان نفس المعزة

ابو خالد //خوية اخذ راي البنت اول

خالد //من رخصتك عمي اني اخذت رايها وهي وافقت

ابو اركان //على خيرة الله الجمعة مهر وعقد سيد

وصارت الجمعة وعقدو لخالد على وداد وحسين على هدى بنفس الوقت وصارت لمة حلوة وبدينة نجهز الهم وبعد مرور اسبوعين قررو العرس نهاية الشهر ثنينهم نفس اليوم

حسين //بعد ما عقدت على هدى ظليت وحدي يمها گتلها

مبروووك هدهد

هدى //الله يبارك بيك مبرووك الك هم
حسين // هدهد اوعدج وعد ماراح تندمين ابد لانج قبلتي بية وراح ادللج على قدر ما اگدر

هدى //اريدك سالم واني هم اوعدك ابنك اخلي بعيوني الثنين

حسين //دنكت عليها وهمست يم اذنها  بس ابني؟؟؟

هدى //دنگت خجلانة   لا لا انت هم

حسين //😂😂بووووية صارت طماطة من الخجل
فديت الخجلان اني

مريم //بديت اجهز لابني من الفلوس العندي وگلت لاركان حسين انطاني فلوس ولو هو ما قبل راد هو يجهزلة
بس اني اصريت هاي حياة طويلة
وكلشي يصير بيها يجوز يجي يوم يعيرونة انوو ما جاب جهاز
كملنا جهازهم وبقت بس شوية تعديلات

خالد //گمت اجهز احسن جهاز لحبيبتي وداد واني ارتب بالغرفة اجة حامد وگف بالباب وگال

حامد //مبرووك اخوية العزيز انشالله يوم نشوف جهالك

خالد //الله ايبارك بيك حمودي يوم الالك ((ادنيت علية وكتلة))
گلي حامد خو مو ضايج مني لان اخذت وداد

حامد //لا يخوي اصلا اني ما احبها اني حبيت منال وراحت
الله يمهلك بيها

مريم //قبل العرس بيومين مخبوصين ونحظر للعرس وگاعدين نرتب بالبيت وسمعت هوسة برة
شوية واجت هدى مفزوعة وجها اصفر وتصيح
خااااالة مريم الحگي على _______
____________________________

وإلى هنا نتوقف ونترك باقي القصة الي الغد وليس الغد ببعيد تقبلو تحياتي ام ماهر الكربلائية