مسا الخير حبايب راح انزل بقية القصة كما وعدتكم
(الشيخ أركان وعشك تالي العمر فصلية)
البارت الثالث //
عباس //تفضل اخي رايد منوو؟؟؟
اركان//(بدون مقدمات) اني اخو منال
عباس //________واكف مذهول من غير كلام
اركان//انت مو ابن عرب اشو ماكو تفضلوو(واني كوة لازم نفسي لان اخاف اخوتي وولد عمي يتهورون ويضيعون حقنا)
عباس //ااااسفف تفضلوو (وهو باين عليه الارتباك)
أركان //دخلنا للبيت بينا ١٠ أشخاص والباقين ضلوو بلباب برة شوية واجانة ولد بعمر ٨ سنوات مرتب ونادر بيدة دولكة ماي وكلاصات ٢ صبنة مي قسم شرب وقسم لا اني ماشربت
شوية اجت يمنة طفلة بعمر ٤ سنوات تقريبا جانت حلوة حيل جريت البنت كتلها شسمج حبيبتي؟؟
الطفلة //اثمي مليم (بلغة مكسرة يعني اسمي مريم)
اركان//جريتها وكتلها واني اباوع على ابوها شلون مرتبك ومصفر لونة !! عموو تجين وياي اوديج يم بنتي تلعبين وياها طفر ابوها وكال
عباس //اترجاك أولادي مالهم دخل خليهم على حدة
أركان //شفت شلون فزيت يعني العرض عزيز حيل إذا متريدنا نأذي أولادك عدنا أمانة يمك نريدها بسرعة لأن ماعدنة وكت (حجيت واني انهض من مكاني وكلهم وكفوو وياي)
عباس//اختك زوجتي على سنة الله ورسولة ومااكدر افرط بيها ياريت تتفهم الموضوع بعقلانية واكون ممنون منك
أركان //حجيت بهدوء رغم العصبية الحاركتني حرك
ماشي راح اخذ بنتك اني اتزوجها وتصير مرة بمرة وهيج خالصين (واني أتوجه للباب والبنت بأيدي تمشي وياي)
طبعا اني ما اسويها بس ردت اهزة بهل الشي لأن طفلة يمكن بعدها ترضع بصدر امها __هستونا نريد نوصل الباب وماشفت غير مرة ركضت بسرعة وطاحت على رجليه وهي تبجي وكالت
مهى//من شفت راحو ياخذون بنتي بعد ما فكرت بلزلم البرة وكثرتهم لبست عباتي وركضت على الرجال اللازمها بيدة وكتلة __شيخ داخلة على الله وعليك والله اموت إذا طلعت مريم الباب ولا تعاقب ام وطفلة مالهم ذنب بلصار (واني انشغ من البجي)
أركان //صفنت على المرة شايلة جمال مالة حدود استغفرت الله وباوعت على زوجها بحقد وكتلها وصلتي اختي لخاطرج راح اترك بنتج بس كولي لزوجج يرجع اختي!! طلعنا منهم سألت على شيخ عشيرتهم وعرفت همة من ياعمام ور حنة لشيخهم
الشيخ //ياهلا ياهلا بيكم نوورتو المظيف هلا والله بشيوخ ال_________
أركان //وبلمهلي شيخ (كعدنا وجابوو الكهوة النا اني ماشربت وكل الوياي ما شربوو)
الشيخ //ليش بوية ماشربتووا كهوتنا؟؟؟؟؟؟
أركان //عدنا اطلابة يمكم شيخ!!
الشيخ //طلابتكم مكضية بإذن الله اشربوو
بوية والله لو جانت عد ابني عز الله اذبحة جوة رجليكم
اركان//كفوو منك شيخ وماتقصر وشربنا الكهوة وكلت للشيخ اطلابتنا عد عباس ولد فاظل ال_____اتفاجأ الشيخ
الشيخ //بوية عباس خوش ولد ومن أحسن شباب عشيرتنا ورجال شهم ينشد بي الظهر لازم اكو انة بالموضوع __شال مبايلة واتصل على اخوتة
نص ساعة واجو اخوتة وولد عمامة وعمامة سلموو وكعدوو
الشيخ //بوية سليم اخوك عباس ناهب بنت العالم عدكم علم بهلشي؟؟؟
سليم //شيخنا قبل لا نجي خابرني عباس وفهمني السالفة بتهم هي جاية وحدها هو ما واصل لمحافظتهم وجايبها
أركان //نهضت على حيلي ونهضوو وياي كل اخوتي وولد عمامي وكتلهم انطونا بتنا نذبحها ونطم عارها وابنكم هم وياهة لأن صارلها اسبوع عندة وماكلف خاطرة ينطينة خبر
شتكول شيخ خو ما غلطانين؟؟ حجيتها بحزم وعصبية
الشيخ//بوية مو هيج تنحل السالفة استريح و ويصير خير
اركان//كعدنا وكال الشيخ (جنت فاير من العصبية كوة مسيطر واحس نار تطلع من عيوني وادحك لولد عمامي واخوتي وأحدهم عيونة حمر من العصبية وعروك وجها ناطات من كثر الغضب
الشيخ //بوية تقبلون اني اصير فتوة بلفصل مالكم وشتردون اني حاضر بس بدون دم لا منا ولا منكم شتكولون موافقين؟؟؟؟
اركان//تفضل شيخ والنعم منك
كاظم عم عباس //تمون شيخ على اركابنة انت فصل واحنة نلبس
الشيخ //بوية القرآن الكريم بي حل لهاي السالفة وهي
بسم الله الرحمن الرحيم (ولكم بالقصاص يااولي الألباب الحر بلحر والعبد بلعبد والأنثى بلانثى) صدق الله العلي العظيم
الكل //صدق الله العلي العظيم
الشيخ //واني اكول ننطيكم مرة وتكون وحدة بوحدة شتكولون بوية موافقين؟؟ وخلونة نسد بحر الدم المحتمل يصير
أركان //صفنت شوية وبعد سكوت كلت م______________
ياترى يوافق أركان لو لا ننتظر الجواب بلبارت القادم مع تحيات الكاتبة ام ماهر الكربلائية
تشجيعكم امنيتي وكلما تعلقون أكثر اتحمس انزل بقية القصة هاااا البارتات الجاية حلوة وبيها أحداث حلوة حييييل
اترككم في امان الله 😘😘😘
أنت تقرأ
الشيخ أركان وعشك تالي العمر فصلية
General Fictionظلمها والدها وزوجها غصب لاحد اقاربها وبعد وفاة والدها تنفصل عنه لتقع ضحية عادات ظالمة فهل سينصفها القدر
