الشيخ أركان وعشك تالي العمر فصلية

ج٢ البارت ٣

مساالخير ع الجميع
تعالو معي لبيت
الشيخ اركان وعشگك تالي العمر فصلية        جزء 2

البارت الثالث

هدى //بعدنا نسولف سمعت صوت بدر بجة رادت خالتي تكوم منعتها
كتلها ضلي خالة اني اجيبة ركضت عليه شلتة اخذتة للحمام غسلتلة وبدلت ملابسة وجبتة واجيت خليتة بحظني وثردت خبز بالحليب وكمت اوكلة رادت خالتي تاخذة مني ما قبلت وهو هم حاط راسة بصدري وماقبل يروح الها

اركان //حلوو اجاج لهوو منا ورايح شغلج هذا الطفل

هدى //فرحت من كلام ابوية بداخلي وكتلة اي بابا خطية يريد واحد يداري وخالة مريم ميخليها اسعد تشيل واحد

حسين //گعدت الصبح لگيت امي واركان گاعدين صبحت عليهم ورحت للمغسلة واني اريد اغسل اجت عيني بالمراية وشفت هدى
خالة ابني بحضنها وتوكلة
اوووف ياربي ملاك مو بنت
اجيت گعدت وامي صبتلي جاي وخلت اكل كدامي وكعدو الباقين
والتمينة اتريكنة وسألتني امي

مريم //يمة احجيلي شبيكم ووين مرتك
حسين //حجيتلهم كل الصار بس جنت خجلان من الموقف
اركان //اسمع حسين من اليوم انت واحد من عدنا ولا تروح لاهلك واني ازوجك وعيش اهنا يم امك وخواتك اذا انت تريد طبعا

حسين //والله عمي الي الشرف اعيش بينكم انتو اهل ونعم الاهل بس ماريد اثكل عليكم

اكرم //اسكت اسكت يثكل علينا ومنو كلك انت ثكيل اصلا اني اول الفرحانين بظلتك ابو نسب
خالد //اجيت ادور على اركان بالمظيف ماكو دگيت باب  البيت الجبير مرتين
انفتح الباب وطلعت وداد اجت عيني بعينها ودنگت گتلها اركان اهنا؟؟
وداد//شلونك خالد شخبارك
اركان مو اهنا ابيت مريم

خالد //الحمد لله بخير انتي شلونج؟؟
وداد//بخير اذا انت بخير تفضل طب انت مو غريب (وهي تبتسم)

خالد //لا شكرا راح اتصل بي وهو يجي
وداد//خالد اذا ماعندك مانع اريد احجي وياك بموضوع

خالد //من گالت هيج صفنت اجة على بالي تريد توسطني على اخوية حامد كتلها
تدللين شوكت ما ترديني حاضر احجي اسمعج

وداد//بعد ساعة نتلاكة بالحديقة الخلفية اذا ماعندك مانع لان ماريد واحد يسمعنة
خالد //صار من هسة راح اروح انتظرج هههههههه وعفتها ومشيت

مريم //شگد فرحت من سمعت اركان يهلي بابني ولو مو جديدة عليه وگالنةنحضر الغرفة الجوة لحسين وابنة

اركان //گتلهم يحضرون غرفة لحسين اني طبعا ملاحض هدى بنتي معجبة بي بس هو ماشفت منة اي تصرف غلط اني شيخ والي نظرة
بالبشر منعتها تجي لبيتنا الثاني مادام حسين موجود وهي ما عارضت وكتلها ماتكول لاحد لان ماريد مريم تدري خاف تاخذها بغير قصد

مريم //بقى حسين يمنة واني اداري ابنة وكام ياخذة للمظمد كل يوم يداوي اديه وراح جاب ملابسة وملابس ابنة وطلك مرتة خلعي انطاها الحاضر والغايب مقابل تتنازل عن ابنها وهي قبلت لان مهددها يشتكي عليها لان جوت ابنة وعندة تقارير من الدكتور ورة شهرين
اجة اركان وكال
اركان //مريم اريد ازوج حسين شتكولين لان هو شاب وعندة متطلبات هواي

