الشيخ أركان وعشك تالي العمر فصلية

ج1البارت الخامس

الشيخ أركان وعشك تالي العمر فصلية)

(البارت الخامس) تعالو نشوف مريم شراح يصير بيها

سليم //ترحين وغصبن عليج سمعتيي

مريم //قبل ما اجاوبه اني جاوب اخويه عقيل

عقيل//ليش ما كلت هاذ الحجي على بنتك ومرتك يعني ماتكدر عليهن بس هاي حايط نصيص (حجاها بصياح)

العم //بويه لعد شلون باجر يجون يردون مرة لو تحظرون اختكم لو بنت سليم وماكو غير هلحجي سمعتوو لو لا

سليم //بنتي ما احضرها مالها علاقة بالموضوع

مريم //واني هم مالي علاقة بالموضوع من اصلة مادام هاذ حجيك إلى حتى لو جنت ممكن أقبل بعد مو قفك هاذ مستحيل أقبل كافي إلى شفتة بحياتي بسبب ابوية ؤجاي تكملون علية وتودوني فصل انوب وطلعت  لكيت امي تلطم وخواتي يبجن اجة ورايه اخويه عمران هو من دون اخوتي احبه حيل واحترمه لكثر حنيته!! حضني وباس راسي وكلي

عمران //لا تغثين نفسج حقج والله حقج ومحد يلومج تعالى وياي نبتعد عن جو البيت __اخذني وطلعنا بعد ما لبست عباتي ورحنة لبيته هو شويه عنة مسافة ١٠ دقايق نوصل مشي رحنة بسيارتة وصلنة ونزلت واني افكر شنو راح يصير
فتح الباب وطبينه زوجتة ظلت ابيتنا كعدت على القنفة وجابلي كلاص ماي أروو وكال

عمران//اتفضلي يالغالية بردى اعصابج ومحد يجبرج على شي انت رافضتة ابد مازال خشمي يشم الهوى حتى لو اعرف ننكتل كلنا مايكون غير خاطرج طيب

مريم //أخذت كلاص المي شربتة عطشانة حيل وفرفحت يبس كلبي احسة باوعتلة وكتلة
لعد شلون راح تنحل؟؟؟

عمران //والله ماادري يختي بس الصدك الجماعة طلعوو خوش ناس والا وين اكو ناس يطلبون فصلية وبرضاها وقبلوو بيج وانتي مطلكة وهاذا ما يصير بشروط العشائر
بس حتة أولادهم واولادنة مايدفعون غلطة اختهم واخونة

مريم //عمران خوية

عمران //يعيون اخوج عمران كولي

مريم //انصحني انت موافق اروح اني حايرة ماريد يصير بيكم شي وبنفس الوقت احب نورا وماريدها تدفع الثمن وتعز عليه نفسي (وكمت ابجي حيل وانشغ) حضني عمران
وخلة راسي بصدرة ويطبطب عليه

عمران //ليش هلبجي يبعد اخوج دموعج غالية عليه وجاتكطعين بكلبي ابجيج (وهو يمسح دموعي واني أزيد بلبجي صعبة عليه اروح واني كلبي عد بناتي لابية اصبر على فراكهن للأبد ولا بية اكون سبب بقتل اخوتي إذا مارحت معناهة حكمت عليهم بالموت!! تالي اخذني للمغسلة غسل وجهي حسيت اشوية احسن صرت

عمران //إذا تردين رأيي ماكو حل غير انج ترحين والله مو هينة عليه ولا أريد أضحى بيج لا أتمنى ماتفهميني غلط بس فكري بيها نورا زغيرة ومدلله يعني مطعوجة ومتعرف تتصرف وماعدنة بنت غيرجن اسمعي والله لو يقبلون انطيهم بنتي بمكانج حتى لو عمرها ٦ سنوات بس اكيد ما يقبلون