شلونكم احبابي
ولعيونكم راح اعزمكم يم بيت الشيخ امشوو ياي 🚶♀️🚶♀️
🚶♀️(الشيخ أركان وعشك تالي العمر فصلية)
(البارت التاسع)
اركان//سمعت صياح اليبووو أبيت الجبير ركضت وگلت المريم لا تلحگيني ضلي هنا وركضت 🏃♂️
وصلت للبيت سمعت كوثر اتصيح يمة بنتي ماتت اني رجلية صارت خيوط بعد متشيلني اجيت اصيح شكووووو ولكم شصااااااااير
وداد//الحگ أركان بسمة بلعت طوبة زغيرة وماتت
اركان//اجيت اگلب بلبنية صايرة زرگة انوب الدنية گامت تمطروطريقنا بلمطر ينگطع محد يگدر يطلع ضاگت بية الواسعة وعفت البنية بلگاع وحطيت ايدي على راسي وامها شابگتها وتصرخ وكل اهلي واخوتي يبجون ومانكدر نسويلها شي بس ندعي ونفرفح ١٠ دقايق وشفت مريم طبت لابسة جفوف طبية وأجت أخذت البنية تريد تكلبها ماتكدر گمت ساعدتها وشلت بنتي من رجليها
مريم//بعد ما طلع أركان يركض اني رحت لشباك المطبخ جان قريب على شباك غرفة الحجية وويمها الصالة يعني الصوت ينسمع ردت اعرف شكوو سمعت كوثر تكول بنتي ماتت نعصر گلبي وجرن دموعي لأن خطية الأم تخسر بنتها أو ابنها صعبة
وسمعت وداد تكول بلعت طوبة وديها للمشفى يعني بعد بيها روح اني هنا نسيت أركان گلي لا تجين وراي لبست اجفوف طبية واجة أبالي اطبب اصبعي بحلگها وأجر الرطوبة طلعت وگوة وصلت من المطر للبيت لگيت كوثر شابگتها وتصيح أخذت الطفلة منها وصحت بيها
وخري عنها حتى إذا بيها روح ماتت من عصرتج جيبيها جرتها وردت اكلبها شلتها من رجليها بس الطفلة جانت دبدوبة عمرها ٥ سنوات ماكدرت طفر أركان شالها خلة رأسها ليجوة اني ضربتة على كيف بين امتونها مرة مرتين ٣ مرات حسيت الطوبة تحركت مديت اصبعي بحلگها وجريت الطوبة جانت من هاي الصلبة ام الألوان جريت الطفلة نيمتها على ظهرها جانت ما تتنفس الظاهر الطوبة قاطعة الهوة عنها گمت اظغط على صدرها واني اصيح ياعلي كل ضغطة اصيح ياعلي تقريب ٦_٧مرات بجت الطفلة حسيت ردت روحي إلى جانت لحظات صعبة واكبر امتحان للكل اني جنت على اعصابي وكمت افرك باديها حتى يتوزع الأوكسجين بجسمها
وسألتها. شنو يوجعج حبيبتي وشلونج هسة أريدها تحجي حتى تستعيد نشاطها
بسمة//ثينة مگي جوعني (وهي مبرطمة يعني زينه بطني توجعني) شوية وحسيت واحد شبگني التفتت لگيتها كوثر
كوثر//شلون اجازيج واردلج الجميل رديتي بنيتي إلى
مريم//بستها وگتلها فرحتج هاي ردت إلى الجميل بس بعد ديري بالج عليها ووگمت اريد ارجع للبيت
ابو اركان//وين رايحة بوية حتى ما شكرناج
مريم//يابة مايرادلي شكر السويته واجبي مازال اگدر اسوي ورايحة للبيت
صفوان//خوية ابقى اتعشي ويانة راح يصبون عشة
مريم //عيني على سعدية وهي تخوزر بيه لا خوية شكرا اني صابة عشى ودااتعشى وسمعت صياحكم واجيت لأن جان صوتكم عالي وعفت نعمة الله بلكاع تسلم ماتقصر
أنت تقرأ
الشيخ أركان وعشك تالي العمر فصلية
General Fictionظلمها والدها وزوجها غصب لاحد اقاربها وبعد وفاة والدها تنفصل عنه لتقع ضحية عادات ظالمة فهل سينصفها القدر