مريم //ياريت والله بس منين نخطبلة تعرف ناس ينطو مرة وهو مطلك وعندة ولد؟؟؟؟

اركان //اي اكو مرة اني مرشحها الة
اذا وافق هو عليها

مريم //منو هي ومنو اهلها انت تدري هو مجروح من زوجتة الأولى

اركان //راح انطي هدى

مريم //😳😳😳😳ش ش شنوو

اركان //هااا شبيج ما علقتي ع الموضوع

مريم //اذا قبلت هدى ماريدك تجبرها لو تقنعها علية اني عندي هدى اهم من حسين لان يتيمة واحس روحي امها ومسؤلة عنها

اركان //اتقدمت على مريم وحظنتها وبستها بگصتها على طيبة گلبها وكتلها اكيد ياروحي ما اجبرها

ورحت لبيت اهلي وصحت لهدى وگعدنا بالاستقبال گتلها بابا هدى اجة عليج خطاب واريدج تفكرين زين بي اذا قبلتي بي بقناعتج الكاملة گليلي لا تستحين ولا تجاملين احد هاذ حياتج واذا خجلانة مني گولي لاي وحدة من خالاتج مريم لو كوثر لو سمية او وداد ياهي الاقرب الج گليلها

هدى //بابا اني ماريد ابتعد عنكم وماريد واحد غريب

اركان //لا بابا ماتبتعدين عنة الولد هو حسين ابن خالتج مريم بس هاااا ترة عندة ولد وانتي راح تكونين مسؤلة عنة امام الله وامام ابووو لذا فكري زين ولا تردين الجواب هسة
وعفتها ومشيت

هدى//الفرحة ما سايعتني يعني هو هم يفكر بية وراح يصير الي مثل ما تمنيت

مريم // دخلت على حسين لغرفتة لكيتة يگلب بمبايلة گلت مساؤؤؤ حبيبي

حسين //سمعت امي تمسي علية عدلت گعدتي مساء الورد يالغالية

مريم //مشغول عندي موضوع وياك
حسين//لا يمة ما مشغول گولي يالغالية
مريم //من الاخير اريد ازوجك
حسين //ليش يمة ضجتي مني وتردين تذبيني برگبة وحدة غيرج 😂😂
مريم //لا يعمري لو تبقة دهر يمي ما اضوج منك بس اريدك تعيش حياتك مرتاح ولگيتلك شلون مرة تخبل

حسين //يربي امي تريد تخطبلي شلون اكللها احب هدى  حجيت بگلبي
منو هي يمة هاي التخبل؟؟؟

مريم //هدى بنت عمك اركان ____

حسين //فزيت من گالت هدى احس روحي طارت ه ه ها ا ش ش شگلتي
😲😲

مريم //شبيك تلخبطت من سمعت بيها؟؟
حسين //لا لا ماما ما تلخبطت بس فاجأتيني
مريم //ماگتلي موافق لو لا
حسين //معقولة متوقعة اگلج لا هدى حلم كل شاب بس ماريد يصير بينج وبين عمي اركان اشكال بسبب هاذ الموضوع

مريم //لا ابني عمك هو الي گال وانطاك بنته
حسين //بين الفرحة وبين الخجل كلت لامي على خيرة الله بس خاف ما اكدر على مهر ها لان هاي بنت شيوخ
مريم //لا تشيل هم عندي فلوس يم امي اخذها الك ابني
حسين //شبكت امي وبستها الله لا يحرمني منج يالغالية
ومر يومين وجمع الاهل اركان وگاللهم على خطبة حسين لهدى بعد ما ردت هدى بالموافقة
بس تفاجأنة من ردة فعل عمتي بدرية ام اركان
ام اركان //اني ما موافقة عليه وما _________________________
ياترى ليش ما وافقت ام اركان
سنعرف الخبر بالبارت القادم
تقبلو تحيات اختكم الكاتبة ام ماهر
الكربلائية